الجزء 4
هناء صديق
4
(في علاقات بتبدا في شكل مشكله او حادث غير مقصود 😢والعلاقات دي مرات بتكون احلي علاقه بتكون قويه شديد و م في حاجه بتكسره ...وفي قصداقات بتبدا حلوه وبتنتهي بي عدم السؤال وعدم التواصل بتتلاشي م الوقت 😢لو عندك صديقه أو صديق مقرب حافظ عليهو عشان الصداقه م حاجه ساهله😍 دي نعمه من رب العالمين)
❤❤❤❤❤❤❤❤❤❤❤
امنيه وقعت في الارض وقعدت تبكي
احمد بتتزكروهو😂كان واقف وشايف من بدايت المشكله طوالي جي
احمد:ايمن مالك م البنات ديل😡
ايمن:انت الدخلك شنو
احمد:ديل بنات اهلي ....يلا امشي من هنا
ايمن طوالي مشي وخاف ههههه زي الشافع
ايمن:ح نتلاقي واشوف كذبك دا
احمد :طير من وشي👊
احمد مسك امنيه من يدها يلا ي انسه خلاص قومي اسفين
امنيه:تسلم ي اخ
احمد كان ماشي طوالي امنيه وقفتو ي اخ لو سمحته اسمك منو
احمد:اسمي احمد بشير
امنيه:اتشرفنا..شووكرا كتير انا امنيه ودي صحبتي رناد😊
أحمد:ايوا بعرفه ههههه😅
امنيه:اجي😳 سبحان الله من وين بتعرفه
رناد:😪الولد السقيل ي امنيه
احمد:😂يعني في بالك انا ومتزكراني كويس
رناد:بالي شنو ي ولد ...بس اليوم داك انت كنته سقيل😏.. على العموم شووكرا يلا ي امنيه عشان م نتأخر
امنيه':مالك خلينا نتعرف😄
رناد:يلا😤
امنيه:مع السلامه
احمد:اتشرفنا ي امنيه😂😂
طوالي جريت امنيه من يدها ومشينا😅وصلنا البيت...وصلتا نعسانه وتعبانه..اتغديت وصليت ودخلته على غرفتي
(والله احمد دا عامل زي بطل الافلام😅جي فجاه كدا وايمن طوالي زي الشافع خاف منو😂😂لكين احساسي بقول لي دا م مجرد معرفه في الجامعة وخلاص في رابط اقوي من كدا الله يستر بس)رناد
احمد وصل بيتم استحمه وغير ملابسو واتغده ومشي غرفتو (معقوله بعرف البنت دي يااخ☹انا زي الشفتها لكين وين م متزكر فيها ملامح كدا م غريبه علي ههههه بكره نعرف قصتك ي مغروره😂)احمد
تعالوا هنا اوريكم احمد دا منو وقصتو شنو 😂اكيد راسكم شطب😂هههه احمد دا بدرس في المستوي الثالث في كليه طب مع رناد وأمنية لكين البنات لسه برالمه جداد في المستوي الاول😂اسمو الكامل احمد بشير عبد الله.....ايوااا كل ولد عمي بشير الزمان من صغير عاش واتربه بره السودان...احمد ولد عمي اتشبه فيني لمن اتلاقينا اول مره عشان انا فيني ملامح من حبوبتي وعمتي ومغروره زي حبوبه انا😅😂 انا بنت عم احمد وهو لد عمي 😅لكين م عارفين عشان احمد دا كان مع انو بره السودان وجي عشان الجامعه بس....حتي لو شاف ابوي م بعرفو ... سبحان الله شوفو مشاكل الاهل بتوصل لي وين 😓....تعالو راجعين لي قصتنا😂😂😂
صحيت الصباح وكان اليوم جمعه الله دا اليوم الوحيد البكون مرتاحه فيهو من قرف القرايه😂😂صحيت صليت وجهزت الشاي...شربنا الشاي انا و امي وابوي..وفطرنا وعملنا قعدت قهوه 😍الله ....ح تقولو لي المقعدك مع امك وابوك شنو 😂...شوكه في الحلق😂م عندي اخوان وم عندي صحبات الا امنيه...امي وابوي كل حاجه بالنسبة لي..استحملوني بث😂والله كان يوم جميل مع اهلي ...بالمفرق كدا جاتني امنيه
امنيه: كيفك رنوده
رناد:حبيبتي منويه😍تمام بعد شفتك
امنيه:كسري ساي الدنيا برد ي شيخه😂
رناد:م كسير حقيقه والله
امنيه:شووكرا ا...رايك شنو في العملو احمد
رناد:احمد منو🙃
امنيه:😂😂م تستهبلي......بطلنا احمد بشير
رناد:😅انتي رايك شنو في كف ايمن😜
امنيه دي وشها اتغلب طماطم بس 😂😂وقامت هجمت علي واتشاكلنا زي الشفع🤣
رناد:رجالتك دي كنتي تعمليها مع ايمن م معاي انا ي شاطره😜
امنيه:م محتاجه..عندي بطلي احمد
رناد:اشبعي بيهو😂
امنيه:والله انسان ظريف ولطيف انتي قلتي لي كدا متزكراك
رناد:انا م قلت فيهو حاجه غلط
امنيه:انسان شهم وعندو نخوه ورجوله يوووخ😍
رناد:خلاص بقي عندنا اخو في الجامعه
امنيه:ايواا
امنيه مشت بيتهم وانا نمته طوالي بعد صليت وقريت قران حبه
🌹🌹🌹🌹🌹🌹🌹🌹🌹🌹
صباااح يوم جديد
امي:ح تعمل شنو ي محمد لو م دفعته قصد الجامعه حق رناد احتمال م يخلوها تواصل قرايه😢
ابوي:والله م عارف اجيب من وين...العربيه الشغال فيها بقت ما بطلع حق الاكل
امي:رايك شنو اشتغل واساعدك..ارحع ادرس تاني
ابوي:لا لا ي عشه.انا قاعد ليشنو ...ربك بسهله
امي:الله يسهل بس😓
كنته كل يوم بمشي الجامعه انا وامنيه وبلاقي احمد بس كانت علاقتي بيهو سلام وعليكم السلام م اكتر ...عشان كنته م عايزه اعمل علاقات مع الاولاد وكدا 😂😂😂
معقده الله يشفينا بس ...
