الجزء 44

سوسن:( ليه متعب روحك ي مراد?)

مراد:( ماف تعب ي خاله دي حاجه بسيطه)

سوسن:( تسلمو لي والله.. جد تعبتكم معاي)

قلتا ليها:( العفو ي خالتو)

مراد:( يلا ي ميناس)

ايه كانت بتخت في الصحانه علي الطربيزه...

ايه:( كيف تمشو.. تعالو ناكل)

مراد:( الوقت اتاخر.. عندنا دوام الصباح)

ايه:( لا والله لازم تاكلو)

مشينا علي الصفره و كل واحد فينا اخد قطعه بقينا ناكل عشان نمشي...

خلصنا شكرناهم و طلعنا مشينا...

انا في عربيتي و مراد في عربيتو.. بقينا نتسابق و نهظر مع بعض بالعربيه.. و في نفس اللحظه بنتكلم بالتلفون مع بعض..

بقيت بمشي قدامو بالعربيه سرعه و فجاه اقيف.. و هو يقبض الفرامل في اخر لحظه..

مراد:( ميناس م تهظري في الشارع امشي عديل)

قلتا ليهو:( ابييت دايره العب انا)

الشارع كان فاضي بقيت بمشي اقصي اليمين و تاني اقصي الشمال و بضحك ..مراد خاف و اتوتر و بقي بشاكل فيني اني امشي كويس بس ابيت اسمع كلامو....استمرينا كده لحدي م وصلنا البيت..

نزلتا و دخلنا.. كنت ماسكه يدو و انا مبسوطه..

قلتا ليهو:( مراد جد شكرا ليك)

مراد:( العفو ياخ.. كلو عشان خاطر عيونك انتي)

قلتا ليهو:( تسلم لي حبيبي)

مراد:( كمان هم ذاتهم يستاهلو)

قلتا ليهو:( ااي والله)

دخلنا البيت لقيت امي و ماما ليلي قاعدين..

قلتا ليها:( ماما انتي لسه قاعده?)

ساميه:( ااي دايره اتطمن عليك)

مشيت عليها حبيت علي راسها..

مراد طلع فوق.. و انا قعدتا معاهم..

قلتا ليها:( اعفي لي.. بس اهو مراد معاي ليه مقلقه انتي?)

ساميه:( اها المرا بقت كيف?)قلتا ليها:( كويسه.. ادوها حبوب و حقن..الدكتور قال ترتاح)

ساميه:( الحمدلله.. قلتي لي اسمها منو?)

قلتا ليها:( سوسن)

ساميه:( سوسن منو?)

قلتا ليها:( م عارفه)

ساميه:( طيب...انا ماشه.. خلاص اتطمنتا عليك)

سلمت و مشت...

في الجامعه كنا قاعدين في الكافتيريا.. جات مي سلمت.. مي :( في تسجيل حق المسابقات حقت اليوم الثقافي... التسجيل ب بطاقه الجامعه.. جيبو اسجل ليكم)

قلتا ليها:( م دايره)

مي:( لالا لازم يااخ انتي خسرانه شنو? جيبي انا بسجل ليكم.. يلا ي يارا و شهد جيبو بطاقاتكم)

كلنا طلعنا بطاقاتنا.. اديناها ليها..

مي شالت البطاقات و مشت.. شالت بطاقتي و بقت تقرا في اسمي كامل.. ميناس عبدالرحمن الصافي ابراهيم..

مي:( تمام كده.. بقي بطاقه ايه)

مشت ل ايه.. لقتها قاعده مع صحباتها نادتها..

ايه قامت مشت ليها..

مي:(جيبي بطاقتك في تسجيل حق مسابقه اهو شلتا بطاقات ميناس و يارا و شهد..حاسجل ليكم)

ايه:( طيب)

طلعت بطاقتها ادتها ليها..

مي شالتها و مشت..

قرت اسم ايه كامل.. ايه عبدالرحمن الصافي ابراهيم..

مي هنا اتاكدت الف في الميه انو انا و ايه اخوات.. ابتسمت و مشت...مي بقت م عارفه تقول لينا كيف وله تكلمنا كيف.. بقت تفكر تعمل و عايزه تقول لينا بس خايفه يطلع كلامها غلط بقت دايره تتاكد بس من منو م عارفه...

انا كنت جبتا ل ايه دفاتر و ملخصات حقتي..

ايه قاعده في البيت بتقرا.. ركزت ل اسمي في الدفتر كنت كاتبه اسمي الثلاثي.. ميناس عبدالرحمن الصافي..

