الجزء 19

بقيت م مستوعبهه البسمع فيهو دا هيثم يموت؟؟ وليه سميره بتقول قلتو؟ فضلته ماسكة فهد ولدي المخلووع من البكاء والاصوات العاليه دي ودموعي نازله على هيثم من اليوم ولدي يتيم و الجاي قبل يشوف ابوه ابوه مات خلااص.💔💔صاح انفصلته عنه وكرهت اليوم الاتزوجتو فيه لكن بفضل ابو وضهر لأولادي ،،حرمان الاب صعب صعب انه يصحو عالدنيا دي ويلقو ابوهم مااف وجعتي كانت اكبر وجعه المره دي لانها بتخص اولادي 💔

رقدته بعد ناام من البكاء وتعب شديد مشيت أسال امي هيثم مات كيف يا أمي؟؟قالت لي قالو اضرب كهرباء وهو شغال فالسدّ وناس بقولو الاسلاك اتشبكت وعملت ماس وولعت والخطأ من المسؤولين وم المهندسين لانو جو يشتغلو وم عندهم علم ،، بعد كذا ساعهه جابو جثتو عشان اهلو يشوفوه ويدفن ما اتوقعتهه يجي يوم واشوفزهيثم جثهه قداامي ،، دفنوه وعملنا العزااء اكتر جانب اتأذو هم اولاد اختي منى فقدو امهم وتاني ابوهم بالنسبهه ل فهد ولدي عندو امو لسه بس هم حسيت انو اتظلمو وهم م عندهم ذنب بس اي حاجهه بتجي من ربنا سمحهه 💜

حاجه م بتتصدق بس حصلتت ، وكان طبعاً لازم اتحبس لاني على زمتهه،،

كأن اصعب 4شهور مرت علي ،، اصريت على اني اشتغل وم اوقف شغل وحتى وانا محبوسهه ،، امي حاولت معاي ،،بس قلته ليها ما غلط لو طلعته الشغل ،، والحبس اصلا ما غير حاجه عظيمهه يعني بشبهه حياتي الطبيعيهه ،، بس مع الحمل كنته بعتب شديد وعرفته انو جاياني بنوتهه حسيت بالفرح نص الوجعع ،، جبته اولاد اختي عشان يستقرو معاي رغم اصرار عمتهم يعيشو معاها قلته ليها م عايزه افرق الاخوه من بعض ابدااا تاني خليهم مع بعض كان صعب علي اخد بالي منهم كلهم بس دي حاجهه اتفرضت علي،، يمكن ربنا عيشني الظروف دي كلها لانه عارف ماف زول غيري ح يكون حنين عليهم ،،

الناس الكان شغال معاهم هيثم جو وقالو عايزين يتكفلو بكل شي بخص الاولاد ومبالغ ماليهه ،، قلت ليهم نحن م عايزين ديه على دمو هو مات خلاص تاني القروش ح ترجع ليهم ابوهم الراااح اإثر غلط منكم وتجو بعد المحكمه فرضت عليكم؟ نحن م عايزين اي كفااله امي قالت لي عشان اولاده اقبلي قلتهه ليها هو عندو قروش وعنده بيت وعنده حاجات كتتيره البخليني اشيل حق دمو منو صح م بحبو واتجبرت عليهو بس هو ابو اولادي الدايما ح يكون اسمو وراء اسمهم،، وفخر ليهم. .

الشهر الاخير من حملي ،،اخدتهه اجازه عشان ارتاح واجهزز نفسي ،، يمكن شويه البيت بقى فيهو روح حلوه ،، وبدينا نحس انو مبسوطين ،، وانا كنت بحس نفسي سعيده جدا وهم حواليني وحاسه بنففسي امهم خصوصاً منى الصغيره بتناديني ماما ،،

