الجزء 8
بقلم: دينا محمود
الجزء 08
لي ماكلمتيني ب الحصل معاك دا كلو ..
شنو ..
شنو الشنو ما تتبلهي لي فارس دق ووراني ب الحصل كلو ..
قعدت تبكي ليها ..
انتي مامشيتي مني وخليتني براي بقيت ماعارفه اعمل شنو وشايفاك مشغوله مع راجلك والبيبي قلتا ما اجوطك ..
يابت انتي عويره عندي منو غيرك انا ما تجوطيني كان جايطه جايطه زول غريب انتي .. يخسي عليك .. هسي الحاصل عليك شنو وريني ..
والله عارفه ماعندك غيري بس الوحده لمن تعرس بكون عندها التزامات برضو .. وبتنشغل مازي لمن تكون بت ماعندها مسؤليه ولا شي ..
كدي هسي سيبيني من الكلام دا مالك وتلفونك وين صحي خرب ..
عايشه الحمد الله تلفوني لا شالتو امي بعد ما قلتا ماعايزه العريس وعرفت علاقتي مع فارس ووووووو بس يا ستي دا كل الحصل ..
وانتي توافقي ع الحاجه دي كيف وين حبك لي فارس وين احلامكم وين كلامكم لي بعض ياخ انا كنت بحسدكم ع علاقتكم دي.. دا كلو مشى وين ..
كلو بح .. وماحابه ازعل امي وي زوله كلو قسمه وكلو لي خير ..
دودي اي كلو قسمه ولي خير بس انا مابعرفك ضعيفه كده انا بعرفك اقوى من كده ..
خلاص بقى مافيني حيل ولا طاقه لي دا .. وبعدين اهندي انتي حبيتي وماعرستي حبيبك صح حصل شنو اهو عايشه حياتك مرتاحه ومبسوطه ..
انا ي بت مازيك انا ما حبيت زيك انا لو حبيت زيك ما بتخلى عن حبي دا انا ماكنتا مقتنعه بيه نهائي ..
يا زوله انسي يلا نجرب الحب بعد الزواج ع قول امي يمكن يكون احسن ..
لا لا انتي ما دودي نهائي يا بت اصحي فوقي ع نفسك شويه عادي خليك ع رايك وقولي لا بتزعل حبه وبعدين بترضى في النهايه انتي بتها ..
ننو خلاص عليك الله انتهى الموضوع دا وعقدي قرب زاتو .. بس عايزه منك خدمه ..
لا حول ولا قوه الا ب الله حتضيعي عمرك والله ..
لو بتعزيني خلاص قفلي ع الموضوع دا الله ما رايد لينا انا وفارس نتلم دي المره التانيه يلا لي خير المهم عايزه منك خدمه ..
امري ي ستي ..
ماتجيبي لي فارس سيره عن الموضوع دا نهائي لمن اعقد انا براي بكلمو ..
انتي دايره تجننيني وتجنني الود ..
عليك الله ماتجيبي سيره نهائي ..
طب كان سالني اقول ليه شنو ..
قولي ليه قالت لي امها لا وامها شالت تلفونا دايره تعاقبا ماتخاف اسبوع وبترجعو ليها وطمني علي بس ..
والله ي دودي البتسوي فيه دا ما كويس ..
معليش بس اخدميني ..
حاضر يا ستي وطمننيني عليك .. ولا انا بتصل عليك هنا اشوف عملتي شنو ..
ان شاء الله ..
مع السلامه .. وقفلت ..
مشت دقت لي فارس وطمنتو ..
مع انو ما اطمن بس مشى ليها ..
بقى مستنى متين الاسبوع يعدي عشان يدو دعاء التلفون ويتكلم معاها ..
بعد يومين جاتو شغلانيه كده حلوه زبطتو كويس جابت ليه قروش عمو كان طلع ليه نسبه من ارباح الشركه مبسوط بيها وداير يكلم دعاء يبسطا معاهو بعد دا مافي مانع انهم ما يعرسو كانت موقفاهم القروش والقروش جات ..
طارق متواصل مع دعاء ب تلفون امها سال من تلفونا قالت خرب قال يجيب ليها واحد رفضت قالت ابوها بشتري ليها ..
يوم العقد هناء جات من الشرقيه تقيف مع صحبتا وتواسيها ..
هي تبكي ودعاء تبكي ..
محمد ود خالت دعاء نظام صاحب فارس وداير يواسي وكده ..
معليش ياخ كلو قسمه ونصيب ..
بفكر في نفسو ي ربي الود دا مالو ..
اي والله كلو قسمه لي يعني الكلام دا ..
انت ماعارف ..
عارف شنو ..
لقى ماناقش حاجه قال بس احسن عشان ما يتجنن لينا ويخرب لينا البرنامج ..
ولا شي بشاغل فيك ساي ..
لا جد مالك ..
جادي معاك ياخ انت الزول ما يشاغلك ..
قلبو اكلو ..
اسمعني الليله طالع الطائف تطلع معاي.. لا والله الليله مشغول اطلع انت انا بطلع معاك يوم تاني ..
خير ي زول ..
الليله الاسبوع بتم .. يشيل ويتصل ع تلفونا ولسه مقفول ..
شويه جاهو جرس .. انبسط اخيرا ادوها التلفون ..
هي بس امها ادتا التلفون عشان ماشه الكوفير مع هناء .. فارس اتصل ..
بقت تعاين للرقم وتبكي .. اه يا فارس مرتك حبيبتك حقتك براك الليله حقت زول تاني .. احلامنا كلها ضاعت .. بقت ذكريات ..
هناء بتقول ليها طيب ردي كلمي ..
لا مابرد خلي ..
مش قلتي بعد العقد الناس عقدت الصباح في شنو ..
لا خلي بعد المناسبه .. عليك الله ما تجوطيني تاني ..
خلصو وبالا ما معاها نهائي تشيل وتفكر في فارس وكان عرف وووو ..
