الجزء 2
هناء صديق
2
(اصعب حاجه انو اقرب الناس ليك تكون بتكرهك😓وبتتمني تعاستك ....والاصعب كمان كراهيه الاخو لي أخوهو......زي عمي لي ابوي ........السبب الغيره والحقد والحسد اتولد الكراهيه💔ااااه دنيا💔)
💔💔💔💔💔💔💔
طلعو ناس حبوبه وعمي وعمتي
جدي:رايك شنو ي محمد ي ولدي في العملو اخوك
ابوي:حق من حقوق ي ابوي
جدي:يعني اعمل شنو...🙁
ابوي: خليهو يستلم الاداره ي ابوي
جدي:وانت ي محمد
ابوي:الله كريم ي ابوي .......المهم العائله م تتفرق💔
جدي:البتشوفو صاح اعملو
ابوي:بس عايز رضاك ي ابوي
جدي:قلبي وربي رضيان عليك لي يوم الدين ي ولدي ي محمد
ابوي:بس دعوتك دي براها بي الدنيا❤
(شووووفتو الفرق بين عمي وابوي.....عمي كل همو القروش والورثه😢..وابوي همو في العائله واللمه....الله يهديك ي عمي💔)
عمي استلم الاداره بتاعت الشغل كووولو واول حاجه عمله طرد ابوي من الشغل.....😭
جدي وابوي عاشو أيام صعبه بعد عمي مسك الاداره والشغل ......جدي كان عايز يموت بي حصرتو.... وحبوبه وعمتي ...حاقدين علي امي قالو هي سبب المشاكل بين الاخوان 😭😰عائله مكهربه ومحانين😂😂
٪##########٪
مرت الايام والسنين وعمي كل يوم ظلمو لي ابوي بزيد وابوي مستحمل بس عشان جدي وحبوبه😢
حبوبه بقت مسكينه شديد لمن شافت مشاكل الاخوان ... وعمتي شرها حقدها لي امي زاد ...الله يسترنا بس🤭من هنا بدأ مشوار حياتي اااه بس😓
ماسألتوني انا وين في القصه دي😂😂انا هسي كبرته الحمدلله وقاعده اقري في ثانيه ثانوي😍اوصف ليكم شكلي انا بنوته من قمته عائلتي كلها مشاكل😂😂كل يوم مشاكل امي وعمتي زايده.......انا طبعا قصيرونيه 😅وشعري طويل😍لوني اسمراني وعندي غمازات😘😉 انا حلوه يووخ😂عندي صحبتي المفضله المقربه دي حبيبت قلبي ❤البحكي ليها مشاكلي من صغيره اسمها امنيه (نوويه) شكلها تقريبا زي شكلي😂يعني تقدرو تقولو تؤم😂
امنيه:الليله عندنا امتخان عربي زاكرتي ولا زي كل مره
رناد:والله يعني قريت حبه😅وتمتع
امنيه:عارفاك نوامه وجنك مسلسلات.. السنه الجايه انتي ممتحنه شهاده ي حلوه😒
رناد: خليها لي الزمن الله يفرجها........يلا عشان مانتأخر علي المدرسه
امنيه:يلا استاذ العربي صعب يوووخ كريه😂
رناد:امنيه اتلمي
امنيه😶😢😢
وصلنا المدرسه وامتحنا امتحان العربي وكان اخر امتحان في سنه تانيه
رجعته البيت لكين قبل م ارجع امنيه قالت عازماني اسكريم عشان السنه خلصت😍😂العزومه الوحيده م بتترفض.....مشينا اكلنا اسكريمنا ورجعنا البيت ...اول م دخلت لقيت عمتي اماني في خشم الباب😓😧لله يستر
عمتي:كنتي وين
رناد:في المدرسه
عمتي:كذااابه ....الليله اخر امتحان ليك... يعني خلصتو بدري ....قولي سوورعه ي قليلت الادب (وجرتني من شعري طوالي امي وحبوبه جو طالعين😭😢)
امي:اماني مالك قولي بسم الله...عملت ليك شنو البت😢
اماني:بتك دي قليلت ادب وم ربيتيها صاح كانت وين من الصباح اسأليها👊
امي:يعني ح تكون وين...في المدرسة عندها امتحان
رناد:والله ي عمتي في المدرسه...ًوبعد خلصنا امنيه موووش بتعرفيا صحبتي عزمتني اسكريم😭مشيت معاها...والله دي الحقيقه
عمتي:امنيه ولا........
