الجزء 10
هناء صديق
11
صباح يوم جديد في الجامعة🌞🌞
امنيه: سبحان الله ابوك وافق كيف
ايمن:زولتك صعبه....كلمه واحده اقنعت ابوها
احمد:ههههه دي خطيره والله شووفته لي واحده بتقنع ابوها سورعه كدا😅
رناد:🤣قلت لي ابوي انا كبيره😌وعايزه اتزوج فقام وافق طوالي✌
كلهم قعدو يضحكو
ايمن:هههههه🤣كبرتي شنو ..انتي سنفوره قصيره
احمد: والله صاح شافعه ساي ي بنت عمي😜
رناد:😅بس عشان ابوي يوافق م يعزبني
امنيه:الله يسهل ليكم....بعد دا رناد عملت العليها...الباقي عليك انت ي احمد
أيمن: أيواا لازم تقنع ابوك بشير .........ولمن تمشي ناس عمك محمد تتصرف كراجل قدام عمك
أحمد:😅الله يسهل
مره اسبوع وجي يوم الجمعة المنتظر....صحيت بدري من الصباح..عامله نفسي عروس عروس🤣نظفت البيت وفرشت الصاله اصلا م عندنا صالون هههه عشان الضيوف..وعملنا الاكل انا وامي .. والله اليوم كوولو متوترة م عارفه احمد ح يتصرف كيف وح يعمل شنو الله يستر بس ..و م عارفه ابوي ح يقول شنو لي احمد هل ح يوافق؟؟ي ربي ... أن شاء الله خير
جاتني امنيه بعد صلاه العصر كدا عشان تعمل لي شعري و عملت لي ميك اب خفيف وليسته فستان😅طلعته حلوه يووخ🙈اتصل لي احمد
احمد:خطيبتي الثمحه كيفك🙂
رناد:🤣 خطيبتي شنو ي ولد دا كووولو عشان جدي وعشان اهلنا بس
احمد:ههه صاح يلا انا ماش عليكم في الشارع..وجايب معاي ايمن🌚
رناد:شنو شنو ايمن😱الليله بفضحنا الشافع دا م كنته تجيبو معاك😓
ايمن:ساامعك على فكره😒احمد فاتح الاسبيكر😅
امنيه:وانا كمان سامعه😜نحنا كمان فاتحين السماعه الخارجية😅وانت ي ايمن لو جيت حتخرب الخطوبه
احمد:😂حرام عليكم ي بنات
رناد:خلاص تمام...م تتاخرو
ايمن:🤣 مستعجله لي الدرجه دي...مالك البوره صعبه ولا شنو
رناد:ايمن اتلمه😤
ايمن:سوري😅
فقلت التلفون من ناس احمد وايمن ....بعد شويه الباب طق طق ماشه افتحو كدا...
ابوي:ماشه وين ي رناد
رناد:افتح الباب ي ابوي🌚
ابوي:م عندنا عروس بتفتح الباب ارجعي
قعدت اضحك 😂ومشيت غرفتي... ابوي فتح الباب
ابوي: أهلا وسهلا اتفضلو ي اولادي
احمد من شاف ابوي حضنو وباس راسو ونزلت منو دمعه من صغيره كدا... لكين مسحه م في زول شافه😥يحليلو حنين والله
(اول م الباب فتح شفته قدامي راجل ملامحو قريبه من جدي 😍وشو فيهو حنينه وبشاشه وطيبه م قدرت امسك نفسي طوالي نزلت مني دمعه😢 معقوله اخيرا شفتك ي عمي 😍اااااه احساس غريب مخلوط بي حنين وشوق وخوف في نفس الوقت من الجاي ومن ال ح يحصل ومن المستقبل.... سبحان الله بقولو الخلف م مات عمي نسخه مصغره من جدي أن شاء الله البحصل كلو لي خير)احمد
احمد واقف قريب خمسه دقائق حاض ابوي ... أبوي لمن انتبه زاتو😅😗وايمن حسه انو ابوي استغرب من حركه احمد ف كان عايز يقول لي احمد كفاك زح من الراجل😄احمد لسه حاض ابوي بي قوه وحنيه حنيت ولد لاقاا ابوهو بعد غياب😍
ايمن:عمي كيفك
احمد انتبه لي نفسو وطوالي فكه ابوي وزح منو 😅
ابوي:(بي خلعه كدا)اتفضلو ي اولادي😳
احمد:تسلم ي عمي
دخلو الصاله امي وامنيه قدمو ليهم المويه والعصير والحلاوه وقعدت....