عملو حفلتم وجاطو جوطتم وفارس كمل البطاريه ب الاتصالات ..
رجعو البيت .. والناس فرحانه وتزغرت الا دعاء مامبسوطه نهائي ..
امها حاسه بيها بس بتقول مامشكله يومين ثلاثه وبتنسى وتفرح ..
حددو العرس قريب شديد .. يعني من هسي مفروض يجهزو ..
ننو استاذنت من راجلا حتقعد الايام دي مع امها عشان تجهز لي عرس دعاء .. وافق ماقال شي عارف دعاء يوم عرسو ماقصرت ..
دخلت غرفتا وشالت التلفون بقت تفكر تقول شنو وتشيل نفس وتختو .. دق ..
ردت ..
برااااااااااي .. قعد يكورك ..
بقت مبتسمه سمعت صوتو بعد اسبوع كامل ..
يابت انتي وين والله مشتاق ليك طمننيني الحصل عليك شنو ومعليش انا الخليت امك ت
شاكلك وتشيل تلفونك لاكين خلاص فرجت عندي ليك خبر حلوووو ..
وهي ساكته ودموعا في خدها ..
دودي ..
اه ..
مالك ساكته ..
وماقادره تتكلم لانو كان اتكلمت حتبكي ليه زياده وتوجع قلبو ..
احكي سامعاك الخبر الحلو شنو ..
جاتني قرووووووش وحاعرسك ومبسوط وبكووورك .. لي 3 ايام مستنى متين تفتحي تلفونك عشان اوريك الخبر دا ..
اها رايك شنو بكره نعقد ..
اه ي فارس كان تتكلم قبل اليوم دا ..
هنا خلاص ما اتحملت فكت البكيا ..
بت دودي دودي مالك حبيبي ردي علي بتبكي مالك ..
وهي يحليلا تشيل وتزيد في البكا ..
دودي عليك الله مالك كدي روقي فهميني ي بت مالك .. ماتوجعي قلبي مالك ..
فارس ..
اها حقتي مالك ..
انا الليله ماحقتك بقيت حقت زول تاني ..
شنوووو ..
قلتي شنووو .. وبقى يتمتم ويتلخبط في الكلام زي الشافع اليادوب بتعلم الكلام ..
كيف ماحقتي فهميني حاجه وبقى يكورك ويجوط ..
انا الليله كان عقدي ..
ههههه بتستهبلي انتي.. بتهظري صح .. اصلك تحبي الضحك والمكاوه دايره تقيسي صبري صح دايره تشوفي انا بغير عليك ولا لا صح
.. وهي تبكي لا ..
شنو ال لا ماترفعي لي ضغطي اتكلمي ..
كيف يعني عقدك .. ب كواريك ..
حكت ليه الحكايه كلها .. وبس
اعفي لي وسامحني والله كلو غصب عني .. وانت عارف انا بحبك ودايراك وماعايزه زول غيره وكنت بتمنى اكون ليك براك .. بس كلو لي خير ..
وبقت تتكلم وتتعزر وتبكي وتشرح .. وفارس ساكت ..
فارس فارس الو فارس ..
زول برد ماف ..
شويه الخط فصل ..
بقت تتصل تاني زول برد ماف قلقت ياربي حصل ليه شنو .. وتبكي .. شويه اتصل طارق ..
ياربي ما وقتك ي طارق ياخ ..
الو ..
عروسي ..
اهلين بدون نفس ..
معليش دقيت ليك هسي بس كنت مشتاق اسمع صوتك ..
لا عادي اصلا كنت حانوم بعد شويه مافاهمه شي ..
اها تمام خلاص نومي وانا بكره ان شاء الله جاي عليكم ..
لي ..
شنو ال لي ..
لا اقصد خير ..
خير ماف شي جاي اشرب شاي من ايديك الحلوين ديل ..
اها خلاص تمام الله يحيك ..
تسلمي ي ذوق يلا اخليك تنومي هسي ..
تمام .. باي .. وقغلت ..
ورجعت تاني لي فارس وبرضو ماف رد ..
ارح نشوف فارس مابرد مالو ..
يحليلو منهار ومصدم وقاعد في زاويه براهو ببكي زي الشافع.. دمعه الراجل غاليه والله وصعبه تنزل ب سهوله ..
لي تعملي فيني كده ي دعاء انا مش حبيبك انتي مش مواعداني نكون لي بعض لي اخلفتي وعدك .. انا بعدك اقبل وين لي تصدميني الصدمه دي .. كنتي ماقادره تصبري 3 ايام كان هسي انا العقدتا عليك .. ويزيد في البكا .. يبكي ويلوم فيها وفي نفسو وفي القدر البلعب معاهم اللعبه دي ماحس ب نفسو الى وهو نام في حتتو ..
تاني يوم طارق جاء وشرب الشاي واتونس معاهم شويه وودعم عشان ماشي الطائف ..
دعاء لسه مصره تشيل وتتصل ع فارس امس نوم ماعرفت تنوم .. وهو يعاين للرقم ونفسو يرد بس زعلان منها شديد وعتبان عليها ..
خلاها دقت كم مره بعدين رجع ليها ..
قوه نفسو شويه واتمالك اعصابو ..
الو ..
فارس انت وين من امس قلقتا بي ومالك مابترد ووووو ..
معليش نمتا في السماعه كنت نعسان ..
بتتكلم معاي كده لي ..
عايزاني اتكلم معاك كيف ي مدام ..
مدام .. اممممم ..
قلتا كده ..
عايني يا دعاء عشان زول يزعل من التاني ماف زول ياخد ولا يتحسس من التاني ماف .. اي انا حبيتك ولي هسي بحبك وميت فيك بس مابنفع تاني خلاص انتي بقيتي ع ذمت راجل تاني اصلا حرام زاتو انا تاني اتكلم معاك .. وانتي اخترتي طريقك براك ..
قاطعتو انت عارف كان غصب عني ..
