الجزء 39

مي واقفه في الظلط مستنيه المواصلات.. جا واحد ماشي بالعربيه اسمو اسلام معانا في الجامعه ... وقف ليها..

اسلام:( مي اذيك)

مي:( اسلام...كيفك?)

مي و اسلام كانو بحبو بعض اول سنه.. بس تاني اسلام. سابها عشان حركاتها ...

اسلام:( تمام والله.. ماشه الجامعه?)

مي:( ااي)

اسلام:( اركبي طيب انا ذاتي ماشي)

ركبت معاهو... و اتحركو بالعربيه... اللحظه ديك اسلام رسل ل شهد قال ليها...الامور ظبطت...

شهد قرت المسج و هي مبسووطه...

شهد:( يلا...الطعم جاي...اجهزو)

قلتا ليها:( بالجد?)

شهد:( طبعا...اسي اسلام رسل لي)

يارا:( ياخ البت دي ساهله بطريقه خرافيه)

اسلام و مي طول السكه بتونسو عادي.. لمن قربو للجامعه..

اسلام:( مي...انا دايرك ترجعي لي)

مي اتخلعت..

مي:( كيف?)

اسلام:( كده.. ترجعي لي .. انا بحبك)

مي اللحظه ديك. انبسطت شديد...

مي:( بالجد?)

اسلام:( طبعا.. بتقدري تخلي مجاهد?)

مي:( مجاهد لا بحبني لا بحبو)

اسلام استغرب..

اسلام:( طيب اتخطبتو ليه?)

مي:( هو الاصرا انو نتخطب.. و انا م حبيت احرجو)

اسلام:( يعني ممكن تسيبيهو بسهوله?)

مي:( طبعا...ساهل جدا.. انا اصلا م مقتنعه بيهو و م بنفع معاي)

مجاهد:( خلاص تمام.. خلصي موضوع خطوبتكم ده و تعالي لي انا مستنيك)

مي:( طيب)

مي كانت مبسووطه جدا..

لمن وصلو الجامعه...اسلام دخل بالعربيه للباركن جوه.. مي نزلت سرعه عشان خايفه مجاهد يشوفها.. لمن نزلت من العربيه لقتني قدامها... وقفت مخلوعه انو شنو الموقفني هنا .. و يارا و الا۽ و شهد واقفين وراي..

مي:( العروس كيفك?)

اسلام طوالي جا مدا لي التلفون شلتو منو...

قلتا ليهو:( شكرا ي اسلام)

اسلام:( احنا في الخدمه)

و مشي..

فتحتا التسجيل و سمعتو ليها...

التسجيل بدا من كلام مجاهد انو ترجع ليهو و كده...

مي من سمعت التسجيل اتخلعت شديد.. و انا مبتسمه و بعاين ليها..

مي بزعل:( ده شنو? اسلام متفق معاك?)

قفلتا التسجيل...

قلتا ليها:(ااي بالضبط كده)

مي :(انتي كيف تعملي كده? دايره تصلي لشنو ? دايره تخربي خطوبتنا انا و مجاهد صح?? )

قلتاليها:( بالضبط كده...دايره اخربها... ذي م انتي كنتي دايره تخربي خطوبتنا انا و مراد)

مي:( انا اخرب علاقتكم ليه? كيف يعني?)

قلتا ليها:(النزل الصور حق الخطوبه في قروب...... منو?? )

مي اتخلعت...

قلتا ليها:( انتي وله لا?)

مي:( انتي كذابه انا اعمل كده ليه?)

قلتا ليها:( تمام...م. عايزه تعترفي)

قبلتا علي يارا ..

قلتا ليها:( يارا ممكن تمشي تنادي مجاهد من البلياردو هناك)

مي اتخلع:( لالا لا...اي شي الا مجاهد...عليك الله م تكلميهو)

قلتاليها:( لو اعترفتي انا م بكلمو)

مي بقت ترجف من الخوف...

مي:( ااي انا النزلتهم...م كان قصدي شي كعب)

قلتا ليها:( بلاي? لسه بتكذبي?)

يارا و شهد و الا۽ جو عليها و انا زحيت وقفتا بعيد...

مسكوها ال3 و دايرين يدقوها.. ادوها دقه خفيفه و هي م قادره تفتح خشمها... خايفه من الفضيحه... شاكلوها و نبذوهاا و م خلو ليها حاجه.. و انا واقفه بعيد و بعاين مبسوووووطه....

يارا و الا۽ و شهد هددوها ب التسجيل ده و قالو ليها تاني لو قربتي علي ميناس او حاولتي تاذيها م بنسيبك..

