الجزء 2

بقلم: دينا محمود

الجزء 02

دخلو لاقو البنات صباح الخير صباح النور ونسه وضحك وننو تشيل وتلكز في دعاء وريني ياخ ..

بعدين بوريك خلاص ماتفضحينا ..

مشو القاعه حضرو محاضراتم وطلعو ..

ارح انا جعانه عايزه اكل ..

خلاص ارح عشان توريني مره وحده ب الحصل شنو ..

شمشاره ارح طيب ..

مشو الكفتريا ..

اها قولي ..

مافي شي يابت بس بعد ما طلعتا لقيتو مرسل وووووو بس ..

يحليلو طلع رومنسي ..

اي شكلو .. هههه

وانتي رايك شنو ..

بري حلبي بري ..

ههههه غايتو انتي .. ادي فرصه ..

ننو اكلي اكلك دا . وبعدين متين هو دق لي امس ي دوب .. يعني حتى لو عايزه اتكلم ولا ادي فرصه ماهسي الود ي دوب داقي خليني اتقل حبه وبعدين ع حسب كلامو جادي وكان كاااان حصل نصيب بعدين يقول لي تعبتني تعب انتي ياخ احسن من يقول لي ما اخدتي معاي ثانيه .. وبعدين يا فالحه الاولاد بحبو البت التقيله المابديهم اهتمام وكده بتعب فيها .. عشان بعدين مايفرط فيها ب الساهل فهمتي ..

اي يا استاذه فهمتا ثمح اتقلي كويس يا تقليه..

ههههه والله نفسي فيها ب قراصه انسي بس ..

هههه خلاص بعدين بكلم ماما تعملا ..

سمح ..

اخدو ونستم وجاء السواق يرجعم ..

لانو ابو دعاء بكون الظهر مافاضي بوديهم الصباح بس .. وابو ننو برضو مشغول ..

نزلم السواق ..

يلا ارح ..

ارح وين ..

ناخد حاجات من البقاله واقعدي عندي ..

لي عايزه انوم انا ..

دودي النوم الكتير دا بمرضك والله اقعدي معاي ياخ واخلي ماما تعمل القراصه ..

اممممم عرض لا يفوت طيب ..

مشو البقاله اخدو جلسكيات وشبس وعصاير وجو ..

دقت دودي ع امها وكلمتا حتتغدا وتقيل عن ننو ..

دخلو البيت ..

سلام عليكم ..

اهلين وعليكم السلام شرفتو ..

ايون ..

خالتو كيف ..

اهلين دعاء تمام خشو ..

اها اكلتو ولا اعمل ليكم اكل ..

اي ي امي اعملي قراصه ب تقليه ..

وحم دا ولا شنو ..

ههههه اي دودي نفسها فيها وانا عزمتا ..

سمح هسي بعملا امشو ارتاحو..

فعلا دخلو وغيرو وكل وحده ماسكه اللاب حقها وفارشين الحاجات الجابوها من البقاله ياكلو وهاك ي دردشه ..

جات ام ننو ..

يلا ارح الاكل جاهز ..

ارح ..

مشو اكلو ..

امممم يسلمو يدك خالتو ب الجد رهيييب ..

ب العافيه حبيبتي .

كملو اكلم ورجعو الغرفه ..

ارح ننوم ..

يابت تنوم فيك حيطه انتي ..

ارح نطلع طيب ..

ياخ ماطالعه عايزه انوم ..

والله يا دودي الليله ماتنومي ..

وانا ماطالعه ..

اصلا عادي .. بس نقعد كده ..

هههههه طيب ..

طقطقو في تلفوناتم حبه شي واتس واستقرام وتويتر وووو ..

شويه ننو شغلت السماعات وهاك ي اغاني ..

ي بت دا شنو ..

ارح نرقص ..

مجنونه وربي ..

قامو يتراقصو ويتهابلو وينططو فوق السرير ويتجدعو ب المخدات ..

ومبسوطين يضحكو ..

جات ام ننو ..

ي بنات جنيتو ..

ههههه والله دي بتك ..

غايتو وطو الصوت طيب ..

حاضر ..

وطو وقعدو يتونسو حبه ..

بت جعتا انا ما جعتي ..

يعني ..

ارح نعمل اندومي طيب ..

يمي ارح ..

طلعو المطبخ عملو الاندومي وختوها (قبل ما تتاكل طبعا لازم تتصور سناب )

وقعدو ياكلو ..

هي بعد دا ما دايره معاك اي كلام العشاء اهندا اذن ماشه البيت انوم ..

