الجزء 26

لمن رجعنا الغرفه لقينا امي و عمو مختار و اميره قاعدين..

شويه الممرضه جات قالت نمشي لانو وقت الزياره انتهي..

مراد كان حيقعد يومين تاني بسبب الفحوصات ..

ماما ليلي قالت هي الحتقعد...

امجد قال ليها انتي بتتعبي..

امي قالت هي الحتقعد..

قلتا ليهم:( امشو كلكم انا الحاقعد معاهو)

ماما ليلي:( لالا انتي عندك جامعه بكرا)

ساميه:( لالا م ينفع انتي)

امجد:(امشو كلكم انا البقعد)

في الاخر امجد قعد معاهو و كلنا رجعنا البيت...

دخلتا غرفتي و قعدتا في السرير ببكي... جاتني يارا..

يارا:( ي ميمي ليه بتعملي كده? اهو مراد كويس و بتكلم و ااي شي)

قلتا ليها:( م كويس مراد تعبان م شايفه شكلو كيف?? م شايفاهو بقي ضعيف كيف!! انتي قايله الغسيل ده ساهل كده? بتعبو شديد.. مراد جد تعبان)

يارا:( حيبقي كويس.. امجد حيعمل الكشف و لو الكلي اتطابقت حيديهو كليه.. ادعي ليهو بس)

م قدرتا اقتنع بكلام يارا...كان في نار جواي بسبب مراد.. شويه جات ماريا..

ماريا:( تعالو اكلو جهزتا ليكم حاجه خفيفه)

يارا:( ماريا تعالي شوفي ميمي ابت تسكت)

ماريا جات قعدت جمبي..

ماريا:( ميمي...م تعملي كده.. كدي اهدي شويه م تبكي ماف شي.. حيبقي كويس.. اتطمني.. يلا ارح اكلي من الظهر انتي م اكلتي شي)

قلتا ليهم:( م دايره.. دايره انوم)

رقدتا في سريري و اتغطيت...يارا و ماريا عاينو لبعض و طلعو خلوني..

يارا و ماريا و هم نازلين تحت...

يارا:( انا خايفه عليها)

ماريا:( ميمي صعبه ياخ.. خوافه شديد و بتحبو شديد)

يارا:( صح.. والله خايفه عليها من حب مراد ده حيتعبها سااي)

ماريا:( الكاتبو الرب بحصل..م تخافي.. مراد مهما كان صعب.. لو قرر يحبها حيحافظ عليها بالجد)

يارا:( خايفه عليها...ميمي دي اختي و حته من قلبي)

ماريا:( الرب يخليكم لبعض)

يارا:( امين)

م قدرتا انوم كويس.. صحيت كم مره و في بالي مراد بس.. اول من الصبح اذن.. قمتا صليت و دعيت ل مراد و قريت قران.. لمن الساعه8 جات قمتا لبستا و نزلتا عملتا شاي و شندوتشات ل مراد و امجد و مشيت المستشفي...

لقيت امجد واقف برا في الصاله برا..

امجد باستغراب:( ميمي!! )

قلتا ليهو:( صباح الخير)

امجد:( صباح النور..مالك جايه بدري كده?)

قلتا ليهو:( م نمتا كويس اصلا.. اها مراد اصبح كيف?)

امجد:( كويس احسن.. ودوهو يعمل فحوصات)

قلتا ليهو:( ان شا۽الله خير.. جبتا ليكم سندوتشات و شاي)

امجد:( ي سلاام جد جيعان.. ارح الغرفه )

مشينا قعدنا في الغرفه مراد بشرب في الشاي و بياكل..

انا شلتا كبايه الشاي و بقيت بشرب.. شويه جابو مراد بالكرسي المتحرك .. قعدوهو علي السرير و مشو...

ابتسمتا قلتا ليهو:( صباح الخير)

مراد بابتسامه:( صباح النور)

قلتا ليهو:( بقيت كيف?)

مراد:( كويس الحمدلله.. مالك متعبه روحك?)

قلتا ليهو:( ماف تعب)

قمتا كبيت ليهو كبايه شاي و كان عندو امل خاص بقي بياكل منو...

قاعده ليلي و مختار بشربو في شاي.. نزلت يارا صبحت عليهم و قعدت..

