الجزء 34

مراد سكت.. م ردا علي دكتور علي...

علي:( ليه سكتا? انا صح م بعرف ميناس كويس بس جد ميناس ماف منها...انسانه كويسه شديد...اي زول بتمناها)

مراد:( علي...ميناس م اختي طوالي...ميناس بت خالتي بس متربيه معانا في البيت)

علي:( ااي عارف..في النهايه ذي اختكم)

مراد:( علي... ميناس م اختي... ميناس حبيبتي... و حنعرس قريب)

علي اتخلع بقي بعاين ل مراد...

مراد:( شايف اهتمامها و خوفها ده كلو?? ده حب لي.. بتحبني من عمرها 10 سنه.. انا م كنت بحبها بس اهتمامها بي و تصرفاتها الانت شفتها دي...خلتني احبها)

علي يسكت م يرد...

مراد:( علي...انا اسف )

علي:( انا الاسف م كنت عارف والله.. ربنا يسعدكم)

و يقوم يطلع...علي مسك نفسو قدام مراد عشان م يبين ليهو الزعل.. بس من طلع من الغرفه وشو اتغير و مشي مكشر...

مراد قعد محتار و مستغرب في علي...

امجد بقي بشرح ل ماريا الاسلام و طريقه الدخول للاسلام...و الشهادتين.. و الصلاه...و وصاني نشرح ليها ااي شي في الاسلام...

تاني يوم امجد عمل الكرامه...و وزع الاكل لكل الناس..

ااي زول فرح باسلام ماريا...

تاني يوم قاعده مع مراد في الغرفه.. انا و يارا...جا دكتور علي...

علي:( السلام عليكم)

ردينا:( و عليكم السلام)

علي كان شايل ورق.. مداهو ل مراد..

علي كان وشو متغير.. م نفس الوش الاتعودنا عليهو...يضحك و يهظر...

علي:( دي التحاليل حقت الليله.. وظائف الكليه ماشه كويس... بس الاهتمام.. لازم الاهتمام...الاكل...و الحبوب و الرياضه.. لازم تهتما ب الرباضه.. و بتجي تراجع معاي كل 15 يوم و لو حسيت باقل تعب او الم لازم تجي المستشفي تكشف)

مراد:( ان شاءالله)

علي:( عندك مقابله الاسبوع الجاي ذي اليوم ده)

مراد:( ان شاءالله)

علي:( لو احتجتا ااي شي او تسال من ااي شي تلفوني معاك م تتردد لحظه)

مراد:( م بتقصر ي علي والله.. عارفك.. تسلم كتييير علي اجتهادك و تعبك معاي)

علي:( ده واجبي اتجاه ااي مريض)

مراد:( الله يخليك.. ده عشمنا في كل الدكاتره والله.. بس الذيك بسيطين)

علي:( اولاد الحلال كتار.. و البلد لسه ب خيرها.. يلا انا طالع ماشي الجامعه.. و لمن ارجع بليل بلقاك طلعتا)

علي طريقه كلامو كانت رسميه...و انا و يارا حتي م اتكلم معانا و هظر معانا ذي كل يوم.. استغربتا في علي...

علي سلم علي مراد و سلم علينا و طلع سرعه..

عاينتا ل مراد...

قلتا ليهو:( علي مالو م طبيعي)

مراد:( م عارفو.. شكلو مشغول ب حاجه.. او عندو مشكله... وين امجد م جا لسه? انا زهجتا داير اطلع)

يارا:( اسي بضرب ليهو.. بكون خلص من قسيم الاكل)

مراد:( ياخ ماريا جد فرحتا ليها.. الحمدلله ربنا هداها)

قلتا ليهو:( ااي والله فرحنا ليها شديد.. و امجد طاير من الفرح)

مراد:( ليهو حق والله.. الحمدلله)

مراد طلع من المستشفي.. و عمو مختار عمل ليهو الكرامه... ماريا اسلمت و بقت تلبس محتشم و طرحه ... جد الحجلب فيها كان حلو شديد...

علاقتنا انا و مراد حلوه جدا.. هو بهتمي بي و انا مهتميه بيهو.. مواعيد الاكل و الحبوب و الرياضه.. مراد م جاب لي ااي سيره لموضوع علي خاالص..