سمح امشي ان شاء الله تشبعي نوم ..

ان شاء الله ..

جات طالعه .

عايني بكره رايك شنو نطلع جامعه ماف ..

ع وين ..

اي مطعم ولا المول المهم نطلع ..

خلاص تمام يلا ..

وطلعت شقتم ..

وهي داخله التلفون دق عاينت لقتو فارس قفلت الصوت ودخلت ..

ماما ازيك .

اهلين تمام بدري ..

من عمرك ماعارفه ننو ولياقته انتي ..

تمام صليتي واكلتي ..

اي الحمد الله وربنا يتقبل باقي العشاء هسي بصلي .. وعايزه انوم

تمام ..

دخلت اتوضت وصلت ورقدت ..

تلفونا تاني دق ..

يا الله الليله حيشغلا لي شكلو ..

قفلت التلفون ورقدت ..

جاتا صحيه ع 2ص .. شالت التلفون وفتحتو.. لقت كميه من موجود داقي عليها 6 مرات تقريبا والتلفون مقفول ..

هسي القاهو مرسل في الواتس ..

فعلا دخلت لقتو مرسل ليها ..

معليش والله ما كنت حابي ازعجك بس والله مامشيتي من تفكيري نهائي كان غمضتا بتخيلك .. وماعارف اول مره يحصل لي كده مع .. عليك الله ردي لي .. ماتخليني كده بجن والله وتبقي السبب انتي .. بعدين يقولو فارس مجنون دعاء ..

والله الود دا مجنون ..

قامت رسلت ليه ضحكه ..

طوالي لقتو متصل الان ..

وب علي صاحي دي المطه الصحي صحي ..

ي عساها دووم الضحكه دي ..

تسلم ..

وطلعت ..

وهو يشيل ويرسل ..

المصحيك شنو هسي وماعارفه السهر مضر ب الصحه ..

عليك الله ردي علي والله ماصدقتا اتكلمتي معاي ..

دخلت ليه ..

معليش بس والله ما بحب اتكلم مع زول مابعرفو ..

طيب حلو وانا معاك في الحته دي لاكين حتعرفيني كيف وانت كل مره بتصديني كده ..

لا معليش مابحب اتعرف كده انا ..

طيب قولي الطريقه البتعجبك انا معاك فيها ..

تمام هسي انا نعستا يلا..

لا لا ياخ عليك الله اقعدي شويه ..

قفلت منو ومشت فتحت التلفزيون تتفرج ..

وبالا مع فارس وطر

ياخ ..

دودي عليك الله اتكلمي معاهو والله شكلو طيبان ولذيذ ..

بري مابرد ليه هسي كان ود خالتي عرف الا يوريني ليه ..

لا ماتردي هسي قصدي بعدين ..

دودي سكتت مسافه كده ..

ايوه مجرد ما دودي حبيبتي تسكت يبقى بتفكر في الموضوع وحتوافق ..

ماشغلتك انتي ..

قعدو تمو ونستم شويه دخلو سو شاي المغرب والبسكويت جو اولاد خالاتا من بره سلمو وقعدو كلهم يتونسو مع بعض .. جو طالعين حلفو الا يتعشو ..

وفارس في المجلس قاعد ..

خلصو عشاهم ..

قالو يدقو لي ابو دودي يرجعم ..

محمد قال لا انا برجعكم ..

بودعو فيهم فارس سمع الصوت جاء طالع عشان يشوف دودي ..

يلا انا استاذن ..

ع وين ..

البيت ي محمد الوقت اتاخر ..

كدي سلم ع خالتي وبناتا ودا ايمن حبيبنا ..سلم عليهم وبعاين لي دودي ..وهي حلفت كان تعاين .

تمام ماشي ب شنو عربيتك صلحتا ..

لا والله بشوف لي تاكسي ..

لا خلاص ارح اوصل ناس خالتي واوصلك معاهم ..

ولا اتردد ..

طيب ..

وننو ودودي يلكزو في بعض ..

نزلو وركبو كلهم وراء وفارس ب قدام قال لي ايمن تعال اركب معاي ..

ويشيل ويشاغل فيه ويلعب معاهو ويتونس ..

يعني ماقدرتا اتونس معاك بتونس مع اخوك من ريحتك ..

ودودي فاهمه الحركات دي كلها ..

وصلوهم البيت اول وودعوهم ..

حتى مشى وصل فارس البيت ورجع ..

بت اول ما تصلي كلميني وتغمز ..

سمح امشي تصبحي ع خير ..

