الفصل الثاني والعشرون

قال لي كل الأسإله دي وانا عارف الإجابهه بس عايز اسمعها منكك، قولته ليهو ايوة خفت عليكك بس علشان لو حصلت ليك حاجهه م انت بس الحتتأذى كل الحواليك وبالتحديد عمتي عواطف اسي الواحد فيكم لو طعنتو شوكه سااي بترجف م بالك لو ضربوك ديل او إعتقلوك انا برضو ام وإحساس انو كريم ولدي دة تحصل ليهو حاجه مجرد التفكير في الحاجه دي بتموتني، بقى واقف يعاين لي مسااافهه قال لي شهدو انتي عمرك كم؟

قولته ليهو ليييه السؤال؟

قال لي لا بجد عمرك كم انتي؟قولته ليهو م متأكدة بس 17 سنهه كدة، ضحكك قال لي في زول بكون م متأكد من عمرو قولته ليهو انا

قال لي طيب م علينا تعالي ساقني وماشي بي على السرير قولته ليهو ماشي وين انت؟قال لي عايز انوم م نعسانهه انتي؟جريت منو يدي وربعتها قولته ليهو بس دي م اوضتكك شكلك نسيت، بقى يحك في راسو قال لي يعني ماف طريقهه الواحد ينوم هنا؟قولتهه ليهو لا، قال لي اوكييييييهه طيب تصبحي على خير، قولته ليهو وانت من اهلو، طلع وانا بعدها حسيييت بنفسي مبسوووووطهه شدييييد رقدتهه جمب ولدي وانا بعاين فيهو للحظهه جا سعد في بالي وكل شريط حياتي معاهو عدى علي وكأني عايشهه اللحظات الزمان ديك في اللحظهه دي بكيت كدااا ونزلته على طول مشيت غرفه صهيب فتحته الباب لقيتو ماف في الغرفه وقفتهه مسااافهه وانا طالعه لقيتو جاااي وبتكلم بالتلفون وشايل كبايه عصير في يدو لما شافني إتخلع نزل التلفون، وانا وشي باين عليهو علامات البكى، قال لي شهدو في شنو؟قولته ليهو ماف شي عايزة اتحرك امشي خته التلفون وكبايه العصير في الارض ومسكني قال لي الحاصل شنو اسي كنتي كويسه في شنوووو بقى يمسح لي في دموعي، قولته ليهو وانا بتنهد ماف شي مهم كمل مكالمتكك البتتكلم معاها هتكون منتظراك وإتفكيت منو ورجعته اوضتي، جا دق لي باب الغرفه كداا م فتحته ليهو، نمته الصباح انا وامتثال كنا بنجهز في الفطور وحبوبه واحمد ومحمد قاعدين بتونسو واحمد بحكي ليهم في الحصل امس لما الكجر وصلو وهم يضحكو، ونحن شغالين في المطبخ ونضحكك، احمد قال ليهم احلى حاجه ونحن جارين وبنطط في بالحيط دخلنا بيت كدة لقينا فيهو راجل عجوز بقى يطرد فينا وشغال يقول لينا اطلعو من هنا يلا اطلعو وبلز في صحبي مامون، مامون بقى يقول ليهو م طالع ي زول قولته ليهو م طالع

الراجل قال ليهو م طالع مش؟والله افتح الباب اسلمكم ليهم اطلعو باللتي هي احسن ي اولاد، مامون قال ليهو كم راجل افتح الباب دة الليله نحن اللحظهه ديك متنا ضحكك وفجاة سمعنا اصوات التاتشرات وقفت وفي واحد من بتاعين الامن بقول ليهم دخلو بجاي دخلو بجاي جرينا دخلنا غرفهه كدة مامون لقى سرير ملان ملابس رقد وإتغطى بالملابس وبقى يقول لي غطي لي راسي دة كويس ي مان