لهفتهم لمن يرجعو من المدرسه ،، الاحترام البحترموني ليه بحس انه بربي فيهم صح وانا مااشيهه فالطريق الصح وتفوقهم الدراسي ،،اخلاقهم العاليه ،، سلوكهم الجيد حسيت دا اكبر انتصار لي ف حياتي ،، يوم كذا بالليل حسيت بوجع ومجاهد كان بيبيت معانا احتياط امي صحتوو وطلعنا المستشفى وكنت خلاص ح اولد ،، والحمد لله جبت البببنوته 💜 اجمممل شعور حسيتو لمن شلتها حسيت اني ملكتهه العالم بين يديني ،، كانت صغنونه شدديد وشعرها احمر وعيونها عسليهه كانت في قمة الجمال مجاهد اخوي قال لي عايززه تسميها منو عشان اسجلا ليك ،،قلتهه ليهوو" جود " الاسم دا ح يعني لي كتتير الاذاعه الرجعتني للحياه العمليهه وخلتني اقيف من تاني ،،

الحتهه اللقيت فيها فهد بعد السنين دي كلهاا ،، ثم عايزاها تجود علي بالحب والخير واني متفاءله ببتي شديدد 💜 🌸 رجعت بعد فتره اداوم الشغل وكنته بخلي بتي لماما ،، وكدا. يوم وانا فالشغل وكنته بلااااقي فهد من وقت للتاني وبعد ما هو عرف وفاه هيثم،، كان بهتم بي شديد ل درجة مرااات بيتتصل علي حسيت المساافه البيني وبينه قصرت وانو هو بحاول يرجع البينا او بالاصح يعلن البيناا ، كنته بحاول اتجاهل بقدر الممكن ،، بس في يوم جاء لي المكتب وسلم علي وقعد قال لي مييساء ليه بتتجاهليني قلته ليهو فهد اتجاهلك كيفف ؟؟ قال لي بتتجاهلي وقاصده انت عارفه كويس اني لسه بحبك ،، الكلمه دي طبعاً كان عندها وقعها الخاص ف راسي حسيت بيها جووه،، قلته ليه انت بتقول ف شنو؟ قال لي نحن ح نتغابي بعض ل متين ؟؟ ل متين؟؟ بحببببك وعارف بتحبييني وميته فيني كمان ،، كان بيقول فالكلاااام دا وهو بعاين لي نص عيوني وكان قاصد عشان يوترني ،، قلتهه ليه فهد الظاهر انا غلطته لمن رضيت اشتغل في حتهه بنتلاقى فيها ،،حاولت اغير الموضوع ،،قال لي دا م تجاهل اسي؟ قلته ليهو بحررقه فهد عايز شنو انت اها؟؟ عايز شنو بي بيتك وعندك بت وحياة منفصلهه تماما وانا عندي حياتي ماف حاجهه بتجمعنا خالص فاهمني انت؟؟ قال لي عايزك انتي ،، وبجمعنا حاجات كتير بينا انا وانتي عارفينها كويس شدديد ،،

قلته ليهو الحاجهه البينا ي فهد م صالحة تاني ابدااااً ،، قال لي صالحة ونص انا مستعد اطلق الليله قبل بكرة،، قلته ليه تطلق؟؟ والمسكينه ذنبها شنو ؟؟ وبتك ذنبها شنو ؟؟ كفايه الناس الحياتهم اتدمرت للان م تدمر حياة المساكين ديل بتك م عندها

ذنب تتحرم من امها وابوها مع بعض ،، قال لي طيب وانا ذنبي شنو ؟ بقى بضرب راسو انا ذنبي شنو ويأشر بصباعو م قادر اطلعك من هنا م قادر عرفتي م عارف اعمل شنو ،، انت مسيطره علي م قادر انساك حاولت حاولت والله بس وربي م قدرت وربي ،،قلته ليه حتى انا م نسيتك وم قادره انساك بس اعتبرته حبك حاجة فرضيه في حياتي زي ما باكل واشرب واتنفس كمان ضروري افضل بحبك انا يا فهد اتعايشت مع حبك بقدر ما بتألم إنك بعييد بقدر ما بشعر بحبك وبحس اني مبسوطه بي حببك،،

انت كمان حاول اتعايش مع الحب دا واعتبرو فرضيه ،،احيانا حبنا للبعض بيكون افضل فالبعد وربنا قدر ليهو كدا حب عايش بس منفصل جواك وجواي ،، قال لي ويا نعم بحبك ،، بس اذا انت زعلانه عشان م اخليهم ،، ممكن نتزوج انا وانتي من غير ما أطلقها ،،قلته ليهو يعني تتزوجني عليها،،💔💔سكتهه مساافه وقلته ليهوو ح تكسر نفسها صدقني ،، وبتك ح تتكسر برضو يزعلو ويعانو حاجات م عندهم فيها ذنب ابداا