امها انتو اموت واعرف بتتلاكزو قبيل مالكم ..

هههههه مافي شي يا امي ننو دي مجنونه ساي ..

وتحمر لي ننو ..

وطلعو شقتم ..

مستنيه متين تلفونا يشحن لانو فصل شحن عشان تشوف حيقول ليها شنو ..

فعلا دخلت وجري ع غرفتا ختت التلفون في الشاحن .. ع بال ما غيرت وجات فتحتو.. طوالي اتصل عليها ..

ي ربي ارد ولا لا .. ياخ ماعارفه اعمل شنو.. بقت تتكلم مع نفسها لمن قفل ..

رجع ليها في الواتس .. اتوقعتك ماتردي بس قلتا اجرب حظي معاك ..

وشايفا متصله الان ..

اها ماحتردي علي هنا برضو .. يابت انا والله حبيتك ياخ بحبك ..

عليك الله عان دا ي دوب عرفني كم يوم يقول لي بحبك غايتو .. قامت ردت ليه ..

حب شنو ي بابا الجاي تقول عليهو دا بعدين بتعرفني من متين عشان تقول لي بحبك والكلام دا هو الحب دا ساهل غايتو الزمن دا يتعرف عليك الليله بكره يقول ليك بحبك ..

قعد يضحك والله بحبك وحبيتك من يوم شفتك في الحفله والليله حبيتك اكتر انتي ما بتعرفي الحب المن النظره الاولى ..

دا في الافلام الحب دا ما هنا ..

لا هنا وعندي انا وعليك الله صدقيني ..

يابت والله الليله من شفتك انا قلبي دقاتو زادت لي هسي لمن حسيت روحي ح اموت ..

بعد الشر وبعد عمر طويل ..

خايفه علي ..

اخاف شنو لا ابدا عرفت متين لمن اخاف عليك عادي بقولا لي اي زول الموت دا صعب ياخ ..

كده جبهتي طاحت زي مابقولو ..

قعدت تضحك ..

انتي عارفه الليله لمن ايمن اخوك كان معاي قدام وبتونس معاهو كنت موجه ليك الكلام ما لي ايمن ..

خجلت وقالت اتخارج اخير

يلا انا ماشه انوم ..

ياخ انتي طوالي في حاله ماشه انوم اقعدي حبه ..

لا معليش مواعيدي جات يلا استاذن ..

وليها مرات تقعد معاهو وتتونس بس خاتا في راسا لا خليه شويه عشان مايقول خفيفه ..

وفعلا قفلت ورقدت في السرير .. تشيل وتفكر لمن دخلت المجلس ولقتو ولمن جاء طالع وسلم وقرب ياكلا ب عيونو وحركاتو مع اخوها ايمن وسرحت ب خيالا .. خربت ليها السرحه هناء دقت ..

بت ..

عيونا لاكن ما وقتك نهائي قطعتي حبل افكاري ..

هاك ي الحبل دا ..

هههههه ..

اها دق ليك كلمك ..

اي دق ومارديت ورسل في الواتس اتكلمتا معاهو عادي وماطولتا استاذنتا قلتا حانوم ..

غايتو انتي ..

خلاص تمام يلا انا نعسانه ماشه انوم لي بكره ..

خلاص تمام يلا مع السلامه ..

مع السلامه ..

ورقدت نامت ..

عدى شهرين وهم في الحال دا كل ما يحاول يتقرب هي ماتدي فرصه ..

شويه شويه بدت تلين حبه بعد اصرار من ننو طبعا ..

بقت شبه متعلقه بيه ..

صباح الخير دودي ..

اهلين يسعد صباحك فارس ..

اصبحتي كيف ..

تمام وانت ..

الحمد الله ..

يلا قومي عشان ما تتاخري ع جامعتك ..

حاضر هسي بقوم ..

تمام واول ما تصلي ماتنسي تكلميني ..

واكلمك لي يعني .. عشان شنو ؟

انني لسه في لماضتك دي ي بت ابردي حبه ..

ببرد بس انت ماتعمل لي فيها سي السيد ..

هههههه ولا عمري حاعمل ليك كده ..

تمام ..

يلا باي ..

قفلت الخط وقامت جهزت للجامعه وزي برنامج كل يوم لاقت ننو وطلعو الجامعه ..

هناء ..

عيونا ..

ياخ انا والله خايفه اتعلق ب فارس دا ..

يعني انتي لسه ما اتعلقتي ..ههههه ..

بطلي سماجه ياخ ..

خلاص بطلتا بس جد ما اتعلقتي ي دودي ..

