الجزء 5

بقلم: دينا محمود

الجزء 05

بدو في تحضيرات الخطوبه والسوق كل يوم جارين لانو كانو عاملنها حفله كبيره في استراحه بتهم الوحيده دايرين يفرحو بيها ..وفارس كل يوم داقي جرس لي دعاء انشغلت عنو وبقت مع هناء وتجهيزاتا .. وهي تشيل وتتعزر وتحنس وتتدلع وحبيبي واسفه خلاص هانت كلها كم يوم وافضى ليك ..

هناء كل يوم تلفون مع محمد وكل يوم بزيد اعجابا بيه وبتحترمو ومبسوطه معاهو شديد ..

كل شويه يتصل عايزه حاجه ناقصك شي اجيبو ليك ..

لا يسلمو ماقصرتا والله ماباقي شي كتير زاتو ..

هنو ..

عيونا ..

تسلم لي عيونا .. رايك شنو نعمل عقد مره وحده من جوطه لي جوطه ..

عقد عديل ..

اي فيها شنو اصلو ماحنطول للعرس 4 شهور والعرس ..

طيب عادي نعقد قبل العرس بشهر اتنين كده ..

لا خليها هسي عليك الله ..

لا الجد شنو يعني الا تعقد هسي ..

ولا شي بس داير احس انك مرتي حقي حلالي خلاص ..

لي هسي ما اعتبار انا حلالك ..

لا ي حلوه دي خطوبه .. انا داير ادبسك بس ..

هههههه قول خايف انا ازوق ..

والله ان جينا للحق اي والله خايف افقدك يابت انا ماصدقتا لقيتك ..

ياخ مابيحصل شي وبعدين انا خلاص وافقتا واقتنعتا واي شي وبعدين ماجاهزه لي عقد انا ..

دايره تجهزي تسوي شنو كلو انا بعملو ليك ..

ههههه لا جد مستعجل ..

شديد ..

خلاص ي زول مامشكله كلم اهلي كان وافقو انا ماعندي مشكله ..

جد ..

ايوه جد ..

طيب معناتو خلاص الخميس نعقد ..

هسي هم وافقو ليك ..

ما انا كلمتهم اول قالو موافقين بس اخد رايك اول ..

بلاي شوف الود دا .. ههههه ..

وانتي وافقتي خلاص مبروووك ..

غشيتني يعني ..طيب ي محمد بوريك ..

ههههههه يلا امشي كملي تجهيزاتك انا امشي ابشر ديل ..

طيب ..

ولمن تخلصي كلميني .. قفلت منو ..

جات دعاء ..

بت قلبنا عقد رايك شنو وغمزت ليها ..

عقد شنو ي بت .

ياخ بدل الخطوبه قلنا نعقد ..

انتي جاده ..

اي والله استعجلتا صح ..

لا ابدا والله احسن حاجه تعمليها ربنا يتم ع خير ..

مدام طلع عقد معناتو لازم نزيد الحاجات ونعمل حاجات تاني ..

اي ارح باقي كم يوم مانضيعم ..

تمام ..

وبقو في جوطه الخبيز وامها تشيل وتتصل ع الناس تعزمم للعقد .. ناس الرياض وجده والطائف والشرقيه كلهم من عرفو عقد قالو بجو ..

حجزو الكوفيره والفساتين حقتم والناس مبسوطه وفرحانه بيت عرس عاد الحريم داخلين ومارقين يساعدو في ام هناء ..

ودعاء كل ما تلاقي وقت تدق لي فارس عشان مايزعل ويقول ليها بتنسيني لمن تنشغلي ..

دق محمد لي هناء ..

هنو مرتي ..

ههههه استنى بكره قولا لي ..

لا من هسي ..

طيب ..

اها بتعملي في شنو ..

ولا شي مستنيه الحنانه تجي عشان تحنني تاني ماعندي شي دودي ماقصرت قامت ب باقي الحاجات كلها ..

يحليلا والله صحبتك دي مافي زيها الزمن دا ..