مشيت عزمتهم ال3 اخحلي غدا.. يستاهلو والله جد بدونهم م كنت حاقدر اعمل ليها شي... يارا و شهد بعرفهم كويس و عارفاهم بقيفو معاي بس الانبسطا بيها شديد اكتر منهم هي الا۽ اثبتت انها بت اصليه مع انو علاقتنا بعيده من بعض بس وقت احتاج ليها بلقاها معاي.. انبسطا منهم شديد حسيتهم اخواتي الما ولدتهم امي..

المغرب قاعدين انا و يارا و ماما ليلي و امي في الصاله بنشرب في قهوه.. جا مراد داخل..

مراد:( مسا۽ الخير)

ردينا:( مسا۽ النور)

مراد:( نسيبتي كيفك?)

ماما بقت تضحك..

ساميه:( كويسه الحمدلله.. كيفك انت?)

مراد:( تمام الحمدلله)

ساميه:( ولدك ده بقي مستهبل شديد ي ليلي)

ليلي:( ااي شايفاهو)

مراد:( شكلها شخصيه مراد الجديده م عاجباكم!)

ليلي:( لالا بلعكس حلوه جدا)

يارا:( الاداك يدينا)

مراد:(م بتلقي ذي العندي.. خالتو ساميه داير اطلب منك طلب)

ساميه:( عيوني ليك)

مراد:( داير نطلع انا و خطيبتي دي نتعشا برا)

ساميه:( كده بس.. حاضر.. بس م تتاخرو)

مراد:( حاضر...يلا ي ميمي قومي اجهزي)

قلتا ليهو:( ليه م كلمتني من بدري?? )

مراد:( اسي كلمتك)

قلتا ليهو:( م بحب المفاجاه)

مراد ضحك:( معليش ..يلا)

يارا:( ارح انا بساعدك)

قومنا انا و يارا طلعنا مشيت اجهز و انا زعلانه و بنقنق..

يارا بتكوري لي في فستان و انا واقعه قدام المرايا بعمل في شعري..

قلتا ليها:( ياخ م ممكن يكلمني فجاه كده.. اسي انا البس شنو? و عايني شعري كيف..)

يارا ضحكت فيني..

كشرتا ليها..

قلتا ليها:( شنو البضحكك?)

يارا:( عايزه تطلعي حلوه قدام مراد? اهو مراد قاعد معاك في البيت و شايف شكلك اليوم كلو.. م اول يوم يشوفك.. بشوفك و انتي قايمه مم النوم..في اكعب من كده?)

بقيت بضحك قلتا ليها:( حرام عليك ي يارا قتلتيني عدييل)

يارا:( م تتوتري كده...ا

قل شي حتعمليهو حتعمليهو حتطلعي قمر في نظرو)

المهم جهزتا و طلعتا لقيتو مستنيني في الصاله تحت مع امي و ساميه..

مراد:( ماشا۽الله منو القمر دي?)

ساميه:( دي بتي انا)

انا و يارا ضحكنا..

ليلي:( ماشا۽الله قمر والله)

يارا:( دي الحاله حاجه كده من طرف الدولاب.. م عارفه لو اتعمقنا كان حصل شنو)

مراد:( كان عقدنا اسي)

ساميه:( ي سلام بتي م يديها بالساهل كده)

يارا:( صح.. لازم تدفع دم قلبك ل ميناس دي)

مراد:( عمري كلو بيرخص ليها)

قلتا ليهم:( تسلم ي رب.. يلا ارح بطلع الغزل ده)

مراد ضحك:( يلا )

ساميه:( م تتاخرو)

قلناليهم:( حاضر)

مراد:( يلا سلام)

و طلعنا..

دخلنا مطعم مراد كان حاجز لينا طربيزه..المطعم هادي و راقي شديد..

مراد:( رايك شنو?)

قلتا ليهو:( حلو شديد اول مره اجيهو)

مراد:( ايوا ده ذوقي انا)

قعدنا و بقينا نتونس...

مراد:( ميمي.. داير اسالك بصراحه.. انتي ليه م حبيتي غيري? قصدي يعني ليه مع كل الحصل ده انتي لسه بتحبيني و متمسكه بي)

قلتاليهو:( مراد.. انا من وعيت لقيت روحي بحبك.. انت كنت فارس احلامي طوول عمري.. شايفاك احسن زول في الدنيا حتي لو م كنت كده بالجد.. م قدرتا اكرهك مهما عملتا.. حتي يوم كنت شارب...)

قاطعني..