قال لي ليه انتي طيبهه كداا ،،قلتهه ليه تقدر تسميها طيبه او دا الصح يعني ،، وانا كمان عندي أطفال مسؤوله منهم ذنبهم شنو فجأه اتزوج انا خايفه عليهم ي فهد والله هم م عندهم غيري ارتباطي بيك بيعني تقصيري تجاهم وانا م عايزه تقصر في حقهم خالص ،،

قال لي ح اربيهم معاك وح اكون ليهم اب قلته ليهو م عندي شك فالحاجة دي ي فهد لكن ؟! بضمنك وم بقدر اضمن الزمن والظروف،، ارتباطنا من تاني بيعني فتح ابواب كتيره نحن في غنى عنها شيرين واهلها ح يشنو حملة هجوم عليك ،، واهلي كمان ،،

قال لي منو قال ارتباطنا من تاني ما اصلا نحن مرتبطتين ببعض ، م عندي شغله بيهم مستعد اواجهم كلهم،قلته ليهو حبنا ي فهد م خيار في يدنا لو كنا لسه فهد وميساء كان ممكن بس نحن عندنا ارواااح مسوؤلين منها ،، م ينفع عشان راحتنا نفرض عليهم حياة غير مقبولهه من جانبهم ،، قال لي ما عارف اقول ليك شنو وأبرر كيف تاني ،،قلته ليهو م تبرر اي حاجة انا وانت الاتنين قادرين نتعايش مع الحب دا ونحن بعيدين من بعض ،، ح نقدر يا فهد ،، انت ارجع لبيتك وشغلك ومرتك وبتك وانا ارجع لشغلي واولادي ، كفايه تذمر كفايه نحاول وخلينا نخليها تمشي برااها ،،

قال لي يا ميساء الحب البينا م بيستاهل النهايه دي ،،قلته ليهو منو قال ليك انتهى ومنو قال ليك الحب عندو نهايه ح يفضل عايش بينا دايماً كفايه انو عندنا ثقه ف حبنا ل بعض ،،وعندنا ثقه عملنا. الصح عشان غيرنا وعشان اولادنا ،، القدر كتب علينا كدا ونحن نكون راضين بيهو ،، قال لي طيب لمن اشتاق ليك واحس عايز اكلمك وعايز اشوفك اعمل شنو؟ قلتهه ليهو صلي 🌸

كلنا قريبين من ربنا سبحانه وتعالى اطلب منو يربط على قلبك يا فهد وانا ح ادعي ليك ول نفسي اقدر اتحمل الحاجهه دي ،، ونتقبل حياتنا ،، قال لي لو ف يوم الدنيا اتقفلت في وشك ،،قلتهه ليهو ح أجيك انت وافتشك انت 😊 قال لي ايوه 💜💜💜💜💜💜💜💜💜💜

دا كان آخر لقااء بيني وبين فهد عدلان 🌸 بعد اليوم داك قررت م يحصل تاني اي لقااء بيني وبين فهد ،، رجعت البيت من اصعب يوم في حياتي ،، هل كان سهل علي اقول الكلام دا ل فهد؟؟ كان سهل علي اضحي بحبي ليهو ،،لا والله أصعب حاجهه واصعب قرار اتخذتهه في حيااتي ،، بس يمكن بقيت م بحس!! من حِدة الألم!! 💔💔💔💔 بطلت أخاف وبطلت اكون ضعيفهه تجاه اقداري،،💜

فأجئته امي بعد اسبوع باإني ح اسافر قالت لي وين قلتهه ليها قطر قالت لي شنو؟؟ كيف تسافري وتعيشي براك وهنا مالو عين الله علييك ؟؟ شكلك جنيتي قلته ليها يا أمي والله والله مُصره ع موقفي دا وم ح اتراجع انا قدمتهه واتقبلتهه ،، قالت لي لالا مستحيل ،،قلته ليها يا امي انا كبيره وواعيه ب بقراراتي ،، ودا اهم قرار في حياتي ،، ما واجهت الرفض من امي بس ابوي واخوي مجاهد وفالنهايه اتوصلنا لحل مجاهد ح يسافر معانا وطبعا ح اخد معاي كل اولادي 💜