اي والله ..

خلاص تمام بعد ما تتحنني صوريها لي ..

نو ..

شنو النو هي انا راجلك خلاص ..

شفتا حتى لو بكره عقدنا ما حاقول ليك راجلي الا لمن يتقفل علينا باب ..

طيب ي هنو بوريك بكره وبلاقيك والحنه حاشوفا ع الطبيعه احسن ..

هههه بلبس قفازات ..

ههههه اتخيلتا منظرك ب القفازات ..

المهم ماعلينا امشي هسي اتحنني وارقدي طوالي عشان بكره الصباح حنطلع السفاره عشان العقد ..

خلاص تمام ..

يلا انتبهي ع نفسك واتحصني وماتخلي مره تخش عليك وانتي بتتحنني ..

بتخاف علي ..

ان ماخفتا عليك اخاف ع منو امشي يلا ما تصدقي وقعد يضحك..

والله انت فقر شتت طيب غلطانه انا ..

ههههه والله بهظر عارفاني بحبك يلا .. وقفل ..

جات الحنانه وحننتا ودعاء حننت يد معاها ..تاني يوم طلعو السفاره محمد وهناء كل زول بعاين للتاني ..نظرات حب ..

عقدو والحريم قامو يزغرتو والرجال يباركو .. ودعاء وام هناء مسكو بعض وقعدو يبكو جات هناء قعدت تبكي معاهم الموقف كان مؤثر شديد دموع فرح ..

بعد شويه الناس زحتم من بعض شويه هدو وقعدو يزغرتو ويباركو .. قامو قسمو الحلاوه والكعك والعصير .. ما اظن في اليوم دا زول ما شال منهم ..

جاء محمد لي هناء سلم عليها ..

مبروك حلالي انا .. او حرم الباش مهند محمد .. والحنه حتاكل منك حته ب غمزه ..

قعدت تضحك .. الله يبارك ..وخجلانه

شويه قالو يلا نرجع عشان نريح حبه عشان الحفله والعشاء ب الليل ..

فعلا كل زول رجع بيتو .. ودعاء مع هناء مافارقتا لحظه .. مع انو ضيوف ناس هنا كانو كتار الجاين من بره جده والبيت ضيق قعدوهم في شقه ناس دعاء .. امها كانت ماسكه خدمتم براها ..

ريحو حبه وغدو الناس ..

دودي وننو مشو المشغل ..(الكوفير)

اتجهزو وزبطو روحم ..وطلعت دعاء قبلها للاستراحه عشان تعمل باقي التجهيزات ..

بعد ماخلصت وشيكت ع اي شي رجعت الكوفير لي هنو ساقوها ومشو الاستراحه ..

الناس بقت تجي واخر قشرات الحريم ب التياب والدهب دا الا كوزي وكوزك واحفظ مالي وشاكوشي جنو الحريم ب الدهب اي وحده دايره تطلع احسن وحده ..

هناء دخلوها الغرفه تقعد فيها لمن يجو اهل العريس عشان تتزفاء مع راجلا .. ودعاء طلعت ا

العالم وقامت باستا ..

يخليك لي رب ..

اها قولي متاكده وراك موضوع ..

امممم صراحه اي ..

اي بتي بعرفك اها قولي ..

صراحه الموضوع بخص فارس ..

ب المناسبه شايفاهو واقف جنبك في المسرح مانزل عينو منك ..

ههههه واي منك يا ماما حتى دي ماراحت عليك ..

تروح علي وين . هههه .. اها قولي ..

طيب ي ستي فارس عايز ياخد موعد منكم عشان يجي يتقدم لي ..

جد ..

اي ..

الود طلع جادي يعني ..

يخسي عليك ي امي اصلو جادي وانا قلتا ليك ما صدقتيني ..

صراحه ماحسيتو جادي عشان كده ما بلعتو ..

ههههه لا ابلعي ساي جادي ماتظلمي ..

خلاص تمام اكلم ابوك اشوف رايو وبكلمك ..