عارف والله ومالايمك وكل شي قسمه ونصيب والحصل لينا دا كلوو لي خير وانتي لو قسمتي كان اخدتك .. ف والله ما زعلان منك ولا حاجه .. وبتمنى ليك السعاده في حياتك وربنا يسعدك ويهنيك .. بس عايز اطلبك طلب ممكن ..
امر ..
مايامر عليك عدو بس انا عارف نفسي ماحاقدر امنع نفسي اتصل بيك ولا ارسل ليك .. انتي كان لقيتي مني اتصال ولا رساله ما تردي علي عليك الله ..
انت لي بتعذبني وبتعذب روحك ..
معليش عشان الحب البينا بس ماداير منك شي .. ممكن .. وطمننيني عليك كل من فتره والتانيه لو عايزه ولو احتجتي لي انا موجود ..
يلا خلي بالك من نفسك ولا اله الا الله .. وقفل ..
ما اداها فرصه زاتو ترد ولا تقول حاجه ..
وهو ماسك نفسو ب العافيه عشان ما يضغف ولا يبكي قداما ..
عدو اسبوع زي السم كل واحد ماقادر يبعد من التاني .. وكل واحد ماسك نفسو من التاني ..
هناء حست بي صحبتا وانها لازم تشغلا عشان تنسى فارس حبه ..
فعلا بدو يجهزو الشيله وحاجات العرس وكل يوم السوق ودلكتي ودلكتك وبرنامج .. دعاء مفروض تكون زي اي عروس فرحانه ب البرنامج دا بس كان العكس تمام ..
وفارس حالتو اتدهورت شديد كل يومين 3 في المستشفى دربات والشغل مره يمشي و10 لا لمن امو قلقت عليه قالت ليه يا تجيني ي اجيك اصلو ما بخليك كده بتضيع مني .. بقى عمو يتكلم معاهو ويحنس فيه للاكل ويرجع حياتو عادي .. برضو لا حياه لمن تنادي ..
يشيل ويرسل رسائل لي دعاء ودعاء تقراء وت
بكي وماقادره ترد ..
جاء يوم العرس الصباح ..
دق ليها .. ابت ترد ..
رسل ليها عايز ابارك ليك بس واسمع صوتك ردي ..
ماصدقت طوالي ردت ..
الو ..
عروسنا السمحه ..
الف الف مبروك ربنا يسعدك ويهنيك ي رب وبيت مال وعيال .. وابقى عشره ع نفسك وكان زعلك وريني بس هههه .. انتي ناسيه انو وراك رجاله ما تقولي ماعندي اخوان يقيفو لي لا انا جنبك .. واليوم التحسي نفسك محتاجه لي ماتترددي ..
وهي ساكته وبتسمع فيه ..
بقى يردح ويضحك ويحكي في مواقف وجواهو متضايق شديد بس بكابر ..
ماعارف تاني حالاقيك ولا حاقدر اتكلم معاك لاكن ربنا يسعدك وانا بقولا ليك تحرم علي مره بعدك يا انتي يا اقعد كده .. وقفل ..
الود دا اهبل .. اتوترت وبقت تتصل قفل تلفونو ..
هناء لقتا عروقا مشحطه ..
يا بت مالك .. حكت ليها ..
ماتشيلي في بالك بكون بس زعلان عشان كده قالا ..
انا فارس بعرفو كويس ..
دودي ما تتوتري وتوترينا الليله عرسك انسي الفات كلو اقول ليك شي هاتي تلفونك طق طق كسرت الشريحه بس امشي اشتري شريحه تاني ..
لي يا ننو ..وعصبت ..
بس احسن ليك ويلا كملي باقي تجهيزاتك ..
الحفله اشتغلت والناس وصلت .. والزفه والاسلو والجوطه .. شويه دعاء الدموع جرن .. طارق بسال فيها مالك ..
مافي شي ..
هنو شافتا جاتا جاريه المكياج مايسيح وتخرب الدنيا يا بت مالك .. اشرت ليها ع فارس .. واقف بعيد ومكتف يدينو ونحفااان لمن منتهي .. لابس جلابيه كان طوالي بتقول ليه بحب اشوفك ب الجلابيه السودانيه .. وشكلي يوم عرسنا حالبسك بدل البدله جلابيه .. وكان طوالي بلبسا وب الذات صلاه الجمعه ..
حبت تتدارك الموقف طوالي نادت محمد ود خالت دعاء وكلمتو يتفاهم مع فارس عشان الحفله ما تجوط .. وبقت تهدي في دعاء ..
دعاء تقول ليها عايني نحف كيف عايني سمر كيف .. شكلو عيان وتبكي ..
والناس مفتكرنها عشان مودعه اهلا بتبكي .. اصلا لحظه العرس العروس بتحس انها خلاص مفارقه ناس البيت عشان كده بتبكي ..
مشى لي فارس واتفاهم معاهو براحه فارس قال ليه طيب بمشي بس عشان كنت مواعده احضر عرسا وكنا بنهظر مامتوقعو يقلب جد بس دقيقه وبمشي ..
طلع المسرح امها من شافتو مسكتا الرجافه والناس العارفه فارس كان خطيبا كلهم يتلاكزو .. سلم ع العريس وجاء سلم ع العروس .. مبروك يا حقتي براي وابتسم ونزل ..
دعاء مخلوعه ومصدومه .. الله يتم اليوم دا خير بس ..
والحمد الله عدا اليوم وخلصو امورم كلها .. والعروس للعريس والجري للمتاعيس ..
كانو مجهزين ليها شنطتا حقت السفر حقت شهر العسل ..
كانو ماشين دبي ..
ودعو الاهل والاحباب وسافرو ..
وصلو دبي دار الحي ..
بلد نفسك تنفتح لمن تشوفيها .. نزلو في فندق وكان طارق ظريف معاها شديد .. كل يوم فسح وطلعات لمن هي زاتا شويه شويه فكت وبقت تنبسط شويه ..
