الجزء 7

بقلم: دينا محمود

الجزء 07

سلم عليهم وقعد ..

طبعا كلكم مستغربين من جيتي المفاجاءه دي ..

البيت بيتك ي ولدي اتفضل ..

دعاء جيبي عصير لي فارس ..

تسلم ي عمي .. انا ماعايز حاجه بس عندي كلام داير اقولو ليكم ..

كدي اقعد واشرب العصير وبعدين اتكلم .. دعاء جات مبسوطه شايله العصير .. سلمت وختتو ..

قال ليها دعاء اقعدي عايزكم ككلم تسمعو كلامي دا للاخر ..

خير ي ولدي في شنو ..

وام دعاء طبعا الشمار حارقه فارس مالو وجاي لي شنو وموضوع شنو العايز يقولو لينا دا ..

طبعا انتو كلكم عارفين انا بحب دعاء قدر شنو وبحترما وبعزا شديد .. وعارفين احنا كنا مخططين لي شنو وحنعمل شنو قصدي للعرس وكنت متفق معاكم ع حاجات كتيره .. بس الظروف كانت اقوا مني زي ماعارفين حصل وفاه ابوي وسافرتا والكلام دا كلو ما مخطط ليه انا وبعدها ابوي الله يرحمو طلع مديون وسددتا واهلي كانو محتاجين لي شديد قلتا المافيه خير في اهلو مافيه خير للناس .. عملتا ليهم الدايرنو كلو .. وبعدها اخوي تعب بقينا في غسيل كل يومين 3 والكلام دا كلو كان فوق طاقتي بس اتحملتو والحمد الله ما خليتم يحتاجو لي زول دفعتا القدامي والوراي كلو .. وجيت راجع ودعاء عارفه الكلام دا كلو ..

اشتغلتا تاني وبديت تاني اوقف ع حيلي عشان مواعد دعاء ب حاجات كتيره ..

اخوي تعب تاني وبقى في مشكله اكبر داير زراعه كليه وبتحتاج قروش كتييره .. اتديننتا وعلى العندي ورسلتا والحمد الله الامور ماشه كويسه لقينا المتبرع باقي العمليه ..

هسي انت داير توصل لينا شنو من كلامك دا ..

دقيقه ي خالتي حاوريك داير اوصل ليكم شنو ..

داير اقول ليكم انو انا مابرجع في كلمتي لاكين ظروفي اهندي حكيتا ليكم كلها .. انا عرس هسي مابقدر اعرس .. وداير لي وقت طويل .. وماعايز اجرجر معاي بتكلم ساي ولا عايز اوقف سوقا وما داير اتخلى عنها اذا حابين تكمل معاي لحده ما اتخطى الظروف دي حلو واذا ما دايرين انا مابغصبكم ع شي وربنا يديها ود الحلال الاسعدا ويكون احسن مني ..

ابو دعاء لاكين ي ولدي ..

قاطعو ..

معليش ي عمي ما تديني كلام هسي فكرو ب راحتكم ووروني قررتو شنو .. سلام عليكم . وطلع ..

دعاء زي الصبت فيها مطره .. مصدومه فارس لي يتخلى عني ب السهوله دي لي يتخد القرار دا براهو لي ما يشاورني ..

فجاءه الدموع نزلن بقت تبكي جرت ع غرفتا ..

سعاد امشي شوفي البت ..

اشوف ليها شنو خليها هسي اها رايك شنو في كلام فارس ..

والله ماعارف حيرني زاتو حسيتو سامع كلام ..

كلام شنو ..

يعني زي احنا دقينا جرس في خطوبتو الطولت دي ..

بري احنا ما اتكلمنا اصلا هو بس بكون شاف نفسو طول وع قولو ما داير يظلم بتنا معاهو .. لاكين والله كلامو منطقي ..

يعني بتنا تستناهو لي متين مثلا وبعدين البت بتكبر ب سرعه ما زي الولد وبقت تعبي ليه في راسو .. اصلا ماصدقت فارس قال كده ..

كدي شوفي راي البت هي دي حياتا وحره فيها ..

اي حياتا ماقلنا شي لاكين بتك مابتعرف مصلحتا كويس احنا اهلا بنعرف احسن منها .. كدي برضو شوفي رايا ..

طيب ..

دخلت ع دعاء لقتا لسه بتبكي ..

يا بت ي عويره انتي الببكبك هسي شنو احمدي ربك اهو جات منو .. شوفي ليك زول جاهز يهنيك ويستتك ونفرح ب عيالك .. حب شنو حبي راجلك بعدين .. وبعدين هو لو شاريك صحي صحي مابجي يقول كلامو دا كان حارب الدنيا وعمل المستحيل عشان يعرسك ..

