الجزء 20

نيروز منتظرة رجوع اختها بفارق الصبر ... وامها ومحي بتفقو في احتياجات الصيانه الناقصه ...

ناريز جات داخله وماشه علي الغرفه ناداها محي الدين ...

محي : تعالي يابت كنتي وين ...

ناريز : كنت في الصيدليه

محي : وقت جيتي من الجامعه مادخلتيها بهناك ليه ولا انتي الكلام مابعجبك وقوة راسك عاجباك ..

ناريز : قالت اوكي وواصلت داخله الغرفه ..

قام محي مشي عليها وبدا يكورك لانها استفزتو شديد .. ضربا كف .. صرخت شديد ومسكت وشها ... محي ضربا ضرب مبرح لدرجت هي بتتهوزز من يدو دي ليدو دي ..

نيروز جات جاريه وبقت تبعد محي من ناريز وتقول لا لا يامحي ناريز عيانه خليها ..

وناريز تقول لا خليهو يضربني خليهو .. ناريز فكرت انو الضرب دة يبقي ليها سبب في الاجهاض ...

امهم قاعدة ومتحيرة وساكته ماقالت كلمه ...

محي خلاها ودخل الصالون ..

نيروز ساقت اختها ودخلو الغرفه وقفلت الباب ...

ناريز قعدت تبكي وتتالم من ضرب محي ..

نيروز جات عليها وعاينت لناريز شديييد وطاااااخ ادتا كف ...

ناريز اتهجمت وعاينت لنيروز .... وماسكة خدها وبترجف رجف عجيب ..

نيروز : ليه دمرتينا كدة .. الناقصك شنو ياناريز ... عارفه الانتي فيهو دة شنو ... عارفه انتي وصلتي لوين ... ليه انتي خدعتي نفسك وخدعتينا ... لييييييه قولي كسرتي الثقه الاديناها ليكي ...

من هناك نانا جات ورا ناريز داخله وسلمت علي سعديه وسالت من البنات وجات الغرفه خبطت الباب فتحت ليها نيروز ..

نانا دخلت وقعدت جم ناريز وقالت ليها ماتخافي كلو بتصلح ...

نيروز : انا اخر من يعلم .. يعني تفضلي علي نانا .. ماوثقتي فيني ذي ماانا بثق فيكي .. وقعدت تبكي ...

نانا : ماكدة يانيروز كل الحاصل ناريز خافت منك ومن تصرفك الانتي فيهو دة ... حسي الموضوع دة ماداير سكليب وبكي لازم نقعد بهداوة .. ووالله سركم مني وللقبر .. حتي امكم ماحتعرف بعد نحل الموضوع حسي روقو كدة واطلعو برة .. امكم برة متحيرة وقاعدة ودموعا في عينا ... قومو كدة اطلعو معاي بره .. طلعو برة ونانا تهظر مع سعديه وتحاول تضحك نيروز وناريز وعملت القهوة وغيرت الجو شويه ...

نمشي نشوف سلمي وتوسل ...

سلمي خطيبا كل يوم بقول ليها بكرة جاي الخرطوم .. والعرس شهر كدة وووو ... وكل يوم بختلق معاها مشكله من ابسط امر تافه ...

توسل كانت في العربي ولمحت خطيب سلمي من بعيد واقف ومعاهو واحد .... توسل رجعت البيت وقعدت تعاين لسلمي ...

كان من عادة خطيب سلمي لما يجي الخرطوم طوالي بجيهم كل يوم لحد مايسافر ..

توسل : انتي ياسلمي خطيبك وينو اصلو طول كدة ماظهر ...

سلمي : قال لي بجي بعد الاسبوع الجاي الخرطوم ..

توسل 😨😨😨😨😨😨😨😨😨:

سلمي اختي كرامتك فوق كل شي .. انسي خطيبك دة احسن ليك وعيشي حياتك ..

سلمي : ليه قلتي كدة

توسل : حتخليهو اذا اثبتة ليك انو خطيبك دة خلاص ماعايزك ... ردي علي حتخليهو اذا اثبتة ليك ?

سلمي : هو بحبني بس امو ...

توسل : خليك من امو والعباطات دي مابتفيدك ... حتخليهو اذا انا جبت ليك دليل ..

سلمي : بعد صمت ... ايوة ..