وانا بقيت لافي م عارف اعمل شنو ماف حته اتدسى فيها الا ورا الدولاب فجأه لقيت واحد من الشباب المعانا نزل العدة الفوق راس الدولاب حلل وجرادل وشنو م عارف وطلع فوق الدولاب ورقد على بطنو وانا دة دخلته ورا الديكور والله شكلنا كان بيييييش للدين ياااخ قدام ناس البيت امتثال قعدت في الارض حتى بقت تضحكك قالت لي هموت، ومحمد بضحكك لمز بصرخ وعمتي عواطف نفس الشي، حبوبه قالت ليهو اولاااد الكلب لمن بتخافو كدة البطلعكم شنو قال ليها ي حبوبه الحرب دي م هي كر وفر يعني انا اقيف عشان يعتقلوني؟

لو كل زول قال يقيف عشان يعتقلوهو معناها الشارع المحتاج لينا حيفضى ودة الهم عايزنو فهمتي ي حبوبه عمتي عواطف قالت ليهو والله الكر البخليكم تشاكلو الراجل في بيتو وتدخلو تحت الملابس وفوق الدواليب دة م كر دة خوف عديل

محمد قال ليها عندنا واحد حلبييي لمن غلط مسكوهو في موكب العربي دايرين يركبوهو الدفار عمك طوالي ركب مكنه مصري وقال ليهم إيييه دهه ي قماعهه في إيييييهه؟قالو ليهو مصري إتخارج يلا المدخلك في نص الناس شنو فكوهو بي جاي قلب معانا بري بهناك امو قالت ليهو انت برضو قاعد تمشي يعني؟ قال ليها لالا ي امي ياخ انا عندي زمن احك بيهو راسي زاتو عشان امشي مظاهرات،

حبوبه قالت ليهو انت عاد ي يابا تتعلى م تتدلى

جا صهيب نازل قال ليهم صباح الخير وشال كريم قال ليهو ي بطل، امو قالت ليهو صباح النور،

حبوبه قالت ليهو كيف اصبحته ي ولدي

قال ليها الحمدلله، جينا شايلين صينيه الفطور،

احمد قال الله يااااخ عصيدة بتقليه وروب ابيض احببببكك ي امي يام امتثال قالت ليهو عملتو انا وشهد عملت الروب الابيض لو سمحتهه

ضحكك قال ليها اصلا كنت حاسس انو انتي عملتيهو قعدو انا شلته كريم، حبوبه قالت لي اقعدي ي شهد واقفه مالك؟قولته ليها انا بطني ملانه شربته الشاي اسي وكريم دة حيلعب وحيتعبكم ساااي م...

احمد وقف شال كريم قال لي صفرة م فيها كريم تسقط بس يااخ ولا م كدة ي كيمو

امتثال قالت لي شهد م جادة من الصباح واقفه في المطبخ معي وبعدين الشاي شربتيهو ساي م معاه شي بطلي واقعدي اكلي، قولته ليها والله م عايزة، حبوبه قالت لي م بتاكلي عشان كدة ناشفه من لحم الدنيا دي

وانت ي ولد ها عيونك مالها محمرة كدة الليله، صهيب قال ليها انا؟قالت ليهو اي،

احمد قال ليها السهر مع الجكس بعمل كدة ي حبوبهه محمد ضحكك قال ليهو خبرة يا...

انا اتحركته دخلته المطبخ وخليتهم بفطرو،

إمتثال قالت ليهم على فكرة اي فعلا شهد دي يمكن انتو شايفين زواجها هي وصهيب زواج على ورق ساااي بس الواقع بقول إنو مرتو ف يعني الكلام البجرح دة م حبابو جكس وبتاع خليكم شباب واعين قدامها ياخ،

عمتي عواطف قالت ليها اجي ي إمتثال اخوانو بهظرو معاهو يبطلو هظار عشان حضرة سيادتها م تزعل؟؟

امتثال قالت ليها م في النهايه مرتو صح؟اسي الحاجه دي لو عاشتها هيا بتكك بترضيها ليها؟؟الواحد مفروض يقيس الموضوع بمقياس صحيح ياخ الحاجه الما بترضاها لنفسك وللقريبين ليك م ترضاها لغيرك

عمتي عواطق قالت ليها اجي ي إمتثال اسي بت الناس دي مقصرين منها في شنو؟اكل ماكلنها احسن اكل وشراب وشايلنها فوق روسينا وم منقصين منها شي العيشه المعيشنها ليها في بيت اهلها م...