ايه اتخلعت شديد.. ايه عارفه انو عندها اخت اسمها ميناس بس لمن ظهرتا انا هي م ركزت في اسمي نهائي..

ايه جسمها كلو بقي برجف.. بقت تقول في نفسها:( ميناس.. اختي?? معقوله... اسمها نفس اسمي.. لالا مستحيل)

ايه بقت تبكي.. و شالت الدفتر و طلعت لامها برا..

سوسن كانت راقده بتحضر في التليفزيون..

ايه:( امي)

سوسن اتخلعت لقتها بتبكي..

سوسن بخلعه:( في شنو?)

ايه مدت ليها الدفتر...

و اشرت ليها علي اسمي..

سوسن قرت الاسم كامل.. و اتخلعت شديد..

ايه:( ماما ..ميناس اختي.. اختي ي ماما)

قعدت في السرير جمب امها و بقت تبكي.. سوسن مصدومه بتعاين في الاسم و تعاين ل ايه.. كانت شاكه فيها ساي.. و كانت خايفه تتاكد م دايره ايه تعرف قبلها..

ايه:( ماما ساكته ليه? مش دي هي.. ميناس? صح ي امي? مش ميناس اختي?? قولي حاجه... ليه ساكته?)

سوسن دموعها نزلت .. مسكت ايه حضنتها عليها و هي ساكته... سوسن جاطت شديد لا عرفت تنكر لا عرفت تقول ل ايه ااي صح ميناس اختك...

يارا جاتني في الغرفه.. قعدت..

يارا:( ميمي.. كنت اسي بتكلم مع اسعد.. قال داير يعمل خطوبه قبل م ابوهو يسافر)

قلتا ليها:( كويس طيب)

يارا:( م كويس...انا م دايره اعمل حاجه اسي.. قبل م امجد يبقي كويس و علي الاقل بعد سنويه ماريا)

قلتا ليها:( امجد اسي احسن كتير من الاول.. حتي بقي بنوم في شقتو فوق)

يارا:( م عارفه.. ده م وقتو.. كلمتا اسعد كده بس هو مصر لازم يعمل خطوبه..قال بس يتقدمو.. بدون ناس بدون حفله بس لبيس دبل و خلاص)

قلتا ليها:( طيب و ابوهو تاني م بجي قريب?)

يارا:( لالا م اقل من سنه او اكتر)

قلتا ليها:( مشكله دي.. كدي كلمي ماما ليلي شوفي رايها شنو?)

يارا:( م قادره.. كدي كلميها لي انتي)

ابتسمتا و قلتا ليها:( حااضر من عيوني...اسي بنزل اكلما ليك)

نزلتا كلمتا ماما ليلي انو الاستاذ حق يارا

في الجامعه قال دايرها و هو زول كويس و كده..شكرتو ليها كتير..

ماما ليلي:( انا م عندي مشكله.. بس عشان مشاعر امجد ياخ.. مرتو لسه م تمت سنه)

قلتا ليها:( لو امجد وافق انتي بتوافقي?)

ليلي:( اي موافقه)

قلتا ليها:( خلاص انا بكلم امجد بشوف رايو)

ليلي:( بس م تقولي ليهو احنا موافقين)

قلتا ليها:( حااضر)

طلعتا فوق ل امجد...كان راقد في الصاله و سرحان.. و محمد نايم في سريرو جمب امجد..

دقيت الباب..

امجد:( ادخل)

دخلتا انا مبتسمه..

امجد:( تعالي ي ميمي)

كان دي اول مره ادخل الشقه بعد وفاه ماريا.. عاينتا للشقه اتخيلتا ماريا تجي طالعه لي من المطبخ او الغرفه... تسلم و تضحك.. قلبي وجعني..

امجد ركز اني سرحتا ..

امجد بقي بعاين في الشقه معاي و هو ساكت.. انا طوالي دموعي نزلت.. مسحتها و مشيت قعدتا في الكرسي...

قلتاليهو:( امجد في موضوع دايره اخد رايك فيهو و احنا م عندنا راي الا بعد رايك)

امجد:( قولي)

قلتاليهو:(في استاذ معانا في االجامعه و زول كويس شديد قال داير يارا.. و هو ابوهو مسافر.. اسي جا اجازه و راجع و اسعد قال داير يجي يتقدم بس.. بدون ااي شي تاني.. بس ممكن تلبيس دبل.. عشان ابوهو بسافر و م بجي قريب... يلا يارا رافضه ااي شي قبل سنويه ماريا.. و ماما ليلي قالت الانت بتقولو هي موافقه عليهو)

امجد:( انا م عندي مشكله.. خليها تفرح.. ماف زول بوقف حياتو عشان زول..حتي انا اهو حياتي ماشه.. قولي ليهم انا موافق بالخطوبه وله حفله وله ااي شي م عندي مشكله الحزن و الحداد لو كان برجع ماريا كان حزنو معاي ل100 سنه لقدام.. بس للاسف م برجع حاجه)

اتاثرتا ب كلام امجد.. و قربتا ابكي.. بس مسكتا نفسي و سكتا و هزيت راسي ب تمام و مشيت..