قامت هاجات في امها ..

هو اصلا ما جاء وقال كلامو دا الا بعد كلامك انتي ونقتك انتي كل يوم العرس متين العرس متين وانتي عارفه ظروف فارس وعارفه مابقدر يعرس هسي وانا ماعندي مشكله بستنى ان شاء الله عمري كلو بس انتي ي امي كترتيها معاهو شديد ..

عان البت القليله الادب دي هسي هاجه فيني كده لي ومطلعاني انا الغلطانه لي انا متين لاقيتو وقلتا ليه شي ..

لا ما غلطانه غلطانه انا المشيت وكلمتو انك داقه جرس ووووووو ..

قعدو يعتابو في بعض كويس ..

هسي خليني من الكلام دا ي بت ي عويره انا امك دايره مصلحتك احسن ليك والله فارس دا ما عندك مستقبل معاهو ..

ماما ممكن تخليني هسي مع نفسي ..

طيب براحتك .. لاكين راجعي كلامي دا كويس وحتعرفي انو اي كلمه قلتا ليك صح وفي مصلحتك .. وطلعت منها ..

بقت تشيل وتفكر وتبكي وتدق ع فارس مافي رد ..

قام رسل ليها ..

بعد ما ابوك يدق يوريني قرارم حتى اتكلم معاك ..

رسلت ليه ..

كده ي فارس اهون عليك تبيعني ب السهوله دي وين احلامنا الرسمناها والخططنا ليها مع بعض ب السهوله دي مسحتا اي حاجه ..

انا ما مسحتا اي حاجه وانتي عارفاني انا بحبك ومتمسك بيك قدر شنو ولمن جيت وقلتا الكلام دا والله قلبي من جوه بتقطع بس جد انا كان لازم اخت حد للكلام دا عشان الكلام ما يكتر .. ومهما كان قراركم حتبقي انتي زي ما انتي مكانتك جواي ..

وعليك الله ماترسلي لي ولا تدقي لحده ما اهلك يقررو والله بتعذب لمن اشوف رقمك وما ارد ..

انت لي بتعمل فيني كده ذنبي شنو انا طيب انا والله بحبك وعايزاك وماعايزه زول غيرك استناك عمري كلو انا ب

س انت خليك جنبي وين فارس البقول لي انتي حقتي براي وين فارس المابرضى اعدي يوم زعلانه .. فارس انا من يوم ما بترد علي دموعي نشفن ..

انا البمسح ليك الدمعه ما انا السبب البخليها تنزل عليك الله ماتبكي .. ولو بتحبيني ماترسلي لي ..

قعدت تبكي زياده ومارسلت تاني ..

هي ب هنا متعزبه وهو ب هناك متعذب اكتر منها ..

قعدو يومين بشاورو في نفسهم يردو ع فارس يقولو شنو .. ودعاء بس تبكي دايره فارس ما دايره اي شي .. امها عملت عيانه ودايره تموت وماعافيه ليك كان ماخليتي فارس يابتي انا عايزه اطمن عليك قبل ما اموت ..

دعاء تبكي ي امي ماتقولي كده ما بحصل ليك شي خلاص فارس انا ماعايزاهو ..

خمسه دقائق ماف امها بقت كويسه ..

دعاء عرفتا بتستهبل عليها بس عدم عفو الام صعب ..

جاء الابو وكلمتو يدق هسي لي فارس يجي ياخد دبلتو وحاجاتو دعاء قالت خلاص مادايره ..

مادايره ولا انتي الزنيتي عليها ..

بري براها ناديها اسالا ..

فعلا ناداها ..

دعاء صحي ماعايزه فارس انتي خلاص ..

اي ي ابوي وهي مكسوره ..

لي ي بتي راجعي نفسك شويه استخيري ادي نفسك مهله ..

تعاين لي امها امها تعمل عيانه ومسكينه ..

لا ي ابوي خلاص انا اخدتا القرار دا خلي يجي يشيل حاجاتو ..

والله ي بتي ماعارف اقول ليك شنو ربنا يعوضك بس ..

جرت ع غرفتا تبكي ..

لي ي ربي تختني في الموقف دا انا عملتا شنو في دنيتي عشان يحصل لي دا كلو اه ياربي استغفر الله .. مشت اتوضت صلت ركعتين ارتاحت حبه جات رقدت نامت ..

ابوها دق لي فارس وكلمو ويا ولدي كل شي قسمه ونصيب ..

