الفصل السادس عشر

قال لي بجد ي شهد م عايزك تفكري في الموضوع ولا تزعلي نفسك احتجتي اي حاجه انا هنا كلميني، مستعد ابقى ليك بدل صهيب واي شي عايزاهو بس شاوري عليهو انتي وكريم هشيلكم جوة عيوني وكريم دة حيبقى بالنسبه لي زي ولدي واكتر...

طبعا انا اتخلعته من كلامو فقيت واقفهه وبعاين ليهو وم عارفه ارد اقول ليهو شنو، بعد فترة كان عايز يمد يدو يختها في وشي، على طول قفلته الباب في وشو، حسيتي م طبيعي، يعني بعد فترة تقريبا كذا اسبوع اول مرة احس احمد بتكلم معي كانو م طبيعي، كانو شارب حاجه، اتوترته، قلته يمكن هو فهمني غلط، شاف تعاملي العفو معاهو وافتكر انو انا خلاص ممكن اعمل كذا ولا كذا، بس الحاجه الحيرتني يعني حتى لو الحاجه دي انا م متقبلها ومستنكراها، الواقع بقول انو انا مرت اخوهو هو كيف يفكر فيني كدة، باي منطق بس؟

بقيت الوم في نفسي واقول اصلا انتي اديتيهو وش زيادة عن اللزوم ي شهد، اصلا اولاد المدينه ديل هم كدة يكونو، ودي اخلاقهم م مهم مع مرت اخوهم او مرت ابوهم حتى م بحسبو حساب للحاجه دي قلته لنفسي خلاص من بكرة حأتجنبو، او حاقطع علاقتي بيهو حتى، يعني ريدتوو لي كريم دي م كانت ساااي

بكيت بكى لمن الصباح اصبح صحيت لقيت كريم ماف، طلعته مخلوعهه نزلته لقيت امتثال بتتكلم بالتلفون، قلته ليها صباح الخير، قالت لي صباح النور، قولته ليها كريم وين؟قالت لي صحى قبيل وكان ببكي، حبوبتو كانت بتأكل فيهو في المظلهه بهناك، قلته ليها طيب، مشيت على المظلهه لقيت حبوبه وعمتي قاعدين، قلته ليهم صباح الخير، حبوبه قالت لي صباح النور ي بتي، اتلفته يمين وشمال م شايفه كريم، قولته ليهم كريم وين؟ قالت لي كريم صحى بدري وبكى كدااا لمن الله غفر ليهو جابتو لينا امتثال، اسي شالو احمد قال ماشي بيهو الفرن يجيبو عيش الفطور، قولته ليها اها، قلبي بقى يضرب وبقيت متوترة من غير سبب، حبوبه قالت لي اقعدي ي بتي، سميرة جيبي صبارة الشاي والصينيه كبيهو لي شهد دي، قلته ليها م غسلته وشي ولا صليت لسسه صحيت لقيت كريم ماف اتخلعتهه، قالت لي ايواا خلاص اجهزي وتعالي اشربي، قولته ليها طيب، رجعته غرفتي جهزته وصليت بعد مسااافهه طلعته مشيت لقيت امتثال بتقول"يااخي بقت في زحمه في ال ATM غريبهه خلاص، اول امس واقفهه من الصباح كنت مع شوجي والله الا خليتناهو وشلته من شوجي، واقفين ساعه ياخي وصف كمان والشمس نار، حبوبه قالت ليها انتي م تشيلي من البيت الهنا، قالت ليها م كنت محتاجه بس بعد طلعنا إحتجته، عمتي عواطف قالت ليها تاني اعملي إحتياطاتك اول

قالو لي اقعدي اشربي الشاي مكبوب جاهز، قعدته اول م بديت اشرب كدة جا احمد شايل كريم ويلعب معاهو وكريم يضحكك باعلى صوت عندو، امتثال قالت ليهو بقع نزلو من رقبتك، احمد قال ليها م بقع ياخ مدربو انا الزول دة حبوبه قالت ليهو صحبهه شديدة مع احمد، قال ليها البكاي دة داير زول يلعبو بس