امي طوالي قاطعته م خلتها تكمل كلامها
امي:ولا تكملي بتي واثقه فيها😡
عمتي:بتك دي واحده تافه
امي:انتي تافه وبايره وقاعده لينا في البيت زي الحقنه 😡
حبوبه:عشه امسكي خشمك عليك كلمه تانيه انتي وبتك بره البيت
(امي طوالي قعدت تبكي م عرفت تتصرف كيف أو تقول شنو)
رناد:والله انا كنته في المدرسه م عملت حاجه غلط😭ي حبوبه
حبوبه:امتحاتاتك انتهت صاح
رناد:ايواا😢
حبوبه:تاني م في ليك قرايه....تقعدي في البيت بس...بشوف ليك اي. واحد..تعرسيهو وخلاص قرايه شنو كمان للبنات😡
امي:اي حاحه ولا قرايت بتي ...بس يجي محمد بكلمو انك منعتيها من القرايه
حبوبه::اي حرشيهو وفرقي بين الام وولدها ...زي م فرقتي بين الاخوان ....انتي سبب المشاكل اطلعي انتي وبتك بره😡
في كلام حبوبتي دام جي ابوي داخل ابوي بس طبعو زول حساس شديد و م بحب الكلام وم بحب يزعل امو وابوهو😢💔ابوي م قدر يستحمل كلام حبوبه طوالي لمينا ملابسنا وحاجاتنا وطلعنا ...ماشين وين م معروف ...مصير مجهول💔..ولا قروش ولا بيت ولا حاجه طلعنا بس بي شنطه ملابسنا
💔💔💔💔💔💔💔💔💔
(اااه منها دنيا ظالمه وفراقه...هسي فيها شنو لو عشنا كووولنا في بيت واحد بس محبه ونحوه وكلنا نحب بعض في النهاية نحنا اهل واسره💔)
امي:ح نمشي وين ي محمد🙁
رناد:وين نمشي ي ابوي ونحنا م عندنا بيت
ابوي:الله كريم بفرجها...اصبرو بس😓
امي: و ح تخلي حقوقك واملاكك لي منو
ابوي:م عايز كلام في الموضوع كل تاني
امي:الله يهدي سرنا
ابوي:ايووااا بس عايز الدعاء م عايز كلام في الموضوع كل تاني
ابوي كانت عندو شويه قروش في البنك سحبها كوولها عشان نشوف لينا بيت نقعد فيهو💔😰اجرنا لينا بيت صغير كدا غرفتين وصاله وحمام ومطبخ ....م زي بيت جدي كبير وحوشو واسع
امي:يعني ح نسكن هنا في الضيق دا ونخلي بيتنا الواسع
ابوي:دا بيتنا داك خلا
ص انسيهو ي عشه
رناد:ابوي بيتنا حلو شديد وانا حبيتو عارف ليشنو😃
ابوي:اها ليشنو ي حلوه
رناد:عشان ح نسكن انا وانت وامي برانا ونعمل لي حاجه عايزنها
(كنته بقول لي ابوي كدا اصبر في امي وابوي واحسس ابوي انو نحنا مبسوطين...عشان م يزعل😓لكين من جواي بموت كيف الواحد ينسي اهلو وبيتو العاش فيهو كل كلها...الحمد لله على كل حال)
ابوي:الله يسعدك ي بتي...م تخزليني عايزك دكتوره في المستقبل
رناد:أن شاء الله ي ابوي
ابوي:يلا ي عشه نرتب البيت ونجيب لينا حاجه ناكلها
نظفنا البيت الجديد واكلنا ومشيت على غرفتي الجديد🙂😶
الي اللقاء
✌