الجزء 16

كشرتا ليهو وشي:( شنو الجابك هنا?)

مراد:( انتي نايمه هنا و برا الدنيا عليك مقلوبه.. شنو الجابك هنا?)

قلتا ليهو:( م ليك دعوه بي.. خليها تتقلب)

مراد:(طيب .. قومي يلا نمشي البيت خالتو ساميه مقلقه عليك شديد)

قمتا بدون م ارد عليهو..ختيت جلابيه ابوي في الدولاب و طفيت النور و قفلتا الباب و طلعنا من البيت.. برا لقيت الاء جايه..

الاء:( ميناس)

قبلتا عليها ..

قلتا ليها:( الاء)

جات سلمت علي...

الااء:( انتي كنتي هنا?)

قلتا ليها:( ااي)

الاء:( انا شفتا العربيه.. بس م عرفتا دي عربيه منو)

قلتا ليها:( م مشكله.. ده مراد اخو يارا)

الاء:( ايوا بتذكرو)

مراد:( كيفك ي الاء)

و يسلم عليها..

الاء:( تمام الحمدلله)

قلتا ليها:( تعالي لي م تبقي كعبه)

الاء:( اكيد)

قلتا ليها:( سلمي علي خالتو جواهر و ايمن)

الاء:( و انتي كمان سلمي علي خالتو ساميه و يارا)

قلتا ليها:( ان شاءالله يلا سلام)

مشيت علي عربيتي و مراد علي عربيتو..

سوسن و احلام و ايه و احمد برتبو في البيت الجديد.. كان شكلو م كويس شديد ذي الشقه حقتهم بس م كعب.. سوسن كانت متضايقه شديد من البيت بس م حبت تظهر قدام عيالا.. احلام بتحاول تخفف عنهم بتضحك و تهظر و اشتغلت معاهم في ترتيب العفش و الهدوم .. حتي مشت بيتهم..

دخلتا البيت امي جات جاريه علي حضنتني و هي بتقول ساميه:( الحمدلله.. الحمدلله شفتك طيبه)

قلتا ليها:( معليش ي امي قلقتكم علي بس والله مشيت البيت هناك و م وعيت بروحي تاني)

ساميه:( اوعي تقلقيني عليك تاني كده..علي الاقل شيلي تلفونك معاك)

قلتاليها :( حاضر ي ماما.. دقيقه اسلم علي ديل)

سلمتا علي ماما ليلي و هشام و يارا و امجد و ماريا.. كل واحد فيهم لمن بسلم عليهو بعاتبني اني قلقتهم و يقول لي حمدلله علي السلامه...خوفهم علي و قلقهم رفع لي معنوياتي شويه..

قعدنا كلنا نشرب الشاي و عمو هشام جاب حلويات ..

هشام و امجد و مراد كانو بتونسو مع بعض علي الشغل و الكوره و كده..

و احنا بنتونس برانا..

ايه جات قعدت جمب امها في السرير..

ايه:( ماما انا م قادره انوم)

سوسن:( عشان البيت غريب عليك.. شويه شويه بتتعودي)

ايه:( البيت بارد شديد)

سوسن:( اقفلي الشباك حق البرندا البرا هو المدخل هوا)

ايه:( خايفه اطلع برا)

سوسن:( ايه من متين بتخافي)

ايه:( م عارفه بس خايفه والله)

سوسن:( خلاص ارقدي هنا جمبي في السرير و انا حاقوم اقفل الشباك و اجي)

احمد كان راقد في السرير التاني و بعاين ليهم ساي..

عندهم غرفه وحده فيها تلاته سراير .. و برا في صاله صغيره و مطبخ و حمام و حوش صغير...

كنت راقده في سريري في غرفه براي.. و بفكر و سرحانه.. الباب دقي.. قمت قعدتا علي السرير و قلتا:( ادخلي ي امي)

الباب فتح و جا داخل هشام مبتسم..

هشام:( ده انا.. ممكن ادخل?)

ابتسمتا ليهو:( ادخل ي عمو)

دخل قعد في الكنبه ..

هشام:( م نمتي ليه?)

