الجزء 27

مرام قالت في نفسها :: كويس يا حامد لو ما ادبتك انت و امك ، ما يبقى اسمي مرام 😠

مرام قامت لبست و نزلو تحت للغداء

لقو ام حامد في المطبخ (اسمها حواء ) و معاها سوسن زوجة اخ حامد

حامد : نحن جينا يا امي

حواء و سوسن عاينو ليهم

حواء : اتفضلو جلسو ، ثواني و الاكل يكون جاهز

مرام : 😏 تحاكي ام حامد ، ثواني و الاكل يكون جاهز ، يعني حتكون عاملة شنو يعني 😏

حامد : احسن تحترمي نفسك يا مرام عشان ما اغلط عليك

مرام : اووووف 😒

سوسن : يا خالتو ما ملاحظة حاجة غريبة في مرام

حواء :مالها يا بتي ، ما لاحظت حاجة

سوسن : شكلها متغير ، امس لمن جات كانت صحتها سمحة ، مالها هسي ملط

حواء : يا بتي انا ما قاعدة الاحظ للحاجات دي و انتي ذاتك ما تركزي كتير معاها

سوسن : طيب يا خالتو

سوسن قالت في نفسها : شكلها من نوع البنات البلبسو حاجات صناعية ، مسكين يا حامد ، بس ان شاءالله تكون طيبة و دا بغطي على الحاجات الناقصة فيها و كمان شكلو حامد عاجباهو كدة ، احسن ما ادخل على قول خالتي

حواء جات مارقة ،، شايلة الاكل ،، ختتو في الصفرة و معاها سوسن

سوسن : اتفضلو يا عرسان الاكل جاهز ☺️

حامد : يزيد فضلك يا سوسن

مرام و حامد قامو ، مشو الصفرة و قعدو كلهم مع بعض

حواء : اتفضلو بسم الله

مرام بقرف كدة : دا شنو الاكل دا 😖

حامد : 😡😡 اسكتي يا مرام

حواء : 😳 مالو يا بتي الاكل

مرام : جااايط شديد و بلدي جدا 😏 ، وين الفطائر و المعجنات !!

حواء : انتو عرسان ،، قلت اعمل ليكم اكل فيهو طاقة و مفيد 😔 ، ما كنت عارفة انو ما حيعجبك 😔

حامد : لا يا امي ما تقولي كدة ، بالعكس الاكل شكلو حلو و معمول بحب ، تسلم يدك و يبوس يدها 😊

مرام : اتكلم عن نفسك يا حامد ، انا الاكل ما عجبني و ما عايزة اكل 😒

سوسن مصدومة من كلام مرام 😳 لانها زوجة اخ حامد و عمرها ما قالت لام حامد كدة

سوسن : قولي بسم الله و ضوقي الاكل اول ،، انتي ما اكلتي عشان تحكمي انو كعب او لا ، كمان قدري انو نحن من الصباح واقفين في المطبخ على حيلنا عشان نعمل ليك الاكل 😒

مرام : انا اكل ما ارتحت ليهو ما باكلو 😒 و لو سمحت يا حامد جيب لي دليفري بيتزا او كرسبي

و قامت على حيلها

حامد : اقعدي يا مرااام قلت ليك 😡 و مسك يدها

مرام : ما بقعد هو الاكل بالغصب 😒

حواء و العبرة خانقاها : معليش يا بتي ، قومي خلاص و حنجيب ليك الاكل العايزاهو 😥 ، خليها يا حامد

حامد فك يدها ،، مرام طوالي مشت و قالت : اوووووف ، قال اكل عرسان قال 😏

حامد : معليش يا امي ما تزعلي 😔 ، امسحيها في وشي

حواء : ما زعلانة يا ولدي ، يمكن ليها حق و انا غلطانة ، انا اكلات جيلكم دي ما بعرفها و الغلط غلطي 😔

سوسن : ما غلطك و لا حاجة ، مع احترامي ليك يا حامد لكن زوجتك دي ما عندها ادب 😠

حامد قاام طوالي و مشى لمرام فووق ، لقى مراام فتحت اللابتوب و مشغلة اغاني و قاعدة ترقص 💃�

حامد : دا شنو العملتيهو تحت دا 😠

مرام ما شغالة بيهو و لسه مواصلة في رقيصها 💃💃�

حامد مشى قفل اللابتوب و وقفها : انا مش بتكلم معاكي 😠

مرام : مالك في شنو 😡 ، اكل و ما عجبني ،، انا حرة في اكلي يااااخ 😠

حامد : لكن تجرحي امي كدة ،، كان ممكن تعتذري بطريقة ظريفة لكن بدون تجرحيها

مراام : انا اسلوبي كدة بس ، و امك دي شكلها قاصدة تنكد علي و ممثلة فيها انها مسكينة و هي عقربة 😠

