الجزء 41
*كم هو جميل أن تجد من يفهمك جيداً؛ من يُلائم روحك، يحتملك، لا يختبرك بين الحين والآخر .. لا يلجأ إليك كلّما أحب ذلك، بل تجده معك دون أن تطلب أنت ذلك* ....😍🤞🏻
ـــ. ــــــ. ـــــ. ـــــ.
مرافي ونوران....فرح حالك ان شاءالله حالنا انااا...بالنسبة لشنو. مرافي ..الخطوبة التحفة دي 😍 نحنا في السودان مـ بفاجونا الا بـ الموية اكشحوها فيكي عشان تقومي من النوم 😐نـوران....ااي والله صدقيها. شوفي ناس البحرين بفاجو بشنو 😌 رغـد...هههههههههه ع فكرة انا كمان عجبتني واتمنيت اكون انا في اللحظة دي. اناااا..... لما تلقي نفسك في المستشفي وانتي مغمي عليكي 😒 رغـد.. ياااخ انتي مالك زعلانة كده والله خطوبة زي العجب انبسطي حبيبتي 😍 انااا....كوويس غايتو بحاول. جاتنا ريم جااارية قالت لينا سامعين السمعتو انا 😳 مرافي ...اهاا بشـري سررعة. ريـم ...سامعة كلمة عقدوو خلاص بس م عارفة علي منو. نوران...🙁 جني وجن الشمار الناقص. رغـد... كان تسكتي احسن. لحدي م نسمعو كامل. ريم.... خلاص ارح نمشو بهناك نشوف الحاصل. قالو لي ارح انا قلت ليهم امشو انتو. انا م نفسي امشي بعد مشو لقـو الرجال بسلمو علي بعض واباركو. قربن علي الباب شوية. سمعو خالتو زينب ونوال وماما بزغرتوو. خالتو زينب ..الف مبرووك ي ولدي تتهني بيها ان شاءالله. مازن ..سلم عليها في راسها قال ليها ده بفضل دعواتك ي امي ومشي علي ماما وخالتو بارك ليهم ريـم ورغـد ومرافي ونوران. مـ فهمو شي خالص. جا طالـع انـور .وقفوه قالو لي هنا في شنو. انـور.. ب ابتسامة عريضة في عقـد تـما 😌 ريـم .. ان شاءالله عقدك. انـور.. لا لا ي عويرة ده عقـد اخوكي 😉 كلهن بقن عاملات كده 😳 وااي واحـده عاينت لي التانية بـ خلعة. رغـد.. كيف يعني عقدو وفرح مـ كلمتوها بيهو. ريـم...كمان م شاورتوها ولا شلتو رايها 😐 انـور ...ده كلام رجال م تدخلو فيهو ونحنا عارفين مصلحة بتنا وين. ومشي خلاهم
في ناحيـة انا في تلفوني مع بسمة. بتكلم معاها. البنات جوو وساكتات سااي مـ زي م مشو من هنا قعدو في الكراسي منتطرني اخلص مكالمة وانا اخـر ضحكة وراحة. رغـد.. اسي الضحكة دي بتختفي🙊 ريـم... هههههههه بقت من صدمة لي صدمة. نوران غايتو اخوانا ديل مفاجاتهم تحير مرافي.... كدي خلونا من ده كلو اسي نكلموها كيف. رغــد.. العندها شجاعة تتكلم. انا خلصت مكالمة واتلفتت عليهم 🙂 قلت ليهم اهاا الحاصل شنو بهناك. ريـم...لو كلمتك مـ حتصدقي انااا... نجـرب غايتو. كلهم قامو وبصووت واحـد مبروووك عقدو عليكي 😍 انااا... ههههههههههه حلووة دي 😏 رغـد... ااي حلوة لكن واقع مـ هظار 😎 خلاص بقيتي زوجة مازن عبدالله انا هنااا خلاااص اتجمدت في مكاني. مـ حسيت بـ شي الا بعد ناس ماما وخالتو زينب جو قالو لي مبرووك ي بنتي عقدو عليكي انا مسكت دموعي علي. عاينت ليهم بـ ابتسامة نهائي م فتحت خشمي ده. جا عمو محممد وعبدالله باركو لي برضو. وتاني جا مازن وايمن ومومن واشرف وانور. باركو لي كمان بقينا كلنا قاعدين في مكان واحد والكل فرحاان واقدمو في الحلويات والعصائر مـ عدا انااا. 😪 بعد شوية جا عمو جمال ورناد وبسمة وصهيب. باركو ليهم بسمةة.. ليه م كلمتيني ي فرم انا صديقة عمرك معقولة تفوتي علي لحظات زي دي 😞 انااا... هو انا عارفة حـ يعقدو لي دي الصدمة الثانية اقصد المفاجاة بسمةة...حبيبتي لا تزعلي شكلو د/ مازن بحبك شديد و عايز اتمسك بيكي اكتر 😍 انااا.... انا كمان بحبو بس مـ ككان اتصرف كده. مش دي حياتنا لازم نخطذ كل شي مع بعض بسمةة.. اتفق معاكي هنا حبيبتي لكن برضو مـ عمل غلط انسي الزعل وعيشي الفرح. حبيبتي . انااا.... عمررري انتي😘😘 حااضر.
