الجزء 16
حامد مشى العرس ، شاف بت جميلة جدا ، عجبتو جدا و طلعت وزيرة العروس و صحبتها
حامد : مبروووك يا عريس
اسعد : الله يبارك فيك يا ابو حمد
حامد : المزة دي منو 😍 و اشر ليهو على البت
اسعد : شنو يا حامد ياخ 😁، انا ما فاضي ليك ، ما شايفني عريس انت و لا شنو 😁
حامد : 😂 ما بخليك يا اسعد لو ما وصلتني للبت دي الليلة
اسعد : خلاص انتظرني بعد اعسل 😂 ما بقصر معاك ان شاء الله ، بظبط ليك امورك تب مع المزة لانها صحبة المرة ، هسي خليني عشان الناس بباركو و انا ذاتي ما مركز معاك
حامد : كويس 😁 ، الصبر طيب ههههههه
حامد طول الحفلة بس مركز مع البت دي
البت دي اسمها مرام و هي بت دلوعة ووحيدة امها و ابوها ، اتخرجت من الجامعة و ما عايزة تشتغل
حامد كان عايز يمشي يتكلم معاها لكن كان خايف تحرجو و قال بنتظر اسعد بعد يجي من شهر العسل عشان يوصلو بيها ، مرام لاحظت لنظارتو ليها ، بقت تتعمد تجي و تمشي جنبو كتير و تعمل روحها ما شايفاهو 😅 ،، كانت حاسة انو حيحاول يصل ليها
اما جميلة فرضت بالامر الواقع و قررت تكون طبيعية عشان ما تتاثر و تواصل في شغلها و تنزل بكرة عادي
اما حامد مشى البيت ،، كان سرحان في مرام و جمال مرام و قوامها وشغال يقارن بينها و بين جميلة و قال : فرق الليل و النهار بين جميلة و مرام ، مرام تفتح النفس 😍 و جميلة جدا اسم على مسمى 😍 لكن الاسمها جميلة ايوا طيبة لكن ما فيها اي حاجة حلوة 😒 ، لازم اصل لمرام دي ، ان شاء الله تكون ما مرتبطة
اصبح الصباح و جميلة جهزت للشغل ، بعد ساعدت امها في شغل البيت
خديجة : اي كويس انك جهزتي و قررتي تواصلي الشغل
جميلة : كلامك صاح يا امي ، لازم اواصل شغل عشان انشغل 😔
خديجة : اتحصني ،، حاولي اتعاملي مع حامد عادي
جميلة : بحاول 😔 ، اخدي دواك في مواعيدو
خديجة : حاضر يا بتي ، ربنا يحفظك و يحميك 😊
جميلة طلعت و مشت الشغل ، لاقت سماح و سلمت عليها و بدت شغلها ، جاء رامي شاغلهم و دخل مكتبو
حامد بعد نص ساعة جاء و سلم على جميلة و سماح عادي
جميلة قالت في نفسها : يا حليلو شكلو متاثر و عامل فيها عادي عشان ما اتحسس من الموضوع 😔
سماح : ما قلتي لي بتعرفي حامد من وين !
جميلة قالت في نفسها ما دام قصتهم انتهت ، مافي داعي توري سماح بعلاقتهم و قالت ليها : عرفتو من الجامعة
سماح : ايوا
جميلة : انتي يا سماح عرستي خال حامد كيف!؟ ، اتعرفتو على بعض كيف يعني 😁
سماح : انا و شاكر (زوج سماح و خال حامد ) بنحب بعض من ايام الثانوي ، صبرت معاهو و الحمد لله بعد اتخرجنا من الجامعة ما خزلني و اتزوجنا 😊
جميلة : ما شاء الله ، انتو بتبقو لبعض !؟
سماح : لا ما اهل ، اي واحد من قبيلة براهو
جميلة : انتي جادة 😧 ،، يعني ما لاقتكم عوايق في زواجكم او رفض من اهلك او اهلو
سماح : لا والله ، بالعكس اهلنا رحبو بالفكرة و وافقو لانهم سالو منهم و لقوهم ناس كويسين
جميلة احتارت 🤔 لان حامد قال اهلو ما برضو بالغربية و قالت : ما شاء الله ربنا يسعدكم ، الحمد لله انو ما لقيتو عوارض
سماح : و الله ما اظن يكون في عائق لاتنين عايزين بعض لو اتمسكو ببعض الا يكون في طرف متخازل او ما جادي
جميلة : لكن مرات الظروف بتكون اقوى منهم 😔
سماح : مافي ظروف عائق ،، الظروف دي حبل شماعة بس و حبهم براهو ظرف يحتاج القتال لاجله ، كمان الحب محتاج رجال و ما بنفع فيهو الجبناء
جميلة بقت تفكر في كلام سماح 🤔 انو حامد ممكن يكون اتخاذل و استسلم بسهولة لرفض امو و انو ليه ما اصر على موقفو لحدي توافق !
جميلة : و اسرة حامد صعبين و لا طيبين زي اهل راجلك و اهلك
سماح : حامد امو اخت راجلي ، و زولة كويسة خلاص و متفاهمة ، هي كانت اكتر واحدة مرحبة بي ، تقريبا هي اقرب واحدة من اخوات شاكر لي
جميلة : يعني ما متشددة في عرس الاغراب 😳
سماح : نهائي ما متشددة و حتى كمان اخو حامد الكبير متزوج غريبة و عايشين معاهم في نفس البيت و بتحبها جدا
جميلة : 😳 انتي جادة في كلامك دا ؟!
سماح : اي جادة ، مالك اتخلعتي كدة ، انتي في بينك و بين حامد حاجة !؟
جميلة : لالا ، مافي حاجة بس الونسة جرت و كدة ، ما تختي في بالك كتير
سماح : و الله بتمنى يكون في بينكم حاجة ، انتي زولة فاهمة ما شاء الله و عاقلة ، لو عندي اخ كبير ما كنت فوتك
جميلة : 😊 تسلمي كتير
جميلة حست ب طعنة في قلبها و انو قلبها اتكسر بالجد 💔 انو هل حامد كان بكذب عليها في موضوع امو و انو بالجد هي رافضة و لا قال كدة عشان يطفشها ،، قررت تمشي تسالو عشان ما تظلمو
جميلة : انا داخلة لحامد اسالو من التصميم
سماح : كويس
جميلة دخلت المكتب
جميلة : السلام عليكم حامد
حامد : و عليكم السلام جميلة
جميلة : عايزة اسالك سؤال
حامد : اتفضلي
جميلة : انت مش قلت لي انو امك ما بترضى بالغريبة و قالت الا من الاهل !؟
حامد : ايوا للاسف 😔
جميلة : طيب سماح دي مش غريبة !! ، و حتى كمان سماح قالت لي انو عندك اخ متزوج غريبة و انو امك زولة كويسة جدا و بتحب زوجة اخوك !؟
حامد : ......
يتبع
تتوقعو رد حامد حيكون شنو