الجزء 17
*أنت لا تعلم في أي طريق مُخبى لك الفرح و لكن أيقن أن الله سيقودك إليه 🌸.* 😍
صحينا الساعة 9. دخلنا الحمام استحمينا. سريييع. عشان السواق اتصل علي قال لي انا ف الشارع جاي عليكم خليكم جاهزات. انااا.طييب ياعمو ابراهيم. قفلت منو كلمت البنات. كل واحده مشت غيرت ملابسها. وجهزنا. نزلنا تحت سلمنا علي عمو وعمتو واستاذناهم. السواق جانا طلعنا عليهو ومشينا ع البيت طوالي.
وصلنا البيت لقيناهم بجهزو في الفطور. قالو العريس جاي افطر وطالع ع المطار طوالي. مشيت فوق معاي رنين عشان تجهز حالة. فتحت الشنطة عشان تطلع ليها فستان تسافر بيهو لانو التواب متعب ف السفر. جهزت حاجات السفر. عملت خلطة ل وشها وقعدت ف تلفونا. مسافة م نشفت. الساعة 11 والعريس جا ورصو الفطور. نزلنا فطرنا. ... معتز اتصل عليها قال ليها جهزي حالك عشان نطلع ع المطار بعد ده قالت ليهو تماام. مشت فوق استحمت ولبست فستان كان رهيييب. نادتني اساعدها سرحت ليها وعملت ليها مكياج خفيف كده جات خالتو نوال ومعاها مبخـر وقفت فيهو وريحوها ولبسوها الذهب. وبقت جاااهزة م شاءالله عليها عسوولة لكن😍😍 نزلنا تحت العريس جا. ومسكا من يدها وطلعو ونحنا وراهم ماما وخالتو وعمات رنين شقالين زغاريد سااي لحدي م ركبوهم العربية ودعناهم واتحركو. دخلنا جوة بقينا داخلين وطالعين سااي. نظمنا البيت تمام وبقي زي الكان مافي شي. وبقينا نتونس في العرس سااي ونضحك. وشقلو الدلووكة. ساعتين والرقيص ده كيف لحدي العصر م ازن. صلينا وعملو الغدا. وفي ناس مشت م عدا ناس حبوبة
طبعا ناس خالو وحبوبة قاعدين احضرو عقد مؤمن وعثمان حتي امشو اما عمات رنين مشو من العصر لانو م بعيدين زي ناس حبوبة ساكنين ف المهندسين
مرت 3 يوم من العرس ونحنا ماشين ناس عمو محمد لانو ناس خالتو م فيهو شي كلووو في ناس العروسات. مشينا ليهم انا وماما وبابا م عدا. مومن قعد مع ناس خالتي. قعدنا معاهم وبقينا شقالين معاهم ف التجهيزات
وانا اتصلت علي مرافي ونوران وريــم. عزمتهم. لي العقد قلت لي ريـم لو م جبتي مريم م تجي خااالص. عشان وفعلا جوني قبل العقد بيوم. يعني الخميس وماما كلمت ام مريم وخالتو زينب
. اصبح صبااح الجمعة والناس داخلة وطالعة جهزو مكان الحفلة والعشاء واريج واسراء مشوو الكوفير انا قلت ليهم بحصلكم
قبـل صلاة الجمعة ناس خالتو نوال جونا ومعاهم حبوبة وخالو واولادو وزوجتو. الرجال مشو ع الجامع والنسوان دخلو. سلمت عليهم وقعدت معاهم. حبوبة قالت ي بـت وين بنتك م شايفاها. اناا ... قاعده فووق ي حبوبة. اناديها ليكي حبوبة.. اها ابوها وين انااا.. في البحرين. 😁 حبوبة ...وانتي المقعدك شنو. انااا.. الجامعة بس حبوبة ..القراية ملحووقة امشي علي راجلك ي بتي اناا ...سمح. ي حبوبة بمشي. ماما...ي امي فرح دي بتكذب ساي ولا متزوجة دي بنت جيران ناس اختي نوال. حبوبة ..البت دي شكلها بتدوور العرس. قعدت اضحك قلت ليها ابدا ي حبوبة مافي قائمة اهتمامي. حبوبة ..شايفة الشفع ديل حلوين كيف اناا ...اكييـد حلووين وبحبهم شديد. ونفسسي اكون عندي بنووتة م تفارقني ولا لحظة حبوبة..
