الجزء 16

*قُلوبَكُم مَدينَة جَميلَة نَقيَه فَحَافظُوا عَلى نَظافتهَا وَ لا تَفتحُوا أبوابُهَا إلا لأولَئكَ الذِينْ يَستَحقُونهَآ.."*

ـ ـــ .ــــــــــ.ــــــــ.ــ ـ,,,

نزلنا تحـت. بابا عمـاد وراني الشقة الارضيـة. فيها حاجة زي الدكان كبيــر. ممكن نقول بقالة عديل. والشقة لي جووة واسعة. ومبنية بـطريقة خرافية 👌🏻لكن م وراني شي. عنها. فـ كان السكووت حاضرا

طلعنا منها. ركبنا العربية اتحركنا ع اسواق امدرمان الكبري. اشترينا منها حاجات. لي ناس خالتو نوال. وطلعنا طوالي علي البيت. دخلنا. لقيناهم كلهم قاعدين ف الصالة. قعدنا معاهم. انا جاتني مكالمة من صحباتي طلعت برا الحديقة رفعت الخط. *مرافي* فروح ازيك انا...اهلييين رووووفتي 😍 كيفك. *مرافي* ..الحمدلله بخير والله. كيفك انتي. *انااا.*..تمااام والله في احسن حال. *مـرافي*... يخسي عليكي م بتورينا امك جات. ولا مـ عاوزانا نجي نسلم عليها😒

*انا.*...ههههههه لا لا ياااخ م. كده والله. *مـرافي* ...اها كيف. *اناااا* بس م كنت متذكرا. مع جوطة العرس علي العموم اسي م فات شي. الليلة عندنا حفلة حنة تعالي احضريها وسلمي علي ماما وبابا ومومن مرة واحـده. *مرافي* امووت انا في الحفل ياااخ 😅 *اناااا*

😂😂😂خلاث تعالي. وكلمي نـوران معاكي. حاليا م عندي رصيـد.والبقالة م فاتحة *مرافي* ولا يهمك حبيبة حـ اتصل عليها من اقفل منك *اناااا* تسلمي ي الحبيبة 😍 انا برضو بعد الغي رصيد بتصل عليها.

باب الشارع ضرب قلت ليها عن ازنك باب الشارع فيهو زول ماشة افتحو *مـرافي* وانتي وين هو. 😳 *اناااا* في الحديقة. 😁 عشان الجووطة والناس كتيرة طلعت برا. *مرافي* هههههههه طيب تماام نتلاقي. قفلت منها.

ومشيت علي الباب فتحتو لقيتو. .... بنت . اشوفها ليكم متوترا. شديد قلت ليها اتفضلي. قالت لي عندكم زول دكتور هنا. اناااا. ايووة انا شخصية. اتفضلي احكي. ولا اتفهمت معاي جرتني من يـدي قالت لي تعالي. ونحنا ماشين لقيت مريم بتبكي صراحة خوفوني لمن ضرباا قلبي زايدة دخلنا جـوة لقيت خالتو زينب قاعده ف الكرسي. ومعاها نادين ماسكة ليها يدها بتدعك فيها. لمن وصلتهم بقيت قريبا ليهم خالتو زينب م كانت واعية من نفسها. ام مريم قالت لي افحصي ليها شوفيها مالا. انااا طييب تمااام. فتحت عيونهاا. لقيتها زي النايمة. قلت ليهم مالا. هي. نادين.... والله فجاة جاتها لفة راس. انا . استاذنتهم دقائق اتصلت علي رغـد قلت ليها جبيبي لي شنطتي الفيها ادوات الطب. دي سررريييييع. في حالة طارئـة. *رغـد* اجيبها وين لكن. انااا في البيت الجنبنا جديد ده اسرعي ياااخ. قفلت منها وقبلت علي خالتو زينب. قلت ليهم من بتين هي في الحالة دي. ام مريم نص ساعة كده. انا معقوولة يااخ😳 بالغتو لكن. كان. تودوها المستشفي ولا عيادة نادين. اتصلت علي ولدا قال في الطريق جاااي ولسة هو م جا 😰