حبيبتي انتي باستا وجري ع الغرفه عشان تبشر فارس ..

فروووس ..

من فروس دي معناتو كلمتيها ..

يب ووافقت قالت تكلم بابا ويدوك موعد تجي تتقدم ..

حلو طيب يلا عايني ود خالتك ماصاحبي وكده مش شينه ما اكلمو ب حاجه زي دي وانتي بت خالتو خايفو يزعل ..

ان شاء الله حتقول ليه بنحب بعض ..

لا ي غبيه حاقول بس دايرك وكده عشان مايسمع من غريب شينه في حقي وانا حاقول ليه انت كلم امك تكلم خالتك ويدوني يوم رايك شنو ..

صراحه اي احسن كده لانو بابا اذا سال كلم منو امي تقول شنو هسي كلم ود خالتا احلى ..

ب الظبط كده يلا وري امك الحنك دا ..

خلاص تمام ..

فعلا دعاء كلمت امها امها حبت الفكره ووافقت ..

فارس كلم محمد ود خالت دعاء محمد انبسط لانو عارف صاحبو كويس .. قال ليه خير بكلم امي تسال اختا وارد ليك ..

ربنا سهل ليها الموضوع وكلهم وافقو وادو فارس موعد يجي يتقدم فيه ..

هناء مبسوووطه شديد لي صحبتا ..

فارس دق لي امو كلما بكره ماشي يخطب وسايق عمو ومرت عمو وام صاحبو ..انبسطت وادتو كم دعوه حلوه كده ..

هناء العملتو ليها دعاء يوم جاي محمد عندهم .. عملتو كلو لي دعاء ب زياده (صراحه صحبه زي دي نادره واي زول يلقى صاحب زي دا مايفرط فيه نهائي )

قبل ما يتحرك فارس من البيت تلفونو دق .

عاين للرقم دا من السودان .. اكيد بكونو ناس البيت دايرين يتشمشرو ويعرفو الحاصل شنو .. خليهم لمن نمشي ونخلص الموضوع بعدين بدق اوريهم الحصل ..

فعلا مشى لاقى عمو ومرت عمو وصاحبو وامو ومشو لي ناس دعاء ..

دخلو دخله سمحه مامقصرين شايلين شي وشويات ..

كراتين البارد والحلويات وعامل رومنسي جايب بوكي ورد احمر .. وهدايا لي دعاء ولي اهلا ومانسى هناء برضو جاب ليها هديتا .. والدبل

ام دعاء اخر ضرس طلع مالا ما بتنبسط عاد مجايب السرور دي .. فضلتم وضيفتم ..

ودعاء ب هناك مع هناء متوتره وتمشي وتجي ..

هناء : انا ماكلمتك قلتا ليك بتتوتري تضحكي فيني اليوم داك ..

هههههه اي والله موقف لا يحسد عليه هههه .. الله يكمل اليوم دا ع خير ..

ان شاء الله حبيبتي ..

ب هناك الرجال في المجلس بتونسو وطلبو يد دعاء لي فارس ووافقو .. وفارس تلفونو مابطل رن يعاين يلقى ناس السودان .. قلبو اكلو مامعقولا الاتصالات دي كلها شمار منهم اكيد في شي حاصل .. استاذن منهم وطلع ..

اتصل ..

الو ..

وووب علي ي فارس ي ولدي الحقني وتبكي ..

امي في شنو مالك الحصل شنو ولي بتبكي ..

وهي تبكي زياده وماراضيه تتكلم ..

يا امي ياخ ماتوتريني اكتر من التوتر العلي مالك في شنو حصل ليكم شي .. ابوي واخواني فيهم شي ..

ابوووك واااي من ابوك ابوك بين الحياه والموت تعب علينا ودينا المستشفى والدكتور اصلو ما طمنا ..

لا حول ولا قوه الا ب الله متين الكلام دا ..

قبل ساعه كده .. عليك الله تعال الحقو يهاتي بيك ليه اسبوع .. بكره كان لقيت طريقه تعال وتشيل وتكورك وتسكلب زي الاتوفى .. وقفلت ..

