الفصل الثالث والثلاثون

انا انا فعليا م قادرة انسى ابو كريم دة الصراع الأنا عايشاهو حتى لو وانا بحبك م بقدر اعيش الحاجهه دي معاك والله العظيم، بقى يعاين لي وهو م عارف يقول شنو بعد مساااااافهه قال لي من قبيل بتلفي وبتدوري علشان عايزة تصلي للنقطهه دي صح؟ قولته ليهو صهيب م كدة والله العظيم، ملامحو إتغيرت وغضب غضب كدة مبالغهه، فجأة تلفونو ضرب شالو وطلع خلاني واقفه، انا واقفه مع نفسي وبقول دة شنو العملتو دة م كان اقول ليهو كدة ياخ

بعد مساااافه طلعته من الغرفه لقيتو شايل كرتونه بيتزا وداخل البيت على طول رجعته الغرفهه بعد مسااافهه دق لي الباب ودخل قال لي دة الأكل لو... قبل م يتم كلامو قولته ليهو م عايزة، على طول شالو معاهو وطلع شويه كدةوسامع صوت طااااخ في المطبخ لمن رجفتهه من الخوف، إنتظرته شويه وانا ماشه وجايه قلته اخليهو يهدأ بعداك احاول اتكلم معاهو، بعد فترة قصيرة طلعته لقيتو راقد في الكنبهه مشيت عليهو وانا زي الشافعه اكل في ضفوري واتراجف، قولته ليهو صهيب انت زعلتهه مني؟سكتت، قعدتهه جمبو في الكنبهه وبقيت اعاين ليهو وهو م سغال بي مركز في التلفزيون وماسك الريموت في يدو، قولته ليهو صهيب طيب خلينا نتفاهم قبل شويه كنت بتقول لي في شنووو؟يعني م ممكن تقلب في ثانيهه كدة ويكون م عندك نفس تتكلم معي، بقى يغير في القنوات شلته من يدو الريموت قولته ليهو صهيب بطل ياخي، قال لي ببرود ابطل شنو ي شهد؟عايزاني اتكلم معاك بعد القولتيهه؟اقول ليك شنو طيب بالمنطق كدة؟؟قولته ليهو قول اي حاجهه اخد وادي معي في الكلام زي م بتعمل كل مرة، قال لي اخد وادي معاك في الكلام عادي؟دة الانتي عايزاه وبرضيكك صح؟؟قولته ليهو خلاص ياخ ورقدتهه في حضنو وشديت على فنيلتو اللابسها بي يدي

هو م ابدى اي ردة فعل، رفعته راسي بقيت اعاين ليهو قولته ليهو طيب إعتبرني م قولته شي بقيت اقرب منو لما شافني قربته اكتر لفه وشو مني قولته ليهو صهيب يااااخ بطل حركات قام على حيلو ودخل غرفتو، قعدتهه في مكاني وانا ببكي، بعد اكتر من ساعهه من البكى مشيت دقيت ليهو الباب ودخلته لقيتو نايم في سابع نومه، قولته ليهو صهيب، صهيب اصحى، قلته لو قربته عليهو ممكن يصحى يلطشني افضل اقيف جمب الباب، وقفته جمب الباب وبقيت ادق فيهو واقول ليهو صهيب، في البدايه رفع راسو عاين لي ورجع رقد، وانا لسسسهه مصرة ادق واقول ليهو صهيب اصحى ياخ

قال لي بزهج في شنو ي شهد؟سكتته، قال لي عندك ساعه واقفه في شنو؟قولته ليهو بصوت طفولي راسي واجعني قال لي في حبوب في باب التلاجه في كرتونه لونها احمر ابلعيها،

شوفو الراجل لما يتغير ببقى بارد وببطل يهتم كيف؟في الايام العاديه كان حيقوم بلهفهه يمشي يجيبهم لي ويجي

قولته ليهو وانا اعرفهم كيف قوم جيبهم لي إنت

نزل من السرير بنرفزة وزهج مشى المطبخ جابهم وجا وهو شايل معاهو كبايه مويه على بال م ابلع الحبه لقيتو رجع سريرو، قولته ليهو بصوت متردد صهيب قال لي بنهرة وصوت عااااالي في شنو تاني ي شهد امشي نومي ياخ، قولته ليهو م انا عايزة انوم

