الجزء 9

بقلم: دينا محمود

الجزء 09

خشو خشو قعدو كده جاء ابوها حضنا وسلم عليها وهي اصلا مشتاقه ليهم وطارق غايزا عايزه تبكي قعدت تبكي ..

اجي ي بتي مالك ..

ولا شي بس مشتاقه ليكم .. امها حست في شي مهما كان قلب الام ..

قعدو امها دخلت المطبخ .. نادتا ..

جاتا نعم ي امي ..

مالك يا بتي بتبكي قبيل ..

مشتاقه ليكم والله من دخلتا العماره اتزكرتا ايام زمان وهناء والعبره خنقتني .. يحليلك انا قلتا فيك شي ..

اه يا امي في نفسها ..

لا مافي حاجه .. خلاص امشي اقعدي مع راجلك ..

اساعدك ..

لا مافي شي ..

رجعت الصاله وقعدت جنب ابوها وحضناهو واخوها جنبها بتلعب معاهو ..

جابت امها العصير وجات ..

اتونسو شويه طارق قال ..

انا استاذن طالع الطائف وبكره بجي اسوق دعاء ..

ابو دعاء: كدي قول بسم الله مالك زاير كنيسه انت ..

ههههه العفو ي عمي ما كده بس والله شغال ..

ياود شغل شنو الشغل يتاجل ..

والله مابقدر ..

اها طلاق 3 الليله تبيت وبكره تحضرو ضبيحتكم وبعد دا الله يستر عليكم ..

والله يا عمي بتبالغ والله مابقدر ..

دعاء تعاين ليه ساي ..

اجي ي ولدي داير يطلقوني بعد عمري دا ..

ههههه ما كده لاكن والله ي جماعه..

مالاكن ولا لاكن تقعد بس ..

دعاء عينا ابت ترفعا ليه عارفه حيحمر ليها ..

خلاص خير ..

اي ياخ اقعد اتونس نشوف اخبارك طولنا من القعده الظريفه دي ..

قعدو يتونسو وطارق مقلق يشيل ويطقطق في اصابعو ويحرك في رجولو وتحسو مع الونسه مامنتبه اصلا ..

دعاء دخلت مع امها اتونسو شويه البت وامها بتسال من طارق وحياتم وحاجات كده .. دعاء طمنتا والامور ميه ميه ..

خلصو ورصو العشاء اتعشو ..

والونسه تاني جرت ..

وتلفون طارق ما بطل دق كل شويه يطلع بره يتكلم ويرجع ..

ودعاء متابعه ..

الساعه 2 كده قالو ليهم خلاص ارقدو نومو عشان بكره تصحصحو للعزومه..

دخلو غرفتم ودعاء وطارق دخلو غرفه دعاء كانت زي ماهي ما غيرو فيها حاجه ..

طارق طبعا اول مره يشوفا ..

رايك شنو في غرفتي ..

حلوه .. وشايل تلفونو ..

اول مره تشوفا طبعا ..

اي ..

مالك انت ..

مالي بفكر في ورطتك الورطيني بيها دي ..

ورطت شنو هي انا سالتك ولا غصبتك تقعد كان تمشي ..

يعني ماشفتي ابوك لمن حلف علي ..

الاصوات بدت تعلى تاني حست ع نفسها انو هم في بيت ابوها مابيتا ..

خلاص اسكت طيب ما نصحيهم ب جوطتنا ..

شويه الباب دق الاتنين نططو عيونم ..

فتحت الباب لقتا امها ..

امي جيتي متين ..

هسي لي مالك ..

اه ولا حاجه مالك ..

بس جبتا الجلابيه دي لي طارق قلتا بكون ماعامل حسابو للنوم ..

اي والله شكرا ..

العفو يلا تصبحو ع خير ..

جات ادتو الجلابيه ..

شالا لبسا شويه تلفونو دق ..

رفع ..

اها وين ..

طيب جايك ..

انا طالع وجاي ..

طالع وين ..

ماشغلتك هسي وبجي يلا ..

ياربي الراجل دا مالو وراهو شنو ماطبيعي نهائي.. جرت وراهو قفلت الباب براحه عشان اهلا ما يحسو بيه ..وجات داخله غرفتا .. دقت ليه مارد ..

رسلت ليه لمن يكون جاي يدق ليها تفتح ليه الباب عشان ديل نايمين ..