فارس بقى عايش في حاله تانيه يعمل شنو يسوي شنو ابوه بين الحياه والموت وحبيبت قلبو مستنياهو يلبسا الدبله ..

يخرب فرحتا ولا يعمل شنو ..

بقى محتار وببكي ..

ب هناك ناس السودان اتصلو ع عمو وكلمو ..

عرف فارس طلع ليه .. حصلو ..

لقى منهار وببكي ..

مسكو وحضنو .. معليش ي ولدي ماتزعل وبعدين مافي زول عارف يومو بتم متين وناس السودان بحبو يهولو الموضوع ساي .. ان شاء الله بكره نحجز ونسافر ليه ..هسي ارح نرجع للناس المستنيننا ديل ..

نرجع نقول ليهم شنو ي عمي ..

والله ي ولدي ماعارف اقول ليك شنو لاكين الناس مبسوطه وفرحانه وهي خطوبه ماتخربا دا راي لانو كان قلتا باقي الليل دا تعمل حاجه ما بتقدر الا بكره الصباح تعمل التاشيره حتى تحجز .. ولا رايك شنو ..

كدي انت خش خليني شويه وبرجع ماتقول ليهم حاجه ..

طيب .. ومشى ..

كلام عمو حيرو زياده .. لقى نفسو شايل التلفون وبتصل ع دعاء ..

الو ..

اووو عريسي الرومنسي كلموني ب البوكي مباااالغه طبعا ياخ انا بحبك انا اسعد انسانه الليله اخيرا حالبس دبلتك .. وبعدين تعال هنا مالك متسحب منهم .. ماقادر تصبر كم دقيقه اشوفك وتلبسني الدبله غايتو عليك شفقه وقعدت تضحك ..

ما ادتو فرصه زاتو يقول حاجه .. بعاين لي ضحكتا وبسطتا دي وهي مستنيه اليوم دا ب فارغ الصبر ..

هي انت ساكت مالك ..

بسمع في صوتك ..

بطل حنك وامشي خش

لصاله تستقبل مع الناس ..

كانو عاملين العشاء مندي وفي البدايه حريم ساي مع الزفه بدخلو الرجال ..

اهل العريس جو ورصو العشاء الناس اتعشت وجات راجعه تاني الصاله ..للزفه ..

محمد مع هناء في الغرفه اخر حب ودلع وونسه في الساعه القعدوها مع بعض خططو لي مستقبلم كلو ومستقبل عيالم ههههه ..

شويه قالو الرجال حيخشو ..

فعلا دخلو بعد شويه الزفه ..

جات داخله هناء ومحمد ..

هناء لابسه فستان كوبي رهيب معاها والاكتسوار ب الذهبي ..

ومحمد قميص كوبي وبلطلون اسود وشاكي .. مطقمين وكده ..

اتزفو ووصلو الكوشه حقتم .. شويه جو اهل العريس جايبن مالم وشبكتم والهدايا حقتم .. صراحه حاجه تملا العين ..

دعاء مبسوطه لي صحبتا وترقص مع الغنيه تعاين تلقى ليك فارس واقف هنااااك بعاين ليها ومبتسم ..

بقت مخلوعه تعاين ليه وتضحك ..

طبعا قدر ماحنستو يجي العقد قال ليها مابقدر شغال ..

عشان كده ما اتوقعتو يجي ..

شويه محمد ود خالتا جاء طالع في المسرح جنب دعاء ويتراقصو ..

لبسو الدبل والحفله اشتغلت ..

ود خالتا طبعا ماناقش حاجه .. مشى جرى ليك فارس وطلعو المسرح وبقو يتراقصو ..ودعاء مبسوطه وخجلانه ومامصدقه ..

هناء انتبهت ليها جات عليها بقت تلكز فيها .. وهي نفسها تتكلم مع فارس في كلام كتير في بالا بس ماقادره ..

انبسطو كلهم وكان يوم جميل وان شاء الله الديار طوالي عامره ب الافراح ..