قلتا ليهو:( شويه و بنوم)

هشام:( ميمي...انتي بقيتي كبيره و واعيه.. و انا داير اتكلم معاك كلام ناس كبار)

قلتا ليهو:( قول)

هشام:( انا عارف انتي م بتحبيني.. و ليك حق..بتفكري انو انا اخدت مكان ابوك...و اخدت امك منك.. بس انا و امك كنا زمان بنحب بعض.. بس امي رفضت العرس.. و جبرتني اعرس بت اختها.. و عرستها عشان ارضيها...و هي انسانه ممتازه م تتخير علي امك.. جبتا منها عيال.. تلاته اولاد و بتين.. في الاكبر منك و في القدرك.. اسي هم في كندا .. بس في السنين الفاتت حصل بينا مشاكل كتيره و انا جيت هنا و خليت كندا... لمن لاقيت امك تاني و عرفتا انو والدك اتوفي الله يرحمو.. م اترددتا ثانيه اني اعرسها.. و طوالي عرضتا عليها العرس.. هي م كان عندها مشكله فيني.. بس عندها مشكله منك...خايفه عليك.. و انا وعدتها اني اعاملك ذي بناتي و احسن.. و دايرك تديني الفرصه دي.. و داير تشيلي اي ظن كعب من راسك.. انو ماف زول ببقي ليك مكان ابوك و راجل امك بكون زول ككعب و كده..امك محتاجه زول يقيف معاها و انتي كمان محتاجه راجل جمبك و راجل يقدمك لعريسك يوم عرسك.. وله م كده?)

كلام عمو هشام ريحني شدييد و جد انبسطا بيهو شديييد.. ابتسمتا و قلتا ليهو:( ااي صح كلامك ي عمو هشام)

هشام:( تمام طيب.. معناها اتفقنا..حضري نفسك بكرا حارجع من الشعل بدري و حنطلع نتغدا برا)

ابتسمتا و قلتا ليهو:( طيب)

عمو هشام:( تصبحي علي خير)

قلتا ليهو:( وانت من اهل الخير)

وطلع مشي.. رقدتا مبتسمه ...

جاي مراد داخل البيت الساعه 2 و هو شارب كالعاده.. يطلع علي غرفتو و يدخل يجي يقفل الباب يلاقي اميره قدامو تدخل و تقفل الباب...

مراد:( اميره? شنو المسهرك)

اميره بزعل:( مستنيه حضرتك)

مراد:( دايره شنو? )

اميره:( ميناس دي منو كمان الطلعت لينا في البخت دي?)

مراد بصوت تعبان :( اميره.. انا تعبان داير انوم.. عندي شغل الصباح)

اميره:( مراد.. عندك شنو مع ميناس?)

مراد:( اميره.. اميره ماف شي.. والله ماف شي)

اميره:( طيب الكلام السمعتو ده شنو? بتحبك و زعلت و مشت.. و ي

وم قلتا داير تخطب وقعت داخت.. ده كلو معناهو شنو?? )

مراد:( هي بتحبني.. بس انا م بحبها)

اميره:( اكيد كنت معشمها فيك)

مراد يزهج شديد:( اميره.. اطلعي برا م ناقصك انا)

و يفتح الباب يطلعا برا و يقفل الباب بالمفتاح..

مراد بزهج:( م شفتا زول بحب المشاكل ذيها)

الصباح شربنا انا و امي الشاي .. عمو هشام كان طلع الشغل..و نضفتا البيت.. و فطرنا مع بعض.. امي كانت مبسوطه بي شديييد.. و ااي حاجه بحبها لقيتها جايباها لي.. م عارفه ترضيني بشنو وله شنو.. بكلام هشام معاي بليل نسيت ااي زعل من امي.. و قررتا ابدا مع امي و هشام صفحه جديده..

قاعدين انا و امي بنحضر في التليفزيون. بنشرب في شاي و بناكل في تسالي و فول و مكسرات و شوكلت.. ماما ملت لي الطربيزه قدامي..

ساميه:( ميناس جهزي هدوم الطلعه?)