عمتي عواطف قالت ليهو م تزكرني فترتو الاولى الجا فيها كان موقفنا على رجل واحدة من البكى، انا ساكتهه سااي كنت، احمد قال ليهو يلا هووي امشي لي امك انا طالع الجامعه، كريم مسك فيهو وبقى يبكى، احمد قال ليهو ي زول اها في شنو؟حلاوة وإشتريناها، ومعاها شوكلاته كمان وجبنا الكشكوش دة اها مالك تاني؟حبوبه قالت ليهو مش والفتو عليك شيل شيلتكك قولته ليهو جيبو انا بشيل، قال لي هاك امسمي، قلعتو منو قلع وكريم لسسه متعلق، بقى يشاغل فيهو ويقول ليهو بااي ويمسكو من جضومو، عمتي عواطف قالت ليهو كررر علي بالليل بنوم فتران عشان عمايلك فيهو دي

احمد قعد يضحكك..

الغريبه كان بتصرف بصورة طبيعيه، كانو م عامل حاجه، ولا حاسي بحركتو الامس عملها، ولا بتغابى، ولا كان م واعى م عارفه بس كان بتصرف بطريقهه اقل من عاديهه كمان، قلته لنفسي ي شهد م عليك بيهو المهم انتي اعملي حسااااابكك في تعاملك معاهو بس

حبوبه قالت ليهم ي جماعه الليله هيا بتي م حضرنا الاخبار بتاعتها فاتتنا مع الونسه، عمتي عواطف قالت ليها بعيدوها الضهر، امتثال قالت لي طبعا ي شهد هيا دي حماتكك اكبر من احمد على طول، مزيعهه في قناة الحدث الاخباريه، يومي بنتكلم معاها فيديو بتقول عايزة تشوفك بس انتي ي اما نايمه او مع ولدك في الغرفه، قولته ليها ياخي ماشاءالله عليها، عمتي عواطف قالت لي معقولهه ي شهد م اتكلمتهومعاها نهائي طول قعدتك دي؟قولته ليها ابدا والله، حبوبه قالت لي اسي الصباح دة اتصلت علينا بعدين كدة لمن نتصل عليها نديك تتكلمي معاها

عمتي عواطف قالت لي ومازن ولدي الكبير برضو م بتعرفيهو مش؟هزيت ليها راسي بمعنى لا، حبوبه قالت ليها م هي ي دوب بدت تتولف علينا عشان كدة واحدة واحدة ي بتي

عمتي عواطف قالت ليها صح والله لكن بعد كدة هي مننا وفينا ومازن ومحمد واحمد ديل زي اخوانها، مازن دة ي بتي مهندس معماري متخصص في كل حاجه، شوفتي التصميم الداخلي بتاع القصر؟قلته ليها اي قصر؟قالت لي القصر الجمهوري سنويا هو مسؤل من تغيرو، وسنويا بنزل من قطر عشان الموضوع دة حتى الفرش هو مسؤل من تغيرو برضو، قولته ليها ماشاءالله والله، قالت لي وعندي بت خال امي على طول امها متوفيه ربيتها معي من عمرها سنه معي هنا، اسي ابوها عرس ليها واحد قيادي في البرلمان ماشاءالله، اسي مشو اجازة تركيا بجو بعد شهر كدة، قولته ليها ماشاءالله، قالت لي الحمدلله ي بتي البيت ملاان والله الا وجع الراس الانتي شايفاهو بعينك دة، قولته ليها ربنا يهون إن شاءالله، امتثال قالت لي الا انا البايرة ي شهد

عمتي عواطف قالت ليها اجي ي امتثال سمير دة م ياما جاب ليك عرسان الا ناس كبار في الحكومه وعندهم الشي كمان براك ابيتي، حبوبه قالت ليها والله زي م قولتي براها بترفس نعمتها برجلها، امتثال قالت ليهم بري مالي بعرس لي ناس مستقبلهم م نضمون بكرة يصفوهم واحد ورا التاني وانا اترمل، عمتي عواطف قالت ليها البصفيهم منو ي امتثال، وبعدين خليك من الشغالين في الحكومه، قبل كدة م جوك الدكاترة والمهندسين وغيرو، لكن انتي زاتك يختي بس مباريه لي شغلك من المستشفى لي اصحابك، قالت ليها هو في احلى من كدة بالله