خلص اليوم ..

الناس اتفكفكت وطلعت ..

دعاء طوالي جرت ع الغرفه عايزه تتكلم مع فارس ..

شالت التلفون هو دق ..

براي ..

عيوني انا .. ياخ الليله انا اسعد وحده عشان شفتك وواقف جنبي كمان ..

انا زاتي والله مبسوط الليله واتمنيت نكون بدل محمد وهناء .. حسيت ب غيره ..

تصدق حتى انا ياخ احساس جميل نكون الاتنين مع بعض في الكوشه وسط الامه دي كلها واي زول يعرف انو فارس حلالي حقي برااااي وقامت تكورك ..

بت جنيتي ..

والله مجنونه بيك انا .. اقول ليك شي ..

حبيبتي انتي اها قولي ..

مادايره اكمل جامعه زاتو بس خلاص نعرس ..

جاده ..

اي والله خلاص اشعر ب الغيره ..

ههههه وانا موافق ..كان عارف كده كان خليت هناء تعمل عقدا من بدري . هههه

هههههه خلاص استنى كم يوم الوضع يروق واكلم ناس بيتنا وكده ..

دودي انتي جاده ..

اي والله ..

يا الله انا حاموت من الفرحه ..

بعد الشر عدوينك ي رب ..

بتخافي علي ..

عندي منو انا غيرك ..

يعني خلاص اخيرا حتكوني حقتي براي صحي صحي ..

اي حقتك برااااك .. وحالبس ليك الابيض واتزفا ليك .. وتجي تاخدني من الكوفير ..

واول ما تشوفني تقول لي واااااو .. دا شنو الجمال دا . هههههه ..

واخش قدام الناس ديل كلهم خاتا يدي في يدك وماشين مع بعض .. ونرقص اسلووو ونلبس الدبل ..

قاطعا ونقطع الجاتو ونشرب العصير موش ههههههه ..

بطل سغاله خليني اكمل ..

ههههه طيب كملي ي ستي ..

خلاص ماعايزه راضيني ..

ههههههه اطلبي امري الدايراهو بعملو ليك ..

عندي كم دودي انا ..

ماتحنكني ..

ههههه بحبك ي مجنونه ..

انا موووت فيك ..

تمو رومنسيتم وونستم لمن دودي نامت ع صوت فارس ..

بقى يتكلم الو الو دودي براي ..

عرفا نامت .. قعد مسافه يسمع في صوت نفسا حتى رقد نام .. كانو مبسوطين ب ونستم مع بعض شديد ..

(ارح نشوف العرسان الحاصل عليهم شنو)

مرتي ..

هي انت شنو شابكني مرتي مرتي ..

مالك مامرتي ..

اي مامرتك ..

اصلا غصب عنك ويمد في لسانو ..

طبعا من عقد بقى قاعد معاهم رسمي وشعبي اخد اجازه من الشغل اسبوع بعد العقد ..

وكل يوم طالعه معاهو هي ودعاء يتعشو بره ويتفسحو ..عاملين زي توم وجيري طوالي مناقرين بعض .. دعاء بس تضحك عليهم ..

اخر يوم ومنها خلاص ماشي الرياض جاء قعد معاها مسافه اتونس وودعاء وطلع ..

جات دعاء لقتا تبكي ..

اجي ي بتي البكا شنو هسي ..

حيسافر ويخليني ..

هههههه عان الوثخه هسي لو دي انا السافرتا ماكان بكيتي كده بطلي جرسه هو زاتو وعدك كل اسبوع ولا اسبوعين بجي خميس وجمعه وبعدين ي ستي كلها 4 شهور وتعرسو تاني وجع وش شديد ..

قعدت تضحك ..

ايوه كده ياخ ورينا السنون المكعوجه دي ..

هههههه شينه ..

سمحه ومدت لسانا وقعدو يضحكو ..

يلا بعد دا نشوف جامعتنا ب وين قلينا ادبنا شديد لينا كم مامشينا ..