فارس اتقبل الموضوع ورفض يجي ياخد اي حاجه من الجابا قال ليهم هديه قدمتا لي دعاء مابرجع اشيلا لو ماحابا ممكن تجدعا الزباله ..

هنا ي دوب ام دعاء ارتاحت وطوالي اعلن فسخ الخطوبه حقت دعاء عشان كان جاي عريس يعرف مامخطوبه ..

فارس زعلان ماكان متوقع دعاء تتخلى عنو ب السهوله دي .. وهي مغلوب ع امرها ..

هناء سمعت ب الحصل مع دعاء زعلت شديد ..

عدت فتره وهم مامتواصلين مع بعض نهائي .. وكل واحد مشتاق للتاني ومكابر .. وبراقبو بعض من بعيد لي بعدين وبتكلمو مع بعض في حالاتم وصورم في الواتس والفيس ..

يوم وهي في المول مع اخوها عايزه تشتري ليه حاجات .. لمحت ليك فارس بدون ماتشعر كوركت ليه ..

اتلفت ليها وابتسم طوالي جاها وسلم عليها وسلم ع اخوها ..نسو اي شي ..

بقو بعاينو في بعض بس جواهم كلام وعتاب كتير .. اخوها قال ليها ماشي العب في اللعبات .. قالت ليه طيب ..

عاينت لي فارس ..

اخوك بقى كيف وانت كيف .. نحفتا مالك ..

تمام عمل العمليه الحمد الله امس والدكتور بشر قال ناجحه بس داير وقت يشوفو الكليه الجديده حتتقبل ولا لا ..وانا اهو زي ما انتي شايفه عايش الحمد الله .. نفسيات بس النحف..

طمنيني عليك انتي ..

ماكويسه بدونك .. ماعارفه اعيش .. ماقادره اتاقلم .. ماقادره اتنفس اوكسجيني ماف اتنفس ب شنو .. عايشه جسد بس روح ماف .. وعيونا ملانه دموع والعبره خانقاها .. وردتك ذبلت وانتهت .. مالقت البهتم بيها البراعيها .. البسقيها كل يوم حب وحنان .. شويه الدموع نزلت ..

مسحا ليها ب يدو ..

لا ي انا ماعودتك ع كده خليك قويه انا بتقوه بيك لمن تضعفي انا زاتي بضعف ..

والظروف كانت اقوى مني ومنك وانتي عارفه ..

عارفه بس انت ما اديت نفسك ولا اديتني فرصه احنا كان ممكن نحارب الظروف دي كان ممكن نكون اقوى منها .. وانت عارف احنا لمن نكون مع بعض اي شي بنتحدا ..

بقو يعاتبو في بعض ..

لي اتخليتي عني لي اخر دقيقه وابوك بتكلم معاي ويقول لي دعاء قالت مادايراك خلاص.. انا اتوقعتو يقول لي بهظر معاك بشاغلك دعاء عمرها ماتقول كده .. بس خذلني وقال لي كل شي قسمه .. انا الكلمه دي وقت فيني زي الصاقعه .. انهرتا بقيت ماعارف اقبل وين اعمل شنو .. لو تشوفي حالتي تصعب ع الكافر ..

انا امي تعبت وقالت لي ماعافيه منك كان قلتي دايره فارس وكانت عايزه تموت عديل ختتني في موقف صعب خيرتني ي انت ي هي .. بقيت ماعارفه اقبل وين .. اقول ي منو .. زمان لمن تصعب علي حاجه بجيك انت جاريه بقول ي فارس الحقني ي فارس حل لي دي .. بتسند فيك .. لاكين هسي امشي وانت بعيد مني وقاطعو معاي .. مالقيت حل غير دا ..

فارس انا مابقدر اتخيل حياتي بدونك ..

انت مش قلتا انا حقتك براي .. خليني جنبي ماتبعد مني ..

واهلك ..

خليني منهم هسي خلينا عايشين كده مستمتعين مع بعض والباقي الله كريم عليه ..

وافق طوالي لانو الاتنين بحبو بعض وماقادرين يبعدو من بعض ..

واتفقو ع انو علاقتم ترجع بس تكون بينم زول يعرف ماف لحده ماربنا يسهل ليهم .. عدت الايام والفرحه رجعت تاني لي دعاء وبقت طوالي مبسوطه وامها مبسوطه قايلا بتها اخيرا نست فارس ورجعت زي زمان تضحك وتتونس عادي ..

فارس زاتو رجعت ليه الفرحه وبقى مهتم ب نفسو ومهتم ب دعاء ووعدا المره دي ما سيبا نهائي مهما حصل ..