ريم...واااي اخوكي كسار لكن اناا...عارفة كده بس معليش مرتبط 🐸 ريـم.. مـ بطمني زول اصلك اناا... يعني اكذب عليكي. هو عايز ليهو بنت كيووت 😍 ووده من اختياري انا طبعا. ريم... بالله انتي عندك زول تختاري اناا... زوقي بشوفي بعد تعرفيها 😎 ريـمم..الله اجيب اليوم ده سااااي. انااا... شـدي حيلك بس
جا مازن قعد جنبي وقال لي ريم قومي من هنا بالله. خليني اتكلم مع مرتي دي 😌
ريـم ...خلاص بعتني😒 زاتي ماشة. مازن اتلفت علي قال لي مبرووك لينا. انااا.. الله يبارك فيك. مازن..خلاص بقيتي حقتي وحتة مني 😍 انااا... ابتسمت ليهو 😊 واختصرت كلامو قلت ليهو
ممكن اعرف عملت كده ليييه مازن ..ده م موضوعنا اناا...ده اساس الموضوع زاتو يلا جاوب ع سوالي. مازن طييب. عشان انتي مطنشاني وم. مهتمة بي زي زماان . تصرفاتك هي الخلتني اعمل عقد عشان لما اسافر اكون مطمين انتي لي انا وبس ومـ اخسرك. انااا...اممممم اهااا. مازن ...اسي مافي شي بفرقنا الا كان الموت. 💚 حبيتك من زمااان ي فرح احببتك لـ درجة بقيت اشوفك في كل مكان. واقسمت مـ اعترف ليكي بيهو الا بعد اطلب يدك بالحلال😍💚 . انااا.. نزلت. راسي من الخجل عااد اسوي شنو😂 هو رفعو لي بـ يدو بقي اعاين لي في عيوني مساافة وقال لي لن اخون الله فيكي 😍 انااا... مـ دم
ت احــبك سـ اجتهـد لـ اكوون سببـا في سعادتـك
مـازن ..ي الله😍 كنت واثق في اختياري ده
بعد مرور 4 ايام يوم سفر ناس خالتو زينب ونوال وعمو محمد. بالجد قضينا اجمل اياام😍.
مشينا معاهم المطار وصلناهم. سافرو خلاص الا ريم ونوران ومرافي قاعدات مسافرين مع بعض اربعتنا 😌
اريج مـ جات عشان محبوسة عرسها قبل تخرجي بـ اسبوع كده. اسراء قالت شقالة م بتقدر تجي. وانا عرسي بعد 4 شهور. كلكم معزومين😂.
