الجزء 3

نانا نزلت من المواصلات وهي كئيبه ومارضيانة عن نفسها . وزعلانه علي امها المخدوعه فيها .. وفضلت ماشه وفكرت تغشي بوتيك عمر تشيل حاجه .. وبقت تتكلم مع نفسها بسرها ... ‏( ليه يانانا مابتعقلي .. يعني يانانا عاجبك وضعك دة والبتسويهو دة نهايتو وين .. خيلانك كل واحد مرتو زي شيطان مكة العايز رجم ... واعمامي بجونا من القضارف عايزين لنفسهم ... واخواتي كل وحدة سدت اضانا بطينة وشالت يدها بجو بجنايتم خراب في خراب كيس سكر ماشايلنو ... ااااه يانانا انتي ربنا غضبان عليكي .. ودموعا نازله زي اللازوردي .... ‏)

طبعا نفس الشله قاعدة في نفس المصطبه والغاز وراندوق ومصطلحات مشغلبه ...

كانو اربعه اولاد .... واليلا شكلهم ناقصين العدد .. لاشغل لاقرايه لا نفير لافعل خير ...

خوجلي : اسمع ياهاني دي مش نانا الدانا .🚀

هاني : اااي ياااها . نانا الشطططه . انت ياخوجلي الحله الكدة دي والجمبها دي مش اسمها حي فرنسا وباريس ...

خوجلي : الله يخج بطنك ياهاني اوع تقول كدة دي حلتنا . انت زاتك اسكت حلتكم مااسمها حي المحبه ?

هاني : اه اخير من فرنسا وباريس .. امس كمان شايف نيروز ونسرين مع اكرم القندوله ...

خوجلي : هههههههه اكرم دة امس الحاااضر دة لاقيتو معاهو مرة متزوجه بحنك في رقما .. الله يهديهو ياخ ✋

هاني : اهاااااا ياامام الجامع ... ياالشريف الرضي ...

دخلت نانا البوتيك ... وعمر من يشوف نانا بتجاري جاي وجاي ➡⬅⬇⬆ مكسسسسسسر فيهاونانا فاااهمة الوضع بس متقله دمها معاهو وبتقضيها ليهو ابتسامات وحركات انها زوله تقييييله وظريفه ...

نانا : اها ياعمر انا عايزة الخلطة السحريه 😊😊

عمر : حااااضر يانانا ... انا يانانا ... انا .....

نانا : اجي ياعمر مالك بتتمتم اوووع تقول الخلطة كملت 😱 ‏( وهي فاهمه وضعو ‏)

عمر : لالا الخلطه في موووجوووودة بس انا انا ... انا انا ... انابعملا ليك فناااانه تخليك تلمعي ... ‏( قطعا في قلبو وسكت ‏) ...

نانا : تسلم ياعمر كلك ثقه ..

طلعت نانا وهي بتضحك في حركات عمر براحه جاها خوجلي جاااااري وسفنجتو تتفك ويدنقر يربطا ويتم جريهو ...

جا بنفس قاطع ... ازيك يانانا ..

نانا : اهلين مرحب خوجلي ان شاءالله ماف عوجه ..

خوجلي : عايز اسلم عليكي واسالك امك بقت كيف ..

نانا : والكلمك بامي منو 😨😨..

خوجلي : سمعت امي بتحكي لابوي ..

نانا : اي اي كويسه الحمدلله عن اذنك ياخوجلي 🚶🚶😔😔

خوجلي : نا .... نا ... نا 💃.

نانا مشت بدون تتلفت تاني لانها عارفه خوجلي بحب يتفاخر بوقوفو مع البنات قدام الشله ويظهر ليهم انو هو الوجيه المجنن البنات ..

نجي جانب ‏( سلوان ‏) 👏🎊🎆🎉

سلوان دي برضو في حله نانا .. ضمن شلة نانا ونيروز وبت عسل كدة ومأدبه ورزينه ورااايقه ... امها وابوها اساتذة في مدرسة اساس .. اخوانا صغار بعدها في المدرسه .. هي اتخرجت وشغاله خدمة في مدرسة امها ...

سلوان : امي انا اليلا ماماشه المدرسه تعبانه عايزة افرق شويه ماشه لنيروز ..