بقت قاعده حارسه ومستنيه يجي عامل ليها قلق وخايفه زول يصحى يلقى ماف يقولو شنو .. امها براها مقلقه عليها .. تشيل وتدعي في ربنا ..

الاذان اذن ..

وب علي هسي ناس امي بصحو للصلاه .. الله يجيبك ي طارق ..

تدق يقفل ليها ..

استغفر الله الله يعدي اليوم دا ع خير ..

قالت امشي اتوضى واجي يمكن يكون جاء ..

فعلا دخلت الحمام واتوضت .. طلعت لقت ابوها في وشها .. صباح الخير ..

صباح النور ..

ماشاء الله صحيتي للصلاه .. اي ي ابوي .

كويس صحي راجلك زاتو يمشي معاي المسجد ..

الليله وب اقول ليه شنو انا ..

نام قبل شويه من قبيل يتقلب غير مكان نومتو عشان كده لاكن بصحي كان صحى خلاص ..

خلاص خلي ينوم مدام هسي نام ..

ودخل الحمام ..

دخلت غرفتا جوالا دق جري لقتو طارق .

الو ..

افتحي الباب .. طيب ..

ومشت تتسحب زي الحرامي .. فتحت الباب .. خش سريع ابوي في الحمام ..

وهو داخل غرفتو ابوها طلع شافو ..

صباح الخير ماشاء الله صحيت يعني قالو لي نمتا هسي قلتا ما بتصحى .. بقى عامل فيها بتثاب اي والله ي حاج وعيونو شطه حمراء ..

خلاص ارح اتوصى ويلا معاي المسجد ..

اظن حياتو دي كلها مادخل صلى في مسجد ..

اه طيب ..

اتشهد واستغفر ومشى اتوضى دخل الغرفه يغير هدومو ..

هسي ابوك دا وقتو ما يمشي يصلي براهو انا جاي تعبان وداير انوم تاني قولي لي ارح جده سامعه ..

انت هسي كنت وين .. وعيونك دي محمره كده لي..

ماشغلتك .

لبس وطلع ..

بقت تبكي محروقه ع كلام طارق ليها ..

مسحت دموعا صلت ودعت ربنا .. قرت شويه قران ع بال ما طارق يجي ..

فعلا طارق جاء ولا اتفاهم معاها ..

ماتصحيني خليني اصحى براي ..

طيب عزومتنا حق بكره غداء لازم تصحى قبلها ..

قلتا ليك ما تصحيني .. وقبل وشو رقد ..

رقدت جنبو .. والدموع دي 6 و7 .. ي حليلك ي فارس العمرك ما غلطا علي العمرك مارفعتا صوتك علي ي العمرك ما هرشتني ي الكنتا ب

تحاول ترضيني ب اي طريقه .. وتشيل وتقارن بين طارق وفارس .. لحده مانامت ..

جاتا صحيه عاينت للساعه لقتا 11..

الليله العزومه نسيتا هسي امي تلقيها جايطه براها ..

خلت طارق نايم ومشت .. لقت امها وام هناء في المطبخ بعملو السلطات ..

صباحيه مباركه ي عروس ..

ابتسمت ليهم ..

لي ماصحيتوني اساعدكم ..

اصلا مافي شي الغداء وديناهو المطعم ودي السلطات ابوك جاب البارد والعصير .. امشي انتي اجهزي والبسي الناس هسي بتجي وصحي طارق صلاه الجمعه والرجال غداهم تحت عند ام هناء ..

طيب ..

ومشت غرفتا ..

اصحي ولا ما اصحي يقوم يتزهج فيني هسي .. الستره والفضيحه متباريات ..

حاصحي واليحصل يحصل ..

طارق طارق قعدت جنبو وبيدها في كتفو ..

طارق ..

اه ..

قوم يلا صلاه الجمعه وناس ابوي مستنينك تحت الناس هسي بتجي ..

يلا عليك الله قوم ..

استغفر الله وشال المخده ختاها في وشو ..

معليش حبيبي انا قوم مشي لي اليوم دا بس ..

زح المخده ..

طيب حاضر وبعد الغداء حنطلع طوالي ..

اي مامشكله بس هسي قوم ..

طيب جهزي لي الحمام ..

حاضر ..

مشت جهزت الحمام وجات ..

يلا قوم ..

مشى استحم وجاء لبس سلم ع ام دعاء وام هناء وطلع المسجد ..