قال لي من متين انتي بتستأزنيني عشان تنومي؟م تنومي ياخ، طلعته وقفلته الباب وقفتهه جمبو مساافه تاني رجعته فتحته الباب ودخلته براحهه براحهه لغاايهه م وصلتهه جمب سريرو وقعدته جمبو اظنو حسه بي فتح عيونو ورجع غمضهم، رقدتهه ورفعته رجولي براحهه وبقيت ازحف في السرير لغااايه م بقيت قريبهه منو شديد ورفعتهه يدو هنا فتح عيونو بالمرة قال لي في شنو ي شهد؟قولته ليهو عايزة انوم هنا واشرته على صدرو، قال لي شهد دة م وقت طفوليتك ياخ، رفعتهه يدو ورقدته في واحدة والتانيهه لفيتها حوالي وانا وشي ملامس لحيتو وم اكتفيت بكدة شربكتهه رجولي برجولو وضغطتهه بي يدي على فنيلتو اللابسها وبقيت امشي يدي التانيهه في لحيتو وانفو بعدها غمضتهه عيوني، م عارفه شيطان افكاري كان بقول لي شنو وخلاني اعمل كدة بس انا م كنتهه طايقهه فكرة انو يبعد مني او يكون زعلان مني فكنت حابهه اكسر الحاجز دة بأي طريقهه م عندي إستعداد اتقبل فكرة إنو يبعد او يهملني

في الجانب التاني محمد كان بتكلم بالتلفون وبقول طيب ممكن اقول ليك حاجهه؟صراحه صراحه انا عارف الكلام دة م وقتو ويمكن وضع البلد وكل العايشنو م بسمح بس بعد تسقط إن شاءالله وابوك يتخلص من روحو الكيزانيهه دي انا عندي قعدة معاهو، كيف يعني حأقعد معاهو لشنووو؟عشان في بيتو في كنداكهه بتلزمني

ضحك قال ليها لا م كدة بس حتى الظروف لو كان جمعتني بيك بموقف غير الموقف حق بيتنا دة برضو كنت حأكون عايزك م قصه إنك كنداكه او لا ابدا والله لأنو الثورة دي كلها ثورجيات لو الواحد تفكيرو إنو يتزوجها لمجرد إنها كنداكهه يبقى كل ولد مفروض تكون قصادو 100 بت واكتر، بسي زولهه عايزكك وخلاص مالك عندك إعتراض؟قعد يضحكك قال ليها اايوة هرش وتهديد بالواضح كدة ههه...

في نفس الوقت عمتي عواطف كانت بتتكلم مع ابو صهيب وبتقول ليهو"اسمع كلامي دة البت دي مش انت شربكتها فيهو؟اعرف حلحلو منها انا دايرة ولدي يعرس بت ناس ليهم مكانتهم وإسمهم، بت ناس يقدر يواجه بيها المجتمع ياخي دي سمايه ساي م قادرين نسوقها معانا عشان نقول دي مرة ولدنا، قال ليها عواطف اصلا انا عارف لمن تفوري كدة الا تعملي مشكله كبيرة حتى قلبك دة يبرد مالك ياخ انا الفيني مكفيني ي مرة ياخ، قالت ليهو قولته كدة؟سمح م تلومني على اي حاجه اعملها، قال ليها سوي البريحكك بس

صباح اليوم التاني فتحتهه عيوني لقيت نفسي نايمه براي في السرير بقيت اتلفت وانا خجلانهه من نفسي ومن العملتو نزلته طلعته سامعه صوت كريم في المطبخ قلته يمكن بلعب مشيت عليهو لقيتو قاعد مع صهيب وبشرب في اللبن، صهيب م قال لي حرف طبعا وانا شعري منكش وخجلانهه منو خججل كريم قال لي ماما، قولته ليهو حبيب ماما صباح الخير، فضلته واقفهه ومنتظرة صهيب يصبح علي إفتكرتو بعد الحصل امس يرجع عادي بس. لا والله ولا گاني قدامو خلص كبايتو وقال لي كريم يلا مع السلامهه وشالو باسو مسااافهه وجعو الكرسي وإتفاداني وانا واقفهه وطلع مشى، إتغظتهه غيظ