ورجعو تاني يخططو ويحلمو ويبنو امالم ..

وهناء متابعه القصه كلها ومبسوطه معاهم وكل يوم بتدعي ليهم ..

لحده م

ا جاء يوم ما خاتين ليه حساب نهائي ...

يوم بتتونس مع فارس عادي وونسه وضحك جات امها داخله بت دعاء ..

اي ي امي ونزلت التلفون ..

بتتكلمي مع منو ..

دي هنويه ..

سلمي عليها وبعد ماتقفلي تعالي عايزاك ..

طيب ي امي ..

وطلعت ..

قلبو ..

عيوني ..

تكبر عيونك عاين كدي امشي اشوف امي دي دايره شنو واجيك ..

ياخ اقعدي وبعدين شوفيها دايره شنو ..

لا لا قلبي ماكلني كدي اشوفا واجي ..

غايتو انتي .. طيب شوفيها وتعالي ..

تمام يلا باي ..

مشت لي امها نعم ي امي ..مالك ..

تعالي اقعدي جنبي دايراك ..

امممم الموضوع خطير شكلو وقعدت تضحك ..

بري لا خطير ولا شي اسمعي ..

اها ..

ام رامي قالت عايزاك لي ولد اختا طارق رايك شنو ..

شنو واتربكت ..

شنو الشنو الود قالو ممتاز مافيه كلمه وزول مرطب وامورو ظابطه ..

يعني ي امي عشان مرطب ..

لا والله ماعشان كده لاكين انتي بتعرفي ام رامي ماشاء الله عليها عاد دا ود اختا يعني مافي كلام وماحتسكني بعيد زاتو قريبه في الطائف ساعه ونص وبتكوني عندي ..

دعاء زي الانشلت ماعرفت تقول شنو كان رفضت السبب شنو وكان وافقت مشكله وفارس عشمان فيها ..

يا امي ياخ انا هسي مادايره اعرس بعدين الود مابعرفو ..

نان دايره تقعدي معاي كده لي متين يعني القدرك عرسو وجابو عيال انتي دايره تقعدي لي هنا .. وبعدين المشكله شنو اتعرفو ..

يا امي ياخ عليك الله السيره دي كدي خليني منها هسي كل مره القدرك عرسو القدرك عرسو .. انا دايره اعيش حياتي لسه لاحقه ع البيت والمسؤليه وووو الجوطه دي كلها ..

يابتي اكسبي زمنك .. تاني عاينت ليها كده .. انتي رجعتي لي فارس ولا شنو مابيا العريس ..

لا لا فارس شنو ومخلوعه .. فارس زمان انا خليتو ..

اها بحسب ..

لا مافي كلام زي دا ..

طيب اها ارد ليهم ..

لقت مافي حل وماعارفه تقول شنو ..

خلاص ي امي خليني استخير واوريك ..

طيب خير ..

دخلت غرفتا وراسا شاطب ي ربي اقول لي فارس شنو ارد لي امي ب شنو ي ربي ..

شالت التلفون دايره تكلم فارس توري المصيبه الاتختت فيها دي وماعارفه تطلع منها كيف ..

الو ..

حبيبتي انا اتاخرتي مالك ..

كنت مع امي والكلام جر ..

اها احكي الشمار شنو كان ..

ماعارفه زاتو ابدا ليك من وين والله ..

في شنو مالك .. احكي .. وترتيني ..

جاني عريس ..

شنو ..

جاني عريس وانا ماعايزه عايزاك انت وماعارفه ارفض اقول ليهم شنو وراسي جاط وريني اعمل شنو ..

عادي ارفضي قولي بس ماعايزه حيجبروك يعني ..

ماحيجبروني بس سبب الرفض شنو يعني ..

اي شي ياخ ما تجننيني معاك يابت اموري بدت تتصلح ماتتخلي عني ..

والله ي فارس ماعارفه اعمل شنو قلتا ليها ما بعرفو قالت لي اتعرفي عليه يعني مافي امل .. حتى شكت اني رجعتا ليك ..

طيب عايني فكره.. عشان لا تشك ولا حاجه انتي قولي موافقه بس اتعرف عليه اول .. واتعرفي عليه قولي ليهم مابنفع معاي اخترعي اي سبب وبس بنسو الفكره ..

قلتا كده يعني ..

والله صعبه علي اشوفك بتتكلمي مع واحد تاني لاكين امك ان ماعرست ليك مابترتاح وانا عايزك واموري ماشه كويس لحده هسي انتي بس اصبري معاي حبه .. وان شاء الله خير ..

