الجزء 22

*الطريقة الوحيدة لتجنب التعاسة هي ألا يكون لديك وقت فراغ تسأل فيه نفسك فيما إذا كنت سعيداً أو لا .."* 🙂✌🏻

ــــــ.ـــــــ .ـــــ ـ.ــــــــ.

اصبـح صبـاح جـديد بنكهــة التفاول والرضاء 😍 صحيت بــدري استحميت وصليت الصبح وقريت قران 😁

اليـوم يــوم جمعة.

نزلت تحت لي البنــات.الساعة كانت 9 ونص مشيت ليهم في غرفتهم لقيتهم ي دووب صاحيين. صبحت عليهم ومشو دخلو الحمام قعدنا نتونس. وكده الشقالة جابت لينا العصيـر والشاي والبسيمة. م قصـرنا كلهم خلصناهم 😂 انا قمتــا شلت الصينية وديتها المطبخ عشان اصبح علي خالتو. دخلتـة سلمت عليها وقعدت ساعدتها ف الفطور. ...... وطلعنا علي غرفة البنات. قعدنا فيها لحدي م خالو منتصر قال جاع ارصو الفطـور.

وفعلا رصيناهو في الصفرة وكلنا قعـدنا. فجاة باب الشارع دقـا مشي عبودي افتحو. لقاهو ميدو سلم عليهو ووقف معاهو شوية كده. عبودي قال ليهو الا تدخل تفطر معانا. جااهز وفي قدامنا بعد اصرار حتي وافق. عبوودي بعد وصل الباب قال لي ناس امو ود الجيـران جا وبستاذنكم في الدخول. ماما نوال.. اتفضل طوالي. خالو منتصر حبابو والله.

قبل م ادخل قلت لي ماما نوال انا شبعااانة والله شاربة العصير والشاي ومعاهم بسيمة م بقدر اكل. .مامـا نوال .... خلاص تمام بعد تجوعي كلمي الحبشية تعمل ليكي اكل انا... حاااضـرر قمتـا كـده وهو جا داخل ولا كلفت نفسي اعاين ليهو ولا اسلم عليهو 😁

بعد جا داخل شافني قمتا ومشيت طويل فووق. وهو شقال بعاين لي ساااي وانا طالعة في السلالم. قال في نفسو الافتـراء ده بتخلي بتيــن. ومالا قامت. شكلو جيتي م مرحب بيها عندها 🤨 ...عبـودي ناداهو ي مان ادخل شنو واقف كده. وهو لسسة بعاين لي. وقال ليهم م شاءالله خارطة البيت ظابطة. وهو بستهبل ساي قال كده عشان م افضح نفسو بس 😂

ماما نوال... تعال اقعد م تخجل البيت زي بيتكم . قعد اكلوو وشربو العصيـر والشاي والرجال مشو الصالون.

طبعا هو جانا عشان اولاد خالتو قالو ليهو م بتجي علي الناس مالك. ميدوو.... قال ليهم والله مضغوط مع الشقل. يوم اكون فاضي بشرفكم ان

شاءاالله. قالو ليهو منتظـرنك ي مان

مشي اليوم بـ خيـرو. الحمدلله. وكل ايام الاسبوع كمان.

وبت خالي بقت بتجيني كتير ف الجامعة بعد حيـرتني مـرة جـات ومعاها صحبتها. اسمها. علياء. بتقرا معاها في نفس المجال عرفتنا عليها. وقعدو معانا. نوران....انا البت دي شفتها ويـن 🤔 مرافي ...انا كمان لاقتني في اماكن م مكان. انااااا.... طوالي اتذكرتها كل مرة. بشوفا راكبة عربية مع واحـد.