انا و يارا كنا شغالين امتحانات.. انا كان مراد براجع لي.. بقعد معاهو في الغرفه و بشرح لي و براجع معاي.. و اول من اطلع من الامتحان بضرب بتطمن علي..

امجد مهتمي ب ماريا..وداها السوق اشتري ليها هدوم محجبات.. و جاب ليها كتب كتيره عن الاسلام. و عن الرسول الكريم.. ماريا كمان مهتميه جدا.. و اليوم كلو بتقرا و دايره تعرف اكتر عن الاسلام و هي مبسوطه شديد...

ديانا في بيتها.. لبست و شالت شنطتها و طلعت.. وقفت تاكسي و ركبت...دقت ل انجلينا...

ديانا:(ايوا ي انجلينا وصفي لي البيت تاني)

راقده ماريا في الكنبه في الصاله و شايله كتاب بتقرا عن الاسلام..و جمبها كتب كتيره عن الاسلام..

باب البيت تحت يدق... تمشي ام ايوب تفتح.. تلاقي ديانا...

ديانا:( صباح الخير... ماريا موجوده)

ام ايوب باستغراب:( ايوا.. اتفضلي)

ام ايوب مستغربه في ديانا.. ديانا دخلت بقت تعاين في البيت..

ام ايوب:( ماريا فوق.. اقول ليها منو?)

ديانا:( انا امها)

تجي ليلي تعاين ل ديانا باستغراب...

ام ايوب:( دي مدام ديانا...ام ماريا)

ليلي اتخلعت..

ليلي:( اهلا و سهلا اتفضلي)

ديانا:( اهلين بيك... وين ماريا?)

ليلي بابتسامه:( ماريا في شقتها فوق .. اطلعي ليها..

ام ايوب وديها)

ام ايوب:( اتفضلي)

مشت ام ايوب و وراها ديانا..

قاعدين انا و يارا و شهد.. في الجامعه... بتراجع للامتحان.. انا وشهد بنقرا مع بعض.. عشان امتحانا واحد.. و يارا بتقرا براها.. لانو مجالها م ذي مجالنا.... جات مي من هناك..

سلمت و قعدت..

شهد:( اها قريتي ي مي?)

مي:( ايوا...قريت امبارح انا و مجاهد.. مجاهد راجع لي الماده كلها بليل في التلفون...ربنا يخليهو لي)

عاينا التلاته ل بعض .. و ضحكنا...

مي:( بتضحكو مالكم?)

شهد:( عشان انتي كذابه.. لانو مجاهد اسي كان هنا و قال هو م قرا لانو امو كانت عيانه في الم

ستشفي امبارح)

مي اتخلعت..

مي:( ااي الكلام ده بعد رجعو من المستشفي)

عاينا ليها سااي و سكتنا..

مي شافت مجاهد واقف بعيد مع اصحابو. قامت مشت ليهو...

مي:( السلام عليكم)

الشباب ردو:( و عليكم السلام)

مي:( مجاهد تتعال دقيقه)

مجاهد يكشر:( عن اذنكم ي شباب)

و يتقدم هو و مي...

مجاهد:( مي...كلمتك ميه مره...انا واقف مع اصحابي م تجي تناديني)

مي:( م فيها شي كلهم عارفين اني خطيبتك)

مجاهد:( خير دايره شنو?)

مي:( انت امبارح كنت وين? دقيت ليك ميه مره م رديت لي)

مجاهد:( كنت مع امي في الدكتور و التلفون نسيتو في البيت)

مي:( طيب علي الاقل كنت تقول لي .. بدل اقلق كده)

مجاهد بزهج:( حاضر ااي اوامر تانيه?)

مي بزعل:( اوامر? ليه بتتكلم كده?)

مجاهد:( مي.. انا داخل امتحان.. لو سمحتي خليني اسي)

و يمشي يقيف مع اصحابو..

مي في مكانها مكشره..

الباب يدق... ماريا تخت الكتاب و تقوم...ماريا بقت في الايام الاخيره للولاده و بطنها بقت كبيره...

تفتح الباب تلاقي ام ايوب و ديانا واقفين...

ماريا تتخلع..

ماريا تصرخ:(ماما)

ديانا تحضنها...و يبكو الاتنين..