دعاء مشت استحمت وغيرت وقشرت وقعدت . .

شويه شويه الضيوف بدو يجو واهل طارق خالتو واولادا جو ..

قعدو اتغدو واتونسو .. ع المغرب كده طارق قال لازم يمشو عشان بكره شغال بدري ..

قالو ليه خلاص ماقصرتا امس قعدتا واخرتا شغلك الله يستر عليكم ..

ودعوهم وطلعو الطائف .. في الطريق ..شكرا لانك الليله صحيت وماخذلتني مع ناس امي ..

عفوا بس تاني ما تكرريها ..

حاضر .. وعم السكوت لحده ما وصلو بيتم .. انزلي انا طالع مشوار وجاي ..

شالت نفس وختتو كان سالت ما حيجاوب احسن ما تسال ..

طيب ونزلت ..

طلعت شقتا غيرت هدوما .. وقاعده متوتره في شنو والحصل شنو ولي التغير دا كلو .. ووووو ..

انا حامرض نفسي ساي من التفكير .. اقوم اشوف لي حاجه اشغل نفسي بيها ..

مشت ترتبت بيتا ومسحتو ونظفتو .. ودخلت ع المجلس مابتخشو كتير لانو مابجوهم ضيوف ..

بتضاير وتنظف كده .. في حاجه انشاتت مع النفيض ..

مشت عاينت ليها كده ما عرفتا قالت يلا يمكن وسخ قش قش قشت .. بتعدل في الكنبات لقت ورق صغار ..

اممممم انا كان ما قريت باريت الورق دا البلفو بيه السجاره ان ما اخاف الكذب .. ي ربي طارق من النوع دا ..

لا لا ياخ ما اظن ..

لا لي ما اظن اذا كم مره شفتو عيونو محمره حالو مقلوب الايام دي .. هسي انا بدل التفكير الكتير دا انا كدي ارمي في الزباله يمكن حق واحد من اصحابو كان سال منو بعدين بنعرف .. ياخ بكون هو من يخش الغرفه ويقفل الباب ..كدي لمن يجي ..

فعلا خلصت نظافه .. دخلت استحمت وجات ..

طارق جاء داخل ومعاهو العشاء ..

اختو ليك ..

لا ماهسي شويه ..

تمام ..

قعد معاها شويه كده شويه تلفونو دق .. الو اهلين .. لا صاحي مالك .. طيب اطلع ..

دا منو ..

صاحبي جايني سوي لينا قهوه ..

طيب ..

شويه الجرس دق ..

فتح الباب ودخل المجلس ..

دعاء جسما كلو يرجف كان طلعت الاوراق حقت الولد انا اقول شنو .. ياخ عادي وانا العرفني شنو اقول قايلاها وسخ ورميتا بس ..

شويه جاها طارق شال القهوه ورجع ..

مشت غرفتا وماسكه تلفونا متخيله طارق يجي في اي وقت يسالا ..

فعلا شويه طارق جاء ..

دعاء نظفتي المجلس الليله ..

اي لي ..

كان في حاجات لاقوك ..

حاجات شنو ..

يعني اوراق وحاجات كده ..

بري مالقيت حاجه ..شويه وسخ بس تحت الكنبه وجدعتهم الزباله ..

شنو ..

مالك قلتا ليك وسخ مالاقوني اوراقك البتقول عليها دي ..

كرفس وشو ومسك يدو بقى يعضي فيها وجاء عليها قرب يديها كف ..

بقى وشو في وش دعاء دعاء لمن خافت ..

تاني المجلس ما تهبشي والنظافه الكاتلاك دي كان عايزه تنظفي تكلميني سامعه ولا لا ب كواريك لمن بقت ترجف .. ودمعت ..

ماتبكي لي سامعه ولا لا ..

ساااممعه ..

طلع منها عفاريت الدنيا متنططه في وشو ..

دا كلو عشان ورق .. قعدت تبكي ..

شويه جاها ب سجارتو يتراقص ساي اول مره يجيها ب المنظر دا ..

زعلانه حبيبتي ماتزعلي ارح نرقص ..

لمن خافت منو ..

تعالي تعالي ماتخافي ..

ويشاور ليها بيدو .. انت مالك ولي بتتكلم كده ..

مالي مبسوط .. ماعايزاني انبسط ..

انت شارب حاجه ..

شارب كاس هواك اديك معاي هاك جري نفس ..