وبعدين انا مقتنعهه بي انو لسسسه ود الحلال الفيهو النصيب م جا قالت ليها اقعدي باري لي اقتناعك دة لمن تدقي ال 30، امتثال قالت ليها وسن ال 30 دة يعني بورة؟يااخي دة ي دوووب عمر الفرفشهه والرهاابهه والكياتهه زاتها، حبوبه قالت ليها راجل يعرس ليهو مره اتجاوزت الثد 20 سنه يعمل بيها شنووو؟امتثال قالت ليها معليش ي خالتي معزورين م انتو عرسوكم عمركم 12، 13 سنه وحاليا دة يعتبر إغتصاب قصر م زواج قالت ليها اااه ياخ دة كلام فارغ سااي العلم الخلاكم جهلهه دة، امتثال قالت ليها حسكت ي خالتي علشان م نتناقش

قمته ضحكتهه، عمتي عواف قالت لي دة حالهم ي بتي م تستغربي ههههههه

في الجانب التاني صهيب قاعد في شقه وفاتح التلفزيون وبشاهد وماسك تلفونو في نفس الوقت، فجأهه جاتو مكالمه، قال ي الله ياخ من المعط، خته التلفون على جنب، تاتي جاتو مكالمه، فتح الخط وقال "اهلا ي حاج في شنو؟قال ليهو وين انت بتصل عليك مليون مكالمه م بترد مالك؟قال ليهو في شنو ي حاج مش طلعته خليت ليك البيت؟قال ليهو اسمع دايرك اسي دة وريني مكانك ولا تعال لي في المكتب، صهيب قال ليهو في شنوووو؟قال ليهو قلته ليك تعالني في المكتب وحتفهم كل حاجهه...

المساء ونحن قاعدين جا احمد داخل، قال لينا امي وين؟امتثال قالت ليهو في المطبخ، قال لينا وحبوبه؟امتثال قالت ليهو بتصلي العشاء فوق مالك بتسأل خير؟قال ليها ابوي دة الليله تعب شويه ونقلوهو المستشفى، امتثال قالت ليهو شنووووووووو؟المستشفى ليييه مالو؟قال ليها روقي عشان كدة قال م يكلموكم هو كويس بس ضغطو ارتفع شويه وتعب عشان كدة، عمتي عواطف جات طالعه قالت ليهو وهي مخلوعه من متين في المستشفى؟وليييه م كلمتوني؟في مستشفى شنوووو؟قال ليها رويال ي امي، وم كلمناكم عشان عارفين حتتوتري كدة، المهم انا..قاطعتو قالت ليهو اطلع وديني المستشفى سريع يلا، جرت مشت الغرفه لي حبوبه، قالت ليها عمتي سمير دة قالو في المستشفى، حبوبه قالت ليها شنوووو؟في المستشفى كررر علي سمير مالو الحاصل عليهو شنو الليله طلع نصيح من البيت، قالت ليها والله ي عمتي م عارفه البسي ارح نحن طالعين، قالت ليها لا حول ولا قوة الا باللع، جيب العواقب سليمه ي الله، جيب العواقب سليمه ياارب،