في يوم كده قاعدين انا وايمن. قلت ليهو جاي تلفونك احول منك صور الخطوبة وباقي اللمات دي اداني ليهو اول م فتححت الاستديو. لمحت ليكم صور ريان بت خالو فيصل😏 فتحت الالبوم لقيت منها كمية صور مرسلاهم ليهو فيهم صور م محتشمة مسحتهم منو. ومشيت الواتس لحسن حظي لقيتها متصل دخلت ليها. قلت ليها تاني م ترسلي صورك. دي لي. ريـان.. لييه مالا يعني انااا. بتكلم بلسان ايمن انتي زي اختي ي ريان وخاتيكي ف مقام فرح ريـان.. بس انا م شايفاك كده. انااا... معليش ي بنت خالي انا مرتبط بـ واحده ووعرسنا قريب ريان...دي منو كمان اناا...دي من اختيار فرح اختي ريـان...وانت حـ تعرس البتختارا ليك فرح 😏 انااا... والله مقتنع بـ اختيار فرح وشايفو هو الافضل لي ريـان ...دي منو هي انااا.. بعد نجو السودان حـ تعرفوها كلكم
مسحت كلامي معاها وبقيت في الصور. زي الم حصل شي 😂
فيوم كده. طلعنا انا وايمن بس السوق عشان مسافرة. ايمن ...م تعرفيني علي صحبتك دي انااا.. اي واحده فيهم🤔 ايمـن ....اخت مازن. عجبتني ياااخ انااا....بالله انت مفتكر جبتها هنا عشان شنو مـ عشانك انت. ب. غمزة عين. كده 😉 ايمــن ...اميرتي 😍😍 اناااا... اها نحنا ع وعدنا في موضوع عروسك اللي حـ تكون من اختياري وانا شايفة ريموون دي زي اختي. ايـمن... واثق في اختياراتك انا بس عايز لي فرصة افاتحها فيهو. انااا.. مـ عندك حل غيـر انو تنتفق مع مازن اخوها وزي م فاجيتوني تفاجوها هي كمان. ايمن...هههههههههههه عايزة تعملي تعادل اناا.... خليها تجرب الشعور اللب جربته اناااا. ايمـن... غايتو انتو البنـات 😅 بالمناسبة ي اميرتي حـ ترضي بي انااا .. وليه م ترضي بيك. الناقصك شنو. انت وهي قبل كم يوم منبرشة فيـك قلت ليها معليش اخوي مرتبط 🐸 ايمن .. مـ كان تقولي ليها كده. اناااا... عندي فهم وفكرة ف راسي ده انت مالك خليك كده بس 😏 ايمن ...قصدك شنو. اناا...امشي اتفهم مع اخوها وتعال لي اوريك الخطة 😎
في بيتنا شلت من ريم خاتمها اللابساهو قالت لي عاوزة بيهو شنو قلت ليها عجبني بس😍 ومشيت منها وديتو لي ايمن. ايمن طلع وجا راجع
تمينـا المده وخلاص ي السـودان. جااايك نفـر 🤚🏻 مشيينا المطار وصلنا مومن وايمن ومعانا ماما وبابا نزلنا عملو الاجراءت كلها. باقي النداء بس نحنا قاعدين برا. م بنحب جو الصالات ده . كلنا قاااعدين. كده ايمن وقـف قـدام ريم لما هي استغربت. طلع تلفونو وفاتح الاسبيكر قال ي عم عبدالله انا عايز بنتك ريم علي سنة الله ورسوله اها قلت شنو. اناااعاملا كده😃 وباقي البنات😳 عمو عبدالله. انا موافق ي ولدي والبنت بنتكم لو عايز تعقد عليها م عندنا مشكلة. نوران ومرافي بقو اهزو في ريم 😂😂😂 قالو ليها ي بنت. صحصحي. اناااا...شكلها م موافقة خليها ريم... منو القال كده. قالت ليهو اذا اهلي. عندهم مشكلة فيك انا كمان م عندي 😅 انااا...خلاص مدي يدك دي م توقفينا كده مرافي رفعت ليها يدها ولبسها الخاتم. ماما جات حضنتها وباركت ليها وبابا كمان. وريم شقالة تتخجل بس 😂 رغـد ...بالله الخجل ده خلي لـ بعدين يلا علي الصالة. ودعناهم ودخلنا الصالة. هم بجو بعد15 يوم لي العرس.
وصلنا السودان بسلام وكان في استقبالنا مازن😍 وهيثم. مازن قال ليهم انا مشتاق لي مرتي انتو امشو مع هيثم ده بوصلكم.