بقت مخلوعه لا ما طارق العرستو نهائي ما طارق الامس اتغير شديد ..

جاء جنبها .. ومادي السجاره .. بس ياها الاوراق القبيل زاتا معناتو طارق بحشش ساطله ..

سيب الزفت الفي يدك دي ياخ .. كمان طلعتا بتشرب حشيش يا طارق ..

اي وعرقي كمان ههههه ..

ويشيل ويترمي فيها .. زح مني انت ما واعي زح ..

اول حاجه تعالي اوريك شي وطلع من جيبو ..

دي ودي كان لقيتيهم في المجلس ما ترميهم زي الليله .. الي هي الاوراق والحاجه الشاتتا قبيل قايلاها وثخ ..

دي البنقويايه ودي الاوراق البلف بيها فهمتي ي شاطره ..

وريحتو قرف شديد .. بقت ما طايقاهو وهو زي مرمي عل

يها ..

زحتو .. انا ماشه اعمل العشاء قامت جراها عليه .. ورماها عليه مادايرين عشاء الليله ارح .. ورقدا ..

كرهت نفسها وكرهت روحا اليوم دا اخير طارق ظهر ع حقيقتو واتاري انا بقول الراجل دا وراهو شنو وراهو شنو الله يقطعك ي طارق ويقطع عمايلك ..

اللليل كلو النوم غلبا خايفه من طارق وهو رقد يشخر ..

صحى الصباح عاين ليها صباح الخير ..

ولا ردت ليه وقاعده ولامه رجولا عليها وظاهر عليها ما نامت ..

مانمتي ولا شنو ..

برضو ماردت ..

قعد شويه اتزكر عمايلو الامس ..

انا اسف امس شكلي تقلتا شويه ..

انا حاقوم اجهز ليك الفطور وقامت ..

دخلت المطبخ بتجهز في الفطور .. هو استحمى وغير وجاء ..

ختت ليه الفطور ودايره تمشي ..

مسكا ..

قلتا ليك اسف في شنو تاني ..

اسف ع شنو انت ماشفتا منظرك امبارح كان كيف ما شفتا شكلك متخيل انت انو انا مرتك انوم جنبك وانا خايفه منك .. وقرفانه منك .. اصلا كنتا حاسه في حاجه وقلبي كان ما كلني ما كنت قايلاك كده كان قايلاك كده والله ما كنت عرستك هسي انت مستفيد شنو من الهباب البتشرب فيه دا لا وكمان مدير شركه ما عارفين حقيقتك ساي مبقينك مدير شركه .. وتشيل وتتكلم وهو ساكت ..

خلاص معليش تاني ما حاشرب قدامك ..

يعني تشرب من وراي موش ..

انا صراحه ما بقدر اتحمل الوضع دا كل يوم حتجيني كده كل مره انا اعيش ارهاب امس دا .. لا معليش .. يا تخلي يا مالي قعده معاك في البيت ..

انا عارفك هسي زهجانه مني ومعصبه عشان كده بتتكلمي كده ساي خلاص وعد بخلي انتي بس روقي ..

طيب ي طارق بنشوف ..

دخلت غرفتا وهو طلع شغلو ..

ي ربي دي شنو المصيبه البليتني بيها دي والله دا حق فارس وتبكي .. غايتو دموعا دي كملتا ..

ما اشتقتو لي فارس ما دايرين تعرفو الحاصل عليه شنو .. يلا ارح ..

يحليلو نحفان وفي حالتو زي ماهي عايش بدون روح .. عمو كل مره بتكلم معاهو يا فارس انسى البت وعيش حياتك البت عرست وعايشه حياتا ومبسوطه .. انت الناقصك شنو انساها ياخ الف بت بتتمناك ..

ماعايز اعرس انا يا عمي وخليني في شغلي دا بس اهلي محتاجين لي ..

وضعك دا ماعاجبني والله .. ناس السودان زاتم مقلقين عليك وامك كل يوم جايبه ليك عروس شكل .. قلتا ليكم انا عرس ماعايز وامي دي هسي بدق ليها .. شال التلفون ..

امي كيف ..

اهلين فارس تمام انا انت الكيف ..

الحمد الله واخواني كلهم تمام ..

الحمد الله كلهم كويسين وبيسلمو عليك وماناقصم شي غير شوفتك في بيت العدل ..