عدو اسبوع حلو لمن ما حسو بيه عدا زي كانو يوم ..
انبسطو ورجعو جده ..
لاقت امها وهناء كانت لسه قاعده .. بتسافر بعد يومين ..
رجعت مبسوطه وبتحكي ب دبي وبي دلع طارق ليها وانها كانت ظالماهو وووو ..
امها بركه يا بتي العرستي وشفتك مبسوطه وسعيده كده .. ماقلتا ليك انا بعرف مصلحتك ..
مشت حضنتا وسلم عليها في راسا ..
وقعدت مع هنو تحكي ليها شمارات تقيله بعد العرس ..
تاني يوم قالو لازم يمشو الطائف عشان اهل طارق هناك برضو مستنينهم ..
خير ي ولدي امشو بس الاسبوع الجاي لازم تجو عشان ضابحين ليكم وعازميني اهلنا ..
خير يا عمي ماعندك مشكله ..
خالتو نادت دعاء ..
نعم ي امي ..
تعالي دايراك ..
خير ي امي في شنو ..
تعالي يا بتي اقعدي وختي الكلام دا حلقه في اضانك ..
راجلك بعد دا بقى من مسؤليتك ..
حبيهو وقدريهو واسعديه .. ولمن يقول عايز حاجه اعمليها ليه .. خلي يكتفي بيك .. خلي ما يشوف زول في الدنيا غيرك.. البسي واتمكيجي واتعطي ونظفي بيتك خمالتك البتعمليها لي هنا هناك ما تعمليها .. واطبخي ماتشتغلي الاكل كلو من السوق ..
ههههههه حاضر يا امي ..
وكان حصل خلاف بينم عادي ما تتوتري اصلا مافي بيت بيخلى من المشاكل .. بس اهم شي ..
ما تطلعي مشاكلك انتي وراجلك بره بيتك .. موتو بيها براكم اختلفو واتشاكلو وارجو تاني لي بعض .. لانو ي بتي كان جيتي كلمتيني انا امك .. انا حازعل وحاخد موقف من طارق واحتمال اكرهو زاتو وانتو ترجعو لي بعض وانا اكون لسه بتزكر ليه موقفو معاك واكون لسه شاماهو وكارهاهو .. وغير كده يا بتي .. كان دخل طرف 3 موضوعك استحمى لانو الموضوع حيكبر شديد .. وختي نسابتك جوه عيونك ولمن يجوك احترميهم .. ولعي ليهم صوابعك ال 10 شمع .. واوعى تديهم فرصه يقولو فيك حاجه ما حلوه .. اصلا نسيبتك في السودان لاكين كان جات وحتجي انا سامعه حاجه زي دي ابقى زي النحله في بيتك اعملي اي شي براك ماتخليها تعمل معاك شي اعتبريها زي واحد .. حتى لو سمعتك كلمه ماحلوه ابلعيها .. ومشي عشان خاطر طارق .. وووووووو ..
قعدت توصي فيها جنس وصيه ..
حاضر ي امي كلو بعملو ان شاء الله ..
ودعتم وطلعت مع طارق ماشين ع بيت
م .. طبعا البيت ما اختارت فيه ولا شي ما كان ليها نفس تعمل حاجه لانو كانت مخططه تعمل اي حاجه بنفسها بس مع فارس ..
جهز الشقه طارق براهو ومعاهو اهلو ..
والطريق كلو اخر ونسه وكلام حب جميل .. لحده ما وصلو الطائف ..بلد المصائف ..
الناس كلها بتجي تصيف فيها بلد جميله بمعنى الكلمه جوها يرد الروح .. وجبال وقرود اهم شي القرود ههههه ..
بقى يعرف فيها في الطائف ..
نزلو ب الهدا .. خطو مرعب بس جميل في نفس الوقت .. عامل زي الثعبان ملولو كلو هههههه ..
كان جات الطائف مره بس وكانت صغيره جو مناسبه ورجعو ماشافت فيها حاجه يعني ..
بوصف ويعرف لحده ما وصلو لي الحي حق بيتم .. كانو معظمم سودانين الحي دا مشهور بالسودانيه يعني ما بتحسي ب غربه بتحسي ب انك وسط اهلك ..
وقف العربيه وشال الشنط وطلعو العماره كانو في الدور التاني ..
يلا خشي ب رجلك اليمين ..
دخلت وقفل الباب وفتح النور ..
البيت كان عفشو حلو .. انبسطت منو مازي ما خاتا لاكين برضو كويس ..
يلا ارح افرجك ع شقتنا ..وساقا ..
دا المجلس .. كان مفروش كنب تركي سماوي ب بني حلو ..
ودي غرفه ماعرفتا اعملا شنو خليتا ليك فاضيه اعملي العايزاها .. ودا حمام الرجال الله يكرمك ..فتح باب ودخل ..
دي الصاله طبعا هنا قسم الحريم وداك الرجال ..
ودا المطبخ ..
تاني في سيب صغير في غرفتين جمب بعض .. دي غرفه النوم ..
كانت لونا اسود ب ابيض ..
ودي غرفه الضيوف .. فيها سريرين وكنبه ب الموف ..والذهبي ..
ودا الحمام حق الحريم ..الله يكرمك..
اها رايك ..
حلوه ماشاء الله واسعه وكبيره ..
اتذكرت كلام فارس انا عايز بيت كبييير يشيلنا كلنا انا وانتي وعيالنا وغرفه للاولاد وغرفه للبنات واحلام كتيييره ..
هي وين شردتي ..
اها لا معاك سرحتا في البيت الحلو دا ..
عجبك يعني ..
اي الله ..
يلا تتهني فيه ي رب ..
ارح نرتب شنطنا ونرتاح حبه عشان عازمك بره اوريك الطائف من جوه..
تمام ..
مشو ورتبو دنيتم وعفشم .. لمن جاعت ..
طارق ..
ها ..