اتحـركنا بس مـ مشينـا البيت. لافي بي ب العربيـة قال لي البيت فيهو ناس عمتو وجيراننا وكل الاصحاب منتظرنكم عاملين دعوة خفيفة ليكي عشان اشوفو خطيبـة ولدهم 😌 اناااا... كان تكلمني عشان البس لي ملابس عديل مازن...اسي لبسك ده مالو انااا.. شايف انو لابسة بنطلون. امشي بيهو كده اهلك حـ يقولو علي شنو 😪 مــازن ....انا عاجبني ورضيان بيهو 😍 انااا.... لا لا كده بقولو م احترمتنا مـازن....مـ بهمني كلام زول ولا اقول ليكي انزلك في مكان تاني لحدي الناس دي م تمشي. اناااا....عايز تخذل ماما زينب😒 وتحرجها مع الناس الجوها ديل المهم ي مزووني انا حـ امشي كده. والبحصل احصل. مازن...😍 عيديها تاني مزوني دي اناااا. الاعاادة صعبة 😝 يلااا نمشي. اتحركنا جينا بـ مكان عطـور كده وقف فيهو قال لي دقايق واجي اناا ..طييب اووك. مشي وجا معاهو كيس ركب العربية قبل م نتحرك مداهو لي شلتو منو لما فتحتو لقيتو عطر رجال قلت ليهو مالو. مازن....ده ليكي انتي 🙂 اناااا... لكن ده خاااص بالرجال. مـازن...عاااارف حبيبتي انااا.. طيب المعني مـازن ....اتعطري بيهو عشان لماا تجي ماشة بـ ولد اعرفوكي في زمة عاااشق😍 ومـ افكر اقرب منك😡 اناااا.... 🙈🙈 بتغير علي ل
ـ الدرجة دي. مـازن ...انا. لما احب لي شي بكون غيورر شديد ي. فرح اناااا.... يخليك لي 😘😘 يـ احلي زول في دنيتي مـازن...ااامييين 😍 انااا...انت عارف ي مزووني انت عااالمي الخاااص يعني حاجة خااصة بي انا لوحدي ولن اسمح لـ احـد بـآن يشاركني حبك مـ عدا ماما زينب العظيمة التي انجبتك لي 😍 مــازن... ي الله علي حبيبتي 😘 واوعـدك اكون ليكي انتي بس 💚 والبتدخل عالمك الخاص دي. قبـل م اكمل كلامو. صريت ليهو وشي 😒 انااا منو. مازن...هههههه خليني اكمل كلامي. انااا.. اممممم مازن... الحـ تدخل عالمك الخاص دي حتكون قطعة. مننا. لا غيـر. وبتمني تكون. تطلع تشبهك تماما في كل شي 😍😍 انااا....🙈 هنااا وقف الكلام. قلت ليهو احبــك جـدا. مـازن...وانا كمااان حبيبتي 😘
اللحظات الحلووة دي قطعها اتصال من ريـم. مازن.. ايوة في شنو ريـم...مالكم اتخارتو كده الناس منتظرة مازن...مع حب حياتي ونحنا قربنا عليكم. قفل منها. واتحركنا طوالي وصلنـا البيـت مـ شاءالله خلق جد نزلـت من العربيـة. هو جاني بهناك قال لي جيبي يدك اناا ..عيب والناس قاعدة مازن.. مش حلالي وين العيـب😒 اناا.. طيب مديت ليهو يدي ودخلنا نتونس واخر ضحكة كمان سلمنا علي الناس ومـ تشوفو الفرحة دي كيف عليهم 😍 لما جينا بـ عمتو وام علياء مـ اشوف ليكم الا الخشم المعووج😏 وسلام من غير نفس تقول شاحداهم م اشتقلت بيهم. جيت سلمت ع بنتين منقباات سلام زول م بتعرفو كتير. البنات م عرفتهم منو بعدهم ماما زينب حضنتني وحمدت لي السلامة وماما نوال كمان نفس الشي قلت ليهم ليه ناس عمو محمد مافي. 😪ماما زينب ...اشرت لي ناحية البنات المنقبات قالت لي ده شنو انااا اتلفتت عليهم قلت ليها مالم البنات ديل ماما زينب.. ديل ناس عمك محممد انا استغربت لانو هم م منقبين. فجاة فتحو وشهم لقيتهم اسراء واريج اناا...😳 جو علي سلمنا ع بعض قلت ليهم مالكم زي الجاسوسات كده ومن الاول كان تفتحو 😒 اريج ...كنا عايزين نشوف حتعرفينا 😂 اسـراء انتي عاررفة عرسنا بعد 3 اسابيع لازم نعمل كده. اناااا...ايش العباطة دي ☹ اسـراء ....هههههههههههه العباطة دي عندك فيها يوم. انااا.. مستحيل اتعولق كذا. اريج...خلي الكلام ده ولـ بعدين حـ نعرف حـ تتعولقي ولا تطلعي شي تاني. قضيناها ونسـة وضحك نحنا البنات. والنسوان داخلات وطالعات كل دقييقة انادوني عشان اسلم علي مراة.
