الجزء 2

*صَحيحْ قدْ لآ تكونُ جميع أيآمنآ جيدةً و جميلةً ,و لكنْ هُنآكَ دوماً

شيءٌ جميلٌ في كُل يوْم نعيشُه * ...

ــــ . ــــ . ـــــ . ــــــ . ــــ . ــــــ .

اصبح الصبـاااح كـ العادة . نفس الروتين نصحي الصباح ندخل الحمام

نستحم ونتوضاا ونتسوك واصلي واجهـز حالي . لـ الجامعة وانزل

تحت اشـرب الشاي . اقعد شووية معاهم واطلع علي جامعتي

في قعدتـنا دي كنا بنتونس انا وماما نوال ورغد . جات رنين نازلة

قالت لينا صبـاح الخير نحنا صباح النور رنيـن مـ كلمتكم زول

اشتقل بيها مافي مركزين مع الشاي وهم الجامعة . تاني قالت لينا

عذام اتصل بي ي عاااالم صرخت فينا بعد اتخلعنا منها ماما

نواال ... ي بت بسم الله مالك بتصرخي كده رنين ... مـ انتو عاملين

فيها تقاال وكده انا طيب مالك خير ان شاءالله . رنيـن ... مـ قلت

ليكم عذام اتصل علي بليـل بعد اااي زول طلع علي غرفتو انا

وليش الراحة دي كلها . هو اتصل مـ عقـد عليكي رنيـن

...... بتضحكي علي قبـل م تسمعي باقي الشمار . انــا ....

اهااا احكي قبـل م اطلع علي جامعتي . رنيــين ...... علي فكرة اتصل

علي وقاال عايزني في الحلال وعلي سنة الله ورسوله واداني

وقت عشان افكر فيهو واستخير . وقال لي منتظر ردك اهااا انتو

عندكم كلام بعد ده

كلنااا لااااا ابـدا مـ دام انتي مقتنعة بيهو وشايفة مناسب معاكي

رنيـن ...دي م عايزة كلام طبعا

انا .. ي بت بطلي خفـةة م كـده

مامـا نوال .... طيب ي بنتي لما اجي ابوكي نكلمو عشان ادي الود

كلمتو وهو الاداهو رقمك عشان اتفهم معاكي . ومـ دام انتي وافقتي

عليهو حـ يجيب اهلوو اكيد ده زول جادي وجاي بـ الباب عديل

انا ... الله يعمل الفيهو خيــر بس

رنين .. امييين وعقبال عندك ي فرووحة انا بعد اخلص جامعتي

اكيييد ح افكر في حاجة اسمها عرس . تلفوني ضرب لقيتو السواق

قال لي اطلعي انا برا منتظرك . قلت ليهم يلا ي جماعة عن ازنكم

ماشة ع جامعتي السواق منتظرني برا . نتلاقي المساء ماما

نوال ... طيب ي بنتي خلي بالك من نفسك وربنا اوفقك كمان

انا ... حاااضر ي ماما

طلعت برا . شايفة الناس شقالة في بيت ليهو كم يوم كده عاينت

ليهو ومشيت وصلت جامعتي اول م جيت داخلة لاقتني . نوران

سلمت عليها . ودخلنا مع بعض القاعة لقياناها فاضية والدكتوور لسة

مـ جا . قعدنا نتونس ساااي لحدي م اتملت . والقاعة بقت جااايطة

شديد . اي زول بتكلم براهو . شوية كـده الدكتور جا داخل سلم علينـا

وبـدا محاضرتو . ونحنا مركزين معاهو تمام . ........ ْ. نوران قالت لي

محاضرة مملة ياااخ . انا هههههه نعمل شنو . مجبورين نركز فيها

عشان محتاجنها لي قدام نـوران .... الاستاذ ده معاط بشكل

انا ... . اسكتي ياااخ م اقوم اطردنا . نوران .... والله اكون مـ قصـر

لو عملا انا .... اصبري عليها بس . . فجاة نلقاها خلصت والاستاذ طالع

خلاص نوران ....واخيرا اتخارج انا .... ههههههه والله انتي غايتو .

نوران ....خلينا منو ومن محاضرتو دي ارح نطلع من السجن ده .

انا ....

مشينا الاستراحة قعدنا فيها . وجابو لينا بووش فطرنا وشربنا العصير

واتونسنا جد حتي رجعنا لي القاعة . تميت محاضراتي كلها

واتخارجتا من الجامعة مشت معاي صحبتي نوران وصلناها . ومشيت

البيت

بعد دخلتة مـ لقيـت زول تحت طوالي مشيت فووق استحميت

وقعدت شووية ارتحتا . جاتني رغوودي قعدت معاي قلت ليها وين

نااس ماما .

رغد .... طلعو علي السووق قالو اهل عذام جايين الاسبوع الجاي

اتقدمو لي اختي اناا بالجد خبر حلوو ومفرح كمان . عقبال مـ

نفرح بيكي ي رغووودي . رغد ... وانتي كمان ي رب . انـا .... ان

شاءلله . ي رب رغوودي . يلا ارح نرقص الزومبا . ... انا طيب

اووك . يوميا بنرقصا انا وهي . عشان نحافظ علي استايلنا ده . رغد

دي ممتحنة ثامن السنة دي

المهم . بعـد م خلصنا رقيص واكلنا ناس ماما نوال جو نزلنا عليهم

لقيناهم جابو السوق كلوو معاهم ده كلوو عشان التعارف بين اهل

عذام واهل رنين

مـرت الايام وعملو دعوة عشاء بسيطة للاهل والجيران عشان

التعارف وكده واهل عذام جو بعد المغرب طوالي . وجابو معاهم

حاجات شيلة عديل والرجال م شاءالله عليهم كتار .

كل الناس اتعشـت وشربت الشاي . حليب وابو العريس قال مـ دام

الناس كلها مجتمعة كده وكتيرة نعملو عقـد . عمو منتصر ابو العروس

قال ليهم الشايفنو انتو مناسب انا موافق عليهو البت بتكم . اهاا

خلاص التعارف ده قلبو عقد والزغاريد والطلق . دي شي عجيب

والناس بتقدم في التهاني والاماني ومبسوووطة وجابو الفنانة

عملو لينا حفلة ظااابطة حتينا فيها حت مبالغة ومعانا العروسين .

برقصو .

وانتهت الحفلة وكل زول مشي علي بيتهم خلاص ونحنا خلاص

حيلنا مااات من التعب والرقيص رتبنـا البيت وخلينا زي المـ كان

فيهو شي حاصل خلصنا طوااالي مشينا نمنا م . صحينا الا السااعة

11 ونص صباحا والتعب لسة قاعد . واليوم ده م صحيت الا بـ تلفون

نوران . الوو فرح وينك اليوم مالك م جيتي قلت ليها م . بقدر

تعبااانة امس كان عقد اختي ياخ والتعب طلع عينا يلا اقفلي عاوزة

انام برجع ليكي لما اصحي . قفلت

منها ونمتا صحيت مع صلاة الظهر

قمتا استحميت وصليت وقعدت شوية مع نفسي . اتصلت علي

الحبشية قلت ليها رسلي لي عصير وشاي فووق لو سمحتي قالت لي

حاااضر ي فرح

طبعا الحبشية دي خااصة يي جابها لي بابا عشان تخدمني واركز

في قرايتي ومـ اكون عندي هم

اذكروا الله يذكركم 

فـي امـان الله ️✌...

🏻✍MoØody

*ربـما تحـن الأيـام *