الجزء 12
هناء صديق
13
احمد: يعني زعلانه مني
رناد:......😶افهم براك
احمد:🤣في زول بزعل من ولد عمو
رناد:انت زعلتيني شديد والله..ليشنو بتكرهني كدا عملت ليك شنو انا☹
احمد:😂😂منو قال ليك انو انا بكرهك
رناد:انت قلت شوف براك(وفتحت الدردشات بتاعتنا الامس و وريتو الدردشه بتاعتو)
احمد قعد يضحك ضحك🤣ضحكتو حلوه يووخ بتدخل القلب طوالي💔)
احمد:م قاصد انو انا بكرهك..قصدي انو انتي بنت عمي الوحيده يووخ😉
رناد:😅ايواا كدا كويس..اها عايزني في شنو
احمد:ابوي واقف على الخظوبه..وح نجي يوم الجمعة نخطبك رسمي..ويتلاقو ابوي وابوك ونشوف البحصل
رناد:جد ي احمد😃
احمد:ايوااا والله
رناد: معقوله يتصالحو
احمد: الله اعلم نخليها على الله أن شاء الله خير
رناد:أن شاء الله
رجعنا لي ناس امنيه وايمن
ايمن:اها خير عايز البنت في شنو
احمد:كلام مخطوبين الدخلك شنو🤪
امنيه:🤣قزف جبهه....احسن ليك الاحراج دا😅
ايمن:يااخ انا مالي ومالك
احمد:😂😂 والله كنته عايز رناد عشان اقول ليها انو ابوي وافق على الخطوبه...و ح نجي يوم الجمعة نخطبها رسمي
ايمن:جد ي احمد😃ولا بتهزر
رناد:جد😃 والله
امنيه:و مالك فرحانه كدا😂 الموضوع قلب جد ولا شنو😍
رناد:امنيه والله اقوم عليك اقتلك..👊 بطلي حركاتك دي
احمد وايمن قعدو يضحكو
احمد:ي جماعه نحنا واضحين من البدايه والبنعمل فيهو دا كوولو عشان جدي وعشان اهلنا وعشان صله الرحم بس م اكتر☹
(قلت الكلام دا وانا مقتنع من جواي اني بكذب 😟رناد دي اكتر من اخت وصديقه وبنت عم ..... رناد دي حاجه كدا م قادر افهمها شنو💔اااه بس الله يستر علينا الحكايه م تقلب جد زي م قالت امنيه💔) احمد
رناد:ايوااا عشان جدي افهمو ي عالم😶
(ليشنو انا لمن احمد يقول لي انتي اختي بزعل ☹بحب اكتر لمن يناديني بنت عمي اكتر من اختي..... والله ي احمد لو تعرف بس مكانتك جواي وفي قلبي💔شنو بحسك ي احمد حاجه خاااصه كدا حاجه م مفهومه بحب لمن اتكلم معاك ولمن اشوفك بتضحك😍بحس انو العالم وقف عند ضحكتك دي الصداقه تتحول لي........ لي حب💓ليشنو قلتها وانا متردده آلله يستر بس ونكمل وصيه جدي على خير 😓من غير حب ووجع قلب) رناد
ايمن:خلونا في المفيد هسي ح تعملو شنو يوم الجمعه🤔
امنيه: في شنو قصدك🙃
احمد:ايواا ح نعمل شنو لمن ابوي وعمي يتلاقو و ح نقول ليهم شنو😥
رناد:انا خايفه انو تحصل مشاكل تاني😭
امنيه:اتفائلي خير حبيبتي😗
ايمن:ي جماعه خلوها للظروف وخلوها على الله والبحصل كوولو لي خير
رناد واحد وانتبه:ان شاء الله ....الله يسهل
قضينا يومنا داك ورجعته البيت وبالي مشغول شديد من ال ح يحصل يوم الجمعة خلاص باقي ايام بس ووصيتك ي جدي تنتهي وارجع حياتي الزمان😢
مره اسبوع .ونحنا كوولنا انا وايمن واحمد وامنيه كل يوم نتكلم في نفس الموضوع😅 م عندنا جديد غيرو....جي يوم الجمعة المنتظر صحيت من الصباح صليت الصبح وقريت قران حبه ودعيت انو الله يسهل لينا وم تحصل مشكله مشيت لي امي نظفنا البيت ورتبنا الصاله م عندنا صالون هههههه😅
جات امنيه وساعدت امي في المطبخ😚 والله جد بنت ظريفه يووخ😍😘م خلتني ولا لحظه في اليوم داك.... اتصل لي احمد زي الساعه 3مساء
احمد:الووو كيفك
رناد: بخير الحمد لله..بس مع التعب والتجهيزات😢😓عشان عمي لمن يجي ن يلقي حاجه ناقصه😌
احمد:يحليلك والله....اها نحنا ح نجي بعد صلاة المغرب
رناد: بالسلامه ان شاءالله
احمد:رناد
رناد:نعم ي احمد
احمد:انا عارف انك خايفه...لكين مهما حصل انا سندك❣وظهرك وولد عمك في الحياه دي م تنسي ..كويس💞
(قعدت ابكي والله كلامو اثرني شديد😭...حسيت فعلا انو احمد سندي في الحياه دي...و م بقدر اعيش من غيرو💔)
احمد: مالك ي رناد م تكوني قاعده تبكي بس😅
رناد:ايوااا😢
احمد: ليشنو انا قلت حاجه غلط😱
رناد:لا بس حسيت بي شعور غريب كدا...انو انت جد ولد عمي واعز اصدقائي ❣
احمد: تسلمي لي أن شاء الله
رناد: احمد تفتكر البحصل شنو
أحمد:خليها على الله م تخربي مزاجك ي خطيبتي💔😅
رناد:🤣حااضر خطيبي أن شاء الله خير
احمد:يلا سلام..عشان اخليك تجهزي نفسك
رناد:احمد.....😶
احمد:نعم ي رناد
رناد: والله في حاجه حاساها م عرفه شنو 😓😢
احمد:مالك ي رناد
رناد:حاسه في حاجه كعبه ح تحصل رايك شنو نأجل الخطوبه دي شويه
احمد: رناد انا م صدقته انو ابوي وافق..لو قلت ليهو كدا اكيد تاني م ح يرضي يجي معاي
رناد:اااه بس
احمد:لي خير البحصل كوولو ي بنت عمي❣
رناد:احلي كلمه سمعتها منك ي ولد عمي
احمد:💔😂يلا سلام
🌸🌸🌸🌸🌸🌸🌸🌸🌸
(قفلت الخط من احمد وجاني احساس رانو في حاجه ح تحصل حاجه غلط .. الله يستر)رناد
قريب ازأن المغرب كدا احمد رسل لي رساله
الي اللقاء💔