الجزء 11

قاعدين ديفيد و ايلا علي الصفره.. و ديانا بتخت ليهم في صحانه الاكل... و هم بدو ياكلو...تخت اخر صحن و تمشي.. ايلا:( ديانا.. تعالي اكلي)

ديانا بصوت حزين:(شبعانه)

و تدخل غرفتها و تقفل الباب...

ايلا و ديفيد يعاينو لبعض..

ايلا:( و بعدين مع امك دي?)

ديفيد:( نفسياتها كعبه شديد.. ليها كم م قعدت معانا علي الصفره)

ايلا:( احترتا معاها والله...اتكلمتا معاها كتير بس م نفع)

ديفيد:( مساله وقت و بتبقي كويسه)

راقده ماريا في سريرها و سرحانه.. و انا قاعده في الكنبه بقرا.. ركزتا ليها ختيت الشيت و قبلتا ليها..

قلتاليها:( ماريا...في حاجه?)

ماريا:( لا ماف)

قلتا ليها:( لا في حاجه انتي ليك فتره م طبيعيه)

ماريا:( ماف شي ي ميناس)

قلتا ليها:( احكي لي.. في زول ضايقك? زول زعلك?)

ماريا:( لا.. بس زهجتا من الحبسه دي دايره اطلع)

قلتاليها:( طلعتك فيها خطر.. م ممكن تطلعي)

ماريا:( ماف اي خطر م ممكن الحبسه دي)

قلتاليها:( خلاص كلمي امجد..او انا بكلمو ليك تطلعو شويه)

عاينت لي بزعل..

ماريا:( لا.. انا بكلمو براي)

استغربتا منها..

قلتا ليها:( طيب)

اميره اتاكدت من نوم عيالها و طلعت من غرفتها براحه.. عاينت في الممر م لقت زول .. مشت براحه علي غرفه مراد.. فتحت الباب سرعه و دخلت و قفلتو..و قفلت الباب وراها بالمفتاح.. لقت مراد قاعد في السرير...

مراد:( اتاخرتي حبيبتي..تعالي)

قاعدين انا و امي بتونس.. علاقتنا شويه اتصلحت..

جا امجد سلم علينا و قعد...

ساميه:( كيف الشغل ي امجد?)

امجد:( تمام والله ي خالتو)

ساميه:( الحمدلله)

امجد:( ميمي.. ممكن تطلعي فوق شويه.. داير خالتي في موضوع)

قلتا ليهو:( طيب)

و قمتا طلعتا...

ساميه:( خير ي امجد)

امجد:( خالتو والله خجلان منك...بس داير اطلب منك طبب بسيييط)

ساميه:( عيوني ليك ي امجد)

امجد:( دايرك تهتمي لي ب ماريا شويه.. ممكن)

ساميه:( كيف يعني?)

امجد:( الحاجات البعملوها للعروس دي يعني.. افهميني ي خالتو)

ساميه تبتسم:( اهااا....فهمتك خلاص.. حااضر عيوني ليك اسي خليها تجي تمشي معاي البيت و بخليها ليك علي سنقه عشره)

امجد يبتسم:( تسلمي لي ي خالتو)

ساميه:( و انا برضو دايره منك طلب)

امجد:(عيوني ليك)

ساميه:( راضي امك.. اتكلم معاها...زعلانه شديد منك)

امجد:( والله ي خالتو حاولتا معاها المره الفاتت بس رفضت تتكلم معاي)

ساميه:( حاول تاني ...عشان خاطري)

امجد:( حاضر من عيوني)

ساميه:( تسلم لي ي رب.. كلم ماريا تجهز و تنزل لي نمشي طوالي)

امجد بفرح:( حاضر)

و يقوم يحب علي راس امي و يمشي...

امي تسوق ماريا و يمشو الكوفير...تتحنن و تعمل ليها شعرها و تجهز ذي العروس.. و تلبسا توب.. تطلع تجنن.. امي تقول ليها:( دي هديه العرس ليك انتي و امجد)

ماريا تنبسط شديد و تنسي الزعل...

ترجع هي و امي البيت.. يلاقو ليلي قاعده في الصاله...

من تشوف ماريا تكشر وشها...

ساميه:( اطلعي ل راجلك ي ماريا)

ماريا تطلع طوالي..

امي تقعد مع ليلي..