انااا. الحالات الطارئـة زي دي م فيها انتظار 😡 وبعدين من هي وقعت كده كان تمشو ااي بييت من الجيران كوركت فيهم كوراك. 😤 رغـد جاتني جاارية. ومعاها ناس الييت كلهم 😂 فتحت الشنطة سريييع وطلعت البقيسو بيها الضغط. لقيتو مرتفع. شديد. قلت ليهم مـ عندها حبوب البت قالت لي عندها لكن اليوم م بلعت. ونسيناها لما جـات هنا وبقت في الحالة دي اتذكرنا. *اناااا* طييبب ممكن تمشي الصيدلية تجيبي اسبرين ليها. نادين .طيب تمام البت . كانت عاوزة تمشي كده خالو منتصر قال لي خليني اديها من حقاتي ديل. رسلو رغد جابتهم واديتها بلعت. قلت ليهم محتاجة لي راحة نص سااعة كده من غير ازعاااج. *ريـــم* اخوي م جا ومافي مكان ترتاح فيهو غير الكرسي ده *خالتو نوال* ودوها بيتي. مالو. خلوها ترتاح فيهو. خالو منتصر وبابا قالو لي الشباب تعالو شيلوها بـ كرسيها ده. ماما وخالتو مشو قدامهم عشان اجهزو ليها. الغرفة الحـ تقعد فيها لميت الشنطة. وطلعنا وراهم. لحدي م وصلنا. *نجوان* اتصلت علي اخوانها وكلمتهم بالحاصل. وانا مشيت لقيتهم كلهم قاعدين معاها. قعدت جنبها عشان اتابع حالتها اول باول. قلت ليهم لو سمحتو ممكن تطلعو بـرا. هي محتاجة راحة. وانتو بـ كلامكم ده م حـ ترتااح. كلهم طوالي طلعو. في اللحظات الزي دي كلامي مسموووع😌

لمست ليها جسمها لقيتو مسخن. ده من ال هبووط . جات الحبشية. جابت العصير قلت ليها انتظري كبيت لي ولي خالتو زينب. وقلت ليها ودي لي البنات الجو معاها.

فحصت ليها عينها مافي شي. فتحت عيونها. اديتا العصير تشربو. قلت ليها تاني م تهملي صحتك كده. وحبوبك في مواعيدها. *خالتو زينب*

سمح ي بنتي وكتر خيرك الله اديكي العافية. انا ...واعافيكي كمان يلا ارتاحي. شوية.عشان تبقي قوية

بهناك * اولادها جـو. استقبلوهم اولاد خالتو ومـؤمن . وسال عن امو. قالو ليهو كوويسة بس محتاجة راحة واختي قالت م ازعجوها. اخلوها براها شوية كده. * قالو لازم اطمينو عليها واجو راجعين *عبووودي* خلاص تمام. ارح وراي

في ناحيتي انا طلعتة عشان اخليها ترتاح شوية كده وبجيها راجعا. اشوفا بقت كيف

ا* جو دا

خل عليها لققوها نائـمة ومتغطية كوويس. قربو منها كل واحد باسها ف راسا وقال ان شاءالله عوافيكي ي ست الكل ربنا اقويكي وطلعو منها. قعدو في الصالون.

شـووية كده وناس حبوبة جوو😍 مشيـنا استقبلناهم. ودخلناهم جووة. اديناهم مووية. وطوالي رصو الغـدا. اتغـدوو زيييـن وشربو العصير والشاي ودخلو الغرف ارتاحو.

وانا معاي مريم داخلة وطالعة حبوبة قالت لي دي بنت منو اناااا... معقولة م عرفتيها دي بنتي انا. حبوبة ...هاااا عرستي بتين انتي. اناااا...حتي عرسي نسيتي. ليه كده ي حبوبة😭 حبووبة. ي بنتي امكن الذاكرة ضعيفا م تزعلي. اناا..خلاص م زعلتة. ناس رغد ورنين ووعد والاولاد قعدو اضحكو. ساااي.

جاتنـي. بتها مدت لي يدها قالت لي انا ريـم. و امي صحت خلاص. انااا .. اهليـن فيكي والله تشرفنا طييب اقيس ليها الضغط واشوفو.

مشيت معاها. لقيتهم كلهم معاها. اناا.. ي خالتو ازيك وبقيتي كيـف. *خالتو زينب* الحمدلله ي بنتي م قصرتي معاي والله. اناا .. م عملت شي والله ودا واجبي. 🙂 وربنا اكتب عافيتك واقويكي. *خالتـو زينب* اااامييين ي رب. قست ليها الضغط ولقيتو. نزل الحمد لله قلت ليها. الضغط نزل. وبقيتي في احسن حال

طبعا. اولادا. كلهم قاعدين . ساقوها وشكروني وشكرو ناس البيت كمان وطلعو مشينا وصلناهم. قالو ليهم الا تقعدو تحضرو الحلفة رفضو قالو ح يجو العرس ان شاءالله.

