الجزء 22

رامي بقى يقول في نفسو : انا مالي مهتمي بجميلة ، يمكن عشان هي طيبة و لا انا 😳 ، يا ربي اكون حبيتها بالجد و انا ما عارف 😳،، لا لا ما اظن دا حب بكون زمالة بس ، ياخ ما عارف بس انا ما عايزها تزعل 😔

مر يوم السبت و جميلة لسه ما قادرة تاكل كويس لانها من تجي تاكل تتذكر حامد و نفسها تقفل من الاكل ، رامي اتصل عليها يطمن بقت كيف

جميلة : الو رامي ☺️

رامي : كيفك اليوم ، ان شاء الله احسن ☺️

جميلة : الحمدلله بخير

رامي : اكلتي!

جميلة : ما قادرة اكل ، ما عندي نفس والله 😒

رامي : يمكن عيانة لازم تمشي المستشفى

جميلة : لالا مافي داعي 😥

رامي : اجهزي انا جاييك هسي

جميلة : لا لا يا رامي ، ما تعب روحك ، شوية ارهاق و بتحسن ان شاء الله لو نمت 😔

رامي : ما داير كلام كتير ، قلت ليك اجهزي انا جاييك 😒

جميلة : خلاص كويس ☺️

رامي بعد ساعة وصل بيت ناس جميلة و اتصل عليها و انتظرها برا الباب ، جميلة و خديجة طلعو ليهو

خديجة : ازيك يا ولدي

رامي : تمام الحمدلله خالتو ، كيفك يا جميلة

جميلة : الحمدلله

خديجة : كتر خيرك قدرت تقنعها ، انا بحنس فيها لي يومين ما عايزة تمشي

رامي : مالك متعبة نفسك يا خالتو ،، ارجعي انا بمشي معاها

خديجة : انا ماشة سماية ، بحاول اخلص بدري و الحقكم

جميلة : كويس

رامي : طيب نحن حنوصلك في سكتنا

رامي اجر امجاد و وصل خديجة بيت السماية و بعدها ودى جميلة اقرب مستشفى و اتونسو طول السكة

وصلو المستشفى وقابلت الدكتور و عمل ليها الفحوصات ، خديجة اتصلت عليهم و جميلة ورتها انو لسه النتيجة ما طلعت ، قالت لامها تمشي البيت و هي بتلحقها اول ما تخلص ،،، طلعت النتيجة نضيفة و دخلو للدكتور

الدكتور : ما عندك اي حاجة يا بتي

جميلة : الحمدلله ، مش قلت ليك يا حامد 🙊

رامي : انا رامي يا جميلة 😒

جميلة : معليش 😔

رامي : لكن يا دكتور هي ما بتاكل و ما عندها نفس ليها كم يووم

الدكتور : المشكلة نفسية بس شكلو ، انا حاكتب ليها فايتمينات تفتح نفسها للاكل

رامي : ههههه اي عندها نفسيات

جميلة : ههههه كويس يا حقار

الدكتور : ربنا يخفف عنك يارب

مشو الصيدلية و جابو الادوية و بعدها عزمها على الغداء و ضحكها و قدرت تاكل و بلعت حبوبها

جميلة : شكرا ليك يا رامي

رامي : على شنو

جميلة : على وقفتك معاي 😊

رامي : ما تشكريني ، انا ما بستحمل اشوفك زعلانة 🙊

جميلة : بالجد وقفتك معاي ساعدتني اتخطى الموقف دا ، كتر خيرك انت و سماح 😊

رامي : العفووو ، انتي حاجة مهمة بالنسبة لينا ،، و عشان تثبتي لي اني قدرت اطلعك من الازمة دي ، لازم بكرة تجي الشغل

جميلة : اجي 😥

رامي : اي لازم تجي عشان تقدري تقوي اكتر 😊

جميلة : حاضر

رامي : خليك قووية قدام حامد و ما تضعفي

جميلة : حاحاول ان شاء الله

بعدها وصلها البيت و جميلة شكرتو و دخلت بيتهم و طمنت امها عليها ، رامي مشى بيتهم و في المساء اتصل على جميلة ذكرها بمواعيد الحبوب و اتطمن عليها ، و جميلة انبسطت لوقفتو معاها