امها : باقيه ليك شهرين في الخدمة ماتخربطيها التزمي عشان نشوف ليك شغله تمسكيها ..

سلوان : يمة انا ماااعندي واسطه .. والعندو واسطه بياكل في بيت البكا باسطه .. ماتتعبي معاي ..

امها : امشي وماتتاخري عارفه ابوك بعمل فينا شنو ..

سلوان نضفت البيت ولبست عبايتا وطلعت مشت لنيروز ..

سلوان : كيفك خالتو سعديه وحضنتا وسلمت عليها .. وين بتك البايرة زي ..

سعديه : اهلين بالرايقه الجميله .. نيروز مرزوعه جوة حاضنة ‏( ذي الوان ‏) وتداعي في المسلسل ماعارفه مالا .. بتي الخنيته دي العدة للان ماهبشتا ..

سلوان : اصبري خالتي اخد لي قعدة معاها واجي اجلخم ليك انا دي .. اصلها نيروز ملسلسه وعدتا مافيها لمعه ..

دخلت سلوان لنيروز وضربتا في ضهرا .. انتي يابت لبتين تكوني بتحبي الراحة كده .. ياخ زكاة جسمك استخدميها في خدمة امك وسيبي الكضابين ديل . وطق قفلت التلفزيون ..

نيروز ::: عييييييع منك انا جيتيني بوين .. قربو يكشفوها الوقعت زويا من الجبل ..

سلوان : ياخ كدي وريني بتفهمي من السرحانين ديل شنو .. اغلب المسلسل سرحان ويعاينو في وشو بعض مخلوعين .. قومي ارح المطبخ نغسل العدة ونعمل شي نفطر بيهو .. نفسي يانيروز في عدس امك التقيييل داك ..

نيروز : رااااقد في عقاب في التلاجه امشي وانا بتم المسلسل وبجيك ..

سلوان : وحاطسملا ماتتميها .. قوومي ياالبقر الفرزين .. قوووومي وجرتا من ايديها بكل قوة ودخلو المطبخ ..

سعديه راقدة في برندة المطبخ المن الزنك ...

سعديه : اريتك بتي ياسلوان بت السرور .. كدة خلي نيروز تغسل العدة وانتي اسحني البن دة وجيبي نشرب .. مع انو ضغطي حاسه بيهو شويه مرتفع عيوني مورمه ..

سلوان : سلامتك خالتي ... حسي نيروز دي ماتجيب الضغط والشلل .. انتي ياخالتي دقيها اجلديها خليها تخفف شحما ده شويه بالخدمة ..

سعديه : ادق لي مرة بقت قدري .. السعفه ان ماربطوها لينه تاني مابتتربط .. عوض الله فيها الخمله ..

نيروز جات من جوة ومشمرا اكماما ويديها صابون وتردح وتتراقص بلئامه .. هي ياسلوان ابعدي ابعدي انتي ماشايفه حاجه .. ناريز غير تجي وتغسل لبستا والاسبورت وترقد تنوم ماعارفه خبر المطبخ شنو والاتغسل شنو والاتعاس شنو .. اصلا امي بتضيع حقي مهما اعمل مابتشكرني ..

في اثناء رداحة نيروز .. فتح محي الدين باب الشارع ودخل ... طوالي نيروز سحبت روحا وجرت علي العدة وبقت تتلفت لو محي سمع صوتا اليلا بكفتا وبقطع لسانا ...

محي الدين : سلام يمة .. كيفك ... هاك ده كيس فيهو صابون ورز وعدس اداهو لي بتاع البضاعه .. انا حسي جاي من عطبرة ..

سعديه : بركة الوصلت طيب ولدي اقعد اشرب الجبنه بتسوي فيها سلوان ..

ومحي الدين من سمع اسم سلوان بقي قلبو يدق بشدة ومامركز مع كلام امو .. اعجاب ام حب ام شوق ام ماذا ياسلوان ..

محي عاين جوة المطبخ لقي سلوان بتسحن في البن وصوت السحان مااظهر صوت محي وهو بتكلم مع امو ..

محي : اها يمة اقوم اغير هدومي واجي تكون القهوة جهزت ....