في الجانب التاني عمتو عواطف ماسكه تلفونها وبتتصل بعد مساافهه قالت"الو السلام عليكم، ، حاج الطيب؟كيفكك ياخ إن شاءالله انت كويس، الأهل هناك كلهم كيفهم إن شاءالله كويسين؟، معاك عواطف مرت حاج سمير، اهلين بيك ي اخوي الحمدلله والله تمام كلهم م عندهم ااي عوجه بسلمو عليكم والله وسائلين منكم دايرين نجيكم لكن مع اشغال الدنيا الما بتنتهي دي، اي والله الحمدلله ي اخوي الله يسلمك ي رب، حاج سمير كويس والله في امان الله، تسلم تسلم ي اخوي، ضاربه ليك والله في موضوع حساس شويهه كدة انا خجلانهه اقولو ليك لكن مجبورة في نفس الوقت اتمنى الموضوع دة م يطلع من بينا، والله ي حاج الطيب بصراحه كدة بقولو الواضح م فاضح ي اخوي صح؟اهااا نحن بتكم دي لما حاج سمير حكى لينا عنها وافقنا عليها قلنا مالو اساسا بنات الأقاليم مستورات ومحترمات وبنات قبايل، وولدي كانت اول عرسهه ليهو وبتكم دي العرسه التانيه ليها وانا شاهد الله لأخر لحظه م كان عندي علم انها معرسه قبل المرحوم ولدك، ماف ام بترضاها لولدها بت معرسها راجلين تعرسها لولدها الماشاف العرس بعينو لكن انا وافقته بي ولدها دة وافقته بيهو مع انو برضو ماف ام راجل بترضى ولدها يربي عيال م عيالو لكن قلته مالو نكسب فيهو الأجر ونربيهو اليتيم دة طالما البت بت حلال، اها بعد جات هنا والله ي حاج الطيب م بهتان لي بتكم لكن عملت فينا جنس شي م يعلم بيهو الا الله، اول م شافت حاج سمير دة كان شوفته الجوطه والتنهر واللئاامه والكلام الفارغ وطلعت حلفت م تقعد في البيت ثانيه لاحظ م تمت يومين من جات عملت كدة، بالتحنيس قدرنا نرجعها البيت والله نحن إتصدمنا فيها لانو تربيه البلد البت م بتقدر ترفع رمشها في وش راجل خلي صوتها، اها بعداك أظن في يوم إتناقشت نقاش صغير كدة مع راجلها واصلا البيوت دي بتحصل فيها المشاكل لكن تعال شوف العملتو قامت كدة جات لقتنا كلنا قاعدين وبنتونس وضربت ولدي كف قدامنا كلنا انا واختو واخوانو وحبوبتو كلنا قاعدين واعدم عيالي هذا م حصل يعني لا ختت لي انا امو إحترام، ولا لي حبوبتو، ولا لي أخوانو يشهد الله بكرة ربي بسألني سؤال ملكين، وكان شوفته عندها إهمال للشافع كريم دة بصورة م طبيعيه لا سائله في اكلو، لا في شرابو، لا في حمامو، ولا اي شي من جات مخلياهو للحبشيهه الشغاله في البيت والكلام دة م بجي ي اخوي ولا شنو كلامي؟يعني جناها دة مسؤليتها هي واجبها تهتم بيها وتطلع من الصباح م عارفاها بتلف تمشي وين م بتجي راجعه الا المساء والشافع دة جادعاهو ساااي يحوم من هنا لي هنا اليوم كلو ويوم واليوم التاني عندو إلتهاب لأنها بتدخلو الحمام وبتفتح فيهو المويه يقعد يلعب في الحوض وبتطلعو للهواء بتاع المروحه والمكيف، وم ادس منك قبل فترة م عارفه عقلها دة قال ليها شنو شيلي الشافع امشي بيهو المظاهرات محل القتل والغاز البخنق داك والله العظيم م بهتتان ليها لكن دة الحاصل ي اخوي والحاجه الشينهه م بتعجب والنصيحهه بتككم مهملهه شدييييد نحن زاتنا ولدنا مش راجلها والله م شغااالهه بيهو شغلهه الوقت كلو تتناقش معاهو قريب دة جيتها لي عرس خالها كانت متشاكله معاهو ونحن يشهد الله م عارفينها مسافرة قامت الصباح بس فاجأتنا بموضوع سفرها دة، والله ي اخوي انا م همي ولدي م هو في النهايه زول كبير وعاقل وبعرف يتصرف حتى لو هي م مهتمهه بيهو هو بعرف يهتم بي روحو ونحن بدل الشغاله عندنا 4 اي حاجه عايزها يأشر عليها بلقاها، انا كل خوفي على الشافع ولدها دة والله إهمالها دة بضيعو، البت عقلها صغير وجاااهلهه شديد وانا والله نصحتها بس م بتقبل نصيحتي وبتزعل مع إنو كلامي م بزعل، قبل يومين نصحتها في كلام الولد دة والله لو قلته ليك عملت شنو م بتصدق، والله والله حرشت ولدي علينا وخلتو يسوقها ويطلع يخلي لينا البيت اها انا دة كلو م هماني انا اسي هامة للشافع زمان وقت معانا الولد قدام عيونا بنأكلو وبنشربو واي شي دايرو بنعملو ليهو لكن اسي ساقتو ومشت ونحن م بنقدر نشيلو منها عشان هي م بتدينا ليهو عشان كدة لجأتهه ليك إنت ي حاج حاولو إتكلمو معاها، انصحوها، وعوها البت دي لكن كان جيتو في رائ صح والله هي زاتها في نفسها محتاجه زول يتحمل مسؤليتها عشان كدة افضل الشافع دة تشيليهو تربوهو عندكم هناك وقدام عينكم عشان هي بي عقلها وعمايلها دي والله الشافع دة إنتو اولى بي تربيتو منها ولا كلامي دة غلط ي حاج الطيب؟؟؟وزي م قولته ليك ي حاج الطيب المكالمه دي تكون بينا بس عليك الله كلامي دة م كعوبيهه مني لا والله بس دايرة مصلحه الشافع المسكين دة