اي والله واخر سنه الله يسهلا ..

ب المناسبه عندي ليك خبر ..

قولي ..

فارس جاي يتقدم لي ..

احلفي اخيرا وقامت تكورك ونااااسه حنعرس مع بعض يااااا ..

يابت روقي كدي لا مافي عرس مع بعض البقيف للتاني منو يختي عرسي عرسك وانا بعدك ..

ولي انتي ماقبلي ..

كدي خلي يتقدم بعدين نشوف ..

كلمتي ناس بيتكم ..

لا بكلم امي الليله هي تكلم ابوي .

خلاص تمام ..

فارس كل شويه يتصل اها كلمتيها ..

لا ..

حارسه شنو ..

اصبر خلاص بطلع هسي اكلما ..

فعلا طلعت لي امها ..

مام وحشتيني ..

بطلي بكش قولي دايره شنو ..

لي كده انتي يا ماما تكسري قلبي الرهيف ..

هههههه سمح يا بتي الحلوه ام قلب رهيب وانا كمان اشتقتاليك ..

ههههه والله انتي احلى ام في

الصالون مع الرجال عشان شويه وحنلبس دبلنا .. يلا ..

ضحك ضحكه خفيفه .. اه ي دودي انتي ماعارفه الحصل شنو ..

يلا باي وقفلت ..

صلح نفسو ومسح دموعو ودخل المجلس ..

عمو يعاين ليه ساي .. فارس ابتسم ليه ..

عمو عرفو حيتمو الموضوع ..

فعلا قرو الفاتحه شويه جابو العروس سلمت ع الحريم وشويه كلهم مشو الصاله عشان تلبيس الدبل .. دعاء مبسوطه وماعارفه حاجه .. وفارس بحاول يعمل مبسوط عشان حبيبتو .. لبسو الدبل وانبسطو شغلو اغانيهم وقعدو يرقصو حبه .. وفارس شارد .. دعاء حست بيه ..

بقت تلكز فيه في شنو .. يبتسم ليها ماف شي ..

عدو يومم وانبسطو وطلعو ..

دعاء ع قدر ما كانت فرحانه ومبسوطه ع قدر ماكانت متضايقه حاسه فارس فيه حاجه وماراضي يكلما لانو ماكان معاها نهائي بالو وتفكيرو مشغول ..

الدنيا راقت حبه دقت لي فارس .. ابى يرد ..

يرد يقول ليها ولا لا بقى يبكي ..

عمو دق ليه قال ليه لقيت صاحبي حجز لينا بكره المغرب كده حاول الصباح اعمل التأشيره حقتك .. قال ليه طيب ..

ودعاء تشيل وتدقدق .. من عدم رد فارس ي دوب اتاكده من شكوكا ..

وهناء معاها لسه ..

يابت مالك انتي من طلعو الضيوف ما ع بعضك ..

ماعارفه حاسه فارس فيه حاجه ما طبيعيه كان ..ماشفتا الفرحه في عينو انا متاكده فيه حاجه ..

يابت مافيه الا العافيه بطلي الشكوك دي انتي .. بتتوهمي ساي ..

ان شاء الله كلامك يطلع صح والله ..

ولسه مصره تدق وفارس مايرد لحده ما نامت ..

الصباح فارس عمل التاشيره العصر دق ليها ..

بقت تعاتب وتبكي انت وين من امس ولي بتعمل لي كده فيك شنو حاسه بيك ما طبيعي طمني عليك الله من امس مافاهمه شي وووووو ..

دودي كدي اسكتي حبه خليني اتكلم ..

حتى سكتت .. اها قول ..

اول حاجه انا طيارتي هسي بعد ساعه ونص ..

طياره شنو .. وماش وين ماكلمتني .. مخلوعه ..

ماش السودان دقو لي من امس وانا عندكم قالو لي ابوي تعبان بين الحياه والموت والله وماحبيت اخرب ليك فرحتك قلتا اتم الخطوبه وبكره اكلمك .. ولمن رجعتا البيت والله ماكنت قادر اتكلم .. وقعد يبكي ..