ابوي:نورتو والله
ايمن:بي نورك ي عمي
ابوي:معليش ي اولادي منو العريس فيكم😆
احمد:انا... انا ي عمي
ابوي:اتشرفنا ي ولدي...اسمك منو واهلك منو؟؟؟احكي لي عن نفسك حبه
احمد: اسمي احمد...ودا صحبي ايمن.....عايز اتعرف عليكم اول وتاني اجيب اهلي يعني بعد ازنك طبعا😊
ابوي:م حكيت لي عن اهلك..وعند ابوك اسمو منو وشغال شنو وانتو من وين وامك منو
احمد:معليش ي عمي ممكن الحاحات دي والتعارف نخليهو بعدين لي وقت
ابوي:😳😶.......
ايمن:قصدو ي عمي يعني بعد يجيب اهلو وتتعرفو شخصياا
ابوي:لا م مشكله...شكلك انسان خلوق ومهذب
ايمن: والله الصلوات الخمسه في الجامع...ولا تمباك ولا سجائر😁وشاطر في دراستو كمان...يعني انتو بتشترو راجل ي عمي🙃
كلهم قعدو يضحكو من كلام ايمن
احمد:دا شنو ي ايمن😠
ابوي:🤣صاحبك عايز يرفع راسك
أحمد:اهاا ي عمي نقول خير؟؟و نقرا الفاتحه
ابوي:خير ي ولدي جيب اهلك وتعال
احمد:جد ي عمي موافق😃(وقام علي حيلو باس راس ابوي ويدو)
ابوي: أستغفر الله ي ولدي اقعد
ايمن:😂 أحمد م صدق انك موافق
ابوي: احمد شكلو زول كويس م اوافق ليشنو و اكيد بنتي م ح تختار زول غلط
احمد:الله يقدرني ي عمي اكون قدر ثقتك
ايمن:يلا نقرا الفاتحه
قرو الفاتحه كوولهم سوا
وجاتني امي في غرفتي قالت لي تعالي سلمي على الضيوف ..مشيت ليهم في الصاله
رناد: احمد ايمن كيفكم
ايمن:بخير كيفك ي عروس😇
احمد: كويسين الحمد لله انتي كيف
ابوي:تعالي اقعدي جمبي هنا ي رنوده....قعدت جمب ابوي
ابوي:اهاا ي رناد موافقه على الزول دا و م عايز خجل😅
رناد:ايوااا ي ابوي موافقه😊☺🙈
كوولهم قعدو يضحكو🤣🤣
امي:اجي ي بتي العروس م بتتكلم
رناد:😅ابوي سألني وانا جاوبته بس
ابوي:😂عايز اهظر مع بتي وخطيبه انتي مالك ي عشه
احمد: تسلم لينا ي عمي يلا عشان اتأخرنا ي ايمن
ايمن:خلينا قاعدين نتونس حبه🌚
ابوي:🙂مالك مستعجل كدا
احمد:لا ي عمي بس م عايز نتقل عليكم
ابوي:انت ولدي ي احمد م تقول كدا
احمد: والله انا بريدك شديد ي عمي...اتزكر كلامي دا كويس.....وم تنساهو
ابوي:أن شاء الله
ناس احمد وايمن اتعشو وطلعو وانا وأمنية مشينا غرفتي... امنيه الليله عايزه تنوم معاي 😂ضيق ساي قايتو
امنيه:🤣العروس
رناد:عروس شنو انتي عارفه القصه
امنيه:المووهم عروس صاح😍
رناد:ايواا عروسه ولد عمي😅
امنيه:يلا ننوم عشان انا تعبانه والله
رناد:يلا والله انا عيوني م قادره افتحه من النعاس
🍀🍀🍀🍀🍀🍀🍀🍀🍀🍀
احمد وصل ايمن بيتم ومشي بيتم وصل البيت لقي ابوهو قاعد قال فرصه افتح معاهو الموضوع استحمه وصلي وغير ملابسو وجي قعد مع ابوهو
احمد:ابوي كيفك
عمي بشير:كويس...وين مشيت اتأخرته كدا
احمد:كنت مع صحبي ايمن
عمي: قعدت شباب يعني😅
احمد:ايواا.....ابوي غايزك في موضوع
عمي:اتفضل ي ولدي
احمد:اممممممممم😶😁
عمي:خلص انا م فاضي ليك
احمد:انا عايز اتزوج
عمي:
يتبع😜
الي اللقاء🙂