م كنت عايزة امشي معاهم بس لما شوفته حالتهم وهم متوترين وخايفين وكدة حسيتها شينه م امشي معاهك، م عشانو هو عشانهم هم، احمد قال ليهم استعجلو ياخ، امو قالت ليهو انت مستعجلنا مالك ابوك حالتو متأخرة للدرجه دي كان متأخرة ي ولدي كلمنا وكان حاصله ليهو حاجه كمان كلمنا، حبوبه قالت ليها ي سوسن استغفري، إمتثال قالت ليهو نسيت تلفوني في الغرفه، خلاص ي احمد انتي وخالتي وعواطف اسبقونا انا وشهد وكريم بنجي بعربيتي تمام؟قال ليها طيب، بالفعل هم مشو ونحن لحقناهم، اول م وصلنا المستشفى من الباب كل الناس كانت بتسلم على امتثال وبتقول ليها"دكتورة امتثال كيفك، دكتورة امتثال وين انتي اجازتك لسه م خلصت و...اكتر من كم نفر كانو بسلمو عليها، قولته ليها دكتورة انتي يعني؟قالت لي ااي لكن اخدته لي اجازة دايرة اساافر والله ي شهد لكن م عارفه واجازتي قربت تخلص، قولته ليها ماشاءالله طالما دكتورة، قالت لي دقيقه اتصل على احمد اشوفهم وين، اتصلت قالت ليهو اهاا طايب جاين عليكم، مشينا عليهم لغايه م وصلناهم لقينا احمد ومحمد واقفين، سلمنا على محمد، امتثال قالت ليهو خير ابوك مالو خلاص داير يركب التونسيهه ولا شنوو؟قال ليها والله ي خالتي لسسسه عليهو شويهه يااخ

بقيت اعاين ليهم م جادين طبعا، قالت ليهو في الغرفه دي؟قال ليها الجناح كلو محجوز ليهو كل الغرف دي فاضيهه دي بس الهو فيها، بقيت اتلفت واعاين في المستشفى واقول دي مستشفى ولا قصر عديل، اسي دي مستشفى والعندنا في حلتنا ديك مستشفى؟ولا مقارنهه بيها زاتو، محمد قال لي شهد انتي كيف عامله طبعا مع الجري والشغل م بنتلاقى كتير، قلته ليهو الحمدلله بخير والله تسلم، شال كريم قال لي البطل دة كيفو خلى البكى والشغب ولا لسه، قولته ليهو والله يعني، كريم كان ناايم بقى يصحى فيهو ويجرو من انو بصوابعو ويضحك، جو دكتورات شافوهو بعمل كدة بقو يقولو ليهو احمد.

حراام عليك م تعمل فيهو كدة يااخي، واحدة قالت ليهو يخواتشي من حلاوة الجضوووم تتاكل "Can I kiss him?,، محمد قال ليها Yes , باستو مسااافهه بعدها قالت يخواني يتاكل، صحباتها قالو ليها خلاص حتنتهي من ود الناس المسكين، قعدو يضحكو بعد م مشى احمد قال اريتني كريم اناااا ي بختكك ي جضوم كيمو احيييييهه بس محمد قال ليهو انت م بتتهدي؟

م كفينك العندكك؟ احمد قال ليهو انت عايش في النعيم دة مع الحوريات وبتقارن العندي بالعندكك؟قعدو يضحكو مساافهه لما لاحظو لي بقيت اتلفت محمد قال لي شهد واقفهومالك معقوله ياخ؟تعالي اتفضلي مكتبي اقعدو فيهو اساسا فااضي، قولته ليهو لا، قال لي كلنا عارفين م عندك رغبهه انك تدخلي للحاج وعشان م نضغط عليك تعالي هنا احسن، ونحن متحركين فجأهه باب غرفه ابوهم فتح وصهيب يطلع منها، طبعا انا فضلته واقفه لدقيقه، احمد قال ليهو اوووووو اخونا المندثر، سلم على احمد بالكتف والاحضان قال ليهو الخبر؟صهيب قال ليهو والله ياهو زي م انت شايف، ، احمد قال ليهو قبيل جيت بس م لاقيتك، صهيب قال ليهو كنت برة في الكافتريا، احمد قال ليهو عشان كدة...قال ليهو دقيقهه عاين بإتجاهي وجا سلم علي، قال لي كيفكك انتي كويسه؟قولته ليهو الحمدلله وقولته لي محمد جيب صهيب دة بتعبك ساي، محمد قال لي لا خليهو يتعبني شنو ياخ دة كيمو، احمد قال ليهو بعد يعملها فيك زي بعملها فيني حتغير كلامكك دة