امي احنا مش اتناقشنا في الموضوع دا تاني مالك ..

لاكن ي ولدي ما دايره اشوفك عريس واخت ليك الحنه والضريره واشوف عيالك بتنططو حوليني

مامشكله تشوفي عيال اخواني ان شاء الله وتحننيهم وتعملي ليهم اي شي انا ماعايز ..

عاد ي ولدي دا كلام ..

معليش ي امي يلا انا حاقفل شغال هسي بكلمكم يوم تاني .. وقفل ..

امو ب هناك قالت بس الود دا معمول ليه عمل .. ماخلت شيخ ولا فكي مامشت ليه .. حال ولدا دا ما ساي اكيد عمل .. ياهو حال بعض الحريم اي حاجه تحصل .. بس سحروني كتبوني عملو لي عمل ..

بقو يأسين من فارس بقو يكوسو في الشيوخ وهو ماشغال بيهم الشغله شغال في شغلو ..

دعاء ب هناك .. كل يوم نقه مع طارق وكل يوم مهدداهو تمشي بيت اهلا ..

وهو بقى يزهج منها ومن تهديدا الكل شويه دا .. بقى يجي في نص الغرفه شايل سيجارتو ويلفا جنبها اقدري افتحي خشمك ..

كمان اطورتا والله بقيت تجيبا قدامي لا اختشى ولا شي ..

اي عحبك عجبك ما عجبك اهنداك الباب ..

زعلت منو وشالت الورق والسجاير من يدو ودخلت الحمام ..

وهو جاري وراها داير يحصلا لقاها جدعتم انفصم فيها واداها كف بقت تكورك تمد يدك علي انا ..

اي تاني يديها الكف التاني ومسكا دقاها دق داير يبرد قلبو من العمليه العملتا بقت تكورك وتبكي .. خلاص خليني والله ما اعمل كده تاني .. حتى خلاها ومشى المجلس .. الزول لمن يكون ما واعي مشكله

بقت تبكي وتنادي مين يبكي معاها ..

طارق ب هناك مشى زبط راسو وجاء ..

اقفلي النور دا وتعالي ارقدي وهي يحليلا خشما ماقادره تفتحو سمعت الكلام وجات ..

بقو كل يوم في الوضع دا حياتم انقلبت 180 درجه طارق بره البيت انسان تاني ادب وذوق واخلاق وجوه البيت ما انسان اصلا عباره عن حيوان .. وحيوان مفترس كمان ..

دعاء كل مره تقول تمسك التلفون تتصل ع امها تتزكر كلام امها حاجه بينك وبين راجلك لي انا ما تجي تشكي ..

ي ربي طيب انا اعمل شنو في الحاله دي.. امها تتصل عليها وجاراتا يجوها تبين انو عادي ومافي شي ومبسوطه واي حاجه ..

.. بقت عاصره ع نفسها شديد وكل يوم تشيل مصلايتا وتصلي وتدعي لي طارق ب الهدايه وعشمانه طارق يتصلح ويتعدل شويه ويرجع زي ايامو الاولى حقت العرس معقولا عرسان ليهم 3 شهور من عرسم يحصل دا كلو ..

قالت انا مرتو ومسؤله منو انا الحاخلي يبطل الهباب البشرب فيه دا ..

يوم طارق جاء ..

سلام عليكم ..

وعليكم السلام .. حمد الله ع السلامه ب ابتسامه ..

مالك بتتبسمي كده دايره شنو ..

ولا شي حبيبي ساي ..

كمان حبي

بي الله يديني خيرك ..

اها اعمل ليك الاكل ولا اديك عصير اول ..

قصه الليله جبتي الظرافه دي من وين .. يلا ماعلينا جيبي عصير ..

تمام ..

مشت المطبخ سوت العصير ع قولم ب كل حب حاولت تغير من نفسها ومن الجوطه حقت كل يوم كان طارق زاتو يتغير وتعيش حياه طبيعيه زي اي اتنين متزوجين ..

جات ادتو .. اتفضل .

مشت الدولاب طلعت ليه غيار وختتو ..

اشرب العصير ع بال ما احضر ليك الحمام ..

طبعا هو مستغرب ساي دي مالا ما دعاء الكل يوم جايطه وماده البوز وتكورك زي المجنونه ..

خلص عصيرو ومشى الحمام استحمى وجاء ..

بقت تتونس معاهو ..