نادين وريم. شالو رقمي وانا كمان شلتو عشان اطمئين علي الوالده. ودعناهم ومشوو

مواعيد الحفلة جااات مشينا لبسنا والعروس جات من الكوفير. الحفلة بدت وعملو زفة عروس. دخلنا الحفلة رقصنا لمن حيلنا مااات واتصورنا زييين الحفلة خلصت ومافي زول م جا بس م عاوزة اكتب. لاني تعبت من الكتابة 😁

طوالي مشينا نمنا من التعب م قدرت انام. عشان البيت جااايط صحينا الساعة 11 😶 البيت جااايط ده. داخل وده طالع بقيت م فاهمة شي. اليوم عدا. بخيرو ونفس الروتين. تعب مبالغة وقالو بكرة ح يودو فطور ام العريس. ودو الفطور. وجو معاهم هداية. من ناس العريس.

انااا...اوووف. ده شنو. جوطة مبالغة وتعب ورا تعب

رغـد قالت لي انتي هووو شفتي شي. الجوطة لسة م بدت عندنا ناس لسة م جوو. اناا....😱 اصلوو م ممكن. مشيت منها. لاقيت بابا

قلت لي بابا انا ماشة ناس عمو محمـد من الجووطة دي لاني بطبعي بحـب الهـدوووء 🤓

قال لي تمااام مافي مشكلة. 😽 طوالي مشيت. نمتا. نووما حقت يومان 😁 اصبح صباااح الخميس قلت م ماشة الليلة ارتاااح عشان اعمل حاجات في وشي واقعد اتحنن هنا مع رنين وباقي البنات.

*رنيين* جات معاي. وباقي البنات جوا الصباح. ده عشان عايزين نتحنن. فعلا اتحننا. كلنا. وعملنا حاجات لي وشنا. م قصرنا كلوو كلوو 😂 قاعدين لحدي يوم الجمعة مشينا البيت. قعدنا فيهو واشتقلنا ضيافة بي الناس البجو ديل. وريم وام مريم جو شرفوونا. استقبلناهم تمااام. وضيفناهم. ريم ... فرح ي ماسورة كنت منتظرة منك مكالمة😒 اناااا..... ههههههههههه يااااخ اعفيني. مع الجوطة والتعب ده نسيت انا منو. ريم ....😂😂 لدرجة دي كمان. اناا

...تتخيلي بس. قعدت معاهم واتونسنا لحدي م جا العصـر قريب لي المغرب استاذنتهم عشان ماشة ناس عمو اللبس هنااك ونطلع مع البنات مع بعض. قلت ريم لازم تمشي معانا. في الاول رفضت بعد تحانيس. ودخلت خالتو زينب عشان تخليها وافقت. مشينا. ناس عمو لبسنا فيهو. وظبطنا روحنا زييين ولبسنا سمايل. الا ريـم لابسة غير بس نفس اللون مشينا الصالة. قعدنا برا الصالة منتظرين العروس تجي عشان ندخل. والناس كلها جااات م شاءالله والصالة اتملت ونحنا زهجنا شديد والفنان جا. ده عاصم البنا وطه سليمان . بقي عاصم اغني. لحدي م العروس جاااات. الصالة كلها هدت. وناس التصوير استعدلوو كوويس وبقو قريبين من الحدث. ونحنا وقفنا وراها. كلنا كل اثنين مع بعض. طبعا كلنا فاكين شعرنا وكل 2عاملين تسريحة نفس بعض. العروس وقفت جنب باب الصالة. والزفة اشتلقت وبقت ماشة شوية شوية ونحنا كمان. الزفة كانت بـ طه سليمان الاغنية بتقول. *حلوة جنس حلا وطاعمة جنس طعم ي غالية المال عليكي ابدا م غلا* 😍 والعريس شقال اهمس لي رنين سااي في ا👂ازنها. وهي تتخجل وتضحك. وصلو نص الصالة ونحنا اتفرقنا دائــرا بين العروسين وهم رقصو اسلولي 💃🏻 ونحنا بنصفق ليهم. لحدي م خلصوو والحفلة بدت والناس دخلت ف النص بقت ترقص زي المجانين. عاصم وطه م قصروو عزونا عز زييين 👌🏻😎

الحفلة خلصت. العروس مشت تلبس لي الجرتق ونحنا قعدنا متظرنها ونتونس ونضحك. جات الفنانة شقلت الدلووكة وبقت تغني العروس جات وعملو الجرتق. جرتقوها زييين 👌🏻😇 وخلاص انتهينا ودعنا الناس. واااي زول علي بيتو. العروس مشت معانا ناس عمو محمد لانو طائرتها ح تقوم الظهر. وصلنا البيت نحنا البنات. والعروس جابها العريس معاها رغـد وبنت خالو. من التعب م بنشوف عديل. طلعنا ملابسنا

انا غايتو نمت طوالي الباقي م بعرفهم 😁 نامو متين

اذكروا الله يذكركم 

في امان الله. ....🤞🏻

*ربـما تحـن الايام* ..💝