يارا:( اتطمنتو علي مراد?)

ليلي:( اسي كنت دايره اضرب ليهو)

يارا تشيل تلفونها تضرب ل امجد..

يارا:( الو...امجد صباح الخير.....كيف مراد الليله? ....... الحمدلله طيب... صاحي هو?........ ميمي?? كويس والله..... تمام طيب... اديني ليهو)

امجد يمد التلفون ل مراد.. مراد يتكلم مع يارا و ليلي و مختار و يطمنو عليهو و يقفلو

ليلي:(ميمي مشت متين? قايلاها نايمه والله)

يارا:( و انا كمان...و كمان شالت ليهم شاي و شندوتشات)

ليلي:( فيها الخير والله م بتقصر)

في المستشفي قلتا ل امجد:( امجد امشي البيت ارتاح و تعال بليل)

مراد:( صح انت طول الليل صاحي م نمت كويس.. امشي ارتاح)

امجد:( و ميمي تقعد براها ?حتتعب)

قلتا ليهو:( لا م بتعب.. امشي انت ارتاح)

مراد:( امشي ي امجد خليها )

امجد:( طيب.. يلا سلام)

قلنا ليهو:( مع السلامه)

طلع مشي...

اميره ضربت ل محمود.. ردا عليها..

اميره :( ايوا ي محمود? عملتا شنو?)

محمود:( اميره انا جاي السودان.. يومين و بجي)

اميره:( م تجي ي محمود.. م تجي)

محمود:( ياخ جاي اشوف عيالي بس.. مالك انتي?)

اميره:( اوكي شوف عيالك بس انا م حتشوفني...كلمتك)

محمود:( خير ي اميره.. خير)

اميره:( تمام.. يلا)

و قفلت التلفون و رمتو..

اميره كانت زعلانه شديد من محمود و جرجرتو معاها و انو م داير يطلقها..

دقت لي يارا قالت لي ليه م صحيتيني امشي معاك و نقنقت بس قلتا ليها م دايره ازعجك خليتك تنومي..

مراد كان نظراتو لي غريبه.. بس حاولتا اتعامل معاهو عادي ذيو ذي امجد بس جواي عكس كده.. و تعاملي كمان بثبت عكس كده..

كنت قاعده علي الكنبه و ماسكه تلفوني.. مراد كان راقد نايم شويه صحي..

مراد:( ميمي)

ختيت التلفون و قمتا ليهو..

مراد:( م مرتاح كده.. ارفعي لي السرير شويه)

قلتا ليهو:( طيب)

رفعتا ليهو السرير..

قلتا ليهو:( كده كويس?)

مراد:( ايوا شكرا)

مشيت قعدتا في مكاني..

مراد:( ميمي انت زعلانه مني?)

قلتا ليهو ببرود:( لا ابدا)

مراد:( م عارف معاملتك غريب

ه شويه)

قلتا ليهو:( ابدا ماف شي)

الباب دقي..

قلتا :( ادخل)

دخل مصطفي:( السلام عليكم)

ردينا:( وعليكم السلام)

مصطفي سلم علي:( كيفك ي ميمي)

قلتا ليهو:( الحمدلله.. اتفضل)

مصطفي:( كيف ي بطل?)

مراد:( الحمدلله.. انت كيفك?)

مصطفي:( الحمدلله.. شكلك الليله احسن)

مراد:( ااي الحمدلله)

مصطفي قعد في الكرسي جمب مراد..

مصطفي:( كلمتا الشباب كلهم.. قالو بجوك بعدين)

مراد:( م بقصرو)

مصطفي:( عندك غسيل متين?)

مراد:( بكرا.. و بطلع بعديهو)

مصطفي:( ربك بسهلا)

مراد:( ان شاءالله)

قمتا ماشه علي الباب ..

مراد:( ماشه وين?)

قلتا ليهو:( اخد لفه شويه في النجيله و بجي)

مراد:( طيب.. م تتاخري)

قلتا ليهو:( طيب)

طلعتا برا لقيت دكتور جاي..

الدكتور:(السلام عليكم)

قلتا ليهو:( و عليكم السلام)

قال لي:( انتي هنا مع مراد مختار?)