قاطعتها قالت ليها عواطف خافي الله تحلفي تقولي في بيت اهلها م عاشتها؟نحن مشينا واظن شفنا وضع الناس ديل تماما شنو والله من قامت وفي خشمها معلقهه من دهب نبقى حقانين شويه كمان مع إختلاف البيئهه بس،

عمتي عواطف قالت ليها حتى ولو برضو هنا نحن م حصل تقصير مننا تجاها هي او ولدها لكن برضو م بنقدر نجبرو عليها زي م جبرناهو على العرس

صهيب خلاهم بتناقشو وقام، حبوبه قالت ليهو وين ماشي م اكلتهه ي ولدي؟قال ليها لا م داير انا اصلا

جاني في المطبخ لقاني بغسسسل في العدة، فضل واقف ويعاين لي وانا م منتبه الا بعد م إتلفتهه لقيتو وراي، قال لي عايز اعرف امس كنتي بتبكي ليه، عملته روحي بغسل في العدة وانا ساكته، جا مسك لي يدي قال لي م تتهربي جاوبي م هو م كل مرة تعملي نفس الحركه لما اجي اسالك، قولته ليهو ماف شي ولفيت منو وشي، وقف مسااافهه وهو ماسك يدي وانا بحاول اقلعهم منو وهو ضاغط عليهم، قولته ليهو حتقيف هنا كتيير، قال لي لغااايه م تتكلمي، لما فضلته سااكته قال لي انتي إتضايقتي عشان لقيتيني بتكلم بالتلفون صح ي شهد؟بس قبلها كنتي بتبكي عشان حاجه تانيه وجيتي تحكيها وبعد م لقيتيني بتكلم بالتلفون بطلتي صح؟قولته ليهو لا خالص وانا مالي ومالك تتكلم بالتلفون ولا...قبل م اتم كلامي قال لي شششششش وخته يدو في خشمي، قال لي حتى لو كنت بتكلم بالتلفون وكنت وسط الف بت عمرها العين م بتعلى على الحاجب ي شهدو، وانا...

قبل م يتم كلامو سمعنا امتثال بتقول شهد على طول زحه من جمبي، جات داخله شكلنا كان بيوحي بي انو نحن مخلوعين لانو صهيب قريب مني هي زاتها اتحسست قالت لي العصييير دخلتيهو التلاجهه؟صهيب طلع خلانا، قولته ليها اي، فتحت التلاجه شالتو، قالت لي ارح نمشي نشتري لينا ملابس وحجات اليوم، قولته ليها من وين؟قالت لي ارح انتي بس، قولته ليها طيب، قالت خلاص العصر كدة نمشي خليك جاهزة منها نفرق شويهه يخخ، قولته ليها طيب ظريف،

بالفعل العصر كدة لبستهه عبايهه وهي قشرت اخر بنطلون واخر شياكه وطلعت، امتثال دي ياخ حاجه فخمه كل شي فيها يقول ي ليل انيقه ولبيسه حتى في البيت بتلقاها مهتمه بنفسها كل الوقت ياخ نضافتها براها تعقد،

ونحن طالعين لقينا احمد ومحمد وصهيب قاعدين في الحديقه احمد ماسك تلفونو وصهيب بشرب في سجارتو ومحمد نفس الشي وكل واحد فيهم خالف رجلو وماسك تلفونو وبتونسو في نفس الوقت

امتثال قالت ليهم جمعه في الحرم،

احمد قال ليها اميييين على وين ي حمام قالت ليهو ماشين نشتري لينا حجات كدة وراجعين، صهيب قال ليها حجات شنوو؟قالت ليهو حجات حجات قال ليها من وين؟