هو مره يرد ومره لا المهم عصرت ع روحا شديد عشان تكون ظريفه ..

مشت ختت العشاء وجات ..

يلا ارح العشاء ..

قعدو في السفره ..

اها الليله الشغل كيف معاك ويومك كان كيف ..

تمام .

اها والمزاج كيف رايق عايزه اطلبك طلب ..

اي انتي قولي كده من الاول .. اها قولي ..

لا والله ما كده بس كنت دايره اقول ليك رايك شنو بكره نمشي نعمل عمره ..

مافاضي بكره ..

مامشكله بعد بكره ..

نشوف ..

يلا الحمد الله اول خطوه ماشه كويس ..

شويه تلفونا دق لقتا امها .

الو اهلين ماما كيف ..

تمام والله انتي كيف ..

الحمد الله ..

ما اكون ازعجتك ولا حاجه ..

لا مافي شي مالك ..

ماعارفه والله الايام دي قلبي مقبوض كده وقلقانه عليك عشان كده دايره اجيكم بكره انا وابوك واخوك نقعد معاك يومين ونرجع ..

بقت لا عارفه تنبسط لا عارفه تزعل يمكن طارق يعمل عمايل ماحلوه قدامم يكشفو اي حاجه ..

اها جد يا سلام تشرفونا والله اطمني مافي شي ..

ان شاء الله والله ي بتي كل ما انوم احلم بيك بتنادي من بعيد وزي الفي زول خانقك ..

بسم الله دي توهمات ساي ي امي مافي شي ..

خير لي بكره لمن نجيكم ..

تمام .. باي..

اها خير امك جايه ان شاء الله .

اي جاين بكره هي وابوي واخوي وعليك الله ي طارق ماعايزاهم يعرفو اي شي وخليك ظريف بس يومين وبمشو امي اصلا مقلقه علي جايه تطمن علي عليك الله ..

خلاص فهمنا شنو كل شويه عليك الله عليك الله ..

كويس طيب .

اكلو وخلصو ولف سجارتو وهي مافتحت خشما دايره يوم بكره وبعدو يعدو ع خير ..ودخلو غرفتم ..

بقت تكره غرفتا كره ما طبيعي لمن يقول ليها ارح الغرفه زي البقول ليها ارح النار ..

تاني يوم الصباح بدي قامت وهذبت البيت وبخرتو واتزبطت وطارق كان كويس معاها شديد اي شي طلبتو جابو ليها ..

عليك الله ي طارق تعال قبل ما ناس امي يجو عشان نستقبلم وعليك الله بس اليومين ديل روق شويه من السجاره ..

خلاص قلنا ماتعملي لينا درس عصر ..

طيب ..

بقت قاعده في المرايه قريب النص ساعه بتحاول تبين انها فرحانه وكيف تتعامل مع امها بدون ما تكشف الجحيم الهي عايشاهو مع طارق ..

طارق جاء وغير واستنو ناس امها لمن جو واستقبلوهم ورحبو بيهم .. اخر ضيافه وونسه دعاء خايفه كانت من طارق يحرجا ب حاجه بس ب العكس كان ظريف شديد معاهم .. ويشيل ويقعد جنب دعاء ويخت يدو في كتفا ويضحك نظام احنا بنحب بعض وعايشين مرتاحبن .. وهي ممشياهو في البعمل فيه ..

خلصو ونستم وعشاهم وكل زول دخل غرفتو.. دعاء ماعايزه تقعد مع امها براهم عشان ما تضعف قداما جات ختت ليهم البطاطين يلا ارتاحو لي بكره ..

كدي تعالي انا عايزاك ..

اممم دا الكلام الهي ماعيزاهو نهائي ..

نعم ي امي مالك .. ارح المجلس ب هناك ..

ارح وقلبا في يدها ..

اها مالك ي امي ..

دعاء المسي قلبي كدي ..

ختت يدها في صدر امها دقاتو زايده ..

مالو دقاتو زياده ي امي والله من خوفي عليك يابت قولي الحقيقه انتي مرتاحه مافي شي مضايقه ..

لا والله يا امي مافي شي مالك انتي ماشايفانا انا طارق حلوين مع بعض كيف ياخ بحبني حب ما طبيعي مدلعني ليه مرات يشيلي من الارض شيل مابخليني اعمل حاجه براي بساعدني ووووو حست الدمعه خلاص ..