انتي قايلاهم بجيبوهم سااي. لازم تعرسي عشان تجيبيهم.وانا بدور اشوف اولادك قبل م اموت اناااا.. ان شاءالله بعد عمـر طويل ي حبوبة السنة الجاية بعرس عشان خاطر عيونك. حبوبة الله ادينا العافية والعمر بس. انااا.. اااميييـن ي رب .
في ناحية اخري. ع الجامع الرجال تمو العقـد خلاص ورجعو البيت ضربو الطلق والزغاريت قامت وزعنا الحلاوة والبارد. وجابو مرة تغني بالدلووكة. شقلتها لحدي المغرب.
انا خلاص لازم امشي الكوفير بعد ده اتصلت ع عمو ابراهيم عشان ماشة الكوفير سقت معاي نوران ومرافي وريـم ومريووماا😻 وصلنا الكوفير سلمت علي اريج واسراء وباركت ليهم مع دموع الفرح وجات مرافي ونوارن سلمو عليهم وعرفتهم ع بعض وريم ومريم جو داخليـن. برضو سلمو. وباركو
المراة قعدت تظبط فينا كلنا. حتي مريم م قصرت معاها بقينا جاهزين موية ونور. جو اشـرف ومومن وعثمان وعبد الرحمن وعمر . اريج ومومن وانور وانا ومريم. في عربية اسـراء ومرافي ونوران واشـرف وعثمان في. عربية. ورغـد وعبدالرحمن وعمر وريم في عربيـة. واتحركنا
وصلنا البيت لقينا جنس خلق م شاءالله. اول شي نزلو العرسان حتي نحنا وراهم. الحلفة بـدت كانت بـ. هدي عربي عزتنا عز 😍 رقصنا رقيص. لمن حيلنا مااات. الضيووف ضيفناهم زيييـن👌🏻 وكلهم اخر انبساااط
اصحاب اشرف كلهم جو. م شاءالله.واحد فيهم سال اشرف مننا. قال ليهو اللابسة فستان بني دي بت عمو محمد والمعاها صحباتها قال ليهو مـن زمان مـ تقول عندك بنت عم حلوو كده. اشرف ...اسي من مش شفتها وعرفتها خلاص قال ليهو مخطوبة ولا كده اشرف ...لا لا. لا كده لا كده 😉 قال ليهو خلاص ادوني ليها عجبتني اشرف..
..طوالي ياخ نحنا لاقينك وين 😍
ــــــــ
المهم الحفلة خلصت. الناس بقت تمشي لحدي م بقبنا نحنا. يعني الشباب والعرسان جو قعدو جنبنا عديناها ونسة لي الساعة 2 صباحا. بعد
ده ااي زول دخل النوم وجـب. ناس العريس اقصد خالتو قامو ع حيلهم عشان ماشين وصلناهم لحدي الشارع وودعناهم وجينا راجعين. حتي مومن مشي معاهم. مرافي ونوران قاعدات بكرة ح امشو اما مريم مشت لانو بكرة عندها محاضرة مهما ولازم تمشي ومريم امها ساقتها عشان شايفانا تعبانين 😁 شكرناهم علي الحضوور.
في الغرفة البنات قعدو اتونسو وانا مشيت الحمام. من طلعتا طوالي علي السرير.
انا النووم ده الشي الوحيد الم. بلعب فيهو😂 نمتااا طوالي م صحيت الا الصباااح دخلت الحمام اتسوكت واتوضيت و صليت ونزلت تحت البنات ف ساابع نومااا
لقيت ناس ماما كلهم متلمين بتونسو قلت ليهم صباح النور وعساها دائما اللمة دي😍
بابا ..صباح الفرح لاحلي فرح😘
عمو محمـد..تعالي اقعدي عشان اللمة تحلي اكتر 😻
انااا ...ياااخ تسسلمو لي ❤
قعدت معاهم اشربت الشاي واتونسا. وضحكنا. في قعدنا دي قلت ليهم دقيقة اصوركم لي ايمـن 🙃 اخوي. وفعلا اتصورنا جنس صور ورسلتها ليهو ومعاها صورة امبارح عشان اعيش معانا اللحظة. وسجلت فيديو في قعدتنا دي كلهم قعدو. اهظرو معاهو وسلمو عليهو وقالو ليهو مفقوود والله
من رسلتهم. طوالي اتصل مكالمة فيديو. قلت ليهم شايفين حرقتو روحو كيف ياهو متصل فتحت الخط اتكلم معاهم كلهم وقالو ليهو عقبال م نشوفك عريس قريب.
