الجزء 17
هناء صديق
18والاخيره
امنيه:دا شنو ي ايمن😡😤
ايمن:رنوده..منويه حبيبتي😍انتو مووش استلمتو الشهاده بتاعتكم
رناد: ايووااا
امنيه:الليله حفلتنا ي فالح
ايمن:خلاص عايزين بي حفلة التخريج شنو😂احتفلو بي عرسكم احسن ليكم😂😉
احمد:🤣الحفله معانا احلي مالكم ومال شلت الجامعه والكلام الفاضي😁
رناد:احمد انا... بكر😶 (طوالي قاطعني وم خلاني اكمل كلامي)
احمد: بالمناسبه اهلي واهل امنيه وايمن عارفين ومنتظرين اسكتو و م تكترو كلامكم غشان م نتأخر عليهم
امنيه: احمد وايمن انتو😶.....(طوالي ايمن قاطعه م خلاها تكمل كلامها🤣)
ايمن:احلي حبيبين صاح😉😍
رناد:شت😤🤬
امنيه:انا بكرهك انت واحمد😠😤
احمد:انا بحبك انتي ورناد🤣 إنتي اختي الصغيره ي امنيه
🌼🌼🌼🌼🌼🌼🌼
كملنا طريقنا داك كوولو مشاكل😅مع الشفع ديل.....لكين حركتم حجبتني بيني وبينكم🙈🤣وصلنا الصاله بتاعت العرس م بتاعت التخريج😂عملوها فينا احمد وايمن
كانو امي وابوي وحبوبه وعمتي وعمي واهل ايمن واهل امنيه. كوولهم واقفين لينا في باب الصاله😍احلي شعور لمت الاهل والفرحه معاهم حاجه تانيه
ابوي:الف مبروك ي اولادي الله يسعدكم ويبعد منكم المشاكل
احمد: تسلم ي عمي
أيمن: اللهم امين
حبوبه: أن شاء الله بيت مال وعيال ي رب😍
احمد: تسلمي حبوبتي الغاليه
عمتي:الف مبروك
أيمن:الله يبارك فيك وعقبالك😂
عمتي (قعدت تضحك)بعد العمر دا كولو بري ماعايزه الحمد لله
امي: ألف ألف مبروك تتهنو ي رب😍
احمد:, الله يخليك ي أمي الغاليه
(احمد بعد الحادث بقي بنادي لي امي.بقول ليها امي😍 يحليلو)
طبعا انا وأمنية عاملين خجلانين🙈عروسات عروسات😅خشمنا دا م فتحناهو خ😂دخلنا الصاله وقعدنا في الكراسي(الكوشه)اهلي كوولهم فرحانين يرقصو ويغنو الله يديم السعاده اعوز بالله من زوالها....انتهت الحفله ومشينا انا واحمد شقتنا عشان بكره من الصباح مسافرين نقضي شهر العسل بره السودان....😍😍 و امنيه وايمن مشو شقتهم عشان برضو ح يسافرو بكره لكين برااهم😂🤣م معانا الحمد الله بري منهم قاعدين لي زي الحقنه عوارض😂 الزول م يقدر يقول مع احمد كلمه😂
🌹🌹🌹🌹🌹🌹🌹❣❣❣❣
وصلنا شقتنا ودخلنا
احمد:الف مبروك لينا حبيبتي❣
رناد: الله يبارك فيك حبيبي
احمد:والله ي رناد عشته حياتي كلها وانا م متوقع يكون عندي بنت عم وانو ح اتزوجها كمان😍
رناد:انا كنت عارفه انو عمي بشير عندو ولد لكين م اتصورت تم الحاجات دي كلها وجدي يجمع بينا بي الطريقه دي☺
احمد:تعرفي ي رنوده جدي قال لي شنو ولمن وصاني على عمي وعلي ابوي
رناد: الله يرحمه قال ليك شنو؟؟؟
احمد:قال انو لازم اغطي قدمي واتزوجك😜🤣
رناد:انا بكرهك🤬يلا اطلع بره غرفتي
احمد:🤣اهاا دا م يوم تقولي كدا..😍 اطلع وين والله قاعد في سريري دا😝
رناد:طيب خليك انا طالعه ي بايخ
طوالي جراني من يدي ووقعته في السرير وحصل الحصل😍😘مع العرسان😂
🌹🌹🌹🌹🌹🌹🌹🌹🌹🌹
في مكان تاني
أيمن:منويه حبيبتي الف مبروك😍
امنيه: الله يبارك فيك حبيبي
ايمن:الله يقدرني اسعدك
امنيه:طول م انا معاك ح اكون سعيده ومبسوطه
ايمن: الله يخليك لي سنفورتي وم يحرمني منك
امنيه،:ويخليك ي رب😍
🌼🌼🌼🌼🌼🌼🌼🌼🌼
صباح يوم جديد
ناس امنيه وايمن سافرة وأنا واحمد كمان سافرنا..قضينا احلي شهر عسل احلي ايام في حياتي❣مع حب حياتي احمد الله يخليهو لي ود عمي وم يحرمني منو والله يقدرني اسعدو😍 علشان هو سبب سعادتي وفرحتي ❣
رجعنا من شهر العسل وعشنا مع حبوبه كوولنا لي في البيت الكبير بكل حب وسعاده 😍من غير مشاكل وهموم الحمد لله
في اخر قصتي بقول ليكم حبو بعضكم وحافظو علي بعض وحافظو علي الصداقه..وحافظو علي اهلكم وعلي ولد عمكم😂انا رناد ودي قصتي مع اهلي قصه حقيقيه من وحي الواقعة...مع السلامه في أمان الله
😍😍😍😍😍😍😍😍😍
(الاهل وصله الرحم م حاجه هين ولا ساهله عشان نحنا نقطعه😓 الله بسألنا منها يوم القيامه.......حافظو على اهلكم وعلي حبهم ولمت العائله والاهل م زيها حاجه😍 اهم حاجه نبعد من الفتن ومن النميمه حمانا الله☺مرات سوء التفاهم هو بولد الحقد والكراهيه😓حببو اولادكم في بعض😍و م تفرقو بين البنت والولد.. البيت والولد في النهايه قسمه من الله حافظو علي اولادكم عشان دي مسؤولية😉
يلا في أمان الله
حفظكم الله ورعاكم
الي اللقاء في رواية جديده
هناء صديق (ام مؤيد)