جعتا انا ياخ ..
طيب نطلع ..
لا مامكن تجيب لينا في البيت مافيني حيل الليله زاتو اطلع ..
خلاص تمام .. البس وامشي اجيب الغداء ..
اوك حتخليني براي يعني ..
ههههه خوافه مافي شي بجبك بعدين ماشاء الله العماره كلها سودانين جارتك الجمبك سودانيه والتحت سودانيه وفوق في يمنيه وسودانيه ما تخافي يعني ..
طيب ..
بلبس كده الجرس دق ..
دا منو الجاينا هسي ..
ماعارف دقيقه افتح ..
سلام عليكم يا عريس
اهلين وعليكم السلام .. اخبارك وصحتك اتفضل ..
اتفضل وين ماشي والله بس ام فارس قالت الا تجيب ليكم الغداء الليله .. هاك ..
يحليلا والله ماقصرت تعبتو نفسكم .. العفو ياخ ع ايه احنا جيران واهل ..
مابتقصر والله يا ابو فارس ..
من سمعت فارس قلبها بقى يدق .. وترجع ب الذكريات وراء الاسم دا ماعايز يفارقا نهائي ..
جاء لي دعاء يلا اها شفتي جيرانك ظريفين كيف جابو الغدا والبارد في التلاجه ..دي ام فارس جارتك الجمبك ..
يحليلا ماقصرت خلاص دقيقه اختو واجي ..
تمام ..
ختت الاكل واكلو ومبسوطين واخر ونسه وضحك ..
خلصو كملو باقي ترتيبم ورقدو نامو ..
ماصحو الا بعد العشاء .. قال طالع يجيب حاجات وجاي .. وطلع ..
دخلت استحمت وغيرت وصلت وجات قعدت في التلفزيون ..
حست بيه اتاخر .. دقت قالت تشوفو ..
الو ..
طارق وين انت ..
جمبك مالك ..
اتاخرتا قلقتا عليك قلتا اشوفك اتاخرتا مالك ..
مافي شي بس لاقاني صاحبي والونسه جرت .. هسي بجي دايره عشاء شنو ..
اي حاجه وما تتاخر ..
مانفسك في شي يعني ..
لا ..
طيب هسي اجيب العشاء واجي ..
بعد نص ساعه جاء داخل خت الاكياس في المطبخ ودخل استحمى ..جاء طالع ..
نعيما ..
الله ينعم عليك يلا ارح ختي العشاء نتعشاء ..
طيب .. بس عليك الله تاني ما تتاخر كده ..
حاضر من عيوني ..
ب مناسبه عيونك دي محمره مالا كده ..
ماعارف قبيل صاحبي برضو قال لي كده بتكون دخلت فيها حاجه بتروح شويه ..
تمام ..
دخلت المطبخ ختت الاكل ونادتو .. قعدو اتعشو وطلع الصاله فتح التلفزيون .. كملت هي وضايرت المطبخ سوت الشاي وجابتو ليه ..
قعدو يتونسو ويتقربو من بعض حبه وحضرو فلم .. ومشو رقدو ..
تاني يوم من بدري صحاها قال ليها اهلي جاين قومي اجهزي وزاتو ما حيطولو يسلمو عليك وطالعين رحله الشفاء .. (منطقه في الطائف عاليه وجوها بارد حلوه للرحلات )
طيب اوك وقامت رتبت بيتا وبخرتو وظبطت نفسها مستنيه الضيوف ..
دقت ليها امها سلمت عليها واطمنت عليها وقفلت دقت هناء برضو سلمت وكلمتا حترجع الشرقيه الليله وكان لقت طريقه بتجيها في الطائف ..
شويه الضيوف جو ..
سلامات واستقبلتم استقبال حلو لابسه توبا وظريفه .. قدمت العصير والحلاوه والخبيز واتونسو قالو يلا نطلع عشان الوقت ما اتاخر ..
فعلا طلعو كلهم الرحله وضبحو خروفم .. مقسمين ع الحريم السلطات والشطه والمراره.. والرجال الشيه واللحمه كان برنامج لذيذ والشفع يتجارو هي عروس بس بتتونس حلفو ماتدخل
يدها في حاجه واتصورو كترت صور ..
انبسطت شديد ب برنامج الليله دا ..
خلصو قالو الوقت لسه بدري نطلع الشلال حدائق كبيره العاب كهربائيه ونجيله وجلسات .. تمام طوالي ..
دورو وطلعو الشلال قالو دعاء وطارق يلعبو اللعبه دي اسمها المقص ..
وهي خجلانه وبتخاف من اللعبه دي شديد ..
لا لا مادايره اركبو انتو ..
لا انتو عرسان لسه يلعبو الشباب احنا خلينا ..
وهي تشيل وتعاين لي طارق نظام لا ما دايره وعامل رايح منها عايزه تركب معاهو .. بعد اصرار منهم وافقت ..
وهي ماشه مع طارق
يخسي عليك انا بخاف من اللعبه دي ركبتا مره قعدتا متشنجه يومين مادايراها ياخ خلاص ارح نلعب لعبه تاني ماتحرجني قدامم وهو يضحك .. قربت تبكي ليه ..
قال ليها خلاص نبعد منهم حبه ونمشي نركب وحده تاني ..
انبسطت منو بقت ماسكه يدو وماشين ..
لعبو لعبه تاني انبسطت شديد زي الشافعه البودوها الحدائق هههه .. رجعت لي ايام الطفوله ..
تخلص من وحده تركب التانيه ..
تقريبا ركبت معظم اللعبات ..
خلصو سهرتم واتعشو ورجعو مبسوطين ..
وكل يوم هم فسح وطلعات ماخلى مكان في الطائف ما وداها .. اخر يوم منها وخلاص تاني يوم بنزل شغل ..
قال ليها عازمك في البرج نمشي نتعشى هناك وتشوفي الطائف من فوق كان الطابق ال 30 ..