مرة نادوني اسلم علي نسابة رووعة قبل م اصل لاقتني نجاة ام علياء قالت لي ان شاءالله لا تتهني لا تضوقي سعادة. انا اصلي م رديت عليها احتراما ليها لانو كبيرة عاينت ليها كده ومشيت منها. سلمت عليهم وقعدت عندهم شوية. شبعو ماما زينب شكرا 😌 مراة ولدك م شاءالله عليها مراة ولدك حلاااتها وحلات البراء عليها و و و عمت مازن قالت ليهم م تكبرو ليها راسها عاااديـة هي 😏 ما فيها شي بعجب ولا اجيب شكر قدر ده ماما زينب.. توحيدة م تبالغي. ده م وقت كلام زي ده توحيـدة... دي الحقيقة ي زينب اسي دي ملابس تجي بيها لـ نسابتها ماما زينب...انتي عارفة هي جات من المطار هنا طوالي ونحنا استعجلنا فيي اللمة دي كان ناخرها عشان تجهز نفسها. في مراة قالت والله مـ فيها عيب حلاتها وحلات الدنيا عليها. وملابسها مـ شايفين ليها شي. وزي م قالت زينب هي جاية من سفر تبقي معزورة 🌸 باقي النسوان قالو ليها م تكبري الموضوع ي توحيدة. توحيدة خلاص قبلتو علي عشان البنت دي وقامت منهم
بعد مشت النسوان قالو لي م تشتقلي بكلامها ماما زينب...ي بنتي اي حاجة بتحتاج لي صبـر وكلام الناس الحـ تلاقي ده اهضمي واصبري عليهم اصلا الناس م بتريح في كل الحالات انااا.. عشانك والله ي ماما زينب 🙂 استاذنتها. طلعت منهم لاقتني علياء. قالت لي حاجة من غير عمتهم دي مـ حتمشي وم تحلمي انو اي شي بتم ليكي اناااا....انتي الحلمتي ومـ لقيتي شي ويـ العملتي بكاية ووديتي الهداية حباني وعرسني انا في النهاية تعب في الفاضي 🙊 واديتها ضحكة خفيفة ومشيت منها خليت خشمها ملح ملح😂😂
عـدت الايام وماما زينب كلمت مازن بالحاصل ده كلوو. قال لي.*سأبقى مُمسكاً بقلبكِ قبل يدِك، حتى لو لاحقتنا الهموم، ولو ركِضت خلفنا المصائب، ولو تكاتفَ العالم أجمع أن يفرَّقَ بيننا! لنْ أُرخِي* 💚😍
مر علينا اسبووع وفي اليوم ده مـؤمن جااي السودان اجهز بيتنا لي العرس. اناااا.. يلا ي خالتو ماشة ع الجامعة عندنا اجتماع التخرج. ماما نوال... حـ تمشي بشنو والسواق مافي انااا حـ اركب امجاد بس ماما نوال ...طيب سوقي معاكي رغد انااا...اوووك تماااام. مشيت لـ رغد صحيتها. دخلت الحمام قلت ليها ح انتظرك برا مسافة م جهزتي. نزلت تحت قبل م اطلع الشارع جاني اتصال من مازن انااا.. يسعد صباحك مازن ...انتي سعادتي وفرحتي😍 انااا...الله لي انا منك 💞 مازن.. ومنك ي حب حياتي 💚 بتعملي في شنو اناااا... طالعة ع الجامعة طبعا عندنا اجتماع التخرج مازن.. ماشة مع منو انااا...معاي رغد ونركب امجـاد. سواقي ماف مـازن ...تمشي بالامجاد وانا قاعد. يلا اطلعي اوصلك اناا.. كده ح
ـ تتخار لكن 😢 مـازن ...م مشكلة اذا اتاخرت اهوون علي حبيبتي 💚 انتي بقيتي امانة عندي وربنا بحاسبني عليها اذا م اهتميت بيكي انتي اهتم بـ منو 😒 اناااا....😍😍 كل يوم بتكبر في نظري ي مزووني وبتعلق بيك اكتر 💞 مازن... وانتي كمان نفس الشي ي فرحتي 😘 يلا انا ف الشارع. اطلعي. جات رغد وطلعنا عليهو ركبنا العربية واتحركنا. بعد جيت انزل قال لي خلي بالك من نفسك لانها نفسي كمان 😍 اناااا حاااضـر 😘💞 مازن. بعـد تخلصي اتصلي علي اجي اسوقك م تمشي بـ ااي عربية مـ بضمنهم الناس دي. انااا طيييب 💚