تمام يا سيدي بديها يومين وبقول موافقه اتعرف عليه ..

تمام ربنا يكفينا شر العوارض ويسهل لينا امورنا دي ي رب ..

امين ي رب ..

عدو اليومين .. ودعاء وفارس الاتنين متوترين ..

امي ..

نعم ..

انا استخرتا وموافقه ..

مبروووووك وربنا يسعدك ويتم ليك ع خير وان شاء الله يكون من نصيبك ووووو مبسوطه شديد امها ..

يا امي كدي دقيقه النكمل كلامي ..

اها كملي ..

بشرط اتعرف عليه اول ..

مامشكله نهائي بكلمم يجو يتعرفو ونعمل الخطوبه والفتره دي اتعرفو ..

امي خطوبه شنو دايره اعرفو قبل ما ارطبت بيه انا ..

انا متفائله بيه شديد ومالو الخطوبه ما بتضر ..

لا بتضر ي امي كان ماحصل نصيب تتحسب لي خطوبه ساي ..

خلاص يجو تعارف طيب ..

اي مامشكله ..

خلاص تمام بدق لي ام رامي واكلما ..

تمام ..

جرت ع فارس كلمتو ..

انتي لازم يعني الجيه دي ..

ما دي افكارك انت ..

مالقيت حل غير كده اعمل ليك شنو ..

غايتو بس الله يستر ..

ان شاء الله وبعد التعارف دا ماتكتري واي حاجه تحصل توريني ليها واذا اطلب الامر دخليني معاكم مكالمه جماعيه ..

هههههه تتنصت علينا لي واحنا دايرين نبني مستقبلنا .. ههههه ..

مستقبل في عينك.. يابت انتي ما لي زول تاني براااي ما تعشمي في زول سامعه ..

هههههه والله ماعشمانه في زول عندي انت ب الدنيا دايره شنو تاني انا .. بحب اكاويك ..

طوالي بتحرجيني ب كلامك الحلو دا ..

اخدو ونستم ..

ام دعاء دقت لي ام رامي كلمتا وام رامي انبسطت وقالو حيجو نهايه الاسبوع ..

وفارس يشيل ويوصي في دعاء ماتتراشقي ما تضحكي ليه ماتديه ريق حلو ما ما ما .. وهي طيب حاضر خلاص بتوصي كل يوم انت ..

اي ماشغلتك اها بكره جاين متين ..

هههه المغرب .. واطمن حاطمم بطنو من العرس زاتو اصبر ..

سمح نشوف ..

يوم بكره جاء والعريس واهلو جو سيره ماشاء

الله ماتعارف دا ..عقد عديييل ..

طارق حلاتو الاقرع ابو سكسوكه الاسمراني مواصفات دعاء زاتا ..

جو وقعدو واتعرفو وطلبو العروس يحليلا دعاء براها المره دي هناء مامعاها واصلا ماكانت شغاله ب الموضوع كتير عشان كده ما اخد وقت زاتو عشان تجهز نفسها ..

اليوم داك حلفت كان تعمل ميكب بعد شكل مع امها اتكحلت وعملت روج .. ومرقت ليهم ..

هي اصلا ماشاء الله جميله ..

سلمت عليهم وقعدت انبسطو منها واي وحده حلاتا مرت ولدنا طوالي بقوها مرت ولدم وهي متغازه من الكلمه دي بس ممشياها ليهم ..

جات لحظه تشوف عريس الغفله .. المره دي جابو الصاله ونادو دعاء طلعت ليه ..

اول ما شافتو نطتت عيونا في نفسها اخ اسمراني وسكسوكه وقرعه هههه .. تاني انتبهت لي نفسها وبقت رزينه وكشرت وشها ..

سلام عليكم ..

وعليكم السلام ..

وقعدت .. ابوها حب يعرفم ع بعض ومعاهو امها ..

دي دعاء عروسك .. ودا طارق عريسك .. واتونسو معاهم حبه وطلعو منهم خلوهم الاتنين مع بعض ..

وهي تتبسم ابتسامه هبله ماعاجبا الوضع ههه ..

عرفا مرتبكه وزي الماعاجبا قال ابدا انا ..

اول حاجه ماشاء الله احلى من الوصف الوصفو ..تاني شي ..

ماعرفيني عليك غير اسمك ماعارف حاجه ..

وانت بتخطب وحده ماعارف عنها شي لي ..

ههههه والله انتي ظريفه .. لا بس عايز اعرف منك انتي قالو حلو الكلام في خشم سيدو ..

