الجزء 25

نجي لناريز .

ناريز كل يوم بتفتش لمنصور ومابتلقي طريقه ...

من الجامعه ركبت اتجهت علي بيت الكدرو سبب المصيبه .. وصلت ودقت الباب جا طالع صاحب منصور الهو صاحب البيت الاسمو مؤيد .. سالتو وين منصور .. قال ليها مشي يجيب اكل ويجي ... ناريز طلبت منو تدخل البيت وتنتظرو ... دخلت وقعدت في الهول ..

مؤيد شال تلفونو واتقدم للصاله القدام وعايز يتصل بمنصور ...

ناريز حصلتو وقالت ليهو وهي بتبكي بخنقه كدة ...

ناريز : لوسمحت ماتتصل عليهو .. خليهو يجي يتفاجأ بي .. انا محتاجه ليهو شديد .. ومسكت بطنها بايديها ودنقرت وهي بتبكي ودموعا سايله ..

مؤيد حنا عليها وقفل التلفون وطلب منها تقعد في الكرسي وتوريهو الحاصل ...

ناريز : حكت ليهو من بداية هي جات وانتظرت ام منصور واختو وغشاها وانها حامل في واهلها ماعارفين ومنصور زاغ منها كيف وكل يوم بطنها بتزيد وحتتفضح ...

مؤيد ختا يديهو في راسو ... وساااكت وبعاين في ناريز ...

مؤيد : انتي عارفه منصور خاطب اختي ? وعارفه انو منصور شغال مع عمي وظاهر لينا انسان طاهر ... معناها منصور بستغفلني وبجيب بنات في بيتنا من وراي .... كم مرة انا بلقي في البيت ريحة عطر او حلق او دبابيس او مشبك شعر ... وبقول تبع البيت واخواتي .. لكن اخواتي مسافرين .. وبشك مرة وبنسي مرة ... وكم مرة راجل الجيران بحاول يلمح لي وانا مابفهم ... وحسي ربطت الاحداث وفهمت ...

واثناء ماهم قاعدين منصور بصفر ويغني فتح باب الشارع وجاي داخل وهو مبتهج ... دخل وماشايف ناريز قاعدة مضارياها كتاف الهول ... وهو بتكلم مع مؤيد وجاي عليهو ومؤيدبعاين ليه خاتي يديهو في راسو . بعاين لمنصور ...😠

منصور انتبه لوجود ناريز ووقف صااااامت وكانو روحو طلعت ...

ناريز قامت مشت عليهو وبحرقه وهي بتبكي وتتنهد والنفس مضايقا وبطنها بارزة ... وبقت تضرب منصور وتشتم .. ياواطي ياحقير ياكذاب يامجرم ..

منصور مسك ايد ناريز بقوة وعايز يضربا ويدفرا وهو غضبان في وشها .. زحي ياوسخه مني ماترمي بلاكي علي .

مؤيد لحق منصور ومسك ناريز منو وقعدا بعيد في كرسي .. ورجع لمنصور وطااااخ اداهو كف .. منصور رفع ايدو عايز يضرب مؤيد .. مؤيد ثبت يد منصور ومسكو من الخلف ...

مؤيد : يامنافق يامجرم ... دة جزاي الاستنضفتك ودخلتك بيتي ياحقير .. والله خسارة فيك اختي مودة ..

منصور : البت دي كذابه يامؤيد .. فكني عشان اقتلا وارتاح .... فكني انا بخسرك يا ......

مؤيد : قومي امشي ياناريز ... قومي اطلعي سرعه ... دة مجرم ومابخاف الله .. وانا مابفكو الا اطلعو من هنا وللشارع ...

ناريز قامت وطلعت وتقول حسبي الله فيك حسبي الله فيك ...

مشت ناريز وقعدت في الشارع وتبكي وترجف ... منتظرة مواصلات ..

مؤيد ماسك منصور ويشتمو ... منصور بقاوم فيهو وكان بالع حباية هلوسه وخرشه ... منصور طلع واتقدم وركب موتر ...

طلع وراهو مؤيد بالموتر تبعو ...

مؤيد جاري ورا منصور بالموتر لحد مابقي قصادو وتفل علي وش منصور .. اتفو عليك يانجس .. ياكضاب .. حسي بكلم اهلي بحقيقتك .. وبكلم مودة المغشوشه فيك ..

الناس في الشارع تتفرج وناريز مخلوعه وتعاين ...

منصور طلع سكين من الموتر ولاحق مؤيد وبقي قصادو ومده يدو وجراها من بداية رقبة مؤيد لنهايتا ... مؤيد وقع بالموتر والدموم في الظلط .. والحريم تصرخ والرجال جارين علي مؤيد . .. منصور وقف ويعاين ...

ناريز وقفت ورا عمود وترجف وتبكي ..

الناس اتجمهرت وقبضو منصور الزي الخروف المضبوح يفرفر عايز يهرب ...

ناريز ركبت ومشت البيت ترجف وتهضرب ونيروز جمبها والام بغادي ماجايبه خبر ...

نيروز اتصلت بنانا تحصلا سرعه ...

نانا جات جاريه ويهدو في نيروز لحد مافهمو الحاصل ...

نانا بدت تطمنا انو هي ماليها دخل ... وانو مؤيد اكتشف انو منصور فاتح بيتو للبنات وبغشغش فيهم وفي مؤيد ... وده جزا منصور انو حيتعدم ...

