الجزء 12
في الجانب الاخر جميلة و حامد
جميلة نامت و الدموع في عيونها و هي منتظرة حامد يرد على رسالتها
اصبح الصباح ،، جميلة صحت من النوم ،، لقت انو حامد ما رد ليها و قالت في نفسها الغائب عذرو معاهو ،، قامت صلت و ساعدت امها في شغل البيت و لبست عشان تمشي المكتب حق حامد
و بعد جهزت اتصلت على حامد لكن لقت انو تلفونو مقفول ،، طلعت مشت على حسب الوصف الوصفو ليها حامد و وصلت المكتب بعد تعب 😥
دخلت المكتب و لقت واحدة شغالة في المكتب ، الزولة دي متزوجة واسمها سماح
جميلة : السلام عليكم
سماح : و عليكم السلام
جميلة : انا جميلة ،، جاية انزل معاكم شغل هنا
سماح : مرحبتين جميلة ،، شرفتينا كتييير ، اتفضلي
جميلة : يزيد مقدارك ، تسلمي ☺️
سماح : انا سماح مهندسة مدنية ☺️
جميلة : انا خريجة هندسة معمار ☺️
سماح : ما شاء الله ، جاية تبع منو للشغل !
جميلة : جيت عن طريق باشمهندس حامد
سماح : تمام والله ، هو لسه ما وصل لكن بكون في مسافة السكة لانو مواعيدو البجي فيها 9 ص
جميلة : طيب حنتظرو 😊
سماح :تشربي شنو
جميلة : لا شكرا ، شربت من البيت و جيت ، لمن اعطش بطلب
سماح : عايزة تقولي علينا بخلاء و لا شنو 😂 ، لازم تشربي حاجة و ليك علينا تلاتة ايام بس و تاني مافي ليك هههه
جميلة :: هههههه تسلمي ، طيب بشرب شاي سادة لو في
سماح : تمام ☺️ و قامت نادت : خالتو عشة لو سمحتي 2 شاي سادة
جميلة و سماح قعدو اتونسو و شربو الشاي و اتعرفو على بعض ،، عرفت انو سماح متزوجة خال حامد ،، اتبسطت جدا عشان اتعرفت على زول من اهل حامد لانو كان نفسها تعرفهم كلهم و تحبهم و يحبوها 😍
بعد تلت ساعة حامد جاء داخل المكتب ،، لقى جميلة في وشو و كان ما مرتاح و ضحكتو باهتة
جميلة لمن شافتو اتبسطت و قامت مشت عليهو
جميلة : سلام حامد ☺️
حامد : و عليكم السلام جميلة ، ما شاء الله جيتي بدري و سلم على سماح من بعيد
جميلة : ههههههه اصلا نشيطة انا
حامد : ههه كويس جدا ، اتفضلي معاي على المكتب اوريك طبيعة الشغل و المطلوب منك
جميلة : تمام ، عن اذنك يا سماح
حامد : هههه متين لحقتي تتعرفي عليها
جميلة : من قبيل بتونس معاها 😊
حامد : كويس لقيتي ليك صحبة ☺️
حامد و جميلة دخلو المكتب و شرح ليها طريقة الشغل و كان بتكلم معاها برسمية
حامد : بعد دا ممكن تباشري شغلك
جميلة : ان شاء الله ، ما شاء الله في الشغل جادي جدا 😅
حامد : هنا الوقت للعمل
جميلة : خارج الموضوع عايزة اسالك سؤال ، امس مالك ما رديت على رسالتي ، انا قلقت عليك لانو لقيتك متصل و ما رديت عليها ،،حتى تلفونك مقفول من الصباح
حامد: امس خليت النت فاتح و نسيت اشحن البطارية
جميلة : ايواااا و قالت في نفسها :: لكن هو كان موجود بدليل انو رد على منشور ، لييه يكذب علي 😔 تاني تقول ما اضغط عليه احسن و ما اركز في الامور التافهة دي لانو حبنا اقوى
حامد : ممكن تمشي لسماح ،، قولي ليها تديك خرطة المبنى
جميلة : طيب و مشت على سماح
و بدت شغلها ،، جميلة ذكية جدا و افكارها متطورة في مجال الخرط و المباني ، سماح اتكيفت لي فهمها
سماح : ما شاء الله يا جميلة ، مخك نضيف
جميلة : تسلمي كتييير
سماح : كنتي شغالة في حتة قبل كدة انتي !!
جميلة : لا والله ، دي اول حتة اشتغل فيها
سماح : سبحان الله ، كنت قايلاك اشتغلتي قبل كدة لانك فاهمة جدا
جميلة : ههههه لا ،، بس اندرشت في الجامعة و اجتهدت
سماح : ربنا يحفظك
جميلة : امييين و جمعا يا رب
دخل رامي المكتب و لقى سماح و جميلة
رامي : السلام عليكم
سماح و جميلة : و عليكم السلام
رامي : ناس جداد معانا و لا شنو 😊
سماح : اي دي باشمهندسة جميلة مهندسة معمارية
رامي قال في نفسو : هههههه قال جميلة قال ، اسم ما على مسمى خالص 😂😂 و قال ليها : اتشرفنا كتييير يا هندسة ، انا رامي مهندس مساحة
جميلة : انا كمان اتشرفت بيك ☺️
رامي : تسلمي و استاذن منهم
رامي دخل مكتب حامد
رامي : سلامات حامد
حامد : و عليكم السلام رامي ، مالك متاخر
رامي : كنت في الموقع
حامد : ايواا ، اها الشغل ماشي كيف !؟
رامي : تمام الحمد لله ، الموقع ماشي كويس ، ما قلت لي منو الجاب البت الحمضانة البرا ديك ، ياخ ما لقيتو غيرها ههههههه ، عايزين مزز نحن ما جثث 😂😂
حامد زعل شدييييد من كلام رامي و اتضايق
حامد : انت مالك و مالها ، كمان الشغل ما بالشكل ،، هي زولة شاطرة و متخرجة بي تقدير كويس جدا
رامي : مالك زعلت كدة يا حامد ، انا بمزح ساااي 😒
حامد : دي ما حاجات يمزحو فيها 😡
رامي : اول مرة تكورك فيني كدة و تتضايق من كلامي 😔
حامد : عشان دي زميلتك و ما صاح تتكلم فيها كدة 😡
رامي : طيب انا اسف و بعتذر ، اها الجابها منو لينا
حامد : جبتها انا ، من معارفي 😒
رامي : اهاااا ، وبخباثة معارفك بس !!
حامد : ما بخصك كتير 😡
رامي : يعني دي ما حبيبتك او البنت الاتعرفت عليها من النت و لقيتها شينة !!
حامد :