اها بعد دا تقولي لي ما مرتاحه ..

والله ان شاء الله كلامك دا يطلع ..

صح ..

ي امي انتي امشي هسي ريحي حبه وبكره نتفاهم زاتو جيراني لمن عرفوك جايه قالو بكره كلهم بجو ..

تمام ..

دخلت غرفتا وبتفكر في الكلام القالتو لي امها وتضحك ع نفسها جات رقدت ..

اها مشيتي اشتكيتي لي امك ولا لسه ..

انت صاحي ..

اي راجيك ..

لا ابدا واشتكي لي ..

اممم تمام ..

تاني يوم برنامج الغداء والجوطه .. واخوها لقى الشفع في الشارع نزل يلعب معاهم جو عائلي لذيذ طارق الشغل مامشى قاعد حارس نسابتو .. خلصو غداهم وروقو دعاء قالت جاينها الحريم ..

طارق قال ليها تمام انا اسوق الحاج افسحو حبه في الطائف ع بال ما انتو تخلصو .. قالت ليه تمام ..

فعلا جو الحريم واخر ونسه وضحك واتعرفو ع بعض ام دعاء حبتم شديد جارات ظريفات وبرفعو الكفله طوالي بياخدو ع الزول .. اطمنت ع بتها معاهم .. الله يطمنا ع بتها مع راجلا الفقري دا ..

المهم جاطو جوطتم وطلعو .. دق طارق اها طلعو قالت ليه اي قال ليها خلاص اجهزو بجيكم هسي انا وابوك تطلعو تتفسحو في الطائف عيب اهلك يجو وما نفسحم. .

بقت منططه عيونا ومخ

لوعه دا طارق غايتو يمكن الله هادي ..

فعلا مشت كلمت امها واخوها وطلعو الحدائق انبسطو ومشو المطعم اتعشو وجو .. واليوم كلو ام دعاء مركزه مع بتها وطارق دايره تشوف صحي كلام دعاء ..

وطارق زي الحاسي بيها يشيل ويشاغل في دعاء ويشيل ويحب فيها وشي اكل في الخشم وهي بس منططه عيونا وخجلانه من ابوها .. رجعو البيت ..

انا بعد الشفتو دا خلاص اطمنتا عليك بكره بدري بنتحرك ..

لي ي امي اقعدي حبه ما شبعتا منكم ..

مامشكله بتجينا قريب ناسيه انتي هناء ولادتا قربت تلد عند امها عاد لازم تجي ..

ان شاء الله ..

قعدت تتونس مع امها وابوها وقاعده في نصهم تقوم من حضن امها ترقد في حضن ابوها وطارق متابع ..

زي البتحاول تهرب من الهي فيه مع طارق ..

ب الليل قالت دايره تنوم مع امها وكده ..

طارق قال ليها راحتك اصلا يوم الليله دا بس الله يعدي ع خير ..

فعلا مشت رقدت مع امها تتونس لمن نامت في حضنا وهي بتلعب ليها في شعرا ..

طولت من نومه مريحه زي دي ..

طارق ب هناك خرمان يومين ما شرب راسو داير يطق .. اتسحب براحه ونزل تحت في العربيه شرب سجارتو وزبط راسو وجاء .. رقد نام ..

الصباح بدري دعاء صحت سوت الفطور والشاي اهلا فطرو وودعوهم وطلعو . .

طارق : خلاص الحفله انتهت .

اي خلاص اخد راحتك بعد دا وجد ما قصرتا معاي اليومين الاهلي قاعدين فيهم ديل ..

تمام راسي عايز يطرشق سوي لي قهوه ..

حاضر ..

مشت تسوي القهوه وجات لقتو بلف في سجارتو ..

شالت نفس وختتو ..

انت ي طارق لازم كل يوم تشرب الهباب دا ..

اي ما شغلتك حاجه ما عندك شغله فيها ما تتدخلي ..

طيب ي طارق والله السجاره دي مضره وامراضا كتيره انت لي بتمرض نفسك ب نفسك .. الله يرضى عليك سيب البتعمل فيه دا ..

خلاص اهلك مشو جيتي تتجنني لي . امشي فارقيني .. عشان ما اكشطك كف هسي ..

شايفاك اتعودتا تمد يدك علي ..

اي بمدها ان ما انعدلتي معاي .