ماعارفه وخايفه ..

ماعارفه شنو وخايفه من شنو ..

ماعارفه اتعلقتا ولا لسه وخايفه احبو وانا من النوع الكان حب عويره في الحب بحب ب اخلاص .. والزمن دا يتخاف من الحب والله ..

يابت وكلي امرك لله انتي مقتنعه بيه ولا لا ..

ماعارفه ..

اجي ي الكدي كلو ماعارفه ..

اي والله .. مع انو كويس واخلاقو حلوه ومع

يقه كلامو وظرافتو معاها ..

تاني تقول لا لازم اكون تقيله حبه بعدين هو حلبي انا عايزه اسمر .

كملت الفلم ونعست رقدت نامت ..

صحت ع صوت امها ..

دعاء قومي ماشين لي خالتك ..

ياربي ماما امشي انتي انا نعسانه ي دوب نمتا ..

يا بت العصر اذن قومي صلي والبسي ارح مستنيانا ..

اتشهدت واستغفرت وقامت صلت واستحمت ولبست ..

يا ماما انا لازم امشي معاك يعني ..

اي بطلي سغاله خالتك ليها كم مامشبتي بيتا كل ما امش ليها تسال منك .. وبعدين ايمن اخوك داير يلعب معاهم ..

ياخ ماعندهم موضوع هناك بيتا كلو اولاد انا اعمل شنو وانتو ونستكم حريم ..

وهي بتتكلم ننو دقت ..

بت ..

عيون البت ..

مالو صوتك كده ماتقولي لي نايمه ..

لا صاحيه وطالعه مع امي ..

وين ي وثخه مش قلتا ليك بكره نطلع حالتي جاهزه انا ومستنياك..

نسيتك زاتو .. كدي دقيقه ..

دي ننو قالت مستنياني نطلع انا صحي من امس مواعداها ..

كدي قفلي وبنتفاهم ..

ننو دقيقه وارجع ليك ..

طيب ..

يلا ارح البسي عبايتك ..

ع وين ..

بيت خالتك ..

مصره ..

اي .

وننو ..

كدي البسي عبايتك ويلا ..

طيب .. لبست وجات ..

نزلو تحت .. قالت لي بتها دقي الباب ع خالتك اميميه ..

دايره بيها شنو ..

دقي انتي ..

دقت الباب فتحت ام ننو ..

اهلين خشو ..

دخلو ..

سلام وعليكم السلام ازيكم .. جات ننو ..

سلمت عليهم وشكلها جاهزه للمرقه ..

يلا احنا طالعين لي اختي فاطمه مستنياني ودعاء قالت مابتمشي براها قلتا اجي اخد ننو عشان تمشي معاها تونسا عارفه بيت اختي مافيه بنات ..

خلاص طوالي ماعندك مشكله .. وسلمو عليها عليك الله ..

حاضر يوصل ..

وننو ودعاء فرحانين انهم طالعين مع بعض بعد دا مافرق طالعين وين ..

جرت ننو لبست عبايتا وشالت شنطا وطلعت ..

ركبو تاكسي ومشو ..

وصلو بيت خالتا لاقاهم محمد ود خالتا الكبير ..

اهلين خالتي وبناتا منورين ..

طوالي بقول لي ننو بت خالتي برضو ..

اهلين محمد نورك اخبارك ..

تمام .. اتفضلو .

ايمن وانا ما منور ..

شالو رفعو ليك انت النور كلو ياخ ..

ايمن عمرو 8 سنين كده ..

قعدو يضحكو ..

يا امي خالتي جات ..

جات لابسه توبا اهلين سلامات ومنورين اتفضلو ..

دخلو الغرفه ..

اخباركم وكيف عاملين ..

بركه الشفناك ي دعاء طولتي مننا ..

اي والله معليش ي خالتي طوالي لمن امي تكون جايه بصادف مشغوله مابقدر ..

اها ولا يهمك عادي ..

هناء اخبارك شنو وامك كيف زارتنا البركه ..

تمام والله الحمد الله بتسلم عليك تسلمي ..

الله يسلما ي رب ..

جاء عصمت ولدا الصغير قدر ايمن سلم وسايق ايمن مشو يلعبو ..

دخلت ع المطبخ تعمل العصير ..

سعاد لي بتها ..

قومي اعملي ليك اي حركه ساعدي خالتك ..

يا امي بكون عصير جاهز هسي بتجيبو .. برضو قومي ..

ننو تضحك فيها ..

اتنفضت وقامت ..

خالتي اساعدك في حاجه .. لا شكرا حبيبتي مافي شي ..

