الجزء 5
هناء صديق
5
انا طوالي طلعت علي بيت جدي 😢
(طبعا ح وسألوني احمد ولد عمي بشير وين م قاعد معاهم في البيت ؟؟؟ احمد وامو بعد رجعو من بره السودان عمي اشتري ليهم عماره خاصه ليهم براهم بعيدين من ناس جدي😢 قاعدين فيها وم قاعدين يجو بيت جدي كتير بس في المناسبات😢...ممتعين بي قروشنا ونحنا حق الاكل م عندنا😡الله يهدي عمي بس)رناد
وصلت بيت جدي ابوي كان منتظرني قدام الباب طوالي دخلته غرفة جدي😌ولا خلاني سلمت عليهم ولا شافوني زااتو ناس عمتي وحبوبه وعمي الكريهه😂
ابوي:يا حاج حفيدك جااتك😃
رناد:جدي كيفك (حضنتو وسلمت في راسو😍)
جدي:اااااه ي رنوده بعد شفتظ وشميت ريحتك روحي رجعت لي 😍(لحظه ي جماعه عندكم جد بقول ليكم كدا😭انا ماشه ادردق وارجع 😂)
رناد:اشتقته ليك ي جدو والله
جدي:حرموني منك وانتي نفسي البتنفسو
رناد:الله م يحرمنا من بعض والله يطول في عمرك ...تاني م بزح منك لحظه😂
جدي:محمد ي ولدي خليني مع رناد برانا
ابوي طلع وخلاني مع جدي
رناد:اشش عندك كلام خاص خطير ي جدي🤣🤣
جدي:ي بنتي ي رنوده اسمعيني كويس......وكلامي دا ختيهو حلقه في اضانك....بسألك منو يوم الوقف العظيم🙁
رناد:خوفتني ي جدي م تقول كدا😥
جدي:محمد ابوك وعمك بشير....دي وصيتي
رناد:م فهمتك ي جدي؟؟؟؟
جدي:اجمعي بينهم وخليهم يحبو بعض ويخافو علي بعض ...القروش م تفرقهم زي م فرقتهم زمان
رناد:دا كلام كبير ي جدي م بقدر(طوالي جدي قاطعني )
جدي:انا فاهم انتي لسه صغيره علي الكلام دا.....لكين في 💓 قلبك وعقلك عاارفك كبيره وواعيه....خليهم يتصالحو ي بنتي الدنيا م فيها حاجه عشان يعملو دا كووولو😢
رناد:بس ي جدي😶😔...
جدي:عارف عمك بشير صعب وحاقد علي ابوك....بس الله يهديهو...اوعديني ي رنوده ي حبيبتي🤝
رناد:أن شاء الله...اوعدك ي غالي😍😘
جدي كان ماسك يدي وبتكلم وفحأه حسيت انو يدو نقلت...ووقعت مني في السرير😢...طوالي جريت لي ابوي قلت ليهو تعال شوف جدي مالو ....😭ابوي جي داخل وشاف جدي بالمنظر دا ....قعدت في الارض وقال أنا لله وانا اليه راجعون...