في الجانب الاخر حامد مع مرام ، مشو اشترو الشيلة و مرام طلباتها كتيرة شديد و حامد عشان جمالها جاب ليها اي حاجة عايزاها في الشيلة و الشيلة كلفتو كتير جدا ، غير الدهب الكلفو براهو 50 مليون 😳

مرام : انا عايزة العرس في صالة الاحلام ، لازم نحجز من هسي عشان نلقى حجز للعرس 😍

حامد : انتي جادة عايزة صالة الاحلام 😳

مرام : يعني الصالة تغلى علي يا حمودي 😔

حامد : ما بتغلى عليكي لكن انتي ما شايفة انها غالية شديد ، تعالي نشوف صالة سعرها معقول او نادي او نعملو في البيت و اجيب صيوان مقفول زي الصالة ، رايك شنو !؟

مرام : صيوان مقفول شنو 😏 ، انت عايز صحباتي يتريقو علي و يقولو عرست اقل مننا 😒

حامد : بصراحة القروش المعاي ، انتهت في الشيلة بس و انا جبت ليك اي حاجة فيها و كمان الريحة جبت ليك اغلى ريحة

مرام : انت بخيل يا حامد و لا شنو 😠

حامد : ما بخيل والله لكن ما كنت عامل حسابي لي دا كلو و كنت قايل قروشي العندي حتعرس لي و زيادة

مرام : قروش شنو ، انت قايل المية مليون دي قروش ، و لا بتعمل عرس 😒، دي يا دوب الشيلة و الريحة و الدهب ،، كمان انا اتنازلت عن حاجات كتيرة في الشيلة

حامد : حالتك اتنازلتي يعني 😒

مرام : حااااااامد 😠 ، قصدك شنو يعني

حامد : ما قصدي اي حاجة ، طيب الا آجل العرس حبة لانو القروش المعاي ما حتكفي لكل الحاجات دي

مرام : لا ما بنفع يتأجل ، انا كلمت صحباتي قلت ليهم بعد شهر ، ما بقدر الغيهو 😒

حامد : طيب ممكن تتنازلي عن بعض الحاجات عشان العرس يتم و اوعدك بعد العرس اجيب ليك اي حاجة و الصالة دي انسيها بلييز 😥

مرام : هههههه لا طبعا ، دا يوم عرسي ، ما عايزة اي حاجة فيهو ناقصة ، الزول بعرس كم مرة 😏

حامد : انا اعمل شنو هسي ، طيب اديني فرصة اتصل على خيلاني برا السودان ، ان شاء الله يرسلو لي

مرام : طيب ، يلا رجعني البيت اتاخرت انا ، بكرة رسلو لينا حاجات الحبسة عشان ابدا فيها

حامد : كويس

حامد وصلها بيتهم و رجع البيت سرحان و مهموم انو حيجيب باقي الحاجات دي من وين و مستغرب فيها لانو لقاها مادية جدا عكس جميلة لكن جواهو ما عايز يعترف انو جميلة هي الافضل و مصر انو يتم العرس و قال في نفسو : مراام جميلة جدا و تستاهل القروش و عارفة قيمة نفسها ،، لكن جميلة عشان شينة كانت راضية بالبسيط 😒

اتصل على خيلانو و كلمهم يرسلو ليهو قروش لعرسو و قال يعمل مرطبات في بيتو لاصحابو عشان يجو يدفعو ليهو كشف يساعدو اكتر

في الجانب الاخر جميلة نزلت الشغل ، بقت شغالة و معاها رامي و سماح بساعدو فيها و رامي كان مهتمي بجميلة جدا و طول ما يشوفها سرحانة يشغلها عشان ما تفكر كتير في حامد 😍 ، اما حامد فكان ما بجي الشغل لانو بلم في قروش العرس

حامد عزم كل اصحابو و اتصل لرامي عشان يعزمو

حامد : سلام رامي

رامي : و عليكم السلام

حامد : انا عامل عزومة صغيرة للشباب ، ضروري تجي

رامي :