هنا دعاء اول مره تشوف فارس ببكي ..

بقت تبكي معاهو ..

لي ما قلتا من امس يعني شنو لو اجلناها لي عملتا كده ..

كان اجلتا حاستفيد شنو .. ويزيد في البكا ..

خلاص ماتبكي قلبي والله بتقطع لمن اسمعك بتبكي عليك الله حبيبي ماتبكي .. وان شاء الله مافيه الا العافيه الله يطمنك عليه ي رب .. وبقت تواسي فيه ..موعد رحلتو خلاص جاء ..

قالت ليه انا جايه اودعك ..

لا ماتجي ..

لا بجي هسي بكلم ابوي ناسي انك بقيت خطيبي يعني عادي اجي ..

وهو نفسو تجي يشوفا ويودعاء وفي نفس الوقت مابحب الوداع ..

قلتا ليك ماتجي انا زاتي مابتاخر اطمن ع ابوي وارجع ..

خليني اشوفك ..

دودي خلاص انتهينا من الموضوع دا المهم انتي خلي بالك من نفسك كويس ..

وطمننيني عليك وكان انشغلتا عنك اعفي لي ..

حاضر انت الخلي بالك من نفسك وماتخاف ماحتنشغل انا زاتي مابخليك تنشغل ..

يلا لا اله الا الله ..

محمد رسول الله ..

وقفل ..

مشت كلمت اهلا دقو كفرو ليه واعتزرو ليه ماكانو عارفين لو عرفو كان وقفو الخطوبه وكده .. قال ليهم ولا يهمكم ..

وسافر عمو حصل ليه ظرف ماقدر يسافر معاهو ..

وصلتو كده ومشى المستشفى لي ابوه طوالي ..

مشى اطمن عليه وسلم عليه .. لقاهو صحي تعبان .. جو الناس اتحمدو ليه السلامه . . اخد قعدتو مع ابوه ..

جاء اخوه باسل ..

فارس ارح البيت ريح حبه وارجع ..

لا مرتاح ..

يا ولد من الصباح انت هنا وب نفس هدومك دي وبعدين الدنيا ليلت خلاص بكره الصباح بنجي ..

بعد اصرار من باسل فارس وافق يمشي يريح حبه والصباح يجي لي ابوه ..

فعلا مشى .. ما وصلو البيت دقو ليهم قالو ليهم ابوكم اتوفى ..(سبحان الله الله كاتب ليه يحضر ابوه )

فارس دا انهار انهيار ما طبيعي متين هسي ماخليناهو كويس وببكي وباسل متصبر حبه ..

يومو تم وماكتير ع ربك استغفر ي فارس ..

اااه ي ابوي اااه ..

فارس استغفر وادعي ليه البكا ما بعمل ليه شي قوم ارح نرجع المستشفى ..

كلو منك هسي لو خليتني كان حضرتو ..

استغفر الله يا فارس ..

قوم قوم .. شال اخوه ورجعو المستشفى ..

الناس تسكلب وتوصف .. دخلو لي ابوهم ودعوه .. وطلعو شالو جنازتم ب ليلم مشو دفنو وفتحو بيت البكا ..

فارس تلفونو ماعارفو وين اصلا ودعاء تدقدق والتلفون مقفول ..

لحده ماعم فارس وصل ليهم الخبر ..

اتاثرو كلهم ودعاء تبكي قدرتا .. فارس محتاجني الايام دي اكتر من اي يوم تاني انا كان مفروض اكون جنبو واساندو انتو ما بتعرفو فارس كان بحب ابوه ومتعلق بيه قدر شنو وتبكي .. وهناء يحليلا جنبها بتحاول تهدي فيها ..

عدو ايام البكا والناس شتت .. حتى فارس اتزكر دعاء بعاين بفتش التلفون ماف سال اخوانو قالو ماشافوه .. استعوض الله فيه .. شال تلفون اخوه ودق لي دعاء ..

يتبع ...