مراد:( انا اليوم داك لمن وعيت زعلتا زعل من روحي و كرهتا روحي عدييل.. و خجلتا منك.. بقيت بتحاشاك عشان خجلان منك و من الكنت داير اعملو)

قلتا ليهو:( انا خفتا منك شديد..بس م كرهتك.. بس لمن جيت اعتذرتا لي قلبي صفي منك طوالي)

مراد:( قلبك ابيض والله.. ميناس انتي فيك قدره كبيره علي المسامحه.. م كل الناس بتقدر تسامح.. انتي سامحتيني علي يوم كنت شارب...و علي جمانه..و خيانتي ليها و علاقتي باميره.. ده كلو م اثر فيك.. ده كلو م خرب صورتي عندك.. ليه?)

قلتا ليهو:( م عارفه.. بس بالجد صورتك جواي نضيفه...مهما عملتا حتبقي نضيفه.. ماف ااي شي بخربها)

مراد:( و انا اوعدك ي ميناس اني م اخرب صورتي عندك تاني.. ولا اعمل شي يزعلك و ابقي قدر الثقه الخاتاها فيني دي)

قلتا ليهو:( و انا واثقه من كده)

كان ثقتي و حبي ل مراد فايتين حدهم.. م عارفه صح الكلام ده وله غلط..

قلتا ليهو:( اسالك و تجاوبني بصراحه?)

مراد:( اكيد م حاكذب عليك)

قلتا ليهو:( لمن اعترفتا ليك اني بحبك..حسيت بشنو? يعني فكرتا فيني كيف?)

مراد:( اتخلعتا شديد.. يعني انا خاتيك اختي.. انتي و يارا واااحد عندي.. عمري مم فكرتا فيك غير كده.. عشان كده اتصدمتا شديد.. بس قلتا انتي لسه صغيره و حاجه طبيعيه انك تفكري فيني كده..قلتا حتملي و حتلقي غيري و تحبيهو..م كنت قايلك ممكن تتمسكي بي كده.. بالذات بعد خطوبتنا انا و جمانه)

قلتاليهو:( بعد خطوبتكم فقدتا الامل.. بس م قدرتا م احبك او حتي افكر في غيرك...و فقدتا الامل اكتر لمن جيتك جمب بيت مصطفي و انت شاكلتني)

مراد:( عارف اليوم داك قسيت عليك.. بس انا الوقت داك كنت محطم شديد.. و فاقد الثقه في روحي و في الناس.. و خوفتا عليك..قلتا لو حبيتك حيحصل معاك ذي م حصل مع جمانه.. م حاقدر احافظ عليك..عشان كده كنت لازم اشاكلك عشان توعي و تشوفي مستقبلك..شايفك بتستحقي واحد احسن مني الف مره)

قلتا ليهو:( ماف زول احسن منك في نظري)

مراد:( و انتي عندي بالدنيا كلها)

قلتا ليهو:( بالجد اانت غيرتا حياتك عشاني وله عشان انك عييت و كده?)

مراد:( عشانك.. عشان ابقي استاهلك.. الاهتمام و الحب و الصبر اللقيتو منك م لقيتو من زول تاني.. ولا حتي جمانه.. عشان كده فكرتا بوعي و قلتا الحصل لي ده درس لي و لازم اتعلم منو و ربنا اداني عمر جديد عشان كده قررتا اتغير و ابدا حياتي بيك..و الحمدلله قدرتا اتغير و ربنا رزقني بيك..اوعدك ي ميناس انو م اخزلك ولا ازعلك يوم.. اوعدك اشيلك جووه عيوني.. اوعدك تشوفي مراد واحد تاني يرفع راسك قدام كل الناس)

انا و مراد اتكلمنا كتييير.. و حكينا عن كل الجوانا.. و مراد كان كل شويه بوعدني انو يحافظ علي و م يخزلني....الخ لمن قلتا ليهو كفايا وعود انا متطمنه ليك..و علي كده رجعنا البيت..

قاعده ديانا في غرفتها بتتكلم في التلفون... بتتكلم مع انجلينا..

ديانا:( ااي كويسه هي والله.. و الولد قمر بس.... ااي مشيت ليها بعد ولدت كم مره)

اللحظه ديك يجي ديفيد داخل.. و ديانا في غرفتها م تلاحظ ليهو و هو يسمع صوتها بتتكلم في التلفون يمشي علي الغرفه يقيف جمب الباب يسمع كلامها...

ديانا:( ااي سمتو محمد...جد فرحتا بيهو نفسي اشوفو كل يوم بس خايفه من ديفيد و ايلا....... ااي بمشي ليها الايام. الجايه...... طيب.. تكوني رجعتي و نمشي انا و انتي....... انجلينا..... ماريا اسلمت...انتي عارفه?? .........ايوا م قالت ل زول هي...بس كنت قايلاها قالت لي)

ديفيد اتخلع و زعل شديد و فتح الباب و طلع بسرعه..

نتلاقي❤