الجزء 61

وصلتني رانيا العزيزة البيت .

امي : مالك الليلة مادايرة تحضري المسلسل؟

حنين : نعسانة ، تصبحي على خير .

نفذت القالتو ايناس بالحرف الواحد وكلي اضطراب وخوف من اغلط في كلمة او حرف اصلو الكلام دا كلو حروف واسماء ظاهر عليها اسماء جن، لكن دقيقة لاحظت الورقة مامكتوبة بقلم زي قبيل .

دا دم ؟؟؟ يييع الله يقرفك يا ايناس .

نمت وماحلمت بي شي ، صحيت والساعة كانت 3 صباحا فضلت صاحية لحدة اذان الفجر صليت ورجعت نمت .

الله اكبر الله اكبر، اشهد ان لااله الا الله، اشهد ان محمد رسول الله ، حي علي الصلاة حي على الفلاح قد قامت الصلاة قد قامت الصلاة الله اكبر الله اكبر لا اله الا الله .

الله اكبر .. دا شنو انا زدت ركعتين ، لحظة انا صليت عكس القبلة دا شنو استغفر الله استغفر الله .

اعوذ بالله دا شنو الحلم دا ، اوعى يكون دا القاصدو خال ايناس الحاشوفو في المنام ؟؟

امي، امي انا ماعايزة اكفر امي !..

يابت مالك بسم الله .

حنين : امي انا صليت عكس القبلة .

امي : شنوووو !!! ؟؟؟

حنين : انا حلمت صليت عكس القبلة .

امي : اتعوذي من الشيطان يابتي دي كوابيس عشان نمتي براك الليلة ، قومي سوي الشاي والبسكويت هداك في راس الفرن .

الدنيا دورت بي بقيت ماسامعة امي بتقول في شنو .

الو رانيا صباح الخير !..

رانيا : صباح الورد الليلة مالك بدري بدري كدا وصوتك مالو؟

حنين : رانيا اسمعيني عليك الله ضروري خلي ايناس تكلمني .

رانيا : خير في شنو؟

حنين : ضروري هسة .

رانيا : حاضر .

الو !...

ايناس : صباح الخير حنين .

حنين : هو الخير يجي من وين مادام انا بعرفك .

ايناس : في شنو؟

حنين : حلمت وياريت ماحلمت ، شفت روحي صليت عكس القبلة .

ايناس : ههههه ودا المخوفك هسة؟

حنين : اي طبعا الحلم دا فيو غلط .

ايناس : طيب انتي كدا زولتنا اسمعي ياستي وصيتي ليك ماتخافي .

حنين : زولتكم؟؟؟ انتو عايزيني اكفر؟

ايناس : لالا بسم الله تكفري شنو دا الشيطان بخوفك بس .

هههه الشيطان؟؟ ! هو في شيطان قدر البني ادم؟

عموما انا متأكدة في شياطين بتعوذو مننا ومن عمايلنا..