الجزء 46

حـ الاولي ...

*النجاح هو أن تعيش سنوات من عمرك يستهزئ بك أغلب الناس ثم

تعيش بقية حياتك بشكل لا يصل اليه أغلب الناس فلا تتخلى عن

هدفك مهما كان السبب ......*

ـــ . ـــ . ـــ . ـــ . ــــ . ــــــ . ــــــ

القصـة بتحكي . عن بت مقيــمة في البحـرين اهلها رسلوها السـودان

عشـان تدرس . وزيها وزي اي بت شهادة عربية كل اجازة بسافر لي

الاهل تقضي معاهم . الاجازة وترجع . تكمل دراستها . طيبة شديد

وزولة مثقفة وصاحبة عقل كبيـر وافكارها غيـر مسبوقة وهوايتها

متعددة

قاعدة مع خالتها في الثورة . حي العمـده . وبتقـرا في السودان .

مختبرات طبية وبتحـب الهدووء والرقيص كتيـ . مـ . بتقعد مع الناس

الكتيرة لانو م متعوده علي الجووطة . ووحيـده لامها وابوها

انا حاتكلم ليكم بلسان البطلة

المهم .... نرجع نبدا القصة

في يوم . من الايام كان في عرس . تبع نسابة خالتي ... خالتو نوال

قالت لي لازم تمشي معانا تغيري جو . وتعرفي عن مناسبات السودان

‏( ده لما كنت في اول سنة لي في السودان قلت ليها ي خالتو انا م

عاوزة امشي مكان لاني م بحب الجوطة دي قالت لي ي بت اختي .

انتي لازم تمشي . عشان تعرفي مناسبات السودان والتقاليد حقتهم

البعملوها ف العرس . قلت ليها ي خالتو انا م بعرف زول من اهل

العرس لكن وغير كده . عارفني م بحب الجوطة والاختلاط مع الناس

الكتيرة قالت لي مش لازم اكون في معرفة . بينكم . امشي شوفي

الناس دي كيف . وغيري الروتين الانتي فيهو ده ال24 ساعة في

البيت و ماسكة تلفونك ده وبترقصي اليوم كلو ومن مسكت

التلفون قلت ليها طيب ي خالتو ح امشـي معاكي . قالت لي

بركة الوافقتي واصلا وعد ح تكون منتظراكي . قالت لي م تنسي

فرح

فرح دي بطلة القصة جيبيوها معاكم لازم ‏( طبعا وعد دي بت اخو راجل خالتي .

بتجينا كتير وبعرفة شديد . ‏) قلت ليها لا بس وافقت عشان م بحب

الكلام الكتير . وكل الشكر موصول لـ وعـد

اها خالتو نوال قالت لي يلا انا ماشة اجهز . التوب . واطقمو وانتي

امشي جهزي ملابسك . عشان بعد المغرب ح نطلع طوالي قلت ليها .

طييب ي خالتو

المساء جا خلاص واي زول في غرفتو بجهز في حالو . انا لبست لي

فستان . والطرحة لابساها زي حقت الخلجيين . بي قدام الشعر فااتح

والباقي مغطي وشايلا مطبقة كده لونها زي لو الفستان خاتة فيها

تلفوني وروج وشوكلاتة ولبان .

‏( مفتكرين ح . تكون كلها ادوات مكياج . ..البساطة في الاناقة

‏) ...... كلنا طلعنا ع الصالة وصلنا كده قعدنا في الكراسي لاقتني

وعد سلمت علي . وقالت لي اخيـرا شرفتينا . ي فرح بجد انا

مبسووطه بـ جيتك لينا . قلت ليها والله جيت عشان خاطرك ي سكرا

وعـد .. تثلـمي لي قلبووشةة . قعدنا في الطربيزة . . شوية كده

والعرسان جو داخلين . حلاتهم م شاءالله . وكمان مبسوطين واي

واحد بضحك مع التاني . خلصو رقصة الاسلوو وفتحو انوار الصالة

والفنان قام غني والناس قامت ترقص . وانا اشيل وابتسم ليهم طبعا

العرس عجبني شديد لاني م كنت متصوراهو ح يكون بـ الحلاوة دي

في كرسيني ده شقالة ارقص ساااي . وعد من بعيد شايفاني

برقص ساي بتلمح لي نظام قومي تعالي هنا وانا المح ليها . م جاية

جـات علي قالت لي قومي ارقصي معانا . قلت ليها لا لا هنا

احسن

وعد قالت لي لاااا الا تقومي بس خالتو نوال شقالة تغمز ليها

نظام قوميها . بالقوة وكده . قالت اليوم كلوو ففي البيت شقال

رقيص . قومي ساي اهاا انا استسلمت ليها وقمتا . مشيت معاها

رقصنا رقيص مبااالغة لمن الاغنية خلصت . وتعبتا . .. قلت لي

وعد عن ازنك ماشة اقعد شوية تعبتا . استراحة شوية وبجيكي وعد

قالت لي خلاص م مشكلة طيب واثنــاء

م انا ماشة اتصادمت ليكم مع واحــد لما مطبقتي وقعت اتكلمت

برااي قلت . غبي م بشوف ولا مـ بتعرف تمشي طبعا م شفتا

خلقتو دي نزلت رفعت المطبقة ومشيت طوالي . ووشي عامل

كده خالتو نوال لاحظت لي متضايقة ومكرفسة وشي قالت لي

مالك . قلت ليها واحـد غبي م بعرف امشي اتصادمنا مع بعض

ومطبقتي وقعت برتب في الحاجات الفيها . خالتو نوال قالت لي م

تضايقي حصل خيـر . وده بحصل كتير . قلت ليها طيييب م مشكلة .

وقعدت .. بهناك الولد ده اعاين لي ساي وابتسم . لي روحو . ..

عندو صاحبو شديييد اسمو . هيثـم المهم جاهو شافو سرحان قال

ليهو مالك ي مان سرحان وكمان بتبسم براك كده . مـازن قال ليهو مع

البت ديك . باشر بـ اصبعو علي دي منو ي هيثـم . قال ليهو كانت

بترقص مع وعد . شكلها صحبتها . ولا بتقرب ليها انسينا منها . وتعال

نرقص الحفلة قربت تخلص . مـ تفوت علينا فـرص زي دي

اذكروا الله يذكركم 

في امان الله .....

MoØody

*ربـما تحـن الأيـام

كل مـ نمـر بـ شخصية حـ اعرفكم عليها

وحـ تفهمو القصة لي قدام كمان