في يوم قاعدين نتونس كدا انا وامي وابوي ابوي جاهو تلفون
ابوي:الزول...منو معاي
عمتي اماني:انا ي محمد م عرفتني ي ا خوي اختك اماني(😂اي دي عمتي اماني الكريهه بتتزكروها في اول الروايه الشمارحرقني يلا نرجع لي قصتنا)
ابوي:اختي(سكت مسافه كدا)
عمتي:ابوي ..ابوي😭ي محمد ي اخوي حالتو صعبه وعيان وقال عايز يشوفك قبل قبل....م يمو.....وقعدت تبكي😭😭
ابوي:ساعه بس ي اماني و ح اكون هناك
ابوي امي جهزو عشان يمشو وقالو لي اقعدي في البيت مع امنيه وانو هم م ح يتأخرو بجو راجعين بكره أن شاء الله
رناد:بس ي ابوي عايزه اشوف ج
دي و اطمن عليهو😭
ابوي:معليش ي بتي بديك تتكلمي معاهو في التلفون
رناد:م زي لمن اشوفو....ابوي دا جدي انت فاهمني يعني شنو جدي بالنسبة لي
ابوي:فاهم ي رناد وعارف ..لكين نمشي اول انا وامك وتاني تعالي انتي
رناد:حاضر ي ابوي😓
ابوي وامي مشو وانا مشيت ناس امنيه...ابوي وصلني ناس امنيه واطمن علي ومشي....ناس ابوي وصلو ناس جدي
ابوي:امي كيفك وكيف ابوي بقي
حبوبه:اااه ي ولدي وينك😭من زمان
عمي بشير:الجابك شنو انت منو اتصل ليك اصلا
عمتي اماني:انا ي بشير يعني عايز ابوي يموت بي حصرتو عشان م شاف محمد ليهو سنين...تعال ي اخوي تعال نمشي لي ابوي
حبوبه:يلا ي ولدي والله ليهو سنين غير اسمك م بقول حاجه وبشير مانعنا من نكلمك 😭
ابوي:م مشكله ي امي نحنا اخوان في النهاية والدم م ببقي مويه
حبوبه:اصيل ي ولدي وقلبك ابيض
عمي:الدم بقي مويه زمان ي........🤬.
حبوبه:بشير صم خشمك😡
ابوي مشي لي جدي في غرفتو الموقف دا كوولو وامي ولا في زول اشتغل بيها زي الخيال واقفه حتي كلمه اتفضلي م قالوها ليها😢
ابوي: كيفك ي حاج
جدي: محمد وين بس عايز ولدي محمد😭
ابوي:دا انا ي ابوي محمد م عرفتني
جدي:ااااه ولدي كيفك وينك من زمان .. مشتاق لي ريحتك ي ولدي
ابوي:جيتك ي ابوي وح تشبع مني
جدي:العمر م فيهو قدر المضي ي ولدي😢
ابوي:م تقول كدا ..الله يديك طول العمر
جدي:حبيبت قلبي وين رنوده
ابوي:قاعده ي ابوي وجاياك بكره
جدي:انا م ضامن اعيش لي بكره... جيبها لي ي ولدي خليني اشوفها واملا عيني منها
ابوي:حااضر ي حاج هسي بتكون معاك
جدي:الله يرضي عليك ي ولدي
ابوي اتصل لي وقال لي تعالي سووورعه بيت جدك
رناد:حااضر ي ابوي
الي اللقاء
💔💔💔💔💔💔