شالو وختاهو في صهيب وقال طالما بعملها كدة بنختلف خلييه يعملها في المان دة، قعدو يضحكو مع احمد، حسيت بالاحراج حبتين قولته ليهو جيبو، قال لي لا خليهو، وكريم نايم وسط دة كلو، بعدها دخلنا مكتب محمد وقعدنا جاب لينا مويه ومشروب وفضلنا قاعدين وهم بتونسو وانا ساكته كان ممكن اتونس معاهم لو م الكريه دة قاعد محمد قال لي شهد مالك ساكته؟وكلامك قليل كدة ولا انتي اصلا كدة؟احمد قال ليهو كدة ميين والله ونااسهه وكلامها كتييير اسالني منها انا

قولته ليهو انااااا؟محمد قال لي م تركزي معاهو وم تشتغلي بكلامو، فجأة في تلفون ضرب، صهيب وقف على حيلو ورقد كريم في مكانو وقال"ايوة الو، وطلع، اول م طلع جات امتثال داخله، قالت لينا انتو هنا وانا افتش، احمد قال ليها عارفه؟البيبيسي دة من قبيل بقول "انا حق امتثال، امتثال، امتثال"قعدت تضحك قالت ليهو اححح وانا زاتي نفسي فيهو شدييد يلا بالهنا على البي محمد قال ليها خالتو يااخ، قالت ليهو ي ولد هييي خوخهه، خالتو دي تقولها في بيتكم م هنا

قعدتهه اضحكك، احمد قال ليهو بتبالغ طبعا يعني معقوله تمثال الحريهه دي تقول ليها خالتو؟امتثال قالت ليهو اسألو بالله الما مربى، محمد قال ليها مربى ولا طحنيهه؟ قالت ليهو البنات المدردقات فيك هنا ديل لو عرفو هبالتك دي تاني حتشمهم قدحهه، بقو يضحكو وهم مشتغلنها، جا صهيب داخل، امتثال قالت ليهو برسل ليك واتسب سافهني ليه، م بترد علي ليه، بتصل عليك بتفصل في وشي ليييييهه؟ضحك قال ليها متين؟قالت ليهو اي اضحك اضحك لو كنت من عينه البنات البتمشي معاهم اوزون وبتضاحك معاهم وبتتكلم معاهم بالهمس في اضنينهم قدام الخلق كلهم كان رديت

ضحك قال ليها متين الكلام دة؟واوزون شنو كمان؟قالت ليهو اي كذبني انا بس حتقدر تكذب احمد وشهد وكريم؟محمد ضحك مساافهه وقال ليهو بالثابتهه ي صحبي، عليك اللهةفي زول بغنج بحجاتو السمحه في اوزون؟احمد قال ليهو اسمع اسمع والحاجه السمحه قاعد بكل اريحيه تحلف تقول قاعد معاها في بيتهم اريتني كان صورتو ليك

طبعا انا بقيت منظره راسي وبلعب في ضفوري، امتثال لماوحست بي غمزت ليهم عيونها وقالت ليهو اسي ي محمد فحوصات ابوك لقيتوها كيف؟محمد قال ليها حاله قلبو شويه تعبانه وضربات القلب م مستقرة لكن اسبوع كدة بتحسن، ...

لما جينا طالعين راجعين البيت محمد قال ليهم ولا امي ولا حبوبه تقول عايزة تبيت مافي لانو اساسا ماف شي تبيتو عشانو، ابوي كويس، وصحتو كويسه كلها كم يوم وحيطلع، عمتي عواطف قالت ليهو ابوك زاتو حلف ماف زول يقعد معاه ولا نجيب سيرة مرضو لزول، قال ليها بالزبط كدة لانو بخير ودي فترة نقاهه ليهو من ضغوطات الشغل بس امشو البيت وتعالو بكرة وانا مداوم معاهو والدكاترة والممرضين زي م انتي شايفهه م مقصرين، احمد قال لينا انا ماشي عندي مشوار، انتو ارجعو مع امتثال طيب؟حبوبه قالت ليهو ماشي وين ي ولد بالليل دة؟قال ليها ليل وين ي حبوبه الساعه ي دوب 10 يخ، امتثال قالت لينا يلا طيب خلونا نمشي، محمد قال لينا يلا، عمتي عواطف قالت ليهو كان...قاطعها قال ليها حصلت حاجه بكلمكك يلا ي امي اتوكلو، امتثال قالت لينا تعالو، وقفت جمب حاجه كدة طويله وضغطت على مفتاح موصل في الحيط شويه كدة فتح زي باب كدة، عمتي وحبوبه ركبو فيهو وامتثال شبه دخلت، بعدها حبوبه قالت لينا الولد وين خليتوهو في البيت؟امتثال قالت لي شهد كريم نايم في الكرسي