يارا تلاقي ماريا جمب غرفتا..

يارا:( ماريا... ماشا۽الله.. قمر منور)

ماريا تبتسم بخجل..

يارا:( ميناس...تعالي شوفي ماريا)

قمت جيت جاريه عاينتا ليها..

قلتا:( مااشا۽الله تبارك الله.. عروس بالجد)

يارا:( اصلا عروس هي الليله.. يلا نزفها ل امجد.. بس براحه ماما م تسمعنا)

ضحكتا قلتا ليها :( يلا)

انا و يارا بقينا نصفق و نغني:( اتمخطري ي حلوه ي زينه ي ورده من جوه جنينه .. و اتمخطري ي حلوه ي زينه ي ورده من جوه جنينه)

ماريا تضحك علينا...وصلناها قدام الغرفه و مشينا...

ليلي:( ده مشوارك الضروري?)

ساميه:( امجد طلب مني.. اعمل شنو.. بعدين البت طيبه شديد و تستاهل والله)

ليلي:( انتي كمان بتتغشي ذي امجد?)

ساميه:( م غش...انتي بس حاولي اتعاملي معاها و اعرفيها و بالجد حتحبيها)

ليلي:( اسكتي ي ساميه خلاص م دايره اتناقش في الموضوع ده جد بقي بحرق لي دمي)

ساميه:( طيب...يلا انا ماشه..هشام دقي لي ميه مره من قبيل)

ليلي:( طيب...تعالي بكرا الصباح)

ساميه:( ان شا۽الله.. يلا تصبحو علي خير)

و تطلع تمشي...

امجد يعاين ل ماريا بخلعه...

امجد:( انتي منو? )

ماريا بخجل:( بقيت م بتعرفني ي امجد?)

امجد يقوم و يجي عليها...

امجد يعاين للحنه و التوب..

امجد:( ماشا۽الله.. تبارك الرحمن... التوب عليك يجنن.. و الحنه حتاكل منك حته)

ماريا تخجل و تسكت...

امجد:( الله يخليك لي ي مرتي.. شوفي انا جهزتا شنو)

تعاين في الجهه التانيه من غرفتو... تلاقي جمب الكنبه ورد كتيير مرمي علي الارض و الكنبه.. و في النص في اكل مغطي و صحانه و كاسات... ماريا تبتسم بفرح كبييير...

امجد:( حاولتا اعمل ليك حاجه شويه...عشان اعوضك.. )

ماريا تقاطعو..

ماريا:( م دايره ااي تعويض منك...انا راضيه بالحصل ده كلو و م دايره اكتر من كده...كفايا علي انت بس)

امجد يحب علي يدها..

امجد:( ربنا يخليك لي ي مرتي)

ماريا:( و يخليك لي)

امجد:( انا جيعان و الاكل حيبرد يلا)

ماريا:( يلا)

قاعدين مجاهد و شهد في القاعه

مستنيين المحاضره تبدا.. وراهم قاعده مي...

مجاهد:( ميناس م جات ي شهد?)

شهد:( م عارفه.. شكلها لسه م جات.. مالك مقلق عليها الليله كده?)

مجاهد:( بصراحه.. دايره في موضوع ضروري)

شهد:( موضوع شنو?)

مجاهد:( بصراحه ي شهد...انا بحب ميناس.. و دايره و اول من نتخرج حاطلبا من اهلها)

مي بورا سامعه الكلام كلو...

شهد:( كلما طيب)

مجاهد:( خايف يكون عندها زول.. او تحرجني)

شهد:( م بتحرجك.. لو عندها بتقول ليك عديل.. كلما انت م خسران شي)

مجاهد:( متاكده?)

شهد:( ان شا۽الله.. اتشجع كده و قول ليها)

مي تزعل شديد من الكلام...بعد المحاضره قاعده مع يارا و شهد بنتونس...

مجاهد قاعد تحت شجره و بفكر يقول لي وله لا...

تجيهو مي.. تقعد جمبو...

مي:( مجاهد...سرحان وين?)

مجاهد:( ولا شي.. بس بفكر)

مي:( في شنو? قولي بساعدك)

مجاهد يعاين ليها كده..

مجاهد:( انتي بتعرفي ناس ميناس و يارا من زمان صح?)