ها ها ها ضحكه تريقه ..

الله يديم الضحكه اها ما حتتكلمي ..

بقت في نفسها ي ربي الغبي دا انا اعمل ليه شنو ماداير يحس ..

طيب انا اسمي دعاء واتخرجتا السنه دي عمري 23 سنه وكنت حابا واحد ومخطوبه ليه والله ماسهل ..

ماشاء الله العمر كلو .. مامشكله لي خير يمكن الله رايد ليك زول احسن منو ويمكن عشان انا اجي واشوفك واخطبك ..

ياربي من اللصقه دا ..

قلتي حاجه ..

لا ابدا بتكلم مع روحي ..

المهم اتونست معاهو وكانت لئيمه شديد لسانا متبري منها لو واحد تاني في مكان طارق كان قبييل شتت بس طارق شكلو صبور ..

اخدو قعدتم وشتتو ..

امها طوالي جري ..

اها رايك شنو ..

ياخ دا زول عبيط ووهمان وماعندو شي شايف نفسو ع الفاضي ..

اجي ي بتي هسي دا كلو عرفتي في القعده دي ..

اي ..

كدي اصبري حبه وادي نفسك مهله اتعرفي عليه اكتر ..

اللهم طولك ي روح حاضر يا ست الحبايب طلباتك مجابه .. ودخلت غرفا فارس مستنيها ع نار داير يعرف في شنو ..

امها في نفسها ..

ياربي البت دي مالا ولي يعني ما طايقه الود كده انا غايتو شفتو ظريف مافيه كلام البت دي شايفه شوفه الليله الا اعرف ..

دعاء دقت لي فارس دايره تموت من الضحك وشيل وتقلد ليه طارق وهي بتحرج فيه ويضحكو الاتنين ..

اي خلي يستاهل .. تاني يقول داير حبيبتي .. ههههه ..

والله يا فارس لو شفتا منظرو ههههه كان جعان واحلى شي صمد معاي والله ماقصر ههههه .. ويتريقو ع طارق ..

جات امها بدون ماتدق الباب .. توووش ..

طوالي نزلت التلفون الحركه معروفه لو صحبتا ما بتنزلو كده بتكون بتتكلم معاها عادي ..

بتتكلمي مع منو ..

هناء ..

اديني اسلم عليها ..

اه واترددت طيب ..

هناء ماما عايزه تسلم عليك ..

وب هناك فارس يابت انتي جاده اقفلي اعملي اي حنك وهي ماقادره تعمل شي .. ادتا التلفون ..

الو ..

فارس قفل الخط..

نزلت التلفون وادتا ليك عين ..

هاك التلفون بكون رصيدا خلص لمن تدق تاني جيبي لي ومشت ..

حتى هي اتنفست .. بس عرفت امها شكت فيها ..

رسلت لي فارس في الواتس ..

الليله ماتدق نهائي ماما زي الشاكه في حاجه كدي خليها الليله تبرد حبه المهم ان مادقيت ليك ماتدق ..

طيب ..

اليوم التاني امها نادتا ..

دعاء ..

نعم ي امي ..

اها اتكلمتي مع طارق ..

لا مادق ..

حيدق كيف لو انتي ما اديتي الرقم ع العموم انا اديتو رقمك طلبو مني وانا وافقتا ..

طيب ي امي ..

غريبه طيب بدون اي نقاش ..

مافي شي ما انا اصلا دايره اتعرف عليه صح يبقى لازم اتكلم معاهو ..

طيب انعدلي ي بت بطني احسن انا شايفه والله ي دعاء اليوم الاعرفك رجعتي لي فارس اقرب عريس بعقد ليك عليه .. وان شاء الله يكون طارق دا ..

هسي مالك ي امي في شنو ..

مافي شي بس وريتك ..

يلا انا نازله لي خالتك ام هناء ..

تمام ..

مشت لبست عبايتا وطلعت ..

جري جابت التلفون ودقت ع فارس ..

حصل كده وكده وكده ..

انا شايفه الايام دي نرخي حبه وننعدل مع امي وعريسا دا لانو والله حلفت لي ..

يا الله عليك الله عان الزمن بعمل فينا شنو بعد ما كنا مخطوبين وامورنا زابطه وزول يقدر يفتح خشمو معاي لمن اتكلم معاك ماف عان هسي بنتكلم ب الدس وب مواعيد ..

ما البركه فيك انت عامل الود حمقي وجاي لي ناس البيت تقول ليهم خلو بتكم عندك انا مابقدر اعرس هسي ..

