الجزء 9
هناء صديق
9
رناد:طيب ي احمد احكي😕
احمد:انا وامي عشنا بره السودان وابوي كان قاعد يجينا كل فتره وفتره ..م كتير اصلا انا م بعرفو كويس ..ولمن نزلت السودان عشان الجامعه كنت انا وامي عايشين برانا م مع ناس جدي وحبوبه😕وكنته بمشي لي جدي من وارء ابوي ...ابوي م بخليني ازور ناس جدي وحبوبه😥و م عارف السبب شنو و جدي قبل سنه وشويه كدا من وفاتو حكي لي قصه ابوي وعمي وعن ظلم ابوي لي ابوك ووصاني نفس الوصيه الوصاك ليها..انو اجمع بين ابوي وعمي....🙂 وقال لي انو اتقرب منك انتي بس بتقدري تساعديني....ووصاني عليك انو احافظ عليك واختك في عيوني .🙂اهاا ي ستي دي قصتي طولته عليك معليش
رناد:ما مشكله ي احمد...(وقعدته ابكي😭)
احمد:مالك ي رناد قولي بسم الله
رناد:اتزكرته جدي😥
احمد:خلاص اسكتي..تعالي نقرا ليهو الفاتحه سوا😊
رناد:جد ي احمد
احمد:ايواا
وقرينا ليهو الفاتحه
رناد: يعني انت م كنته عارف انو عندك عم😱
أحمد:ايواا م عارف...وابوي م حكي لي نهائي عن اهلي
رناد:وامك طيب م عارفه
احمد:امي اصلا م قاعده تمشي ناس جدي.....وم عندها علاقة بيهم
رناد: سبحان الله انت طيب شديد م زي .....😶 (وسكته م كملته كلمتي)
احمد:😂😂مازي ابوي صاح
رناد:معليش م قصدي اجرحك😅
احمد:و لا يهمك...اهاا زعلانه مني
رناد:لا وازعل في ليشنو
أحمد: والله سبحان الله زي ما حكي لي جدي عنك
رناد:😍 معقوله جدي حكي ليك عندي
احمد:ايواا كان بحبك شديد
رناد:الله يرحمه
احمد:يلا قومي...نمشي لي ايمن وامنيه تلقيهم هسي شغالين قطيعه شديد
رناد:😂😂يلا
رجعنا ليهم ولقيناهم قاعدين يتونسو عادي م في مشاكل سبحآن الله اول مره يتفقو😂
احمد: سبحان الله م في مشاكل يعني
ايمن: احمد خلينا من الهظار وتعال انت ورناد اقعدو
رناد:خير ي ايمن😕مالك
ايمن:انا عايز اساعدكم ونعمل كوولنا خطه عشان نصالح ابوك وابو احمد
احمد: أيمن انت عارف
ايمن: أيواا...يا احمد انت ورناد اولاد عم...وانتو أعز الصحابي واخواني.واجب علي اساعدكم
امنيه:ايواا نتفق كوولنا عشان نعرف ونفهم ح نعمل شنو ونتصرف كيف🙂
رناد:والله بالجد انتو اعز اخوان تسلمو لي😍
احمد: شووووكرا ليكم..اها قول ح نعمل شنو
ايمن:خليني افكر اول😅
امنيه: والله انت حمار ساي ولافاهم حاجه م تمرضنا ساي😒
ايمن:هوووي ي بت اتلمي🤣👊
رناد:اهااا بدينا قوم ي احمد يلا نمشي ديل شفع ساي
امنيه:خلاص معليش يوووخ
ايمن:سوري😂يلا خلونا في المهم نحنا لازم نخلي ابوك وابو رناد يتلاقو...ونشوف ردت فعلهم وح يعمل شنو
احمد:كيف لكين نخليهم يتلاقو؟؟؟؟
رناد: مستحيل دا م ممكن يحصل وهم م ح يوافقو😥
ايمن:انتي اصبري
رناد:اهااا قول😒
أيمن:الطريقه الوحيده عشان المشكله تتحله...
احمد:قول سووورعه وخلصنا
امنيه:دا بكزب عليكم ساي م فاهم حاجه😒
رناد:والله حرقته دمنا اتكلم ي ايمن
ايمن:.....😶
احمد:قول ولا هسي بقوم عليك اديك بنيه في وشك👊👊
ايمن:روق ي حبيبنا....الحل هو انك انت ورناد تتزوجو😶
الي اللقاء✌😜
المتاهه
هناء صديق
10
ايمن:روق ي حبيبنا......الحل هو أنك ورناد تتزوجو😶
رناد:نعم😱.. مستحيل طبعا
احمد:ايمن دا كلام شنو
امنيه:دا شنو زواج شنو وهم لسه طلاب وبقرو😒في الجامعة
ايمن :اااهااا فهمتوني غلط😫😓قصدي انكم تعملو فيها بتحبو بعض واحمد يجيب اهلو عشان يخطبوك.وكدا....واحمد م يحكي لي ابوهو انو البنت العايز يخطبها بنت اخوهو😉 وانتي كذالك م تحكي لي اهلك وتفهميهم انو في واحد عايز يتقدم ليك...وم تحكي ليهم انو ولد عمك بشير.....خليهم يتلاقو ويطلعو غضب السنين الجواهم..وبعدين شويه شويه بتصالحو وبرحعو اخوان زي اول😉🙃
احمد: والله فكره م كعبه لو رناد موافقه...انا موافق قايتو وفي النهاية انا ولد عمك اولي من الغريب😂🤣😛
رناد:لا طبعا م موافقه عرس شنو... وبعدين انا عايزه اقري...واصلا انا م بحبك عشان اتزوجك🤣
احمد:انا كمان م بحبك بس عايز انفز وصيه جدي و م حتكون خطوبه رسمي بس نخلي اهلنا يتلاقو..و م تخافي بعد الخطوبه ح نفضل زي م نحنا اصدقاء واخوان🙂واولاد عم😅دي جديده اولاد عم كمان 🤣
امنيه: والله ي رناد دي الطريقه الوحيده عشان جدك يرتاح...وافقي ساي يووخ
ايمن:انا فاهمك ي رناد خايفه من الموضوع صاح..بس في النهاية نحنا كولنا اصدقاء واخوانا وم في عرس ح يحصل اصلا ....