قولته كريم وجريت بإتجاه مكتب محمد، محمد قال ليهم انتو انزلو بنلحقها ليكم، دخلته لقيتو في سابع نومه، جيت طالعه لقيت احمد ومحمد بضحكو، احمد قال لي م جادة طبعا الحمدلله انك ناسياهو هنا يعني عادي ي شهد نتوقعك في يوم تنسيهو في حته محمد قال ليهو خلاص بطل طعمجه يعني عشان نستو في الكنبه تعمل ليها موضوع م تنساهو يعني يعني انت قايل ممكن يجي يوم تنساهو في المواصلات مثلا

بقيت اعاين ليهم واضحك، احمد قال لي عان هو نايم كيف ولا همو، قولته ليهم ودوني للناس ديل منتظرني تحت، صهيب جا طالع من غرفه ابوهو قال لي احمد ي احمد الحاج بنادي عليك، احمد قال ليهو انا؟خير اللهم اجعلو خير ومشى عليهو، "، محمد قال ليهو راجعك بيتك انت ولا ماشي وين؟صهيب قال ليهو لا ماشي البيت الكبير، محمد قال ليهو طيب سوق معاك شهد دي ياخ هي زاتها ماششه واحمد عندو مشوار م راجع اسي، صهيب قال ليهو طيب، محمد قال لي شهد يلا امشي معاهو، قولته ليهو ناس امتثال بكونو منتظرين، قال لي ناس امتثال بكونو مشو ي زوله امشي مع صهيب، مشيت وراهو وقف في نفس مكان امتثال وعمل نفس حركتها لغايه م الباب داك فتح، قال لي تعالي وانا مترددة بس دخلتهه، على طول الباب قفل وانا هنا قلبي عمل شحح،

محمد اتصل على امتثال قال ليها اسمعيني شهد دي جايه مع صهيب انتو اتحركو امشو، قالت ليهو صهيب جاي البيت؟قال ليها ايوة،