سفري ل قطر نقطه انطلاقي للحياه ،، م كان ساهل علي القرار دا ،،سافرت وانا شايله معاي اكوام تفاؤل بآنو ابدأ من جديد وأصنع ل نفسي حياتي البحلم بيها انا ،، وصلتهه ل قطر وقررته البدايه تكون من نفسي فقررته اهتم ب نفسسي اولاً ،، فنحفتهه 😹😹😹😹😹😹

ولقيت استايل وكذاا وغيرت استايل لبسي كمان هههه وبفيت بكوي شعري بهتم بجسمي بشرتي وبهتم بادق التفاصيل ف روحي ،، حسيت نفسي ميساء جديده كلياً ،، بدايتي كانت شغل ك مذذيعه ف اذاعه كدا بس بعد كذا سنهه أسسته ل نفسسي إذاعه سميتها نبض 💜

استقريت وبشوف اولادي بكبرو قدامي فاحسن حال وراحة بالي الانا فقدتها من عمري 25سنهه لقيتها تاني ،، وانا شايفهه فهد وجود قدامي بحس بأعظم نعمة من ربنا سبحانه وتعالى ،،حالياً ممكن اقول انا بحب حياتي واني عظيمه . " كم تمنيت وجودك الآن جانبي لكن صفقة الحياة ليست عادله ولله مافي القلب يا أعظم فهد 💜🌸".

دي كانت جملهه مكتوبه في نهاية دفتري 😹🙈.

اسبوع جود بتي بتقرأ فالدفتر جاتني خلصت يا ماما خلصت ،، قلتهه ليها م حرام تخلصي حياتي كلها ف اسبوع ؟ 😹😢 وقفت وقالت لي

انا فخوره بيك يا أمي وجات حضنتتي وبقت بتبكي ،،قالت لي بحببببك شديد انا وانت عانيتي كتتير ،، قلته ليها عشان جملتك انا فخوره بيك يا امي دي اخترت اعاني عشان اكون عندي اولاد يفتخرو بي ،

طيب ممكن نطلع من حو البكااء دا ،، قالت لي ماما انت لسه بتحبي فهد داك قلتهه ليها م عايزه اقول ليك م تتكلمي فالمواضيع دي وانت لسه صغيره لكن ي بتي ماف حب بيموت ،، واسي هههههه 😂😂امك عمرها اربعين سنه م عايزه شي من الدنيا دي قالت لي لالا يا ماما انت ف عز شبابك جااهزه للبرنامج بتاع بالليل قلتهه ليها ان شاء الله يا بتي ،،قالت لي ح نشوفك فالتلفزيون قلته ليها اي قالت لي ح اقوم اكلم صحباتي كلهم يشوفوك 😍

البرنامج كان إسمو" عظيمات فالقرن الحادي والعشرون"

وطلبو استضافتي فالبرنامج نسبه لإني عندي إذاعة اتشهرت جداً ومذيعه معروفه للناس البرنامج بضمّن يناقشو حياتك وبداياتك ويطلبو نصايح وشويه أسئله ،،من ضمن الأسئله ليه سميت اذاعتي نبض ؟ اجابتي كانت لانو م بتخيل نفسسي من غيرها الاذاعه بالنسبه لي نبض حياتي.

وطبعاً سألوني من برنامجي فالاذاعه اسمه " أربعينيه " من وين جات فكرتو وليه كل مره فيه بناقش نقطه من نقاط حياتي ؟

اجابتي كانت: سن الأربعين للوحده فينا هو سن النضج اي وحده لمن تصلل السن دا بتكون في قمة الوعي قمة الجمال قمة كل شي انثى حقيقيه ،،البعض بقول الوصول للعمر دا نهايتك ك أمراءه ودا غلط العمر دا هو بدااية كل حاجة جميلة ونهايه التعثر ونهايه القرارت الخاطئه ونهاية كل شي سئ ولاني لمن وصلت العمر دا تحديداً انا استققريت نفسياً وكل شي يعني كل حاجة حلمت بيها اتحققت فالعمر دا.. ومبسوطه جداً بعمري دا وبتمنى لو نظل اربعينيات دائماً 💜

*النهايه.