التلفون وصل لي بابا ايـمن ..ازيك ي ابووي وكيف حالك. بابا..اهلين ي ولدي والله الحمدلله مافي عوجة ايمن ... دائما كده ي رب جاي البحرين متين. .بابا ... الاسبوع الجاي ان شاءالله اي شي تمام هناك ? ايمن ..مافي شي والله وكلوو عال العال بس اشتقت ليكم 😪 بابا.. ونحناا كمان ي ولدي هاك امك ..سلم عليها واتونس معاها
انا قلت ليهم الليلة ماشة ناس خالتي لانو بكرة جامعتي ح تفتح 😩 عمو محمـد ..اقعدي امشي من هنا انااا.. والله بتمني لكن حاجاتي م معاي كلها هناك. حتي البطاقة عمو محمد..الله اعينك ي بنتي واوفقـك اناااا...امييين ي رب تسلم ي احلي عم😘😘
بالمناسبة اكتمال دي لسة جاتها وجعة. امها قالت لي بري والله حيرتنا زاتو انااا..شكلو البيبي عجبتو البطن القاعد فيها دي كلهم قعدو اضحكو. عمو محمد ..م بعيد والله😂 ماما بكون يومو م تما وربنا احلها بالسلامة بس
الساعة 11 جاات والبنات صحو. قلت ليهم انا ماشة بيت ناس خالتو جهزو نفسكم عشان اوصلكم بعد الفطور ح نطلع.
فطرنا. ولبسنا ملابسنا نزلنا تحت ودعناهم. قالو لينا م تطولو مننا. قلنا ليهم حااضر
مشينا. اول شي وصلت نوران وتاني مرافي حتي مشيت البيت. جهزت حاجاتي وكل حاجة مهما. ختيتهم ف الطربيزة. قااعدة ف الغرفة. طلعتا منها الا لي الغدا. وتاني الا الصباااح بعد جيت ماشة الجامعة
مشيت شفتا الحاصل وقالو من بكرة ح نبدا محاضرات مشينا طوالي جبنا الشيتات. وغشينا محل كـده فطرنا فيهو معاي نوران ومرافي وعمو ابراهيم. خلصنا اكل وعصير. طلعنا اول شي وصلنا البنات بيتهم. حتي مشيت ناس خالتو من وصلتو. طوالي طلعت فوق غيرت ملابسي ونمتا لانو فترانيييين من تعب العرس والعقد.والجري الكتير ده😩
مـ صحيت الا العصر بـ صوت مـؤمن اخوي. قال لي فرووح ياااخ كفاكي نوم قومي انا عايز اتونس معاكي. ..قمت ع حيلي قلت ليهو طيب 😐 قمتا دخلت الحمام وصليت. لقيتو جايب معاهو ساندوشات وعصير. طلعنا البلكوونة قعدنا فيها. اول م قعدنا كده جا عثمان. قعد معانا وبقينا ناكل ونتونس ونتذكرو ف يوم امس مبسوطين طبعا 😍 قالو لي عقبال م ننبسط بيكي ياااخ😘 انااااا....ااامييين باذن الله 😍
مرت الايام والليالي وبقينا مع جري الجامعة ونفس الروتين.
وناس خالتو زينب بـدو في الرحولة نقلو العفش شقالين انظمو ف البيت.
في يوم كـده ولدهم كان قاعد برا في الشارع. انا طالعة علي جامعتي. انا جيت ماشة فيهو وبتكلم ف التلفون مع عمو ابراهيم السواااق. اتاخر علي. قال لسة قربت اصلك لو انتي برا البيت تعالي لي جنب الظلط عشان نمشي طوالي اناا. طيب تمام. مشيت فيهو لا قلت سلام لا غيرو لانو مركزة ف التلفون
قال في نفسو شنو الافتراء العندها ده.😏 حتي سلام الله ده م بتقولو 😡
عمو ابراهيم جاني ومشيت جامعتي حضرت المحاضرات ورجعت البيت طوالي وشايفة ناس خالتو زينب مشقوولين فيهو قلت ف نفسي الله اعينهم بس تعبانين 😢
دخلت البيت لقيتهم كلهم قاعدين سلمت عليهم وقعدت معاهم شويية
ناس ماما مسافرين خلاص😭
خالتو نوال وماما قالو ماشين للجيران اساعدوهم شوية كده. قلت ليهم طيب تمام. قالو لي تمشي معانا قلت ليهم لا لا مرة تانية عندي قراية مهما لازم اقوم عليهم امشو انتو وسلمو عليهم كمان 😁
اذكروا الله يذكركم
في امااان الله ..✋🏻
*ربمــا تحن الايام*..💝