ماريا:( اشتقت ليك ي ماما...اشتقت ليك)

ديانا:( انا اكتر والله. ي ماريا.. افتقدتك كتير ي بتي.. ليه. عملتي كده? ليه مشيتي و خليتينا!)

ماريا:( اعفي لي ي ماما...اعفو لي)

ماريا تحب علي راس امها و يدينها..

ام ايوب اتاثرت ب كلام ماريا و امها لمن دموعها نزلت و نزلت خلتهم ياخدو راحتهم..

ديانا فكت ماريا و عاينت في بطنها..

ماريا ابتسمت لامها..

ديانا ابتسمت:( يباركك الرب...حامل?)

ماريا بابتسامه:( ايوا.. بولد الاسبوع الجاي)

ديانا:( يباركك الرب)

ماريا :( ادخلي ي ماما)

دخلو الاتنين قعدو في الصاله..

ماريا:( عاملين شنو? و كيف ابوي و ديفيد?)

ديانا و هي بتمسح في دموعها:( كويسين الحمدلله.. انتي عامله شنو? طمنيني عليك و امجد معاك كيف?)

ماريا:( انا كويسه شديد ي امي...و امجد معاي كويس جددا.. و اهلو طيبين شديد...شايليني في راسهم)

ديانا:( حمدللرب)

تعاين في الشقه...

ديانا:( شقتك حلوه شديد)

ماريا:( ايوا.. و عملتا غرفه اطفالي حلوه شديد بوريك ليها بعدين)

ديانا:( انتي جد مرتاحه?)

ماريا:( كتير والله ي امي.. الحمدلله)

تجي ام ايوب داخله و شايله صينيه كبيره...فيها عصير و حلويات.. تختها قدامهم..

ماريا:( ليه متعبه روحك ي ام ايوب انا كنت حاقوم اعمل لامي)

ام ايوب:( دي مرسلاها ليلي ل مدام ديانا)

ديانا:( شكرا ليكم)

ام ايوب:( العفو)

و تطلع تمشي...

ديانا تعاين للكتب القاعده في الطربيزه جمب ماريا باستغراب.. و تقوم تمشي تشيل الكتب و تقرا في العناوين... ماريا تقلق و تخاف..

ديانا باستغراب:( بتقري في الكتب دي ليه? ده امجد قال ليك اقريها?)

ماريا:( امجد جابهم لي بعد...)

و تسكت.. ديانا تقعد و هي مستغربه..

ديانا:( بعد شنو?? ?)

ماريا:( بعد اسلمتا)

ديانا تتخلع...

ديانا:( شنو?? ?? اسلمتي?? ?)

ماريا:( ايوا ي امي.. و الحمدلله)

ديانا بزعل:( هو الجبرك تسلمي صح?)

ماريا :( لالا ي امي...والله القرار ده كان مني انا... امجد م ليهو ااي ذنب.. ولا عمره قال لي اسلمي لا اتكلم معاي في حاجه ذي دي...انا قررتا كده من نفسي.. لاني عايزه كده)

ديانا تقوم دايره تمشي..

ماريا تمسكها..

ماريا:( م تمشي ي امي.. اقعد م صدقتا شوفتك)

ديانا:( م لي مكان هنا انا)

ماريا:( لا ليك ي امي.. اقعد.. بس اشبع منك.. اقعدي)

ديانا تقعد بس مكشره...

ماريا:( امي خلي موضوع الاسلام ده بعيد مننا.. م تفكري فيهو...ده م سبب يخليك تبعدي مني بعد قررتي تجيني)

ديانا:( اخوك لو عرف بقتلك)

ماريا:( م بعرف.. ماف زول عارف ... حتي انجلينا انا م كلمتها)

ديانا بخوف:( ااي م تكلمي اااي زول)

ماريا:( حاضر ي امي)

و تمد يدها تمسك يد امها تحب عليها..

تكب لامها عصير و تخت ليها صحن حلويات قدامها..

ماما ليلي و امي انبسطو ب جيه ديانا شديد..

ديانا قعد مع ماريا ساعتين و مشت...ماريا قالت ليها اقعدي اتغدي معانا و امجد بكون جا...بس ديانا رفضت قالت ليها لازم ارجع اعمل الغدا ل ابوك و اخوك.. و حذرتها انها تقول ل زول انها جاتها.. لانها هي جات من ورا ايلا و ديفيد..

نتلاقي❤