ناريز خايفه منصور يجيب سيرتا ... نانا فهمتا انو الحاصل الناس كلها شايفه الضبح .. وماحيحصل الا خير .. واحتمال مؤيد حي ...

ناريز : لالا الشفتو مؤيد مات نفس الوقت ... دمو مابتغسل من الظلط ..

نانا بتهدي فيها وحاضناها تلفونا دقه ...

نانا : الو

نسمة : كيفك ..

نانا : تمام اها خير تاني ?

نسمة : اثبتي لي حودة بكرهك وخلاك ..

نانا : اجي ياده .. ويكرهني دي اثبتا كيف ?. لكن اثبت ليك اني خليتووووووو ...

نسمة : حودة لسه جاري وراك ...

نانا : خلاص اسلم حل .. كسري رجليهو عشان يبطل جري .. غير كدة مابقدر افيدك ...

نسمة : لا تعالي لي البيت وبجيب حودة وقولي ليهو بكرهك وابعد مني .. وجمبي ...

نانا : لو شايفه دة حل ماعندي مانع بجيكي تب .. بس وريني اجيك بتين ?

نسمة : برجع ليكي بوريكي ... وطق قفلت ..

نانا : ياخ الله يبعدك مني .. دي شنو اللايوقه دي .. وحودة دة جانه بيهو كدة التقول وزير المواصلات .. اووووف لصقة الفيران مازي البني أدمة دي ...

نيروز : شر البلية مايضحك ... هوووي انتي قادرة ولايهمك ...

ناريز هدت شويه ونامت ...

اها نشوف فتحي ...

فتحي بعد ماعرس وخلي بت خالو مع امو .. وسافر شغال مع خالو نسيبو .. شغل كدة اظن طواحين واجهزة دهب ..

مرة فتحي اسمها هاله ... هاله دي لئيمة كدة لدرجة لسانا حنضل ...

ماشغاله بعمتا ام فتحي .. تصحي الصباح .. تمسك تلفونا دة لعب ونت وونسه وضحك ... وام فتحي من النضافه للفطور وماقادرة تقول بغم .. ‏( اااي ماجابتا براااها بيدها ... نظام زيتنا في بيتنا ... اهو الفي بيتنا طلع زيتنا .... ‏)

هالة دي تلبس كل يوم وتطلع مامعروف مسارا علي وين .. وتجي داخله البيت ترقد وتقفل غرفتا عليها لاتصد لاترد ...

يوم ام فتحي سالتا طالعه وين ...

هاله : كيف طالعه وين يعني ? ماشه الصيدليه اجيب حاجات ...

ام فتحي : يابتي كفاك لف وحوامه .. تعالي ختي ليكي حنه ولااتجيهي .. حريم الحله اكلو وشي بالنقه فيك .. وفتحي لما يدق بقول تلفونك قافل .. بقول ليهو جوة غرفتا ...

هاله : طظ فيك وطظ في حريمك .. وبعدين انتي بتهدديني بفتحي ... فتحي شنو اليحكمني هه ... لسه امو ماعرسوها البفكر يحكمني دة ... ومااتولد لسه البحكمني .. هاه قال فتحي قال .. وطلعت تووووش ودفففف قفلت الباب ...

ام فتحي دي سكريها ارتفع ورقدت سلطه .....

هاله مشت وركبت مواصلات ونزلت في الحاج يوسف وهي بتدق في الباب ... بهناك في الشارع شافا واحد من حي ناس فتحي اسمو رأفت .. بعرفا انها عروسة فتحي .. رأفت اصلا بجي الحي دة لاصحابو ...

هالة واقفه وباب البيت فتحو شاب كدة شكلو النوع الماقدر يكون نفسو داك ولسه بكب حنك انا دايرك وبحبك وووو ...

رأفت سال اصحابو المامنتبهين لهالة ووقوفا .. سأللم دة بيت منو ... قالو ده بيت ناس رحلو مدني وولد اختهم قاعد فيهو بقرا الجامعه ...

رأفت بعد مسافه قام واتجه وركب المواصلات ومشي بيتم ...

هاله رجعت البيت عادي وكانها ماعامله شي ...

فتحي بعد كم يوم رجع ولقي امو مريضه ومشي بيها المستشفي وبقت مرقدة يظبطو ليها السكري بالساعات ...

اها هاله ماهاميها وطلعت ومراقبا رأفت ومشت نفس البيت ... ودخلت ..

رأفت قعد جم اصحابو وبعد شويه .. مشي دقا باب البيت الفيهو هاله ... جاهو الولد ..

الولد : مرحب

رأفت : اناعابر سبيل وعايز اخش الحمام اكرمك الله ...

الولد : معليش ماف حمام .. وطاخ قفل الباب ...

رأفت وقف مسااافه ... بعدها نط بالحيطه وتوش دخل علي هاله والولد ووقف في هاله طاخ طاخ كفوف ...

دق لاصحابو نطو دخلو جو .... رافت هدد هاله ياتسكت يايدق للشرطه ..

رأفت عارف ظلم فتحي لسلمي واهلها ... طوالي اتصل بفتحي وقال ليهو تلحقني في اقرب زمن في المكان كيت كيت ولما تصل الشارع بجيك زول صحبي بجيبك ...

فتحي خلي امو وطلع ركب امجاد وترنصيت لحق المكان وطلع ليهو صاحب رأفت وساقو ودخل ..

فتحي اول مادخل لقي هاله ملفوفه بغطا وترجف والولد قاب

قابضنو اصحاب رأفت ...

فتحي اتبكم وواتكا علي الحيطه زي العايز يقع ...