من طلعتا من شقه امجد بقيت ببكي..

نزلتا دخلتا الغرفه لقيت يارا مستنياني..

قعدتا و مسحتا دموعي..

يارا:( حصل شنو?)

قلتا ليها:( امجد قال ليك افرحي و اعملي خطوبه و حفله و ااي شي)

يارا:( طيب انتي ليه زعلانه?)

قلتا ليها:( عشان الكلام القالو ...م شفتي طريقه كلامو كيف.. م شفتي كميه الوجع الفي كلامو.. جد وجع لي قلبي.. امجد حالتو كعبه شديد و ماف زول حاسي بيهو)

يارا:( عارفاهو والله عشان كده رافضه ااي شي بس ربنا يصبرو بس.. نعمل ليهو شنو تاني?)

قلتا ليها:( م عارفه..ي ريت لو بنلقي ليهو حل.. ي ريت)

يارا:( خلاص بطلي بكي.. اهدي شويه)

حضنتني عليها..

تاني يوم لمن جيت داخله الجامعه.. شهد قالت لي ايه بتسال منك..مشت الكافتيريا..

قلتاليها:( طيب)

مشيت علي الكافتيريا لقيتها طالعه شايله شندوتش و عصير من شافتني وقف و بتعاين لي بطريقه غريبه.. ختت الشندوتش و العصير علي الطربيزه و جات علي حضنتني شديد..

ضحكتا قلتا ليها:( مالك ي بت ي ايه?)

سكتت م ردت.. قلقتا منها..

زحيتها مني و عاينتا ليها في وشها...

قلتا ليها:( مالك?)

ايه ابتسمت:( ماف شي بس اشتقت ليك)

قلتا ليها:( بلاي...احكي في شنو)

ايه:( ماف شي.. فطرتي?)

قلتا ليها:( لا)

ايه:( حاجيب ليك فطور اقعدي هنا)

و دخلت الكافتيريا تاني.. قعدتا مستغربه فيها.. في الوقت داك مي مشت البيت ل سوسن ..

دقت الباب.. سوسن كانت براها.. مشت فتحت الباب..

سوسن:( مي.. اهلا ادخلي)

مي:( كيفك ي خالتو)

و سلمت عليها..

سوسن:( م مشيتي الجامعه الليله?? )

مي:( م ماشه الليله.. بس كنت دايراك في موضوع كده)

سوسن:( اتفضلي)

و دخلو قعدو..

سوسن:( دقيقه اجيب ليك حاجه تشربيها)

مي:( لالا م محتاج.. خليك مرتاحه.. بس دايره اسالك كم سؤال و خلاص)

سوسن:( قولي.. قلقتيني)

مي:( عبدالرحمن راجلك الله يرحمو.. كان متزوج قبل م يتزوجك?)

سوسن اتخلعت..

سوسن:( عرفتي من وين?)

مي:( يعني كان متزوج? )

سوسن:(انتي بتسالي ليه?)

مي:( خالتو بس قولي لي)

سوسن:( ايوا كان متزوج.. اها و بعدين?)

مي:( معناها ميناس و ايه اخوات صح?)

سوسن اتخلعت..

سوسن:( عرفتي من وين?? )

مي:( خالتو الاتنين بقرو معاي.. و انا بعرف اساميهم كامله من الاسم بس عرفتا.. و كمان شفتا صوره عبدالرحمن الله يرحمو.. عندكم هنا و في تلفون ميناس..بكده عرفتا)

سوسن:( ايه كمان عرفت.. برضو من الاسم.. هي كانت بتعرف زمان انو عندها اخت اسمها ميناس.. بس تاني مع الايام م ركزت لانو عمرها م شافتها..و حتي لمن عرفت ميناس في الجامعه م ركزت لاسمها.. الا لمن شافت اسمها الثلاثي)

مي:( طيب حصل شنو زمان ليه م بتعرفو بعض?)

سوسن:( دي قصه طويله)

مي:( احكيها لي عليك الله)

سوسن:( حاضر)

و بقت تحكي ل مي قصتها...

نتلاقي❤