قلتا ليهو:( ايوا ..انا اختو)

قال لي:( انا دكتور علي.. مسئول عن الغسيل الكلوي في المستشفي..انا اصلا تخصصي باطنيه.. و اسي بعمل رساله الدكتوراه عن الفشل الكلوي)

قلتا ليهو:( كويس والله.. ربنا يوفقك)

علي:( اسي داير اعمل فحوصات معينه ل مراد...لو ممكن ?)

قلتا ليهو:( اكيد.. اتفضل)

دخلنا الاتنين..

علي:(السلام عليكم)

ردو:(و عليكم السلام)

قلتا:( مراد ..دكتور علي داير يعمل ليك فحوصات)

مراد:( اتفضل)

علي وقف جمب مراد و بقي بشرح ليهو الفحوصات الداير يعملا ليهو.. مراد واقف و ساقو و مشو...

قعدتا انا و مصطفي..

مصطفي:( ميناس.. داير اطلب منك طلب)

قلتا ليهو:( اتفضل)

مصطفي:( عارف دي خصوصيات و م مفروض اتدخل فيها.. بس دايرك تتمسكي ب مراد م تسيبيهو.. خليهو يحبك.. هو م رافضك بس خايف عليك.. هو م قال لي شي بس انا بعرف مراد.. بعرفو كويس .. هو محتاج وحده نقيه ذيك تبقي جمبو و تخليهو يبقي كويس.. الشراب الكتير هو الخلي كليتو تبوظ.. انا دايرو يخلي الشراب.. انتي لو بقيتي جمبو و بقيتي تنصحيهو هو حيسمع كلامك.. انا م احسن من مراد انا ذاتي ذيو بشرب بس مراد بشرب بطريقك كعبه.. و بالذات ايام قاعد معاي ده و بالزعل شرب كتير شديد.. انا لمن خوفتا عليهو و حاولتا امنعو بس م سمعك كلامي... مراد م محتاج جمانه و لا غيرها.. محتاج وحده ذيك تحبو و تخاف عليهو...جمانه كانت بتحبو بس جمانه ذيو.. ماف فرق بينهم.. رايك شنو?)

قلتا ليهو:( مراد م حيحبني.. انا فقدتا الامل في انو يحبني.. من يوم جيتو جمب شقتك و شاكلني... بس انا م حاتخلي عن حبو ولا لحظه.. اهو واقفه معاهو ذي م شايف انت)

مصطفي:( مراد م رافضك..هو خايف عليك شايف انو م حيقدر يسعدك.. انتي مكانتك كبيره في قلبو..اتربيتي معاهو في بيت واحد و عشتو كل طفولتكم و شبابكم مع بعض... عشان كده هو خايف عليك من نفسو.. يجرحك.. يخزلك ..كده... بس انا م حاسيبو...حاتكلم معاهو.. حاخليهو يرجع ثقتو في نفسو.. و يدي نفسو فرصه يحبك و يبدا صفحه جديده معاك.. و يرمي اااي شي وراهو)

قلتا ليهو:( انا م رافضه شخصيه مراد الاسي دي.. حق الشراب و البنات و كده.. بلعكس هو و كده انا بحبو و متمسكه بيهو.. و مهما عمل م بنزل من نظري.. مهما عمل هو بكبر في نظري)

مصطفي:( عشان حبك ليهو نقي و حقيقي.. و حرام مراد يضيع وحده ذيك.. انا حاتكلم معاهو و لازم يقتنع يبدا صفحه جديده معاك.. و انتي كمان م تفقدي الامل فيهو.. اقيفي جمبو هو جد محتاج ليك)

ابتسمتا قلتا ليهو:( ان شاءالله)

كلام مصطفي ريحني شديييد اداني امل في مراد تاني.. انا راضيه بيهو حتي لو هو كعب.. حتي لو بشرب حتي لو بعمل ااي شي انا موافقه بيهو دايراهو في حياتي.. م خايفه علي روحي معاهو ابدا.. بس هو يوافق بي و يحبني... انا حاقيف جمبو و حاخليهو يخلي ااي شي...الشراب و كلو...م عشاني عشانو هو.. عشان يبقي كويس...

في الزياره جو اصحاب مراد كتاار بنات و اولاد و جو ماما و هشام و ناس ماما ليلي... عدا اميره م جات...

نتلاقي❤