رناد:خلاص طيب موافقه🙂
احمد:خطيبتي الثمحه🤣😝
رناد:هيي ي ولد انا اختك وبنت عمك بث افهم😡😠
احمد:بنت عمي محمد الغالي كمان
ايمن:خلاص بطلو غزل
امنيه:خلي العرسان يحبو في بعض حبه😉😃
رناد:امنيه اتلمي......عرسان شوو👊
احمد:يلا ي رناد الليله حاولي كلمي اهلك وافتحي معاهم الموضوع وانا بفتح الموضوع مع ابوي انو انا عايز اخطر
رناد:أن شاء الله...الله يستر بس 🙁
امنيه:انتو نيتكم صافيه...عايزين تجمعو بين اهلكم....صله رحم يعني ..اكيد الله بسهل ليكم ويوفقكم😇
ايمن:لي والله إن شاء الله الله يوفقكم...يلا ي رناد امشي ....واجمعي قوتك كولها واتم مع ابوك
رناد:يلا ي امنيه نمشي عشان م نتأخر
امنيه:يلا قومي
مشينا انا و امنيه وصلت البيت صليت واستحميت واكلت وبعد صلاه المغرب كدا لقيت امي وابوي قاعدين يشربو في قهوه في الصاله جيت قعدته جنبهم كدا😅واعاين ساي واطقطق في اصابعيني😅من التوتر... أبدأ من وين زاتو م عارفه
امي:رنوده اكب ليك قهوه اشربي
رناد:ايواا ي امي
ابوي:غريبه انتي م بتحبي القهوه😂
رناد:مره واحده م مشكله كبيها ي امي
شربته قهوتي ديك وبرضو قعدت في مكاني ديك احك في راسي🤣
ابوي: رناد مالك الليله حاسك م طبيعيه..مالك ي بتي عيانه ولا عندك مشكله في الجامعة؟؟؟؟
رناد:لا لا ي ابوي. كويسه🤗
امي:اها مالك ي بتي
رناد:م مالي حاجه كويسه
ابوي:اهاا ي بتي احكي لينا عندك منو غيرنا
رناد:تسلمو لي ي ابوي وامي ..والله م يحرمني منكم😘
امي:يلا احكي
رناد: أبوي انا كبير صاح🙃
ابوي:🤣ايواا ليشنو السؤال
امي: رناد انتي بتلفي وبدوري مالك اتكلمي طوالي
رناد:في زول عايز يتقدم لي 🙊
ابوي:🤣جد(وقعد يضحك)
امي:مالك بتضحك ي محمد
ابوي:عشان بنتك دي هظاره تقيل
رناد:ابوي م قاعده اهظر جاده انا😌
ابوي:رنوده ي حبيبتي للموضوع دا كبير .. انتي لسه بتقري انتظري لمن تتخرجي من الجامعه ي بتي ملحوق العرس
امي:ايواا ي رنوده ي بتي انتي لسه صغيره عرس شنو وكلام فاضي شنو.... وبعدين تعالي هنا انتي بتعرفي الزول دا من وين🧐
رناد:بقرا معاي في الجامعة ي امي ....وانا م عايزه اعمل حاجه من وراكم
ابوي:عاقله ي بتي وفاهمه خلاص مبدئينا كدا موافق..🙂خليهو يجي نشوفو ونتعرف عليهو
امي:دا كلام شنو دا ي محمد جنيت انت😠
رناد:جد ي ابوي😃
ابوي:ايواا كلميهو يجي يوم الجمعة نشوفو ونتعرف...وتاني يجيب اهلو
رناد:تسلم لي ي ابوي😀
ومشيت غرفتي عشان اكلم احمد وافرحو انو ابوي وافق..وانو يجي يوم الجمعة هو براهو وتاني يجيب ناس عمي بعدين
احمد: الحمد لله...اهاا كدا مشينا نص المشوار
رناد:ايواا الحمد لله
احمد:أن شاء الله تتم على خير عشان جدي يرتاح في قبرو
رناد:الله يرحمه
احمد:اللهم امين تعالي نقرا الفاتحه لي جدي
قرينا الفاتحه علي روح جدي
بهناك امي شغاله مشاكل مع ابوي كيف يوافق بي السوورعه دي😱
امي:دا شنو ي محمد البين صغير ه وم فاهمه يعني شنو عرس ومسؤولية
ابوي:انتي ي عشه عرس شنو كمان انتي طوالي صدقتي...انا م عايز ازعل رناد واحطم نفسياته كدا خلينا نشوف الولد اول وبعدين نقرر..... ورناد م عملت حاجه من ورانا اول م اتعرفته على الولد جات وكلمتنا وهي واثقه فينا😊كيف ازعله
امي:ايوااا يعني انت بس غايز تشوف الولد...كويس او م كويس واخلاقو
ابوي:ايواا ي عشه وبعدين هي لسه صغيره بعد يومين ح تجي تقول ليك اتشاكلته مع الولد و م عايزاهو🤣😂 احسن تجي منها هي م مننا نحن
امي:🤣😂صاح والله شباب الزمن دا بري منهم
صباح يوم جديد في الجامعة🌞🌞
الي اللقاء✋