الجزء 12

*الغضب والألم هم من أكثر المشاعر اختلاطاً ولكن في أغلب المرات التي تعتقد أن شخصاً ما غاضب منك يكون في الحقيقة متألم منك*

ـــــــــــ.ـــــــ.ـــــــ.ـــــــــ.ـــــ.

كانت لـ يـاسر. فتحتها لقيت كاتب لي 👇🏻

قال لي زمني ده كلوو منتظرك تحسي بي. عشان انا حبيبتك من زمان ولما سالتك عن الحب قلتي لي مـ بفكر فيهو وعايزة تركزي في قرايتك. فـ قلت احسن نكـون اصـدقاء. مـ دام م عاوزة كده ولما تكوني مقتنعة بيهو اعترف ليكي بس اسسي اتفاجاة بي منشورك. وكمان زولك معلق فيهو. طلعتي بتحبي واحـد. من غيـر مـ اعرف 😣 لييه ي فرح انا الناقصني شنو عشان تحبي غيـري.

انااااا...😳 ده مالو هايج كده الزول م احب اخو ولا شنو😐

رديت ليهو صباح الخيـر ياسر معليش. ممكن تعتبرها جات عفـوا.

ياسـر ..... صباح النور. بالجد ي فرح جرحتي مشاعري وده جزاي. اناااا...مـ كده اي شي قسمة وانت شكلك مـ صاحب النصيـب. علي العموم ربنا اديك الاحسـن. يـاسر .... لا لا غيـرك م عايز. حاولي افهمي النقطة دي خليهو وانا مستعد اعمل ليكي ااي شي عايزاهو. انااا ...معليش والله م بقـدر لـ اي سبب. من الاسباب. لانو ده حياتي اناااا وقفلت منو

طبعا ياسر ده من اول الجامعة اتعرفت عليهو. هو من الدفعة الفووق لينا. وانا لما دخلت الجامعة مـ بعرف فيها زول. زي اااي بنت في اول سنة ليها. هو كل يوم بشوفني. ومراغب. خطواتي كلها وانا م عارفة. مرة كنت قاعده براااي ومركزة في تلفوني. جا قعد جنبي ومعاهو اثنين عصيـر قال لي اتفضلي. وممكن نتعرف ع بعض انا ...جد م عندي مشكلة 🙂 فرح عماد الدين. الخير. مختبرات طبية مستوي اول مقيمة في البحرين قال لي شهادة عربية 😃 انااا...ايوووة. ياسر وانا ياسر. عبدالرحيم مختبرات طبية مستوي3 واتشرفت بـ معرفتك انااا...الشرف يعود لي والله.

ده عرفتو قبل نوران

ومرت الايام. والشهور وكل يوم بنتلاقي في نفس الاستراحة البقعد فيها ومرات الكافتريا بنتونس. واهتمامو بي زاد عـن حـدو. انا مستغربة فيهو. لييه هو بعمل كـده مع انو الجامعة م ناقصة بنات غيري. ومـ حصل ختيت حاجة اسمها حب في بالي لانو. مـ مهتمةة بنقعد كده لحدي م المحاضرة تبدا. واي زول برحع القاعة حقتـو

في يوم كده خلصنا جامعة بدري قعدت منتظرة السواق اجي عشان امشي .جا يـاسر ...اتونس معاي وبقي يسال فيني وانا اجاوب ليه. لحدي م السوال وصل الارتباط. قلت ليهو حاليا انا مـ بفكر في ارتباط سوا حب او خطوبة سااي لانو عايزة اركز في دراستي دي بس والطب صعب عايز مجهوود قوي وقوة وتركيز. ياسـر ....; الارتباط مـ بقيف في طريق الدراسة اناااا.....;صراحة والله الارنباط ده اكبر عايق في طريق التركيز والنجاح. ياسر...; كيف يعني. انااااا....; لانو 👇🏻

🎈النجاح ليست قصة نرويها وإنما جد وعزيمة وإصرار🎈

ياسـر ..😨 كلام كبيـر ياااخ.

اناااا...م كبير ولا شي. لما تتعب عشان حاجة بتحصل عليها عشان كده النجاح ده م بجي سااي عايز مجهوود مقدر مننا 🙂

ياسـر ... سكت مسافة. وقال 😅حقيقة والله. وربنا اقدرنا عليها.

انااا...اميييـن ي رب 😊

نعـوود لـ القصـة 🚶🏼‍♀

بعد مـ طلعت من الماسنجر دخلت القرووب بتاعنا داااك متذكرنو اول م جيت السودان وجابو لي شريحة جديدة 😁 فيهو اخواني واولاد عمو محمـد بس. يعني خاص بينا لانو كلنا قريبين لـ بعض ❤

انااااا...ي عاااااالم📢 عوووووك

مـ سمعتوو اخـر الاخبـار.