حضرت الاجتمااع وحددو التخريج الحمدلله. قعـدنا في الكافية معانا نوران ومرافي شـربنا نسكافي 😋 جـو ااولاد دفعتي. مغـداد ...فـرح مبرووك عليكي قالو خطبووك. رغـد...خطوبة شنو دي عقدو عليها عديل احمـد عشان كده بقـت مسكيـنة 🙊 اناااا.. 😏 انا م النوع البغيرني شي وي مغداد الله يبارك فيك وعقبال عندكم😍 مغـداد اللهم اااميييـن. بس زعلانين منك مـ كلمتينا عشان نجي نشرفك فيهو. اناااا.. والله الصراحة انا مفروض ازعل م انتو😪 رغـد ونوران ومرافي قعدو اضحكو. مغداد..عاين ليهم قال ليهم في شي بضحك نوران.......كتيييـر يااخ 🙊 مرافي ...لو حكينا ليكم بالحاصل مـ حتصدقو 😂 مغـداد... اها احكي شوقتينا. نوران ومرافي حكو ليهم من اولو لـ اخرو. مرة تتكلم دي ومرة دي
كلهم قعدوو اضحكو. انااا.. اضحكو كويس بجي يوم بضحك فيهو عليكم نوران ورتهم الفيديو 😑 مغداد ..يااخ انا م قدرت امسك نفسي من الضحك لكن والله خطيبك زول شفت. وعملا. طلعت حلووة وعجبتني احمـد....خااص اغنية بتمناها دي ابدع فيها اداء ووصف 👌🏻 رغــد ...هي قبل م تسافر قالت بتتمني زول اغنيها ليها ومن يوم عرفت جاي اتقدم ليكي اتفقت معاهو فيها 😌 بالله م قصرت معاكي مرافي.. اوريكم المفاجاة الكبرة. احمد ومغداد. تاني في 😳 مرافي دي اكبر من الاولي. بعد فرح فاجوها بـ الخطوبة دي. هي جاتها سكتة قلبية. لما اصبح الصباااح حلفت م تنزل عليهم تحت الا بعد تحانيس حتي نزلت هي بقت مطنشا خطيبها شديد وكل م تشوفو تصر ليهو وشها نهاائي م بتدي فرصة اتكلم معاها حتي لو اتكلم هو ي ردت ليهو ب بروود ي مشت خلتو من غير اجابة 😂 مغـداد.... بالغتي مع ود الناس لكن 🙁 احمد...هـو قاطع المسافة دي كلها وجاب اهلو معاهو تعملي فيهو كـده 😒 انااا...شكي ليكم? 🤨 مرافي ... هو بعد فاض بيهو في محاولاته دي اتفق مع اخوانا وفاجاها بـ العقد🙊😂😂😂 مغـداد ....لا لا كده اووفر. شايفة العناد بودي علي وين احمـد...والله. كيفني انا كمان لو ف محلو بعمل نفس عملتو دي. مغـداد.... هو عقد ليـه. رغـد.... قال عشان بعد ارجع السودان م تفاجي انو م عايزاهو وخايف اخسرها. 🐸 مغـداد ....احيييه 🙋🏻♂ والله وخير مـ عمل حرم. انااا.. شكـرا وعلي قول السودانــين م جبت شي من عندك 😏 مغـداد... وعلي قول الحرينين شنو. انااا.. ناس البحرين بقولو واااو شي فظيع 😂 احببته احمـد...بالمناسبة لينا ساعة في موضوع فرح. وخطوبتها. خطيبها اسمو منو. مرافي ونوران ورغـد كلهم بصووت واحـد مازن عبدالله😍 ولبـنا الله ولو شفتو بتتشلا. احمد...😳 بـ خلعة ده حبيب علياء. البتجي مع ريان هنا. نوران...ياهووو زاتوو بس هو مـ حبيبها. هي الحباهو مـرافي...هو مازن اعمي لما اقع ليهو في واحده زي علياء دي. رغـد...ريان انت بتعرفا من وين احمـد.. كانت حبيبتي بس حاليا ولا شي. انااا...اصلا الزول الرخيص بمـشي للغالي. مغـداد فعلااا والله👍🏻
انا جاتني مكالمة من مزووني😍 قلت ليهم ياهو متصل يلا عن ازنكم ارد عليهوو مشيت منهم.
