الجزء 48
الحلقـة الـ3
*ابتعد عن من يسفهون آمالك فصغار الناس يفعل ذلك العظماء هم
من يشعرك أنك أنت أيضا قادر على أن تكون عظيما* ”.. ....
ــــــ . ــــــ . ـــــــ . ـــــــ . ــــــ .
وصلت البيت ومعاي رغـد دخلنا البيت . اول شي مشيت المطبخ
اشـرب لي مويـة قلت لي رغد عاوزة قالت لي لا م عاوزة ومشت
فوق . وانا مشيت وراها وصلت غرفتي مشيت الحمام استحميت
وغيرت ملابسي وجيت قعدت ف الكنبة وفتحت التلفون رغـد ;.....
تلفونك اتكسر متين . انااا ;... في العرس قبيـل رغـد ;...
الكسرو ده مـ بشووف . انااا ;... اكسر رقبتو دي هو زاتو لما اجي
ماشي م . اعاين قدامو . رغد ;...اااي والله مفروض قعدنا نتونس .
وناس خالتي لسة م جو من العرس . وانا خلاص بقيـنا نعسااااانين
وبكرة . شقالين انا عندي جامعة ورغـد مدرسة قلت لـيها . انا خلاص
م بقدر اكون صاحية تاني . رغــد ;.. وانا كمان يلا ننـام . انااااا ;...
تصبحي علي خير قفلت التلفوون ورقدت ف السرير ونمتـا نوما
واحـده صحيت الصباح الساعة 7 دخلت الحمام جهزت نفسي ونزلت
تحت لقيت خالتو نوال قاعده مع . زوجها واولادا . عثمـان
وعبدالرحمن وعمـر بتجهز ليهم في العصير والشاي عشان طالعين هم
كمان طبعا ديل اولاد خالتو نوال كلهم كبار . في الجامعات وكده .
قلت ليهم صباااح الخير عليكم . خالتو نوال .. ي صباح النور والفرح
علي احلي فرح انا .. تسسلمي لي ي خالتي العزيزة
امبارح جيتو بتين انتظرتكم . خالتو نوال . . والله حضرنا الجرتق
وانتظرنا العرسان بعد سافرو وجينا طوالي وزحمة المرور اكبر
مشكلة . انا .. ااي والله مشكلة كبيرة الله يصلح حال البلاد بس خالتو
نوال .... ان شاءالله ي رب
يلا عن ازنكم انا طالعة علي جامعتي . خالتو نوال طييب ي بتي
خلي بالك من نفسك ومن الطريق انا . .حاااضر ي خالتو
طلعت برا الشارع . بعاين ساااي . وقاعدة في كرسي في الشارع
شوويه كده السواق ضرب لي بووري مشيت ركبت العربية واتحركت
ع جامعتي طوالي وصلتها دخلت الحوش لقيت دفعتي كلهم
قاعدين مع بعض سلمت عليهم ومشيت القاعة . بعد نص ساعة
المحاضرة بدت خلصت طلعت برا . لقيت السواق قاعد م مشي قلت
ليهو مالك م مشيت قال لي والله عجبتني الجامعة ف قعدت
فيها . انا هههههههههه طيب بما انو انت قاعد نمشي نفطـر مع بعض
السواق نزل راسو في الارض م ردا علي قلت ليهو مالك م رديت
علي قال لي م بقدر اكل معاكي وانا شقال معاكي . في نفس الوقت .
قلت ليهو . عااادي عندي كلنا من نفس التراب مافي فرق بيننا
وشووف انا الطلبت منك كده م انت صح قال لي ااي صح قلت ليهو
يلا نمشي . سواقي ده اسمو ابراهيم زول بسيييط وعلي نياتو
متزوج وعندو 4 اطفاال . بسوق لي لحدي الخميس وباقي الايام
بمشي لي اولادو وزوجتو .
مشيت وديتو مطعم . راقي كده فطرنا وشربنا عصيـر زيييييين
طلعنا . قلت ليهو امشي قدامي بلحقك . لما جيت طالعة شايلا معاي
اكياس وركبت العربية وصلني الجامعة قلت ليهو بمـا انو الزمن
بـدري . انا بمشي بتم محاضراتي بتخلص قريب لي 4 ونص . واسي
الساعة 12 ونص . حاليا امشي ودي الحاجات دي . لي اولادك . وتعال
لي .
عمو ابراهيم عيونو قربت تدمع قلت ليهو انا زي بنتك واعتبر
الحاجات دي منها وفي ااي لحظة احتجت لي حاجة تعال لي . انا
بكون في خدمتك . عمو ابراهيم قال لي والله م عارف اقول ليكي
شنو بس اديكي العافية وربنا اوفقك في قرايتك دي . قلت ليهو
ااامين ي رب تسسلم ي عموو
عمو ابراهيم مشي علي اولادو وانا دخلت جامعتي . لاقتني واحده
من دفعتي اسمها . نـوران سلمت عليها وقعدت معاها وقت المحاضرة
م بدت . اتونسنا نص ساعة كده . في ونستنا دي قالت لي مالك عاملا
حواجز في الصداقة قلت ليها والله تقولي شنو بس م عاملا حواجز .
لكن بس انتي عارفة انا جديدة في البلد دي . وغير كده م بلقي وقت
اقعد معاكم وانا عاوزة اركز في قرايتي دي اهم شي وده السبب
الجابني السودان عشان كده بركز في قرايتي و انجح و لازم اجتهد
ونفسي افتح لي معمل متكامل بـ صبدليته بـ اسمي واكون تحت
اشرافي
نـوران .... شكلك زوولة طموحااا شديد قلت ليها اكيييد ولولا
الطموح لما الناس م وصلت لي العايزاهو ده نـوران ... كلامك
مقنع . ياااخ .
قلت ليها ده الواقع يختي
نوران ... بعد كلامك ده انا شكلي حـ اركز في قرايتي وابقي طموحاا
زيك كده . .انا ههههههههه ان شاءالله ياااخ
المحاضرة ع وشك ان تبتدا . مشينا ع القاعة قعدنا مع بعض لحدي م
خلصت وطلعنا . قعدت برا ف الاستراحة نوران .... قالت لي مالك
قاعده م ماشة بيتكم قلت ليها منتظرة السواق اجي بس . نـوران
طيب يلا انا استاذنك باااي نتلاقي تاني امممح انااااا ;... م
تقعدي اوصلك معاي في الطريق . نــوران ;... يااه مشكورة مرة تانية .
انا ماشة قريب لي اختي بـ جاي . انااا ;... طييب تمااام
بعـد نوران مشت عمو ابراهيم اتصل علي قال لي منتظرك بـرا . قلت
ليهو طيييب ثـواني واكون عندك
اذكروا الله يذكركم
في امــان الله .....
MoŐody
*ربمــا تحـن الأيــام