جاء داخل محمد بحب يشاغل دعاء طوالي ..

يا جن اخبارك ..

تمام وانت يا العاقل ..

اها عاد قايلاني زيك ..

ويتضاحكو ..

خالتا طلعت تودي العصير ..

كدي اسمعيني وقت جيتي النستفيد منك ..

اها بدينا ..

ههههه ماكتيره ياخ ..

اها قول ..

بس داير كبايه قهوه ..

تمام هينه هسي بعملا ليك ..

خلاص تمام وانا في المجلس .. وطلع .

بتعمل في القهوه جاتا ننو شايله كبايه عصير..

بت طولتي مالك .. هاك دا عصيرك ..

شغلا لي محمد ياخ قال داير قهوه ..

اهندي خلصت ..

يلا ارح شيلي عصيري وتعالي نقعد في الصاله امشي اودي ليه القهوه واجيك ..

تمام ..

مشت وفتحت الباب غايتو تعب للاجرررر .. بقت تتمتم ..

شافت الحلبي قاعد في الكرسي في المجلس ..

صنمت في حتتا ..

وهو زاتو اتخلع ما اتوقع يلقاها هنا ..

جاء محمد لقاها واقفه وشايله صينيه القهوه ..

انتي غايتو بس طوالي داخله توش قولي حاجه ..

معليش ماكنت قايلا معاك في زول ..

ادتو الصينيه ومشت ..

جري ع ننو ..

وووووب علي ي هناء الحقيني ..

في شنو ..

اتخيلي هسي مشيت اودي القهوه لقيت في المجلس منو .

منوو ..

اتخلي ..

شفتي ما وقت هباله منو ..

الحلبي ..

الحلبي منو ..

فارس ياخ ..

اها كذااابه والجابو هنا شنو ..

بري مابعرف من شفتو اتخلعتا وهو زاتو اتخلع ..

بقت تغني ليها ننو .. صدفه واجمل صدفه ..

ياخ بطلي الود دا الجابو هنا شنو ..

اكيد عندو علاقه مع عيال خالتك مدام لقيتي في المجلس ما دايره درس عصر ..

شويه جاتا رساله ..

تصدقي انا الليله اسعد انسان في الوجود .. صدق من قال ربما صدفه خير من الف ميعاد ..

انا لحده هسي ما قادر اصدق شفتك تاني ..

قربتا اقول لي محمد اقرصني ..

طبعا انبسطا شديد لمن عرفت بت خالت محمد .. محمد صاحبي شديد ..

بعد دا ماعندك عزر ممكن نتعرف عادي بقيت صاحب العيله انا ههههه ..

وب المناسبه قهوتك مبالغه طبعا ..

ماعرفت ترد تضحك تعمل شنو ..

عان مرسل لي شنو اقري ..

ادتا التلفون .. ننو تقراء وشغاله ي عيني ي عيني ..

انتي عارفه دي اشاره من ربنا .. الود دا انا اتكيفتا ليه

املتو لي رهيبه .. بحسسني انو انا بيبي وهو ابوي ..

الله علي اها وتاني ..

اتريقي كويس خلاص سكتا ..

لا عليك الله كملي خلاص مابتريق ..

التلفون دق ..

الليله دا فارس نسيت اقول ليه انا وصلتا ..

الو ..

وصلتي وماكلمتيني صح ..

ي دوب والله دخلتا عايزه اتصل انت اتصلتا ..

كويس عندك كم محاضره الليله ..

اتنين ..

تمام بعد كل محاضره كلميني طيب ..

حاضر ..

وننو ب هناك تكورك سلمي عليه ..

دي هناء ..

اي منو غيرا المزعج ..

ههههه سلمي عليها ..

يوصل وقفلت ..

سلمتا خلاص ..

كويس يلا كملي ..

وبعد دا تقولي لي ماعارفه اتعلقتا ولا لا والتلفونات تتضارب ودقي لي اول ما تصلي ولمن تطلعي وقصص ..

انا الله لي ..

انتي تستاهلي تنططي ساي لاكين بركه الخليتي محمد حسيتو ما جادي نهائي خليك كده بس ..

سمح بباريك كويس ..

وقعدو يضحكو مشو حضرو المحاضرات وبين محاضره ومحاضره كانت بتتصل ع فارس تتكلم معاهو ..

بت دودوي انتي حبيتي عديييل ابشرك ..

هههههههه عرفتي كيف ..

المهم عرفتا سيري وعين الله ترعاك ..

قعدو يضحكو ..

يتبع ...