عشان بكره حانزل دوام ..
قالت ليه اوك ..
خلاص اجهزي انا ماشي اودي حاجه لي صاحبي وجاي ..
اوك ..
فعلا طلع وهي مشت جهزت نفسها ..
دق ليها .. خلصتي ..
ايون ..
تمام يلا انا تحت انزلي ..
نزلت وركبت معاهو طلعو البرج ..
ب الجد منظر الطائف من فوق روعه حاجه خيال ..
قعده شبه رومنسيه كانت جو جميل وشموع وهم الاتنين مع بعض ..
اخدو قعدتم ويشيل ويتغزل فيها وهي تشيل وتتخجل .. برضو برنامج كان لذيذ ..
رجعو البيت جهزت ليه غيارو حق الشغل بكره .. البدله والقميص والكرفته ..
ورقدو ..
النظام اتغير بعد دا الدلع راح وشهر العسل راح ..
بقت تصحى الفجر تصلي وتقراء قران حبه بعدين تخش ع المطبخ تعمل الفطور 7 ونص تصحي طارق ع بال ما ياخد دش ويغير ويجي يفطر ويشرب الشاي ويطلع..
بقت تعمل ليه زي ما فارس كان بقول ليها بعدين تعملي لي كده وكده وكده ..
تخلي يطلع يا تنظف البيت حبه وتقعد في التلفزيون ي ترجع تنوم وتصحى ع 11 تشوف برنامج الغداء وترتب نفسها قبل ما طارق يجي .. مسؤليه جديده ..
امها دقت ليها بتتونس معاها ..
اها يا بتي اخبارك وامورك والحاصل عليك ان شاء الله مبسوطه ..
والله ي امي الحمد الله كلو تمام ومبسوطه الحمد الله انتو كيف ..
كلنا تمام ماعندنا عوجه مشتاقين ليك بس..
انا زاتي والله لاكين بحاول اجيكم الاسبوع الجاي اتاخرنا عليكم شديد ..
خير مامشكله اهم شي ما تضغطي راجلك كان لقيتو طريقه تعالو كان مالقيتو مامشكله ..
كويس ي امي ..
اها وجاراتك كيف ما طلعتي عليهم ..
هو انا قعدتا ليهم في البيت ههههه كل يوم طارق مطلعني حته والله مافضيت ليهم لاكن هم يحليلم كل مره يتصلو يقولو جاين انا بكون بره ..
ربنا يسعدك ربي كمان وكمان .. وابقى مارقه ع جاراتك حبه الزول براهو مابيعش خشي فيهم اتونسي معاهم ..
ان شاء الله ي امي ..
تمام يلا بعد دا اخليك تشوفي حالك راجلك بعد دا بجي .. وبدق ليك تاني ..
خير ان شاء الله ..
باي .. باي ..
شويه جاء داخل طارق .. شكلو زهجان وقرفان ..
سلام عليكم ..
اهلين وعليكم السلام ..
ومشت عليه تاخد منو الجكيت والشنطه ..
طلعم براهو وجدعم في السرير ..
اها الليله الشغل كيف ويومك كان كيف ..
تمام .. وسكت ..
امممم ..
اجهز ليك الحمام واطلع ليك غيارك ..تستحمى ع بال ما اخت الغداء ..
ماعايز عايز انوم حبه ..
طيب اوك راحتك .. بس شكلك زهجان ..
اي عشان كده خليني شويه ب راحتي ..
تمام ..
وقفلت ليه النور والباب وطلعت الصاله فتحت التلفزيون وتفكر ياربي مالو المزهجو شنو ..
شويه جاء طالع ..
انا طالع وجاي ما حاتاخر ..
ع وين ..
قريب وجاي ..
طيب ..
طلع وقفل الباب ..
الراجل دا الليله مالو ما طبيعي .. يمكن ي ربي حصلت ليه مشاكل في الشغل .. وراسا يودي ويجيب ..
قعدت مستنياهو يجي عشان ياكلو مع بعض وهو اتاخر لمن نامت في الكنبه ..
حست ب كركبه صحت بيها .. خافت ..
بقت تنادي قالت يمكن طارق جاء ..
طارق طارق .. مافي رد قلق بيها زياده والكركبه في المجلس جمب باب الشارع ..
ياربي دا حرامي الحرامي يخش كيف لا لا دا بكون طارق ياربي دا شنو .. قلبا يدق ساي .. بقت ماشه ع جهت المجلس براحه براحه .. وتنادي طارق دا انت طارق ..
فتحت الباب ..
لقتو طارق لمن شافا لمن اتهجم .. زي البعمل في شي غلط ..
كان ماسك حاجه في يدو اول ما شافا ختاها في جيبو ..
جيت متين انت ..
قبل شويه لقيتك نايمه قلتا ما ازعجك ..
ومالك طيب ارتبكتا اول ما شفتني ودسيت شنو ..
لا ارتبكتا ولا حاجه انتي بس خلعتيني ما دسيت شي مالك .. تحقيق هو ..
لا ابدا ما تحقيق .. لاكن ناديت كم مره طارق طارق مارديت حتى افتكرتو حرامي ..
هههه حرامي شنو ياخ مافي ح
رامي هنا اطمني .. اها اكلتي ..
لا مستنياك ..
تمام خلاص ختي لينا الاكل ..
كويس ارح ..
امشي ختي وانا هسي بجيك ..
طيب .. وطلعت .
في حاجه غريبه مالو ي ربي .. تاني تقول .. ياخ امكن بتخيل لي انا مالي ياخ ..
مشت المطبخ ختت الغداء ونادتو جاها ..
اخر ونسه وضحك زي المانصيح ما طارق الجاء قبيل زهجان ..
اتونست معاهو وضحكت قالت فرصه هو مبسوط اكلمو انو نمشي جده لي ناس امي خميس وجمعه ..
طارق ..
احكي ..
عايزه منك طلب ممكن ..
امري ..