اكتمال جات وبعدها مـؤمن اخوي واسراء. قالو لي اها سمعينا 👂

انااا.. خلو الباقي اجو اول. ايمن ...انا جيييت 🏃🏻 اهاا احكي. انااا....✋🏻 ويـن اريجـي وانـور

كلهم😤 يااخ اتكلمي م تشحتفي بينا. انااا...ابيييـت بس قولو الشمار حارقكم 🙊😂😂

اسـراء ...😒 زاتي ماشة خلي اريج تنفعك

اكتمال ...وانا كمان 🚶🏼‍♀

اناا..😂😂😂 اعصابكم ي حبيباتي

اريج ... انا جيت الفـاتني شنوو 👀

اسـراء ...انتي بفوتك شي

اناا... اها تتذكرو ياسر الفي جامعتنا داااك اريج وايمن قصدك العلق ف منشورك وقلنا ليكي. لو سالك قولي اااي

اناا.. ااي بس ياهو زاتو

حكيت ليهم بالحاصل كلوو. ايمن ...اها ي اميرتي البعيدة ناوية تخليني عشانو ..اناااا...ههههههه انت رايك شنو القرار بين ايديك

ايمن.... انا قراري نفس قرارك ي اميرتي ☺ اناااا ... يااتخ قلت ليهو. ايمووني ده حياتي اناااا🤚🏻😌 واكيــد نفس قراري الزمان ارتباط شنو. بالله. لما اخلص بفكر في حاجة اسمها ارتباط. حاليا. قرايتي اهم من الارتباط

ايمـن ..👏🏻دي حبيبتي الواثق فيها ومـ بتلعـب في قرايتها 👌🏻

انااا.. ده الاتعلمتو منك ي حب انت 😘

اريج ...ههههههههه.اسسي انتو خليتو مساحة للارتباط.

انااا...امممممم بنفضيها بعدين. ايمن... ههههههههه وريها ي اميرتي

اكتمال واسراء ..اشششي عليكم انتو حلووين بشكل 😍

انا ..تسلمي عيونك هم الحلووين 😘

اريج...يلا امشي الفيس وتمي الناقص وانت ي ايمن م تقصـر معاها. اسـراء ...انا زاتي ماشة الفيس اشيل ليكي دور المكسرة في ايمن وانتو اعملو نفسكم مقتنعين بـ

بعض😂

كلنا ضحنا. ضحك.

مشيت الفيس. اول حاجة عملتها علقت لي ايـمن بـ

حِينمَآ أحْببتُكْ ؛ آمَنتُ بـِ شيْءً وَاحِدً فَقِطْ وٰ هُوَ : أنْ لآ حَبيبّ بَعِدكْ❤️ ٰ وعملت ليهو تااغ في التعليق. وتاني مشيت رديت لي ياسر. في تعليقو. قلت ليهو. سبحان مغير الاحوال حال من حال جات فجاة كده تصدق 😁

اسـراء... ايمووون انا اشتريتك بالغالي والرخيص وفي النهاية تمشي لي البنت دي 😭😭😭

ايمـن ....شكلو هي صاحبة النصييب وانتي مـ ليكي فيهو شي . معليش يعني.

نحنا هنا في دور الضحية والمتهم وفي الواتس ميتين بالضحك 😂😂

قلت ليهم انا كان باريتكم مـ بنفع 😂 يلا عن ازنكم🚶🏼‍♀

طبعا ايمن مسجل في الفيس بـ اسم جدو. مثلا موووني خيري بابا عشان كده ما حـ يعرفو انو اخوي 😁

يوم الجمعة انتهي وبكرة ناس ماما وبابا. ومومن جاااين 😍 طايرتهم حـ تصل الساعة 4 عصرا.

صحيت الصباااح نزلت تحت لقيت ماما نوال بتجهز سااي لي ناس ماما ساعدتها. لحدي م خلصت قالت لي بكرة امي واختي ح يجو. انااا...😍 احلي خبر والله.

قلت ليها انا ماشة المطار اجيب ناس ماما. ماما.نوال ...سوقي معاكي عثمان ولدي. انا..طييب.

مشيت فووق الساعة كانت حوالي 1 ظهرا. استحميت ولبست لي بنطلون وتونيكا قصيرة. ونزلت تحت شايلا معاي تلفوني ومفتاح العربية بس. لاقيت عثمان قال لي دقائق بس واكون عنـدك انااا.. طيب ح اطلع العربية وانتظرك فيها. عثمـان ...تمااام.

