الجزء 23
*الحَيَاة أشْبَه بِمُحِيط لَا نَعْلَم آخِرُه ..لَكِن الإيمَان هُو مَنْ يَدْفَعنَا لِلتَقَدُم دُونَ خَوْف* .. 😉✌🏻
ــــــ.ـ ـــــــــ. ــ. ـــــ.ــــــــ. ـــــــ.
فـرح قووم. فرح قووم. عم ابراهيم منتظر برا. فرح قووم. دي اسلام الحبشية بتصحي فيني 😂
انا فتحت عيوني. قلت ليها ايوووة في شنو اسلاام... انت م ماشي الجامع. اناااا... اوووه. قولي لي عمو ابراهيم. فرح م ماشة اليوم. وجيبي لي عصير وشاي بعد تنزلي. اسلام...🚶🏼♀ كويس.
قمتـا من سريري دخلت الحمام. استحميت وصليت وقريت لي قـران. وجات الحبشيـة ومعاها العصير والشاي. قالت لي ماما نوال قال ليك بعد تخلص انزل تحت عشان ماشي لي ناس خالة زينب. اناااا طييب تمام. اخلص الشاي بس واكون عندها. هنا الساعة كانت 10. ونص انا بمشي جامعتي. 9.
لبست لي بنطلون بـ فنلة قصيرة حدها مكان حزام البنطلون مع جاكيت طوويل بـ قدام فاتح كلوو وطرحة نص الشعر برا والباقي مغطي. بلبسها زي الخلجيين. وعاملا زمام 😌
نزلت تحت. سلمت علي ماما نوال 💋💋 قالت لي يلا نمشو علي ناس زينب نفطر عندهم. اناا طييب ارح شلت معاها الفطوور وطلعنا. ضربنا الجرس فتحت لينا الحبشيـة دخلنا. سلمنا عليهم خالتو زينب ونادين والباقي نايموون 😴 ومعاهم جاراتها. قعدنا. شويية كده وجابو الفطور فطرنا زيييـن 👌🏻 قالو عايزين شاي وقهوة. قلت ليهم انا حـ اعملهم ليكم. خالتو زينب .... لا لا نادين قاعدة بتعملهم. اناا... برضـو ح اعملهم انا والكلام انتهي. يلا وصفو لي المطبخ وين. ناديـن ...ارح نوديكي ليهو مشيـنا 🚶🏼♀🚶🏼♀
طبعا مطبخهم جنب السلم البودي فووق لي غرف النوم تبعهم. وجنبـو باب بطلع علي الحووش
دخلت المطبخ وختيت الشاي ف النار. جهزتو ليهم ووديتو قعدنا شربناهو. بعد خلصناهو مشيت المطبخ. اعمل القهووة فتشت البن م لقيتو قلت لي نادين البن شكلوو خلص 😁 قالت لي اسي برسل الحبشي. اجيبو من البقالة. انااا...طيب ح انتظر هنـا اجهز. الكبابي. وباقي الحاجات مسافة م جا. ناديـن....طيب تمام. ومشت لي الحبشي. ادتو القروش وطلع علي البقالة اجيبو
في ناحيـة. ولدهم صحي من النوم وجا نازل. بفتش لي الحبشي عشان عايز ارسلو البقالة وطلع بالباب اللي جنب المطبخ بس م شافني. بعد وصل الحديقة. شاف الحبشي. داخل علي البيت وشايل معاهو كيس. بقي قـريب منو قال ليهو. امشي جيب لي رصيد. الحبشي.. اوصل الكيس المطبخ وامشي ليك. مـيـدو.... بوصـلو انت امشي جيبو لي ناس الشقل اتصلو علي كم مكالمة وانا م عندي رصيـد. الحبشي.. اداهو الكيس وشال منو القروش. ومشي.
جا علي المطبخ اول م وقف في الباب عمل كده😳 قال فـرح شخصيا . ولا انا بتخيل طبعا انا كنت قاعدة ف الكرسي وخاتة تلفوني ف الطربيزة ومركزة معاهو. ولابسة السماعة
بقي واقف ف مكانو بس.بعاين لي انا رفعت راسي. وشفتو قلت ليهو اخيـرا. الحبشي جيـت وقمت من مكاني ولعت النار. قلت ليهو جيبو ومشكـور 🙂 وهو لسة واقف ف مكانو. مشيت جنبو ولسة م اتحرك قمت صفقت ليهو ب اصابعي. حقت الكمساري لما اجي اشيل منكم القروش اكيـد عرفتـوها 😅
قلت ليهوو هيييي هااا بتكلم معاك. وهو لسة واقف. قمت جريت منو الكيس قلت في نفسي شكلو م بفهم عربي, قلت ليهو. شكـرا. بعد ده ممكن تمشي وهو لسة واقف ومشيت خليتو . تاني اتلفتت عليه لقيتو واقـف. قلت في نفسي ده مالو بقي كده حركة مافي 😨عملت قهوتي . وجهزتها.