قلتا ليها:( ايوا .. بس حنمشي وين احنا?)

ساميه:( نتغدا برا.. و نتفسح.. ااي حته دايره تمشيها بوديك ليها)

ابتسمتا قلتاليها:( طيب)

سوسن واقفه بتعمل في اكل في المطبخ.. جات داخله ايه شكلها تعبان..

ايه:( السلام عليكم)

سوسن:( و عليكم السلام.. ليه اتاخرتي?)

ايه بزهج:( ي امي المدرسه بقت بعيده من هنا...بمشي مشوار طويل برجليني حتي القي المواصلات)

سوسن:( معليش حبيبتي بتتعودي)

ايه:( انا دايره ترحيل)

سوسن:( م بقدر ترحيل ليك اانتي و احمد الاتنين.. كفايا علي احمد)

ايه بزعل:( طيب .. الغدا شنو?)

سوسن:( شوربه)

ايه:( بس?)

سوسن:( ااي بس.. ايه دفعتا القروش كلها ل الايجار م فضل عندي ااي قروش.. بس عندي شغل ان شااءالله بجيب قروش كويسه)

ايه:( طيب) و تمشي ..

يارا قاعده في الصاله زهجانه و ليلي و ماريا بشربو في قهوه..

ماريا تركز ليلي ل يارا..

ليلي:( يارا.. حتقعدي مبوزه كده لحدي متين?)

يارا بزعل:( اعمل شنو ي امي?)

ليلي:( اتونسي معانا.. اتفرجي في التليفزيون.. اعملي ااي شي)

يارا:( م عندي مزاج لشي)

ماريا'( انا ماشه محل هنا اشتري حاجه..ارح معاي)

يارا:( م دايره اطلع)

ليلي:( ده كلو عشان ميمي حتقعد يومين عند امها?? يارا دي جنت والله.. كلها يومين و بتجي في شنو قدر ده?? )

ماريا:( خليها ي ماما ليلي انا بتفاهم معاها)

و تقوم تمسك يارا من يدها و تقول ليها:( تعالي معاي فوق)

يقعدو يارا و ماريا في غرفه يارا...

ماريا:( احكي لي.. ميمي عملت شنو في موضوع مراد?)

يارا:( ولا شي)

ماريا:( يعني مراد م عارف?)

يارا:( عارف.. شكلها كلمتو)

ماريا:( اها و حصل شنو?)

يارا:( م عارفه.. اظن حصل شي.. بس م حكت لي)

ماريا:( حاسه مراد بقي عارف.. و هي مشت لامها ليه?)

يارا:( سااي)

ماريا:( م ساي...في شي...امها متزوجه ليها كم و هي م قعد تمشي ليها.. اشمعنا الايام دي بالذات قررت تمشي ليها)

يارا بخوف:( قصدك شنو?)

ماريا:( مراد ردو ليها زعلا عشان كده خلاها تمشي )

يارا بخوف:( ي الله...اعمل شنو?)

ماريا:( م في يدنا شي نعملو ..كلو في يد مراد)

يارا:( يعني ميمي ممكن تقعد هناك طوالي و م ترجع هنا)

ماريا:( م عارفه.. بس لو مراد عرس اكيد م حتقدر تقعد هنا.. و تشوفو قدامها طوالي و معاهو مرتو.. م حتتحمل)

يارا:( ي الله.. ااي شي الا ميمي تخلي البيت.. م بقدر اقعد بدونها.. هي المونساني)

ماريا:( اول من ترجع اساليها و خليها تحكي ليك ااي شي) يارا:( طيب)

ماريا:( يارا... ميناس حصل يوم كانت بتحب امجد? او امجد بحبها?)

يارا:( امجد?? لالا.. امجد كان بحب بت جيرانا زمان بس هي م كانت راضيه بيهو.. كان عندها زول تاني.. و اسي عرست)

ماريا :( اها.. كويس)

تسكت و تتذكر كلام اميره...

ماريا في نفسها:( معناها كلام اميره كذب ساي.. بس ليه قالت لي كده!! اكيد قصدها حاجه)

نتلاقي❤