رناد:مالك ي ابوي😨
ابوي:اااأاه ي بتي ابوي الله يرحمو
قعد يبكي 😭😭
رناد:شنو هسي كان بتكلم معاي....جدي عايش....قوم ي جدي... قول ليهو انك عايش😭😭😭
ابوي مسكني وحضني عليهو وقعدنا نبكي سوا اول مره اشوف ابوي ببكي بي حرقه والم كدا😭😭😭
(إحساس الفقد اصعب حاجه....اصعب من انو الزول يكون عايش ومفترقين منو...علي الاقل بتكون مطمن انو كويس وعايش....جدي مااات😭😭يعني تاني م ح اشوفو تاني م ح يناديني حبيبت قلبي 😢💔ولا ح اسمع صوتوو بقرا في القرأن بي صوتو الحنين ذي زمان ااأأاه ي جدي خليت فراق كبير في حياتي........الله يرحمك....الوداع😭💔)رناد
طوالي جو داخلين ناس حبوبه وامي وعمتي وعمي.....وقعدو يبكو..انا طوالي طلعت عشان حسيت انو دا م مكاني ديل ناس مابشبهوني...جاني احساس غريب لمن شفته عمي وهو بتصنع البكي😥وهو من جواهو فرحان عشان جدي مات ....وعشان ح يستلم الاملاك كوولها بعد وفاه جدي😥عملو العزاء ونحنا قعدنا اسبوع وطول الاسبوع دا م شفته احمد ولد عمي بشير في العزاء م عارفه ليشنو اكيد في سر .....وراء عدم شوفتي ليهو😧لله اعلم نخليهالي الزمن بكشف كل حاجه......في يوم الاسبوع بتاع جدي عمي نادا امي وابوي وعمتي وحبوبه😶
عمي:انا جمعتكم الليله عشان اديكم وصيته ابوي
عمتي:دا م وقتو ي بشير😏
عمي:لا وقتو عشان الناس القاعده عشان القروش والورثه يمشو ويخلونا في حالنا
ابوي:والله انا م عايز قروش...وثانيا احترم نفسك انا قاعد عشان امي واختي المسكينه م اكتر😡
عمي:احترم نفسي كيف يعني ....يلا اطلع من بيتي ي قليل الادب
ابوي'انا قاعد في بيت ابوي البيت الكبير....بعد اجيك في بيتك اطردني
عمي:من القال دا بيت ابوي اصلا😠ابوي باع البيت دا لي انا قبل يموت....يعني انت قاعد في بيتي
عمتي:حسبي الله ونعم الوكيل😟فيك ي بشير
حبوبه:انت ولد عاق..كيف تاكل حق اخوانك؟؟؟
عمي:والله ي امي ....الحاج الوالد فلس زمان..و القروش الشايفنها دي قروشي انا شغلي وتعبي..يعني انتو انتي واماني قاعدين تاكلو من خيري انا😌
حبوبه: حسبي الله ونعم الوكيل قلبي وربي قضبان عليك لي يوم الدين😭
عمي:قضبك دى م نافعني في حاجه...القروش اهم منو
ابوي: حسبي الله فيك ي شيخ
عمي:اطلع بره ي محمد...م اشوفك هنا نهائي تاني
💔💔💔💔💔💔💔💔💔💔💔
ابوي ساقني انا وامي وطلعنا مشينا بيتنا
(معقوله القروش بتغير النفوس كدا.... معقوله ابوي وعمي ديل اخوان اصلا...مستحيل اخو يكره اخوهو كدا...😭عمي دا مريض نفسي ..الغيره والحقد عمو عيونو...الله يهديهو😥🙁😶)رناد
وصلنا بيتنا وابوي م قادر يتكلم زعلان علي اخوهو البقي زي المجنون م بحسب حتي لي رضاء امو ورضاء ربنا ... وعلي موت ابوهو....وعلي امو واختو البقو تحت رحمه عمي بشير
في بيت عمي بشير...وصل بيتو وطوالي دخل مكتبو قعد في كرسيهو يفكر ح يعمل شنو وهل هو ظالم 😶
(انا م كعب ي اخوي ولا بكرهك..بس ليشنو ابوي دائما بفضلك علي وب
حبك اكتر مني...ولمن كبرنا اداك انت الاملاك والقروش مسكتها انت....انترنت حاقد عليك بس م عارف اقول ليك شنو تستاهل البحصل ليك)عمي بشير
مشي زي شهر كدا وانا ولا بمشي الجامعه ولا بطلع من البيت..ولا عندي نفس امشي مكان بعد موت جدي اااااه😭😭في يوم جاتني امنيه في بيتنا
امنيه: كيفك رنوده
رناد:م كويسه ي امنيه حاسه قلبي واجعني😭💔وحضنتها وقعدته ابكي (امنيه دي اكتر م اخت وصديقه دي نصي التاني😍)
امنيه: خلاص حبيبتي اسكتي ..ازمه وبتعدي
رناد:لكين دا جدي انتي فاهماني😭
امنيه:فاهماك وحاسه بيك... لكين ادعي ليهو واقري ليهو قرأن
رناد:طيب😔
امنيه:يلا قومي صلي ليك ركعتين وتعالي نقرا قرآن ونهديهو لي روح جدك😍
رناد:الله😍فكره كويسه يلا انا ماشه اصلي
صليت وقرينا قران انا وامنيه حسيت بي نفسي احسن من الاول والله صاح الصداقه م زيها حاجه
امنيه: بالمناسبه احمد سأل منك
رناد:اجي😱 احمد منو
امنيه:احمد بشير المعانا في الجامعه بتتزكريهو
يتبع💔
الي اللقاء🌹