الجزء 18
*سُبحان الخالق الذي جعل جُزء من سعادتنا في بعض الأشخاص !حين نراهم يبتسِم القلب و تسعد الرّوح* ~...😍
ــــــ.ــــــــ.ــــــــ.ــــــــ.
عــدت الايـام انا مع جامعتي وناس ماما مقضنها طلعااات و و و امور النسوان دي 😶 وبابا عماد. ومؤمن مع بيتنا بمشو عليهو يومي اشوفو الحاصل والناقص. في يوم كده مشيت الجامعة ادونا محاضرة واحـده جيت راجعة الساعة 11. دخلت ع البيت. لقيت ماما وخالتو نوال في المطبخ سلمت عليهم ف خدودهم 💋 قلت ليهم اليوم مالكم في المطبخ. خالتو نوال.... بنعمل في قهوة وبسبوسة ماشين ناس زينب نشربها معاها. ونسوان الحي برضو ماشات اناا... ايوااا والله فكرة حلوة ماما... مالك جيتي بدري الليلة انااا... والله ادونا محاضرة واحـده وتاني قالو مافي. خالتو نوال.... خلاص ارح معانا.اصلا نادين وزينب بسالو منك قالو مالك م جيتي سلمتي عليهم. امك قالت ليهم مع الجامعة. م فاضية. انا.... تسال منهم العافية. وحضنت ماما قلت ليها تسلمي ليااا ياااخ. ماما... اسسي امشي عليهم عزر مافي. انااا... اكيييـد مافي. يلا انا ماشة فووق اغير ملابسسي واجيكم
مشيت فووق لبستة لي بنطلون بـ فنلة وطرحة كبيرة. ونزلت تحت لقيتهم جاهزات ومنتظراتني قالو لي اخيرا جيتي. شلت معاهم حاجة وطلعنا.
دقينـا بابهم فتحتو لينا الحبشية. بيتهم م شاءالله كبيييـر ومن 3 طوابق فيهو حديقة. عاملنها بطريقة خرافية 👌🏻 والبيت جووة منظم ومفروش رهيييب الطابق الارضي ضيافة والتاني وبنامو فيهو والثالث بيت ثـامر وزوجتو وعندهم طابق فوق ليهو لسة م بـدو فيهو
سلمنا عليهم وقعدنا معاهم. ضيفونا زيييـن 👍🏻 شوية كده والنسوان كلهم جـو. انا بقيت شقالة ف تلفوني بس جات مريم لما شافتني فرحت قالت لي فرح😍 انااا ي عيوون فـرح😘😘 انتي. وينك مختفية كده ولا زعلانة مني. مـريـم ... لا لا م زعلانة منك بس انتي م بتجينا 😶
اناااا... عشان عندي جامعة وم فاضية حبيبتي. واسي خليت الجامعة عشان مشتااقة ليكي 😘 مريم .. 😍😍 انا بحبك ي خالتو فرح وحضنتني. قلت ليها وانا كمان اكتـر قعدتها ف رجولي. فتحت التلفون اتصورنا سيلفي قالت لي حلووة. قلت ليها عيونك هم الحلوين ❤
خالتو زينب قالت ليها سوقي فرح دي لي ريـم فوق. قلت ليها عادي بقعد معاكم ومريم بتونسي خالتو زينب ... لازم تمشي. ليها.. اتونسو مع بعض. اناااا...طيب يلا ارح ي مريم 🚶🏼♀🚶🏼♀ م طلعنا ب السلم طلعنا بـ الاصانصير. وصلنا الطابق ال2 دقيت الباب من شافتني قعدت تصرخ فرررررح🙀 م بصدق عيوني ياااخ. انااا...هههههههه تتخيلي بس😉 حضنا بعض وقعدنا ف السرير قالت لي يخسي عليكي ي كعبة لا اتصال لا سوال. انااا.....معليش حقك علي. والله جري شيين ي دوب اول يوم اقعد و ارتحتا وجيتك اها قصرت معاكي😌 ريـم ....ههههههههه ابــدا والله. بالجد وحشتيني 😍 اناااا... والله لي درجة م بتتصوريها ي ريـمون 😘😘
مريم قالت لينا مـ شايفين انا قاعده معاكم 😒 قعدنا نضحك. قعدناها معانا ف نصنا واتونسنا جنس ونسا. في ونستنا دي. قالت بتقـري وين انتي انا...في السودان مختبرات طبية اخر سنة لي. ريم .... م دام ف اخر سنة مرتبطة صح 😉 اناااا....هههههه للاسـف لا. م عندي علاقات غير صحبة الدفعة البتقرا معاي دي. ريم ....معقولة زولة زيك كده حلووة. وفيكي انووثة م شاءالله وكمان مثقفة 👌🏻 مـ مرتبطة حتي حب سااي. اناااا....من متين الحاجات دي بقت اقيموها. بالحب والارتباط . اساسا انا مـ عاوزة اااي ارتباط في حياتي الا بعد اخلص جامعتي واشيل شهادتي ف يدي دي 🤚🏻 ريـم ...ممكن تديني سبب 😐 انااااا ...لانو لو ارتبطت ب زول بشقلني من التركيز في القراية. لانو مجال الطب ده صعـب. وبحتاج مجهوود دائـما وتركيز اكتـر. 🙂
ريم ... طيب م فكرتي تحبي ولا في واحـد لفت انتباهك انااا... ابـدا والله هو اخواني خلو مساحة للحب. ريم ... 😢 حياتي ملااانة حب. وسعادة. م بحتاج. ريـم... ولا زول ساي عبرك ماف انااااا... في كتير. بس م اديتهم فرص خالص لاني الحب عايزاهو بعد الزواج القسمة مـ معرووفة وين. ومـ عايزة اوجع قلبي ده ساااي😃
ريـم .. . سكتيني مرة واحـده. انااا... كيف يعني. ريم ....شخصيتك حلووة ع فكرة. وقوية وتفكيرك كلوو صح م شاءالله. ويـ ريت كل البنات بتفكر زي تفكيرك ده اناااا... تسسلمي من زوقك اكيييـد😘
وهي بتقراء في التقانة.هندسة معمار. مستوي 3. فب نفس جامعتي المهم الله يوفقنا بس😁
مستغربين في التعارف ده صح 😂 طبعا لما عرفنا بعض زي م قريتو في الحلقات ال. فووق. مـ كان في وقت ليهو كل الايام جري مع عرس رنين وعقد مومن وعثمان. المهم فضينا ليهو اسي
اتونسنا في اي شي وشبعنا ضحك.
فجاة ماما اتصلت علي قالت لي يلا انزلي عشان ماشين انااا... حاااضر ثواني واكون عنـدكم. كلمت ريـم. ونزلت معاي هي ومريم قالت لي نتلاقي تاني ي حبة. انااا.. اصلا حـ نتلاقي البيت م بعيـد كلوو كم متر كده. ريم ....ههههههههههه وانا شكلي حـ اعمل ليكم وجـع وش. اناااا ....نحنا لاقين وين. ا
حلي وش واكون معاهو حق مريووم 😘
نزلنا تحت ونحنا بنضحك مع بعض.كلهم شافونا قالو لينا تدووم. خالتو زينب... اها ي فرح بتي قصرت معاكي ريم. ...ماما ده كلامك. بتك م هينة😌 وي خالتو نهاااد بنتك ظريفة وحلووة خلاص
كلنا قعدنا نضحك. وغلبني الرد
يلا. ودعناهم ع كده.
بالجـد يووم ممتع وحلوو بشكـل 👌🏻 😍
ابقــو عافيـة ☺
في امـان الله ....🤞🏻