مرافي. ومرات بشوفها في مطعم او شارع النيل. نوران شي عجيب. طبعا نحنا ثلاثتنا بنتكلم براحا ومادين راسنا علي بعض

بعد خلصنا كلام رفعت راسي عديل. شايفة. ليكم ريان قاعده جنب ياسر. ومغداد واحمد اكتر مننـا تتونس وتضحك معاهم تقول معرفة سنييين م ركزت معاها كتيـر. وصحبتها شقالة تتكلم تلفون قالت ليهو في المكان الفلاني. ....تاني قالت ليهو. كوويس بنتظـرك. وقفلت منو.

اناااا ماشة. تعبتة خلاص م بقدر اقعد اكتر من ك ـده 😩 روفاا ونونو برضو قالو نحنا كمان حـ نطلع بعد ده قلت ليهم خلوني اوصلكم. يلااا ي ريااان. ارح. ريان .... م عاوزة امشي البيت فيهو شنو خلينا نقعد نكمل باقي اليوم ده اناا... لا لا م بقدر والله عندي قراية كتيـرة. ريان ... خلاص امشي بلحـ قك بجي مع علياء انااا... طيب تمااام يلا ي شباب في امان الله نتلاقي تاني✋🏻

قبـل م اقوم امشـي. زول علياء دااااك جاي. عليها . انا قمتا ومعاي صحباتي. ماشيين ساااي ونتونس ونضحك طبعا انا لابسـة فريـم وهو ماشي ف ناحيتنا. شافنا. ووقف مكانو ونحنا جينا بـ جنبـو. قامت علياء. كوركت ليهو🗣 نحنا هنا ي مـازن وهو. لسة باعين لينا انا اتلفتت ناحية علياء وريان . من صوت علياء ده. ورجعتة واصلت المشي رووفا قالت لي مالك اتلفتي قلت ليها سمعت صوت علياء بتكورك لي زول بس م عرفتو منو. نوران ...البت دي نهائي م ارتحت ليها. رووفااا وانا كمان 😂 انااااا.... هي بتين جات عشان ترتاحو ليها. نوران ... من حركاتها وظرافتها الزايدة مع احمد وياسر ومغداد. دي عرفتها م بتبشـر بالخيـر. روفااا...غايتوو انا من اسي بعمل لي الف حساب. منها. ...نوران .... بت خالك دي م لقت ليها زول تصاحبو غير دي. انااا... اممممممم. روفاا.. م شايفاها. قعدت معاهم وقالت م ماشة البيت غايتو الله يحفظ ويستر بس. اناا ..امييين. ودي حرية شخصية. لكن انا لو شفت منها حاجة غلط بتكلم.معاها. غيـر كده لااااا. رووفا ....ده الكلام الصح والله نوران...اصلا الزمن ده النصيحة بقت م مقبولة. ومافي صدر رحب اتقبلا .اناااا...عشان كــده م بدخل ف خصوصيا زول.

وصلنا العربية. قلت ليهم دقيقة اتصل ع ريـم اشوفا اذا ماشة تجي. اتصلت عليها ف الاول م ردت تاني ردت لي قالت لسة م خلصت بعد ساعة بتخلص قلت ليها تمااام. وحـ تجي مع منو قالت لي اخوي قاااعد بكلمو اجي غاشيني مكان شقلو قريب م بعيد. انااا...يلا ي سكرا. نتلاقي ف البيت.

ريـم . اوووك يلاا. ففلت منها وكلمت البنات بكده. طوالي مشينا وصلتهم ااي واحده بيتهم ومشيـت. وصلت البيت اول م جيت داخلا لاقتني ماما نوال. شايلا ليها عصير وشيالة حلاوة وخبيـز اول م شافتني سالتني من ريان قلت ليها قالت م ماشة والزمن بدري ومعاها صحبتها. ماما نوال ....طييب تمام. امشي غيري ملابسك دي عشان. نادين وحاجة زينب في الصالة قاعدين جو قبل شوية. انااا....اوووك تماااام. طلعت فووق استحميت وصليت. نزلت تحت. سلمت عليهم وقعدت اتونس معاهم.