بقلمي :ميساء محمد.

منعطفات الحياة كتتيره فانت ممكن تكون ك فهد وممكن تكون ك هيثم وممكن تكون ك منى وممكن تكون ك ميساء وممكن تكون ك وجن باعتقد دي ابرز الشخصيات المؤثره :-

فانت ك هيثم لازم تتراجع عن الطريق الوحل الانت فيه ماف سبب بخليك تكون الزوج الخاين ابدا ،، فالرضا وغض البصر دا المفروض يكون داخل كل راجل ،،الاقتناع والقناعه بالحاجة القدامك لاانه م ح تستفيد حاجة غير خراب البيوت.

وانتِ ك منى صبرك وكتم حاجات كتيره جواك تجاة زول لا يستحق اكبر غلط ودا تدمير ل حياتك كامله فربنا لم يفرض الهلاك.

انت ك وجن : الحقد والحسد وما يسموها الخساسه بتوصلك ل طريق مسدود وبترجع ليك الحاجات البعمليها فالغير وبالسوء ، يعني مثلاً نهاية وجن كانت صعبه جداً وبتؤدي للجنون وعقاب رباني. انت ك فهد : ممكن تكون منجرف فحاجات سيئه ممكن ربنا يرسل ليك مُصلح ك ميساء وممكن لاأ فانت راجع نفسك واصلح نفسك وخليك سويٍ ،، ممكن تُرزق بالحب استعجل فانك تحصل عليه بس لو ما نصيبك فعليك بانه ترضى بالواقع والاإتفرض عليك.

وانتِ ك ميساء: عليك تصلحي نفسك قبل م يكون بسبب حاجة او وقعه زي م حصل م تنتظري تقعي عشان تقومي حددي اهدافك وخليك صااحبه القرار في حياتك،، ولو حصل ووقعتي فلازم تقومي وتنهضي لحياتك وم تسمحي ليها توقفك وتعيقك لازم كل م تتصابي تقومي من تاني وتعيشي نفسك ل نفسك تبني الاتكسر الرضا بالمقسوم وتعيشي بحكمة وما كل حاجة فالحياة بالمزاج وزي م عايزين حاجات كتيره ضد ارادتنا وعلينا نتقبلااا دايماً والخير فيما أختاره الله 🌸

انتو ك اهل ك مربيين لازم تسمعو لاولادكم لازم تحرصو ع تربيتهم وما تجبروهم ع قرارات تدمر حياتهم خلو ليها فرصه الاختيار ،، م تجبروهم على حاجة هم ما عايزنها ،، ابداً الحياه لا تُعاش بالقسوه الحياة تحتاج دائماً للين. عايزين نجرد نفسنا من خُرفات الماضي وكل حد حرّ فانه يختار يعيش حياته كيف ووين وبياتو طريقه ما دام كله تحت سقف رضا الرحمن خلوكم فخر لأاولادكم والأحلام تتسع للجميع🌸

ليس لكل حب زواج فللنصيب رأي أخر احياناً.

مرات بناخد قرارت ضد مصلحتنا عشان ناس تانيه عشان نكون رحيمين بالغير وعشان أطفالنا فوق الجميع 💜

وحبو ياخ الحب أكسجين الحياة 🌸

""لأُحبك لا احتاجك اأمامي فأانتك في عمق قلبي وعقلي ومجرى الشرايين بين دعواتي دااخل صلاتي وفي عمق السجود انا غارقه بك تماماً ولله جنه لو صح اللقااء 💜🌸

:

أتمنى اتمنى أتمنى تكونو أستفدتو من الروايه دي ،،وانا اكون اديتها حقهااا كاممل ،، وم قصرتا وبعتذر عن اي خطأ إملائي عفوي ،، واي تأخير او تقصير بدر مني وبححبكم جميعاً واي حد يقرأ الروايه دي بتمنننى بتمنى يددعي لي من قلبببببه لاني محتاجهه الدعواتتت ،، ويديني كوومنت بالتفففففصيل بالملّ عن الروايه.

حب عظيم 👋💜

ميساء محمد.