قالت ليهو اجي ي التحقيق ارح امشي معانا عليك الله، طوالي وقف على حيلو قال ليها جدا يلا، قالت ليهو انت جادي؟قال ليها قمه الجديه امشي معاكم انا ولا الحرس؟ قالت ليهو طيب ارح،

قالت ليهو بعربيتك ولا بعربيتي، قال ليها عربيتك ديك انا م بتتبلع مشى شال من البواب عربيتو ومشى على القراش طلعها وجا وقف قال لينا يلا، ركبنا وإتحرك قال ليها وين وين؟قالت ليهو امشي شارع المشتل، قال ليها طيب، قالت ليهو اسي نحن برانا بنمشي م كان في داعي تتعب نفسك قايلنا ماشين موكب ولا شنوو قال ليها بقيت م بضمنكم م بعيد ضحكت قالت ليهو انت م خايف علي طبعاااا عارف ناسك الخايف عليهم ولا م كدة ي وداد زي م قالها بششهه، قعد يضحكك قال ليها دة هقيقة ضحكت وانا ولا شغاله بيهم بقيت اعاين بالشباك وهو يعاين لي بالمرايه

وقفنا في إستوب كدة جا بتاع حلاوة قطن وقف نزل القزاز قال ليهو جيب 5، ولا اقول ليك جيب 10، والإستوب كان حيفتح والوراهو بضربو في البوري، شال الحلاوة وانا فجأة شوفته مرة شايله ليها شافع صغنن وبتشحد، قولته ليها امتثال معاك قروش؟ قالت لي ليييه؟قولته ليها عايزة ادي المرة دي بس، صهيب وقف العربيه وطلع يدو قال ليها تعالي، مسافتها كانت بعيدة نزل مشى عليها وحركه الشارع كلها إتعطلت بسببو والوراهو يضربو في البوري، في واحد نزل وبقى يتكلم معاهو فارغ صهيب قال ليهو لاحق الجنه انت م تنتظر، الراجل بقى يقول ليهو حيوان غبي، صهيب بقى يتناقش معاهو والناس اتدخلت، وامتثال بتكورك ليهو بالجلاله ركب وإتحرك، امتثال قالت ليهو انت م تبقى احمق بالفعل انت وقفتك غلط لانو وقفو مرتين في الاستوب بسببك، قال ليها م ينتظرو لاحقين شنو هم؟قالت ليهو اسي انت ماشي كدة لاحق شنووو طيب؟؟كان سايق باقصى سرعتو، قال ليها اختصري ماشه وين في شارع المشتل؟قالت ليهو خليك ماشي بس، مشينا مساااافه قالت ليهو بس هنا، نزلنا قالت ليهو م نازل؟قال ليها م نازل انا، دخلنا المحل سلمت على واحدة كدة سلام معرفه وقالت ليها طبعا دي شهد مرت صهيب، قالت ليها يااخي اهلين شهدوون كيفكك، قولته ليها الحمدلله وانتي؟قالت لي الحمدلله صهيب كيف ياخي؟قولته ليها الحمدلله، امتثال قالت ليها واقف برة في العربيه، قالت ليها واقف برة وم جا سلم علي يغسي عليهو دقيقه اسي بجيبو، طلعت وجات راجعه معاهو، قالت لينا إتفضلو،

جابت لينا مويه وعصير وقعدت تتونس معانا، امتثال قالت لي شهد تعالي نشوف الملابس بقينا لافييين وبنتفرج قالت لي لو عجبتك حاجه قولي عوووك،