بعد مشيت احمـد لي مرافي ونوارن ورغـد اسمعو هنا عليك الله فرح دي ابقو عليها عشـرة كلهم😳 في شنو احمـد ..ريـان وعلياء مـ حـ يخلوها. ناويـن عليها نية سـودا. مغـداد حتي ياسر. نفس الشي واتفق معاهم الاثنين. احمـد... يوم الحفلة حقت الوداااع سمعناهم بتكلمو علياء قالت لو بعـدتها عن الطريق بينها وبين مازن مـ اكون اسمها علياء. مازن لي انا وبس هي احسن مني في شنو عشان احبها قـدر ده. ريان قالت ليها انا معاكي حبيبتي. اصلا هي واحـده انانية وبتفكر في نفسها بس مـ راعت لي مشاعرك 😠. يـاسر قال ليهم انا اذا مـ كنت سعيد مـ بخليها تبقي سعيده وزي م كسرت قلبي انا حـ اكسر حياتها كلها واخليها في جحيم. البنات كلهم 😳😳حسبنا الله ونعم الوكيل عليهم مـرافي 😭😭 ي حليلها فـرح ربنا يحفطها منهم رغـد.. .. يخسي عليهم قلبهم اسود عشان كده م بتقـدمو خالص وريان دي انا م برحمها نوران ...خلونا من ديل ونفكر ف فـرح دي. احمـد م تكلموها خالص عليك الله عشان م تعيش في خوف وقلق طول حياتها بس اعملو ليها حساب. مغـداد...كلام احمد صح وانتي ي رغـد تابعيها خطوة ب خطوة في ااي مكان. رغـد.. ان شاءالله والله
انااا.. الوو حبيب عمري 😍 مـازن ...حبيبتي انا وبس وحشتيني اناااا.. كتييـر والله💚 مازن..خلصتو اجتماع. اناا. ايووة وحاليا قاعده مع دفعتي. مازن.. جاي عليكي خلاص اطلعي برا. انا...لا لا تعال ل
ي انت جوة وبالمرة تسلم عليهم. مـازن...حاضـر حبيبتي 💚 يلا حـ اقفل لاني سايق اناا.. خلي بالك من نفسك والطريق قفلت منو ورجعت ليهم. قعدت معاهم ووريتهم مازن جاي عشان اسلم عليكم. وفعلا جا سلم عليهم. وباركو ليهو وقعدو اتونسو شويـة واستاذناهم لما جينا ماشين. شايفة ياسر من بعيد جاي في نفس الطريق اللي نحنا ماشين فيهو طبعا مازن ماشي في قدامنا وانا والبنات ورا من شفت ياسر مشيت علي مازن مسكتو من يدو. زي حقت العرسان واصابعنا متشابكة بعض ابتسمت ليهو. هو كمان ابتسم لي ورفع يدي المع يدو وباسها 😍 طبعا ياسـر م بعيد مننا شافنا لما قربنا ليهو قلت لـ مازن انا محظوظة لانو لقيت واحـد زيك كده 😘 وبشكر ربنا علي النعمة المنحني ليها دي 💚💚 الكلام ده قلتو وهو بيننا متر. ـطبعا مـ اكذب عليكم. عيونو بقت زي الشرار 😂
عاينت ليهو كـده😏 واتلفتت منو.