يا الله حتفتحي السيره دي تاني ..

اي لانو كلو بسببك ووووو قامو جاطو ..

قفلو من بعض كل واحد زعلان من التاني ..

شويه تلفونا دق ..

الرقم غريب ..

الو ..

سلام عليكم ..

وعليكم السلام ..

مساء الخير ..

مساء النور .. منو معاي ..

معاك طارق .. واسف دقيت عليك بدون ما اس

تاذنك ..

اممممم المعطه بدت ..

لا عادي ولا يهمك ..

امسيتي كيف ..

الحمد الله وشالت نفس وختتو ..

دوم ي رب .. ب المناسبه حاسيك زي الماطايقاني صح ..

في نفسها والله مرات بتحس ..

لا ابدا العفو ..

طيب مشغوله ولا حاجه ..

يعني ماكتير ..

طيب ما حاطول معاك .. بس ب الجد صوتك رهيب ماشاء الله وانتي رهيبه وانا ب الجد بتمنى تكوني شريكه حياتي وووو كلام جميل كده ..

وهي شغاله يسلمو .. من ذوقك .. يسلموو ..

هههه انتي شكلك بتنحرجي من الكلام الحلو ..

اي ومابعرف ارد ..

انا بحب البنات الكده ..

امممم طيب ممكن استاذن منك عشان بابا جاء من الشغل وعايزه اعمل ليه العصير ..

ماشاء الله عليك وست بيت كمان ربنا يحفظو ليك ي رب .. خلاص اخليك انا واكلمك وقت تاني ..

خير يلا باي ..وقفلت ..

اوف اخيرا قطع وشو ..

عايزه تدق لي فارس توري .. اتزكرت زعلانين من بعض .. خلتو ..

حضرت ليها فلم .. فارس دق .. طبعا لمن تلقى رقمو مابتقدر ما ترد حتى لو زعلانه اخر ضرس بظهر ..

شالت وردت ..

نعم ..

حبيبتي انا اسف ..

عادي ماحصل شي ..

انتي ياخ نرفزتيني وعصبتيني ووووو وانتي عارفاني بفور طوالي جد اسف ..

خلاص قلنا ماحصل شي انا زاتي اسفه ماقصدي انت استفزيتني ..

بقو يعاتبو في بعض اتصالحو وورتو ب الاتصال واي حاجه متابع معاها ..

اتصالات طارق كترت وكل يوم امها تسال من طارق ومره تقول ليها كويس ومره شايف نفسو وغايتو مانبزتو عشان امها الايام دي مركزه معاها ..

عدت الايام ومرت والفتره طالت والناس عايزين رد خلاص ي اي ي لا .. وطارق اتعلق ب دعاء بعد مساختا دي ..

وفارس يشيل ويقول ليها قولي ما موافقه وخلاص ..

يا فارس امي بقت ضاغطاني شديد الايام دي وانا خايفه والله ماعارفه وووووو ..

وطبعا امها جنب الباب وسامعه الكلام دا كلووو ..

خلتا لحده ما خلصت واتفقت مع فارس انو تقول ما دايره ..

مشت قعدت في الكنبه في الصاله ..

جات دعاء ..

امي ..

اها ..

ردي لي الناس ديل قولي ليهم العرس قسمه ونصيب وانا صراحه ماشايفه طارق مناسب يكون شريك حياتي ..

لي السبب شنو ..

يا امي ياخ عصبي شديد ومن هسي بتحكم فيني ماتلبسي دا وما تطلعي براك وماتعملي وماتفعلي وبعدين بعد قروشو دي شكلو بخيل من كلامو .. وعاجباهو روحو وغايتو مابشبهني نهائي وقامت ماخلت عيب ماطلعتو كان فيه كان مافيه .. (البت لمن تكون ما دايره ولد مصيبه ههه)

امها سامعه وساااكته ..

خلتا خلصت ..

خلصتي ..

اي ..

تمام كدي جيبي تلفونك دايراهو ..

دايره شنو ..

دقيقه ..

مدتو ليها ..

طق قفلتو ..

انا حارد لي ام رامي طيب .. وحاقول ليها موافقين ..

وتعالو عقد .. طيب ..

شنو دا كلام شنو يا امي ..

قامت ليك عليها ولصقت ليها كف .. اول مره تمد يدها عليها ..

انا مش كلمتك وفهمتك اذا لقيتك رجعتي علاقتك ب فارس حاعقد ليك ..

خاتا يدها في خدها ومخلوعه دا شنو ..

امي انتي اول مره تمدي يدك علي .. وبعدين فارس قلتا ليك ماعندي ليه شي ..