مايامر عليك عدو ي رب بس عايزه نمشي الخميس والجمعه جده ناس امي مواعدنهم نجيهم ومامشينا ..
حااضر من عيوني وتاني ..
انبسطت .. سلامتك تاني مافي شي .
الله يسلمك انتي بس امري واتدللي ..
ابتسمت ليه وكملو اكلم ..عملت الشاي شربو .. قال ليها حانوم شويه العصر صحيني عشان الشغل ..
طيب ..
ودخل غرفتو نام ..
ضايرت البيت حبه ومسكت التلفون دقت لي هناء ..
ننو ..
عيون ننو انتي مشتاقين ..
والله كميات اخبارك شنو ومحمد والبيبي ..
كلهم تمام والله انتي كيف وراجلك ان شاء الله مبسوطه ..
الحمد الله والله مبسوطه شديد كمان ..
ربنا يديما عليك ي رب .. وين غاطسه كده لسه معسله ..
ههههه اي لسه تصدقي ..
ان شاء الله ي رب حياتك كلها تكون عسل ..
امين ي انا ..
اها الشمارات شنو..
مافي والله كلو قديم ..
ماعارفه حاجه عن فارس ..
امممم بدينا مش قلنا خلاص وانتي هسي مبسوطه في شنو تاني ..
والله مافي شي بس والله كل ما انوم انا بحلم بيه حاسه فيه حاجه ماعارفه لي .. حاسه ب تانيب ضمير والله ..
قولي بسم الله مافيه الا العافيه وانسيهو بعد دا بلا تانيب معاك .. انتي مجنونه هي انتي ع ذمت راجل بعد دا ..
يابت مالك هسي انا قلتا ليك دايره ارجع ليه ولا اتكلم معاهو بس سالتا منو لانو حكايه كل يوم احلم بيه دي مقلقاني حبه ..
والله ماعارفه عنو شي اخر مره اتصل لي بعد عرسك ب يومين وانا قلتا ليه دعاء بعد دا عرست وانت اذا صحي بتحبها ابعد منها ومن حياتا عشان ما تخربا ليها وكلام كده .. وهو والله كان ذوق قال لي عمري ما اكون انا السبب في خراب حياتا عشان كده حاضر حابعد ووعد ما اتصل اسال منها تاني وفعلا تاني ما اتصل ..
يحليلو ياخ الود دا ..
بت اتلمي اها كيف مع الطبيخ ..
اسكتي ساي غايتو طارق يحليلو بياكل ساي مره ملح زايد مره ناقص وهو يحليلو خشمو ما فتحو اشتكي ..
ههههه ربا يسعدكم ي رب .. اها مابقيتو 3 ..
هههههه ي بت 3 شنو بدري علينا ..
بدري شنو ي بت انجزي احسن ليك .. هسي يقولو ما بتلد يفتشو في العروس الجديده ..
الله يطمنك ..
ههههه .. كملو ونستم وقفلو ..
العصر صحت طارق للشغل ..
صحصح استحمى وغير وطلع ..
شويه التلفون دق ..
سلام عليكم ..
وعليكم السلام ..
عروسنا كيف ..
اهلين ام فارس تمام وانتي ..
الحمد الله قلتا اشوفك كان في جاياك ..
حياك الله اتفضلي قاعده ..
خلاص تمام ومعاي جاراتنا الفي العماره كلهم ..
الله يحيكم ..
مشت سرعه سرعه بخرت البيت وجهزت نفسها ودقت ع طارق كلمتو ب حاجات دايراها .. قال ليها مافاضي بس بكلم ليك بتاع المطعم يجيب ليك حاجات جاهزه وخلاص مشي نفسك اصلا مافي وقت . . قالت ليه طيب ..
فعلا شويه وصلتا حاجاتا ..
بعد المغرب الضيوف جو ..
الحلقه الخامسه والثلاثون (حقي براي)
بقلم دينا محمود
دخلو وسلمو سلام ظريفات .. ب تياب طبعا .. الا اليمنيه ب عبايه .. دخلتم غرفه الضيوف ومشت جابت العصير وجات تتونس معاهم ..
يلا هي شافت ام فارس بس الباقيات لا ..
ام فارس : يلا اعرفك ع جاراتك انا طبعا غنيه عن التعريف هههه ..
كلهم قعدو يضحكو .. اي ..
يلا دي ام خالد جارتك التحت اسمها منى ..
ودي ام وائل جارتا التحت برضو اسمها مناهل ..
ودي ام راكان جارتك اليمنيه الفوق اسمها بهجه .. ودي جارتا طوالي ام علي اسمها رماز ..
ماشاء الله اتشرفنا ..
الشرف لينا ..
طبعا دي عروسنا اسمها دعاء من بنات جده ..
جده غير ..
ههههه الطائف برضو غير ..
وقعدو يضحكو ويتونسو ويتعارفو ع بعض .. استاذنت منهم ودخلت المطبخ ..
جاتا ام فارس وام خالد .. نساعدك في حاجه ي جميل ..
هههه والله تكونو ماقصرتو ..
هههه شكلك مدلعه ولسه ما اخدتي ع الجو الجديد دا ..
هههههه اي والله لاكين خلاص بعد دا باخد عليه ..
ان شاء الله .. بقو يتونسو ويرصو معاها وهو زاتم ظريفين اي وحده جات وجابت معاها حاجه الجابت كيك والحابت فطائر والجابت مكرونه ب البشمل والحابت حلويات .. وقهوه وشاي ..
طلعاتم هنا ما بحبو يكلفو ع الزول كتير بياخدو حاجاتم ويمشو للزول ..
لي تعبتو نفسكم كده ..
يابت مافي اي تعب ولا حاجه .. حاجه بسيطه ..
تسلمو والله ما بتقصرو ..
رصو السفره وقعدو اخر ونسه وضحك دخلو في بعض شديد وام راكان تحلفو تقولو سودانيه شده ما عاشرتم بقت تتكلم زيهم ..