مي:( ايوا...قرينا الثانوي مع بعض و ساكنين قريب لبعض.. هم صحباتي شديد و اسرارنا كلنا مع بعض)

مجاهد يبتسم:( طيب داير اسالك سؤال)

مي:( قول)

مجاهد:( ميناس عندها زول? يعني مخطوبه او متكلمين عليها?)

مي بخلعه:( لشنو? اوعي تفكر انك دايرها?)

مجاهد:( و ليه اتخلعتي كده?)

مي:( ميناس شنو كمان الدايرها.. م بتنفع ليك)

مجاهد:( ليه?)

مي:( كده بس)

مجاهد يزعل:( لا قولي..في شنو? بتعرفي شنو عنهم?)

مي:( اولا.. عائله ميناس دي مفككه.. امها و ابوها قبل م ابوها يموت.. كل واحد فيهم عايش براهو..و لا جايبين خبرها.. ربتها خالتا ام يارا معاها لو م كده كانت مشت الشارع.. و امها شكلها بتحب واحد تاني.. و بعد ابوها مات بسنه بس...امها عرست واحد تاني...شكلها من زمان دايراهو...و في ناس بقولو انو امها رسلت ناس يضايقو ابوها في الشارع و يعمل حادث.. قالو الحادث بفعل فاعل ..و اسي برضو امها م ساقتا معاها بيتها...لسه عايشه مع خالتها...و كلام كتييير انسي بس..لو م مصدقني امشي اسالا و هي حتوريك الحاصل كلوووو)

مجاهد ملامحو تتغير و يزعل شديد...و يقوم من جمبها يمشي ...مي تبتسم بفرح...

واقفه ماريا بترتب في شعرها قدام المرايا و بتعمل في ميكب.. باب غرفتها يدق...

ماريا:( ادخل)

تدخل ام ايوب..

ام ايوب:( ماريا...انجلينا وصلت)

ماربا بفرح:( طيب...اسي نازله.. ام ايوب ممكن تعملي لينا عصير?)

ام ايوب:( حاضر)

و تطلع..

تدخل ماريا الصالون تلاقي انجلينا قاعده تجري عليها و تحضنها...

ماريا:( اشتقت ليك .. حمدا للرب شفتك بخير)

انجلينا:( انا اكتر ...من غرفتا الحصل قطعتا اول تذكره ل الخرطوم و جيت)

ماريا:( اقعدي)

قعدو...

انجلينا بعتاب:( ليه عملتي كده ي ماريا?)

ماريا:( مستحيل كنت اخلي امجد و اعرس جوزيف)

انجلينا:( انا من زمان حذرتك من الولد ده.. تتزوجي مسلم كيف بس?)

ماريا:( احنا بنحب بعض و عرسنا )

انجلينا:( م قادره اصدق...تبيعي اهلك و اصحابك و دينك و كل حاجه عشان امجد?? )

ماريا:( انا اخترتا سعادتي بس .. م بعتا زول هم الاختارو يخسروني)

انجلينا:( لازم يخسروك.. انتي فاهمه يعني شنو تعرسي مسلم...جد انا مصدومه م قادره اصدق)

تدخل ام ايوب تخت صينيه عصير و تطلع...

ماريا:( امجد زول كويس شديد)

انجلينا:( من الدنيا كلها م لقيتي غير امجد ده و كمان مسلم? ماريا.. عايني..اتطلقي منو و انا بتكلم مع اهلك يسامحوك و ...)

تقاطعها ماريا..

ماريا:( انجلينا ريحي روحك.. انا م حاتخلي عن امجد مهما حصل)

انجلينا تعاين ل ماريا بزعل..

ماريا:( اشربي االعصير عشان م يسخن)

انجلينا:( ديفيد م حيسكت و اتحملي نتيجه البحصل كلو)

ماريا:( اكيد متحمله نتايج قراري ده)

انجلينا:( و هم بعاملوك كيف? راضين بيك?)

ماريا:( في الراضين و في الما راضين)

انجلينا:( اها.. امو و ابوهو راضين?)

ماريا:( لا.. بس مع الزمن حيرضو.. م تقلقي)

ماريا اتكلمت مع انجلينا بكل قوه و ثقه..م حاولت تحسسا انها خايفه او ندمانه علي العملتو.. انجلينا صحبت ماريا شديد و بت جيرانهم...

نتلاقي❤