انا لو مديتا ليك من زمان كان انتي انعدلتي وكان مشيتي معاي عدل بس انا دلعتك زياده عن اللزوم اديتك حريتك ..

وماتكذبي عشان ما اديك التاني وتلفونك دا ما حتشوفي الا بعد العقد .. يلا امشي ..

دخلت غرفتا تبكي وتنادي مين يبكي معاها .. لي ي امي تعملي فيني كده انا مش بتك وتكورك .. انتي مابتحبيني انتي ما بتهمك سعادتي ..

جاتا داخله .. ياعويره انا امك زول بحبك زي ماف زول بخاف عليك زي ماف زول داير مصلحتك زي ماف زول داير يشوفك سعيده ومتهنيه زي ماف .. وكلمتك انتي مصلحتك ما بتعرفيها .. دايره تحرسي لي فارس لي متين ..

يا امي انا بحبو مابقدر اعيش بدونو ي امي فارس خلاص امورو قربت تزبط يا امي احنا بنينا امال واحلام دايره تحطميها لينا ..

حب شنو يا بتي الحبو عملو شنو وريني .. وبعدين نستنى لمن امورو تزبط احنا .. عندك اهندا طارق جاهز وماناقصو شي حبي هو اصلو الحب القبل العرس دا زاتو فاشل .. حبي بعد ما تعرسي حبي راجلك حلالك .. وابني مستقبلك ع الحقيقه م ع كلام ب التلفون ..

وجات جنبها ومسكتا وحضنتا شديد .. الله يرضى عليك اسمعي كلامي لو لي مره وحده .. والله سعادتك بتهمني شديد انا ..

وكلام كتييير ..

خلتا ..

بعد ماراقت جاتا امي انا اسفه وحقك علي واكيد انتي بتعرفي مصلحتي اكتر مني .. وقلبا واجعه ويائسه من الحياه شديد ..

امها انبسطت اي كده انتي بتي البعرفك .. وكلمتا ام رامي وابوك ووافقو ع العقد الاسبوع الجاي جهزي نفسك ..

خير ي امي ..

ب هناك فارس يشيل ويتصل التلفون مقفول ..

بقى متوتر واعصابو بايظه ياربي الحصل عليها شنو ياربي عملو ليها شنو ياربي شالو منها التلفون عشان قالت ما موافقه راسو داير ينفجر من التفكير ..

مافي حل يا امشي البيت يعرف الحصل ي اتصل ع هناء يعرف منها ..

فكر قال هناء اضمن ماداير يعمل مشاكل لي دعاء ..

فعلا اتصل ع هناء ..

هناء كيف معاك فارس ..

اهلين فارس كيف عاش من سمع صوتك ..

تسلمي ي رب انتي امورك والحاصل عليك ..

والله كل

و تمام التمام الحمد الله ..

دوم ي رب ..

هناء عايز منك خدمه ممكن ..

اي قول اتصلتا عشان كده انا هسي قلتا داير يسلم علي ..

هههه ماكده والله معليش متلوم معاك لاكين قلتا عشان راجلك وكده مايقوم يتحسس ..

ي زول عادي ولا يهمك اها امر داير شنو ..

مايامر عليك عدو بس دايرك تتصلي ع ام دعاء تشوفي دعاء مالا ..

سجمي مالا دودي ..

ماعارف والله..

حكا ليها الحكايه كلها ..

يخسي عليها الرمه ما ورتني ب الكلام دا ..لاكن ..

طيب خلاص انا هسي بتصل ع خالتي وبطمنك مافيها شي ان شاء الله ..

اي عليك الله ضروري ..

حاضر .. قفل ..

طوالي اتصلت ع ام دعاء ..

سلام خالتو كيف ..

اهلين هنويه تمام وانتي وراجلك البيبي كيف ..

تمام الحمد الله ..

ان شاء الله الوحم ما معذبك ..

لا الحمد الله مافي عذاب ..

الحمد الله ..

انتو كيف ودودي كيف بدق ليها تلفونا مقفول ..

اي صح خرب لاكين بعد كم يوم بشتري ليها واحد جديد ..

تمام وينا هي جمبك ..

اي دقيقه ..

مشت ليها .. هاك هنا واوعى توريها ب اي شي سامعه انا قلتا تلفونك خرب ..

طيب .. طلعت منها ..

الو ..

دودي حبيبتي كيف ..

اهلين ننو تمام وانتي. .

الحمد الله .. والله زعلانه منك زعل ..

لي كده الله لا جاب زعل مالك ..

يتبع ...