اخدو قعدتم مع العشاء كده استاذنو .. كل وحده راجلا بجي المواعيد دي .. وهي زاتا عشان لسه عروس ماحبو يطولو ..وطلعو ..
قامت هذبت بيتا وضايرتو
.. دق طارق ..
اها ديل في ..
لا طلعو ..
تمام خلاص انا حاتاخر شويه طلعت مع الشباب ..
حتطول ..
ما اظن .. دايره عشاء شنو ..
والله اكلتا هسي مع الحريم شبعانه ..
مالي بعدين ماهسي ..
خلاص جيب الدايرو ..
طيب .. وقفل ..
اها دا شنو البرنامج العاضي دا هسي دا وقت الشباب وبقت تتكلم مع نفسها .. بعد دا مفروض عرس وبي بيتو يبطل طلعات الشباب الكل يوم دي .. هسي اقعد اعمل في شنو انا ..
دخلت الفيس حبه بتقلب لقت فارس منزل منشور .. من الفهمتو انو ليها هي فاقدا ومشتاق ليها بس القسمه وبتمنى ليها حياه سعيده وكده ..
قرت الكلام والدموع عشره عشره .. قفلتو وفتحت التلفزيون .. قعدت تتفرج لحده ما طارق جاء ..
اتاخرتا ..
اي والله انت كل يوم حتتاخر كده يعني ..
بدينا نقه ..
نقه شنو هسي انا بس سالتك سؤال الشباب ممكن تخصص ليهم نهايت الاسبوع زاتو بكون مافي شغل ..
دعاء ماناقص نقه والله جعان عايز اكل وارح ننوم ..
طيب ..
زعلانه لي طارق يكلما ب الاسلوب دا ..
ختت الاكل .. يلا قوم اكل ..
وانتي ..
شبعانه ما عايزه ..
راحتك ..
اكل اكلو ومشى المجلس وقفل الباب عليه اخد قعدتو ..
عان دا ولا حنسني ولا لي ماعايزه .. ومشى الكواليس .. مسميه الصالون الكواليس طارق بخشها طوالي بهبب شنو هي ماعارفه ..
جاء طالع عملت مامركزه معاهو وتتفرج في الفلم ..
قومي يلا النوم .
مانعسانه هسي انا نوم انت ..
قومي وب راسو يعني ارح ..
شالت نفس وختتو ومشت ..
عدى باقي الاسبوع كلو كده مره يجوطو ومره تلقي رايق ويضحك وشغال ب مزاجو ..
ارح اوديك جده ..
جد ..
اي بس حانزلك اسلم عليهم وراجع الطائف بجيك الجمعه ..
لي ..
عندي شغل مابقدر ..
شغل شنو يوم الخميس ..
قلتا ليك عندي شغل وبس عايزه تمشي ولا لا .. ب نهره ..
طيب ..
مشت غيرت ولبست وجات ..
يلا ..
ركبو السياره ..
كلام ماف ..
طارق ..
نعم ..
انت لي اتغيرتا كده ..
اتغيرتا كيف ..
مازي اول ..
بس مضغوط في الشغل الايام دي عشان كده ماتركزي معاي ..
طيب ماحتقعد معاي ..
لا كلمتك شغال ..
طيب ..وسكتت ..
لي بعمل لي كده هسي ناس امي يقولو شنو شايفني جايه براي راجلي مامعاي يعني شغل شنو البليل دا وبكره يجيني كلها كم ساعه ماقادر يعني يفضي نفسو عشاني شويه .. وتهرد في روحا وتتكلم مع نفسها لمن وصلو ..
يلا انزلي ..
نزلو اول شي دقت باب ناس هناء ..
داقه ليهم مالك بس اسلم عليها ونطلع ..
ياخ حتاخرينا وانا طالع الطائف طوالي ..
معليش دقيت يعني نطلع نخليها ..
اي اطلعي ..
غضبت منو اوووف ومشت كده ام هناء فتحت الباب ..
دعاء ازيك حمد الله ع السلامه جيتي متين ..
اهلين خالتو الله يسلمك هسي والله امي مامشيت ليها قلتا اسلم عليك واطلع ..
اهلين طارق ي ولدي خشو ..
طارق:لا لا معليش ي خالتي والله مستعجل وراجع الطائف هسي ..
اجي ي ولدي قول بسم الله كدي النبي خشو اشربو ليكم حاجه ..
يشيل ويحمر لي دعاء ..
خلاص طيب ودخل ..
ضيفتم وقعدو اتونسو حبه وطارق كل شويه يعاين لي دعاء يعني يلا قومي .. حست شويه حيديها كيف ..
يلا ي خالتي نستاذن امي طبعا ما كلمتها دايره اعملا ليها مفاجاءه ..
يحليلك ي بتي ربنا يسعدكم والله مشيتو انتي وهناء خليتو لينا البيت مسيخ ..
اللهم امين تسلمي ي رب يلا مع السلامه سلمي ع عمو ..
يوصل كان تستني هسي بجي كل مره يسال منك ..
يحليلو مامشكله بكره بنلاقي ..
خير يلا مع السلامه .. وطلعو ..
وهو طالع السلم يشيل ويهرج ويشيل ويشاكل فيها اخرتو ..
رفع ليها ضغطا فل وشها اتكرفس .. وصلت بيت اامها قربت تبكي اتمالك نفسها ودقت الجرس .. فتح ليها اخوها الصغير ..
دعاء مخلوع ومبسوط ومتفاجى..
بقى يكورك امي دعاء جات ..
ازيك وسلمت عليه ..
جات امها .. سلمت عليها وهاك ي بوس واحضان وبكا .. طارق وانا حاقيف كده كتير ..
هههه هي ي ولدي والله مع دعاء وشوقي ليها ماشفتك ازيك وسلمت عليه اتفضلو .. قامت تكورك لي ابو دعاء ..
عبدو دعاء جات .
يتبع ...