في الجانب التاني انا حممتهه ولدي ولبستو وكنت مربيهه ليهو شعرو علشان صهيل قبل فترة طلب مني اربيهو ليهو لقيت كريم في علبه بعملو صهيب في شعرو دايما شلتو عملتو ليهو في شعرو بقى حلوووووووو ولااامع حلات م عجبني بقيت اللعب معاهو في الأرض ونضحكك، خليتو بلعب بعجلتو الجابها ليهو صهيب ودخلته المطبخ طبخته بعد م خلصته شلته كريم نومتو ونمتهه معاه صحينا بعد العصر شغلنا تلفزيونا وبقينا نشاهد فكرته اعمل شنو لما صهيب يجي واتكلم معاهو كيف؟دخلته استحميت وقفتهه قدام المرايه فكيت شعري لبسته لي جلباب اكمامو صغيرة وهو زاتو م طويل شديد وإتعطرتهه من عطرو هو زاتو لأنو م كان عندي ريحه نسوان وفضلته واقفه قدام المرايه بعاين لنفسي وبقول شهد إنتي الحاصل عليك شنووو؟فجأة بقيتي ضعيفهه كدة قدامو وكمان بتعملي كل دة عشان ترضيهو

بعدها تاني عدلته وقفتي وانا بصلح في شعري وبقول ي ربي حأعجبو؟ولا البشوفهم احلى مني؟اكيد هم احلى مني بس مقتنع بي انا

طلعته قعدته مع كريم ولدي جهزته ليهو الأكل اكلتو وقعد يلعب وانا بشاهد لغاايه الساعه 10 م جاء وانا مقلقه كل شويه اقيف في البلكونه واجي راجعه لغااايه م كريم نام انا ماشه وجايه وعقلي يودي ويجيب ي ربي مالو؟يكون مشى اهلو؟إتأخر ليييهه ي ربي؟معقوله تكون حصلت ليهو حاجه؟م عندي تلفون اتصل بيهو، نزلته تحت لعمو الغفير في مكتبو عشان اشيل تلفونو اتصل منو لقيتو ماف انتظرتو كدة لما م جا قلقتهه على كريم ولدي رجعته الشقه فضلته قاعدة ومنتظرة لي نص الليل لغاايه م عيوني زغللو ونعستهه خلاص وانا قاعدة في الكنبه وبعاين للشاشهه ونص مغمضه ونص مفتحهه لغاايه م في لحظهه كدة فجأة حسيت بصوت حركه فتحته عيوني شايفه صهيب داخل، شافني وانا قاعدة قال لي مساء الخير ودخل غرفتو، جا طالع دخل غرفتنا انا وكريم بقى يبوس في كريم ويحاول يصحى فيهو وانا واقفه في الباب وبعاين ليهو، كريم إتقلب مسااافهه ورجع نام تاني، خلاهو وقام طالع لقاني واقفه قلته ليهو إتأخرتهه كدة مالكك؟؟قال لي عندي شغل وطلع مشى غرفتو مشيت جهزتهه ليهو العشاء وجبتهه ليهو جكك عصير وكبايه مويه دخلتهم ليهو الغرفه سمعته حركتو في الحمام فضلتهه واقفهه منتظراه لغاايه م شوفتو طلع وهو خاتي البشكير في راسو على طول مشيت على جهه الدولاب فتحتو طلعته ليهو فنيلهه وإتلفته عليهو لقيتو ماسك موبايلو ورامي البشكير في السرير، قلتهه ليهو هاك الفنيلهه، سكت م ردة لي، قلته ليهو هاك وقربته عليهو وانا لافهه وشي منو، شال الفنيلهه لبسها وكان لابس شورت، بعد ضمنته إنو لبسها قلتهه ليهو إتأخرتهه وين اليوم انا منتظراك من قبيل

قال لي كان عندي شغل، قلتهه ليهو شغل شنو للساعه 12؟سكتت، قولته ليهو شغلك كان مع بنات صح يلا جاوبني ؟؟، قال لي شهههههههد م نفسكك تبطلي الهبل الفجأة إنتي بقيتي فيهو دة؟؟، لفيت يدي حوالين رقبتو وقربتهه عليهو شديد وطلعتهه بأمشاط رجولي في رجولو ولصقتهه انفي مع انفو وقولته ليهو انا بس نفسي أبطل اشتاق ليك وخلاص...

...