مشينا وصلنا اي واحـده بيتهم. بعد وصلناهم مازن قال لي نمشي المطار نجيبو مـؤمن. حـ تمشي ولا ارجعكم البيت اناا.. لا لا حـ نمشي مـ عندنا شي يلا ارح 😁
وصلنا المطار قعدنا فيهو نص ساعة ومومن طلع من الصالة سلمت عليهو زي كل مرة ومشينا البيت.
من جا نحنا ماشين وجاين من سوق ل سوق بنجهز في البيت لي العرس. بعد اسبووع كده خلصنا من اي شي ناس ماما وبابا وايمـن جو ومعاهم ناس عمو جمال 😍 وبسمة وصهيب كمان. ماما قالت لي. ايمن لازم تمشي الجزيرة تجيب امي. ايمـن.. حااضر ي ست الحبايب انتي تامري بكرة الصبااح بمشي انااا.. عاوزة امشي معاك. ايمن...لا لا اقعدي مع ضيوفنا اناا.. يااخ الشقالات قاعدات ووماما وخالتو نوال كمان بليييز موووني كلها 3 يوم. وطولت من البلد دي. ايمـن.. اووكي تماام جهزي نفسي عشان حـ نقوم بدري. انااا😍😍 طيييب. رغـد لما سمعت كده حتي هي قالت الا تمشي مـ عشان البلد عشان. اكون في المراقبة 😉 اصبح الصبااح. دخلت الحمام استحميت وجهزت نفسي معاي رغد. نزلنا تحت لقينا ايمن منتظرنا. ركبنا واتحركنا انا ورغد ف العربية قضيناها نوووم بس😂😂 لحدي م وصلنا. كان ف استقبالنا خالو فيصل وحبوبة وزوجة خالي وريان وتوسل سلمنا عليهم ضيفوناا زييين👌🏻
ريـان اتصلت ع علياء ورتها بـ جيتي قالت ليها اتخلصي منها رياان. هي جات ل المووت عديل مـ حتطلع من الجزيرة دي. حية.
جا المساء اتعشينا. زوجة خالو قالت لينا م شاءالله كلكم اتخطبتو من عيلة واحـده ايمـن الحمدلله ي خالة لقيت بت الحلال البفتش ليها من زمان وده بفضل اختي السمحا زوجة خالي يعني ده اختيار. فرح ايمن.. ااي والله واختيارها ابهرني 😍 زوجة خالي م كنت غافل علي واحـده هي قاصدة بنتها ريان مالك م اتقدمت ليها ايمـن.. والله كنت ناوي لكن فرح فاجتني بـ ريم وهي شايفاها احسن لي من الاخترتها انا. هو بتكلم عن زميلتو في مكان شقلو بس هم فاهمين. العكس 😪
زوجة خالي... م ردت عليهو قامت طوالي مننا خلصنا اكل وخالو فيصصل قال لي بناتو جهزو ليهم الغرف توسل. .حاضر ي ابوي. ريان قامت علي حيلها قالت ليها خلينا انا بجهز غرفة رغد وفرح انتي جهزي حقت ايمن. بعد شوية قالو لينا الغرف جاهزة طلعنا ومعاي شنتطي وصلنا الغرفة لقينا فيها سريرين اي واحـده مشت ع سريرها. شوية كـده وريـان جات ومعاها بطانية قالت لي نسيت م جبت ليكي اناا.. م مشكلة ي سكرا. اسي جبتيها خلاص🙂 ختتها لي في طرف السرير رغـد ..قالت مرهقة عايزة تـنوم. قلت ليها انا كما. قفلت الانوار. نمتا واتغطيت بالبطانية مـ تميت نص ساعة. صحيت بـ حاجة عضتني صرخت صراااخ لما رغـد قامت مخلوعة. فتحت الانوار. قالت لي مالك قلت ليها في حاجة عضتني في رجلي. وانا ببكي😭😭😭 زحت البطانية عشان تشوف رجلي نتفاجا ليكم بـ .....
ابقــو عافية 😊
في امــان الله ....🤞🏻