توسل : لحظة بس خليكي معاي ... توسل جابت شريحة مابعرفا زول من جوة محفظتا .. وركبتا في التلفون وقالت لسلمي كدة قولي رقمو لانو مسجل في الشريحة التانيه ... خطيب سلمي اسمو فتحي

توسل كتبت الرقم وتييييت تييييت اتصلت ... وفتحت الاسبيكر

فتحي : الووووووو

توسل : غيرت صوتا بدلع وحنكشه كدة ... هلا ابراهيم كيفك ? اها جايين علينا ولا كيف ...

فتحي : هلا والله ? بس ااااخ للاسف النمرة غلط ...

توسل : اوكي مامشكله تسلم ...

فتحي : منو انتي ...

توسل : انا رماز وانت ..

فتحي : انا اسمي فتحي اتشرفنا بيك ... من وين انتي ...

توسل : انا من الخيرتوووم .. اشكر ابراهيم العرفني عليك .. دايما بلخبط في رقم ابراهيم دة .. ابراهيم دة طبعا زوج اختي ...

فتحي : اها تمام ... مخطوبه انتي ..

توسل : لالا لسه بدري .. ودالحلال لسه ماجا ... وانت ?

فتحي : انا لالالالالا انا برضو ماخاطب ولاعندي وحدة في حياتي ... اهو عايش عذابي كدة ... ممكن الاقيكي ?

توسل : هيهيهيهي بالسرعه كدة .. طبعا بدلع شديد بتتكلم ...

فتحي : وحسي لو امكن ...

توسل : اه تمام انت وين ...

فتحي : انا حاليا في السوق العربي ...

توسل : اوووه انا خطوتين من العربي ...

فتحي : طااابط ياعسل تلقيني وواااقف جم موقف شروني بس اديني رنه ...

توسل : فتحي بالجد انت ماف وحدة في حياتك ? لاني ماعايزة اكسرك واشلبك منها .. طبعا حتنبهر بجمالي ...

فتحي : اقسم ليكي اني ماعندي اي وحدة في حياتي ...

سلمي بتسمع في الكلام دة ودموعا نازله زي اللؤلؤ والدرر ..

توسل قفلت الخط وعاينت لسلمي . وقالت اها اغتنعتي ? نفس المكان الانا شفتو فيهو حسي ... فتحي قاعد في الخرطوم وماكلمك ولاجا عبرك .. وبحلف انو مامرتبط ... سلمي انسيهو حريقه فيهو وفي اهلو ...

سلمي دي بكت لامن روت ملابسا دموع ...

توسل طلعت الشريحه وكسرتا حته حته وركبت شريحتا واتصلت علي فتحي ... وفتحت الاسبيكر

توسل : كيفك فتحي انت تمام ..

فتحي : هلا هلا كيفك

توسل : تمام يافتحي دي شنو الزحمة دي

فتحي : انا في سوق الشماليه .. اها كيف اخباركم ..

توسل : ههههااههههاااههههاا ضحكت بصوت جريئ ... شماليه ? هو الشماليه دي نقلوها جوة السوق العربي ولاكيف ?

فتحي : شنو شنو ? ياريت لو انا في العربي كان جيت شفت سلومه روحي عامله زعلانه مني ..

توسل : هاجت بصوت عالي ... الله يطلع روحك يامنافق ... انت حاليا منتظر رماز تجيك صح ... وكمان ماخاطب ولامرتبط ... هههههه . ياخ والله ماتستاهل شبشب سلمي خليك من سلمي بزات نفسها ...

فتحي : هوي هوي انتو فاكرين نفسكم شنو ... كفايه سمعتكم الذي الذفت وبيتكم البقا ملان رجال بعربات ..

توسل : عارف الراجل الاضينه الزيك دة . اخير منو المرة والله ... وسمعتنا والله انضف منكم يابتاعين البنقو والمخدرات .. ياخ انتو البتدخلو البنقو السودان .. بتبيعو القندول حشوات في عيش يامجارمة يامتخلفين ... يا يا يا ود ماما يارخيص وبتجيبك ارخص صعلوقه زيك ...... وطق قفلت الخط ...

سلمي زادت في البكا بصوت عالي وتشهق ... حمودي اخوها الصغير عمرو سنه ونص قعد يبكي معاها مفتكره موجوعه من الم او عيانه ...

توسل وقفت علي حيلا وقالت اقسم ليك ياسلمي الا أجيب ليكي حقك منو ود المرة المتخلف ده ... اسكتي ماتبكي وتوجعي قلبي دة .. ودي حكمة من ربنا اني اشوفو اليلا واكشفو ليكي ... ماتبكي ياخ ياسلمي وقعدت تبكي معاها وتمسح دموعا وتضمها عليها ..