انااا..ندووو وينك مختفية كده خيـر ان شاءالله. ناديـن ....خييـر والله كنت مع ناس امي طولت منهم. انااا... ايوااا تمام. وي خالتو زينب كيف صحتك والضغط خالتوو زينب ... الحمدلله ي بنتي كلوو تمام. اناااا...ان شاءالله دائـما كده. بالمناسبة ويـن مريم ومؤيـد. نـادين ...اسي كانو هنا م بعرفهم وين ماما نوال ... في الصالون مع عبد الرحمن وعثمان قاعدين معاهم. اناــــ طيب اساتذنكم امشي ليهم. نادين وخالتو زينب اتفضـلي 🙂

مشيـت الصالون لقيتهم بلعبو معاهم ساااي. انااا.. حلاتكم وانتو بتلعبو 🙊 عثمان ....والله تقعدي معاهم مـ بتحسي بالعمر 😂 عبدالرحمن ...عشان كـده بنلعب معاهم اناااا ... ههههههههههه شكلوو عندكم طفوولة لسة م خلصتــوها 🙊😂 عبدالرحمن..شكلو كـده.😂 عثمـان ...م بعيـد كمان 😂 انااااــــ كان كده ي اللعب جاااك زول 🏃🏻‍♀ عمثان وعبودي قعدو اضحكوو

في ناحية اخري

ماما زينب ..طبعا ي نوال اختي اخواتي واهل زوجي جاين يوم الجمعة عندنا عشان البيت جديد وي ريت تشرفينا انتي وبناتك وابوهم وفرح. مـاما نوال... معقوولة بس ي زينب. نشرفكم طوالي. والله .خالتو زينب ...مشكوورة.

انتهت ونستهم ع كده وطلعو علي بيتهم وخلو مريم ومؤيد عندنا. اصلا عااادي متعودين عليهم ولازم نشوفهم كل يوم.

ماما.نوال...تاني جاتني تسال من ريان . بتتصل عليها بديها مقفول. قلت ليها امكن زحمة المواصلات عشان كده اتاخرت.

المغرب ازن وهي جات داخلة. طوالي فوق. انا جيتها ف الغرفة قلت ليها مالك اتخارتي قالت لي مع اصحابي. انااا... الاصحاب م بقعدو معاهم للوقت ده. ريان ...انا البقـعد في حاجة. انااا... طيب راحتك. لاقيتي عمتك ? ريان ....الاقيها لشنو 😏 انااااا... عشان تطمئـن وهي من العصر مغلقة عليكي كل شوية تجيني تسال منك. ريان ... انااا كوويسة م علي حاجة اناااا ....امممممم ومشيت منها. لاني ببساطة م بحب النقاش الكتيـر. اول م طلعت من الغرفة عايزة اقفل الباب. تلفونها ضرب. هيي الوو.المتصل. وينك من قبيل مشتاق ليكي. هي حبيبي معليش ي دووب وصلت البيـت وشحنت التلفون هوو طييب بعد اشحن ارجعي لي منتظرك انااا هيي طيب تماام وقفلت. انا بس عاملا كده😳

وانا مستغربة من تصرف ريان ده. قلت في نفسي شكلها تعبانة عشان كده بتتكلم م طبيعي. امشي اكلم ماما نوال عشان م تشيل هم وتكون منتظراها.

نزلت تحت كلمتها انو ريااان جااات. خلاص قالت لي الحمدلله. ومالا م جات شافتني وتقول لي انا جيييت قلت ليها والله م بعرفا. ومشيت منهااا.

طلعت فووق قعدت شوية صليت العشا ونمتا طوالي. اصلا مافي موضوع فـ كان النوم خيـر وسيلة للهروب منو

الي اللقاء في الحلقـة القـادمة. الجمييييـع احترااامي ثــم سـلامـي ✋🏻

في امــان الله .....🤞🏻

*ربمـا تحن الايام*...💝