طبعا انا م بلبس فساتين وحجات زي دي، بعد مسافه شايفاها هي نزلت ليها كم حاجه جات قالت لي م لقيتي حاجه ولا شنوو؟قولته ليها م كدة بس م عندها تياب وملابس نسوان وكدة، قالت لي م هو انا علشان كدة جبتك هنا عشان كفاك تياب ي بت انتي صغيرة م تتقيدي بلبس المتزوجات وبعدين نحن هنا حتى المتزوجات م بلبسو تياب كتير وانتي عندك ولد يعني توب وشافع وبرنامج وجع راس، قالت لي دقيقه، نزلت لي مثلا عندك الفستان دة ادخلي قيسيهو، قولته ليها هنا؟وصفت لي قالت لي هناك، دخلته لبستو جيت طالعه لقيتها معاها صاحبه المحل، قولته ليها زرايرو م مكتمله، ست المحل قالت لي اصلا هو بجي كدة بتلبس معاهو ي فستان قصير او بنطلون، امتثال قالت ليها كدة جيبي بنطلون يكون على مقاسها، قالت ليها جينز ازرق، قالت ليها وينهم هم، مشت إختارت لي وجات راجعه قالت لي كدة جربيهو، مشيت لبستو وطلعته قولته ليها كانو ضيق، قالت لي م بفستات م ظاهر شديد امتثال نزلت كفت لي البنطلون من تحت وقالت ي صهيب، صهيب تعال بسرعهه، انا اتجمدتهه عايزة اجري وم قادرة خلعتني مسكتني، صهيب طلع من المكتب قال ليها في شن...قبل م يكمل كلامو بقى يعاين لي

قالت ليهو اها كيف وكيف حكهه راسو قال ليها لالا تمام ماف كلام، قعدو يضحكو قالو ليهو غلبك التعبير، قال ليها بس الفستان شوفو مقاس اكبر من كدة شويه، بالفعل كان ضيق من فوق حبتين، ست المحل قالت ليهو غيرة تمام ماف كلام جدا نديها اكبر

شلته كذا فستان بنفس الإستايل مع إختلاف التشكيلهه، وشلته بجامات وإمتثال كل شويه تنزل لي حاجه، بعد م خلصنا شناها اكياس كميه وصهيب دفع الحساب وطلعنا اول م ركبنا نزل قال لينا نسيت حاجه رجع وجا شايل كيس في يدو، امتثال قالت ليهو نسيت شنو؟قال ليها حاجه مهمه بس ورجعنا البيت، وانا في اوضتي كنت مبسوطه بالملابس دي شديد حسستني بالتغير شويه، حسيت انو نفسي عجبتني وانا فيهم بدل التوب، اثناء م انا بطبق فيهم وبدخل الدولاب صهيب جا داخل شايل حلاوة القطن وكيس تاني في يدو قال لي دي حلاوة كريم، قولته ليهو طيب، جا بإتجاهي قال لي لسسسه م نفسك تتكلمي معي؟قولته ليهو م عندي معاك مشكله انا عشان م اتكلم معاك واكبر دليل على كدة اسي انا بتكلم معاك، قال لي إتفضلي، قولته ليهو شنووو؟دخل يدو في الكيس وطلع عبايه قال لي لاحظتهه ليك وانتي واقفه قدامها وعينك عليها وابدا م حتغلى عليك لو قلتي عايزاها انتي بتمثلي نفسك م تتقيدي بي إمتثال لمجرد م انها قالت ليك عباية شنو، مش عايزاها؟تاخديها على طول م تحرمي نفسك من شي عايزاهو اتمسكي بيهو مسك يدي وقال لي زي م انا متمسك بيكك اسي، رفعته راسي مخلوعهه من كلامو، قال لي مستغربهه عشان قولته ليك متمسك؟فعلا انا كدة متمسك بجد، ضحكته ضحكهه إستهتار خفيفهه قولته ليهو ي ربي المرة دي ابوك قال ليك العب بعقلها وشيل منها شنو؟طيب اقولها ليك بصورة اوضح عايز اي قطعه ارض؟جيب لي الورق خليني امضي عليهو بدون اي دراما

مبتذلهه، ملامح وشو إتغيرت ضغط على يدي وختاها في صدرو وقرب علي اكتر و قال لي المرة دي من غير اي طلب او اوامر من ابوي ولا عندي علاقه باي مؤامرة، المرة دي الموضوع اكبر بكتيير من مؤامرات ابوي ي شهدو حتى انا م كنت متوقع الحاجه دي عارفه لييه؟، عشان المرة دي إحساسي هو البقول لي عايزكك انتي ...

...