وطلعت خليتو في مكانو. مشيت عليهم لقيت مريم قاعدة لما شافتني قالت خالتو فـرح😍 وجات جارية علي حضنتها وقعدتها ف رجولي. خالتو زينب تسلم ايدك ي بنتي وقهوة مـ فيها كلام. انااا. العفوو ي خالتو. 😘 ..مريووما وين ريـم لسة م صحت. مريم... ااي لسة. نايمة دي الا اصحوها حتي تقوم. اناااا....هههههههههه الارهااق بخلي الزول انوم كتيـر.
قلت ليهم عن ازنكم انا ماشة عندي قراية كتيرة والسمستر الاول باقي ليهو 15 يوم. خالتو زينـب ... ازنك معاكي. وربنا اوفقـك انااا...تسسلمي لي ي خالتو. نادين ... بالتووفيق ي حلووة. انااا.. تحلي ليكي الدنيا تسلمي 😘😘
وطلعت منهم ماما نوال م طلعت معاي قالت شوية وبتجي
مشيت البيت وبديت قراية. لمـا نمتـا فيها. صحيت العصـر الساعة 6 صليت وتاني بقيت اقـرا. جاتني رغوودي قالت لي مالك حابسة نفسك هنا. انااا..القراية هي الحبستني 😑 وشايفة كيف. رغـد...الزول لو عرس احسن ليهو من المعط ده. اناااا...😂😂 رغـد ...بتضحكي مالك. انااا... عجبني كلامك بس. بالمناسبة تحت ف منو. رغد ... ماما وبابا واخواني. ورنين جاية اسي تقعد معانا فتـرة الوحم وترجع انااا . .😍😍 هيييي هي حامل.صحي. رغـد... زي م سمعتي. اناااا...اشعـر بالفــرح. 💃🏻😌 رغـد... وانا كمــان. 😍
انااا...وين ريـان بت خالو فيصل رغـد ...بررري م بعرفا. انااا... يعني م جات من الجامعة رغـد... بكون كده لانو في البيت كلوو مافي. اناااا....اممممم.
المغرب رنين جاات مشينا ليها تحت سلمنا عليها 💋💋 وقعدنا معاها. كل ساعة تمشي تستفرغ😖 بعد رغد قالت
ليها م تمشي تقعدي في الحمام مرة واحـده م كل ساعة تمشي وتجي فينا.😂
بقت كل دقيقة نفسي في ده وده.
طلعت فووق وقفت في الشباك بتكلم. مع مرافي. بالتلفون فجاة اشوف ليكم ريـان نزلت من عربية مع واحد اول مرة اشوفو هي وعلياء قفلت من مرافي ونزلت تحت جات داخلة سلمت علينا اناااا...مالك اتخارتي كده ريان ..والله زحمة المواصلات. انااا.... جيتي مع منو ريان .... جيت بالمواصلات بعد تعب حتي لقيتها. اناا ...كان تتصلي علي كنت رسلت ليكي السواق اجيبك 🙂 ريـان ... مـ فكرتة والله المهم انا اسي وصلتا وقامت طوالي دخلت غرفتها. رنين ..قالت لينا دي مالا دي اناااا...بري علمي علمك 😁 سكتة سااي مـ كلمت زول بالشفتو رغـد..بكون عندها نفسيـات ساي.😂 جات طالعة. من شفناها سكتنـا 😬 وغيـرنا الموضوع. بقينا نتكلم عن الحمل وكده
مرت الايام. وناس خالتو زينب عملو الكرامة. بس انا م مشيت. عشان امتحاناتي قربت. كلهم مشو
ونحنا ف نفس الروتين كل يوم متكرر. نزلت امتحانات وخلصتها. ودعت دفعتي كلها. عندي اجازة 45 يـوم جهزت الاجراءت عشان مسافرة البحرين وفعلا حجـزت بعد بكرة تاني مافي الا الاسبوع الجاي .
مشيت ناس عمو محمـد قعدت معاهم اليوم الوحيد ده وجيت منهم بليل جهزت شنطتي. بس باقي اتحرك ع المطار.
نمتا بدري. عشان بكرة السفـر.
اصبح الصباح دخلت الحمام جهزت نفسي. ونزلت تحت اول مشيت ناس خالتو زينب عشان اودعم. من دقيت الجرس فتح لي ميدو الباب سلممثت عليهو وقلت ليهو انا مسافرة. اليوم. بنتلاقي تاني. قال لي الله يوصلك بالسلامة تمشي وتجي بالعافية. انااا... اللهم اااميييـن ي رب. تسسلم. قال لي ممكن رقمك اطمئن عليكي بعد توصلي. انااا...جدا م عندك مشكلة. اديتو رقمي بتاع السودان لاني داخلة بيهو واتس
استاذنتو ومشيت ودعت ناس خالتو زينب . طبعا ريم ومريم. ومؤيــد نايموون م ودعتهم وصيت ليهم خالتو زينب وطلعتــة علي بيت خالتي نزلت الشنطة. وكلهم طلعو معاي اوصلوني الشارع. وكمان ناس خالتو جو طالعين رفعو الشنطة والسواق قال لي بعد ده نتحـرك. ودعتهم وسط الدموع😭. قلت ليهم نتلاقي علي خيـر ✋🏻والعفوو. . انتــو برضوو مع السلامة نتلاقي علي خيـر ابـقو عافيـــة
في امان الله .....🤞🏻
*ربمـا تحن الايام*..💝