المهم النقاش جر وخربت ليه مزاجو دفرا ب رجلو كده وخلى ليها الصاله مشى المجلس وقفل الباب ..

دا حال شنو دا ي ربي .. يلا الله بختبر صبري وان شاء الله بنجح ..

وكل يوم في الموال دا لمن زهجت خلاص .. وحست نفسها متضايقه وبطنا طامه وخلاص الدنيا ضاقت بيها .. وكل يوم استفراغ ..

ياربي ما اكون حامل .. لا لا الله لا يقول احمل كيف من راجل زي دا انا بعدين عشان ولدي يلومني انا الجبتو ع الدنيا من اب زي دا لا لا .. وبقت موسوسه شديد ..

اي بت ف مكانا مفروض تنبسط واول وحده توريها امها .. هي عكس خايفه ومادايره حمل نهائي ..

عشان تقطع الشك نزلت تحت في صيدليه ..

نزلت اخدت الشريط حق اختبار الحمل وجات .. والطريق كلو خاتا يدها في قلبا وخايفه ..

دخلت وعملت الاختبار ..

طلع ليها خطين .. معناتو حمل عايزه تجن .. لا لا مرات بكون غلط انا لازم امشي افصح عديل ..في المستشفى ..

طيب امشي مع منو ماعايزه زول يعرف .. دقت لي طارق ..

الو طارق ..

نعم ..

عايزه امشي السوق مع ام فارس وجايه ما بتاخر السوق الجنبنا دا ..

لا مافي طلعه وقفل ..

ياربي دي مصيبه شنو كمان .. انا كان طلعتا حامل والله مصيبه ..

وهي بتفكر ومقلقه امها دقت ..

الو اهلين ماما ..

اهلين دعاء كيفك ..

تمام وانتي ..

الحمد الله قلتا ادق ليك ابشرك ..

خير ..

هناء ولدت جابت ولد ..

جد ماشاء الله تبارك الله العفنه ما كلمتني ..

اي والله تعبت الليله الصباح والحمد الله الله سهل ليها ولادتا .. عقبال نفرح بيك ي رب اها مافي شي كده ولا كده .

اه لا مافي لسه بدري علي . .

ربنا يرزقك ي رب ..

اها بتجي صح ..

ان شاء الله اشوف طارق فاضي ولا لا ..

تمام يلا هاك هناء وامها باركي ليهم ..

طيب ..

ماما ننو ..

حبيبتي انا .. مشتاقين والله ..

ب الاكتر والله مبرووووك ولي العهد يتربى في عزنا ي رب .

اللهم امييين حبيبتي وعقبالك امس حلمانه بيك حامل ..

ههههه عشان خاتا في راسك ..

مالو ان شاء الله ..

اها ان شاء الله ما تعبتي ..

والله هو التعب في بس لمن شفتا الود وجابو لي نسيت اي شي والله . يحليك ربنا يخليك ليك ي رب .

امين .. يلا هاك امي ..

الو سلام ..

اهلين خالتو كيف ..

تمام وانتي ..

الحمد الله ومبروك ليها من البارين ان شاء الله ..

تسلمي حبيبتي اللهم امين عقبالك ..

تسلمي خالتو .. يلا ما اطول عليكم ارتاحو لمن اجيكم ان شاء الله .. باي باي ..

قفلت وهي مبسوطه لي ننو وخايفه تطلع حامل ودايره ب اي طريقه تتاكد ..

هناك في جده عادي تطلع براها وتجي هنا ماف طريقه وطارق قال ليها ماتطلعي مع جارتك .. بقت تفكر تعمل شنو ..

استنت لمن طارق جاء وكلمتو هناء ولدت وعايزه تمشي ليها .. قال ليها ما بوديك مرتين استنى امشي السمايه مره وحده .. ومابخليك تحضري السمايه وتجي ..

طنطنت وزعلت ودخلت غرفتا .. يعني تاني اسبوع حتى تمشي ليهم .. لازم مشيتا دي دايره تمشي هناك تبارك لي ننو وتحلل ..

وكل ما تضيق بيها تتذكر فارس ..

فارس امور بقت ماشه كويس وشغلو اتصلح بقى احسن من اول واهتم ب نفسو شديد بس

لسه رافض فكره العرس دي وكل يوم ان ما ختا صوره دعاء في صدرو ما بنوم ..

اه يا فارس اه ياريت لو الزمن يرجع حبه لي وراء ياريت ..

يتبع ...