الجزء 39

جات رانيا تودعنا وكان معاها شيخ حمزة ، رانيا قعدت معانا كتير وود عمها كان منتظرا برة ،مشيت اودي ليهو العصير واحنسو عشان يدخل بس رفض ينزل ، بدأ يسألني عني حالي وفجأة سألني عن الحلم الحلمتو !..

بالرغم من اني اضايقت من رانيا عشان حكت لي ود عما ، لكن سألتو

حنين : بتفسر احلام؟

حمزة : ان شاءالله .

حنين : طيب معناهو شنو الحلم .

حمزة : خير والرجل القصير عارض وبأذن الله ماحيعملك شي حاجة .

مع اني كنت عايزة اعرف تفسير الحلم بالتفصيل لكن برضو خير الحمدلله، طلعت ولاقيت غيث نازل عشان يقعد مع شيخ حمزة .

ودعتني رانيا وودعونا ناس خالتي صافية وطلعو سافرو طوالي .

سافرنا وكنت مبسوطة عشان حالاقي ابوي واخواني الوصلو من الهند قبلنا .

وصلنا السعودية وعدينا ايامنا وكان نتيجتي ظهرت والحمدلله طلعت نضيفة ودي اكتر حاجة كانت مفرحاني .

ورانيا كانت على تواصل معاي وكمان شيخ حمزة بقى يتواصل معاي بالرسائل من فترة لي فترة بس لمن وصل مكة بقى بتراسل معاي كل اسبوع وانا كنت مبسوطة بإهتمامهم الاتنين بي ، ياسلام دا كلو عشان انسى العملو فيني امام ياسلام وين انتو من زمان ياخ .

اتصال :

الو !..

ايمان بتبكي : كيفك ياحنين ورمضان كريم .

حنين : ايمان !.. الله اكرم اها طمنيني نتيجتك كيف؟

ايمان : سقطت شايلة كل المواد

حنين : معقول ؟؟

ايمان : اي والله

حنين : وحتعملي شنو؟

ايمان : ابوي قال لي ماحترجعي السودان تاني .

حنين : ليه يا ايمان ماتضيعي نفسك واترجي ابوك فرصة تاني .

ايمان : حيرفض ، ابوي صعب ومابتفاهم .

حنين : حبيبتي عليك الله ماتبكي ..

ايمان كانت نفسيتا تعبانة وبتبكي طول المكالمة .

ايمان : اتخيلي ياحنين امجد الواطي بمجرد ماجيت السعودية قطع اتصالو معاي ومابرد علي مكالماتي مرة كان تلفونو مشغول واتصلت كتير ولسة مشغول زي الساعة 2 صباحا ولمن سألتو شاكلني وبقى يهددني بالصور ..

حنين : انتي جادة؟ وحتعملي شنو طيب

ايمان : ماعارفة والله انا تعبت تعبت .

حنين : اديني رقمو ياايمان عشان اتكلم معاه .

خدت رقم امجد عشان اترجاو مايهدد البت بالصور بس امجد كان رافض يتفاهم وحاولت كتير معاو ، اساء لي وللبنات عموما .

حنين : امجد دا راكب راسو وحالف مايتفاهم معاي .

ايمان : الحل الوحيد بعدا الجأ لي عمتي .

حنين : وعمتك حتتفاهم معاو كيف هو اصلا رافض يسمع لي زول .

ايمان : بتعرف تتفاهم معاو .

حنين : تمام يازولة نشوف .

بيني بين نفسي بقول تستاهل دا العملتو في ايلاف ، تشوف اترده فيها كيف ودي نهاية كل خاينة بس برضو في النهاية هي بت وانا زيها مابرضى ليها الحاجة البتمس عرضها .

بس ياترى عمتا حتتفاهم مع امجد تقوليهو شنو؟

وهل ممكن تقدر عليهو