فجأهه الحاجه الدخلنا فيها دي بقت نازله بينا لتحت انا من الخلعه قولته وااااي وبقيت م قادرة اتماسك وانا شايله ولدي مسكتهه في قميصو وبقيت جاراهو بكل قوتي قولته ليهو دة شنووو وقف البتاع دة انا راسي لفهه، شال مني كريم قال لي اهدي، قولته ليهو انا راسي لافي قولته ليك، طبعا بتكلم معاهو بصراخ، فجاهه وقف، قال انتي كويسه؟حسيت براسي لافي كانو الارض دي دايرة بي، بقى يتكلم معي وهو ماسكني من يدي ومطلعني من المكان داك وكان في ناس واقفين منتظرين، قال لي شهد، قولته ليهو م قادرة امشي حقع، سمعتو قال لواحد لو سمحته ممكن كرسي متحرك سرعه، بالفعل جابو لي كرسي متحرك قعدوني فيهو وجابو لي مويه شربتها، بعد مساافه حتى حسيت بنفسي احسن ووعيت، قال لي انتي بخير؟قولته ليهو ايوة وقفته على حيلي، قال لي لو م اتحسنتني م تمشي، قولته ليهو لا اتحسنتهه انا، قال لي طيب عشان م بنفع معاك الاصانصير ننزل بالسلالم، قلته ليهو طيب، الناس قالو لي اتحسنتي؟قولته ليهم ايوة، نزلنا بالسلالم وهو شايل كريم وفضلنا نازلين ونازلين لغاايه م وصلنا تحت انا رجولي اتورمت من كترة السلالم، وصلنا العربيه فتح الباب الورا رقد فيهو كريم، قال لي تعالي انتي اركبي قدام عشان م يصحى، قولته ليهو بس ممكن يقع، قال لي لا م بقع، اصريت على اني اركب ورا وابيت اركب معاهو قدام، قال لي طيب راحتك، بالفعل ركبته ورا واتحركنا بس لاقتنا زحمه في الشارع قالو حادث، واقفين ساعه في الشارع بعدها اتحركنا لغااايه م وصلنا البيت، شال كريم وقال للحرص بركن العربيهةدي المفتاح جوة، قال ليهو طيب، دخلنا لقينا البيت صااني شكلو البيت كلو نام، طلعنا فوق لغاايه م وصل غرفه كريم عايز يدخل قولته ليهو لا قاعد ينوم معي في غرفتي، قال لي طيب، عايزة اشيلو منو مشى بإتجاه غرفتي وفتح الباب ودخل رقد كريم في السرير وغطاهو، طبعا انا واقفه مصدومه وبعاين ليهو وبقول ي ربي دة مالووو؟؟اكيد م واعي او راسو م تمام، وانا واقفه في الباب جا طالع قال لي متأكدة انك بقيتي احسن ولا لسسسه حاسه بدوخهه؟بقيت اعاين ليهو بإنبهار كاني مخلوعه، قال لي لو م تمام خلينا نرجع المستشفى احسن، قولته ليهو اااااااااااا لا انا تمام، قال لي طيب انا لو نمته نومي تقيل شويه بس لو عايزة اي حاجه او حسيتي نفسك لسسسه تعبانه اتصلي علي تلفون مش معاك تلفون؟هزيت ليهو راسي وانا متنحه بمعنى لا، قال لي لا ياخي م عندك تلفون؟طيب دقيقهه، طلع من الغرفه عدى شويه خلاني اتكلم برااي وانا محتارة فيهو عايزة اقفل الباب دقاهو، قال لي شهد، قولته ليهو بخلعهه نعم؟قال لي اتفضلي دة تلفون جديد كان قاعد في دولابي ليهو فترة م كنت شغال بيهو فيهو شريحه ودي سماعتو وشاحنو إتفضلي اشتغلي بيهو، قولته ليهو لا م بحتاج والله، قال لي كيف م بحتاج، اسي لما تكوني عايزة تتكلمي مع اهلك بتقولي لمنو ولا م قاعدة تتصلي؟سكتته، قال لي من جيتي م اتصلتي على اهلك؟هزيت ليهو راسي بمعنى لا، قال لي بتبالغي طبعا لو قولتي لاي زول من ناس البيت حيتصل ليك عليهم انتي هنا م في سجن يعني الحاجه العايزاها اعمليها او اطلبيها ماف زول حيرفض ليك فهمتي؟ كونك تتكلمي مع اهلك دي اقل حاجه كان طلبتيها من امتثال بتتصل ليك عليهم، اسي انا حاوصلو ليك في الشحن دخل وقف جمب كوبس كدة وصلو في الشحن قال لي لي بكرة حيكون شحن، عايني لو ضغطتي علي الحته دي حيفتح ولو م عرفتي تستعمليه اسالي امتثال تمام؟قولته ليهو طيب، قال لي يلا تصبحي على خير وانزلي اشربي ليك عصير ولا اجيبو ليك؟هزيت ليهو راسي بمعنى لا، قال لي طيب اشربي حليب ولا اكلي ليك حاجه م تنومي كدة ولو إحتجتي اي حاجه انا هنا دقي لي باب الغرفهه بس ماشي؟...

كسرهه

ي جماعه في بت امس لاقاها صحبي، في الشارع الجمب شارع القيادة وسألتو عن اتجاه شارع البلديه، مواصفاتها"خدوريه او سمراء، مركبه تقويم، سمينه او مايله للسمن لابسه اسكيرت اسود واسبورت رمادي، لو انتي هنا وشوفتي الكلام دة بلييز راسليني خاص، الموضوع كلو خير والله كلو خير، وهو متأمل شديد انو يلقاك، م وقفك في الشارع لانو كان ملان ناس وم صح يعمل كدة لمجرد انك سألتيهو، من امس بفتش في الكومنتات، تاقو للسمراويت يخخ

...