حامد طاااااخ اداها كف 👋🏻 : اوعي تتكلمي عن امي كدة 😡😡 ، هسي شيلي هدووومك و ارجعي بيت اهلك ، ما بتلزميني تااااني ، انا مرة ما بتحترم امي ما بتقعد معاي ثانية 😡😡 ، ما فيك خييير ، انا قلت اخليك بعد لقيتك تقليد لكن تاني راجعت نفسي قلت يمكن تكوني انسانة لكن لقيتك حية 😠

مرام : تضربني انا كف 😭😭

حامد : دي اقل حاجة تستاهليها ، هسي امشي من قدامي قبل ارتكب جريمة 😠

مرام : كويس يا حاامد ، تمد يدك علي انا ، لو ما ندمتك ، طلقني 😭 و ما تنسى المؤخر

حامد اتذكر المؤخر و سكت

مرام : مالك سكته ، هسي مش كنت بتلعلع و عامل لي فيها ضكر و راجل ،،من جبت ليك سيرة الطلاق رخيت

حامد : انا راجل غصب عنك و طلاق ما بطلقك ، بخليك زي البيت الواقف كدة ، لا متزوجة لا مطلقة 😠، اطلعي برا بهدومك اللابساها دي و مافي حاجة حتشيلها من البيت لا شيلة لا دهب ، برا برا برا برا 😡😡 و مسكها من يدها

حواء و سوسن كانو تحت ، سمعو صوت حاامد بكورك و نزل بالسلم ماسك يد مرام و بقول ليها برااا ما داير اشوف وشك تاني 😡

حواء : 😧 يا ولدي استهدى بالله و العن الشيطان

حامد : ما بتقعد معاي و لا ثانية ، انا غلطان الاتزوجت واحدة زيها ، لا عندها احترام لا لي كبيييير لا لي صغييير 😠

حواء : انا ما زعلانة منها يا ولدي ، عشان خاطري خليها قاعدة

مرام : بطلي مسكنة ، عاملة فيها بتدافعي لي مش ، تلقاك كنتي عاملة لي عمل في الاكل ، مرة مخرفة 😏

حامد : دي البتدافعي ليها يا امي 😡

سوسن : لا حول و لا قوة الا بالله

حامد ساق مرام و فتح باب الشارع و طردها

مرام : كويس يا حامد ، لو ما جرجرتك بالمحاكم

حامد : اعملي العايزة تعمليهو 😡

حواء اغمى عليها من الحصل و سوسن بقت تكورك

حامد جاء جاري ، لقى امو واقعة : 😧 امي اصحي اصحي

شالها و رقدها في السرير

سوسن جرت جابت موية و فوقوها بيها

حواء : لييه كدة يا ولدي ، لييه تطردها 😭 ، الناس يقولو شنو عليها ، كدة حيفهمو غلط و يشككو فيها ،، كمان دي بت صغيرة و جاهلة اعذرها 😔

سوسن : ما كنت قايلاها كدة والله ، مبالغة ، الله يسترها

حامد : ما بتلزمني يا امي ، انا ما عايز اتكلم فيها لكن من اول يوم و انا ما سعيد معاها ، انسانة خاوية من برا و جوا ، انا ظلمت واحدة ، يمكن دا حقها ، حاحاول اصلح غلطي و ان شاء الله تسامحني يارب 😔

حامد جاب لي امو الدواء حقها و امو بلعتو و نامت

سوسن : كدي ما تتسرع يا حامد

حامد : انا اتسرعت لمن اتزوجتها ، انا ما بطلقها الا تتنازل عن المؤخر لانها طماعة كانت و دفعتني دم قلبي 😠

سوسن :ما عارفة اقول ليك شنو لكن استخير و ربنا يقدم ليك الفيه الخير

حاامد طلع بيتو فوق ، و ندمان على العملو في جميلة ، قال لازم يعتذر ليها و يرجعها ليهو و يتزوجها و قال : جميلة بتحبني ، اكيد حتسامحني 😍 و انا حاعوضها على كل جرح سببتو ليها 😔

في نفس الوقت رامي في بيتهم منتظر بتين اليوم التاني يجي عشان يعبر لجميلة عن حبو 😍

...

يتبع

توقعاتكم و اراءكم