مشيت المظلة اللي فيها العربات قلت لي االحبشي افتح لي الباب. فتحو لي وطلعت العربية. منتظرة عثمان بس واتحرك. في وقفتي دي. جاني ابو مريم ثامر سلم علي واتونس معاي شوية قال لي علي وين انا...المطار ناس ماما جايين. سـامر ..اصلو بالسلامة ان شاءالله اناا...تسسلم ي رب. كيف مريومة وامها وخالتو زينب عساهم بخيـر. ثامر ..مافي عووجة والله الحمدلله اناا ...;.الله لا جاب الاعوجاج عليكم. سامر ...امييييـن ي رب تسسلمي يااخ

اناا..واياااك. بالمناسبة مريم كيفها اشتقت ليها 😍 ثامر ...هي زاتها بتسال عنك انااا... عليك الله جيبها معاك لو جاي تاني خليها عندي ولما تخلصو تعالو شيلوها ثامر ...تكررمي والله بكرة حـ تكون عنـدك. انااا...بجد😍 عليك الله

ثامر ... اايا حرروم. ممكن رقمك عشان لو جبتها اتصل عليكي تجي تشيليها اناا...جـدا م. عنـدي مشكلة. . 098. قلت ليهو هي واحده ليكم. ياسر ...لا لا عندي ولد اسمو مؤيد عمرو سنتين كده. انااا..م شاءالله ربنا يحفظهم. واخليهم ليكم. ثامر ....ان شاءالله. 🙂 اتونسنا مسافة كده. قال لي معليش اخرتك يااخ انااا لا لا والله. ود خالتي هو الاخرني وعثمان جا طالع قلت ليهو بالغت لكن سااعة كاملا نحنا البنات م بنتاخر كده 😁 قال لي معليش حقك علي سلم علي ثامر. واتونس معاهو سوية واستاذنو.

قال لي يلا انزلي قلت ليهو م تخليني اسووق ليك شووية قال لي لا لا الحوادث كترت انزلي. اتحولت في الكرسي التاني واتحركنا. وصلنا نص المسافة. قلت ليهو انت م خلاص بعد ده تعرس عثمان ...والله ناوي عليهو عندي بنت, كده في بالي لو الامور ظبطت بعرس طوالي اااي شي عندي جااهز الا المراة. انااا..ان شاءالله تظبط ليك وكل امورك تتسهل. عثمـان ...ااااميييين. وسكت انااا..اها دي منو سعيدة الحظ دي عثمان خليها بالنيـة. بعد توافق اول حتي اتكلم انااا...واسي لو اتكلمت خسران شنوو غير كده ممكن اساعدك😉 عثمـان....هههههه ابردي ي فرح ااي شي في وقتو انااا....😏😏 عثمان ...خلاص ح اوريكي ليها بس اكون بيني وبينك انااا...😃جدا والله

عثمان ....دي بنت عمك محمد. اناااا.😳اسـراء. عثمان ...والله م عارف اسمها منو. بس شفتها مرة جات ليكي في بيتنا. وعحبتني. اها رايك شنو .انااا... مافي كلام والله😍 ربنا اتم ليكم ياااخ. يعني هي اسي عارفاك ?? عثمااان....لا لا مـ لقيت لي فرصة اتعرف بيها بس من اليوم داااك مـ نزلت من بالي. انااا....ضربتو تااخ في كتفوو. فقلت ليهو انا بعمل في شنو كان تجيني لو جيتني اسي تكون عاقد عليها 😌 عثمااان.....ههههه بس انتي كنتي م عارفة اناا...واسي عرفتا خلاص. بحاول اقربكم بدون هي م تشعر. عثماان ...تكوني م قصرتي معاي انااا...معقوولة ياااخ انت زي اخوي واحد وفرحتي في فرحتك. عثماان ...ياااخ تسلمي لي 😍 بجد انتي فرحةة لكل الناس انااا....اها بدينا لي كسير التلج😜 عثمان...😂😂 م تفهميني غلط .انااا....هههههههه عااادي والله. خلينا من ده وركز مع بنت عمي. عثمااان....ههههههه اها سروو حـ تجي العرس. اناا ...اششي علي الدلع 🤓 كمان. عثمان ...هههههههههه ياخ بطلي ثقالة وردي في سوالي. انااا...م اظن تجي لكن بحاول اضغط عليها عشان تجي عثمااان... اااي عليك الله 😁

انااا.... طيب طيييب.

اذكـروا الله يذـكركم 😍📿

في امان الله .....🤞🏻

MoØody✍🏻

*ربمــا تحن الايام*💝