الجزء 16

رزان : صدقيني دي الحقيقه وم بقدر انزل البيبي لانها دي فرصتي الاخيره عشان اكون ام

امينه : لو بتقدري تتحملي ذنب انك تنسبي طفل لي غير ابوه اعمليها وربنا يسامحك ..

رزان : انتي م فاهمة حاجه .. امجد الايام الجا فيها كان مشغول بي مرض العارض كوكي وم لقينا فرصه نكون مع بعض عشان كدا مستحيل امجد يعرف بالحمل دا ولا اي زول في بيتنا ..

امينه نططت عيونا وقالت : اكييد م جاده كيف تقدري تدسي الحمل لحدي م تتمي .. قولي قدرتي تنجحي ح تودي البيبي وين ؟ اكيد م حتوديهو دار الرعايه صاح ؟

رزان : عايزاك تربيهو معاك قولي لي يوسف اي حاجه وانا ملزمه بي المصاريف وم بتخسري اي حاجه ..

امينه : آسفه ي رزان المره دي انا م معاك ..

ح تعملي لي مشكله ويوسف اصلا عندو تحفظ علي علاقتي بيك .. انا آسفه بعدين انا كمان ولدي م بسمح يتربي مع ولد ح

قطعت كلاما وسكتت ورزان طوالي قالت : كملي ود حرام صاح ؟ شكرا ليك كتير ..

عزاز قالت لي امينه : بالغتي عديل دي الصداقه يعني تتخلي عن اغلي صديقه عندك وقت الحاره ؟ انا شخصيا م عندي شغله بي علاقتك معاها انا بقيف معاها ومستحيل اتخلي عنها واذا الكلام دا م عاجبك وم عايزاني اقعد معاك في بيتك بمشي ناس خالتي او ٱٱجر شقه معاي زميلاتي ..

امينه : هوي ي مجنونه اولا رزان صديقتي شديد واقرب صحبه لي ويوسف كمان بحترما لكن دي حملت 3 مرات ونزلتو ودي المره الرابعه تحمل .. دا حرام زاتو وانا قلت ليها كدا عشان تحس بي غلطا وترجع تاني تبقي زوله كويسه بعدين كيف اتحمل مسئوليه طفل صغير كدا واقول شنو لي يوسف واهله وحتي اهلي .. فكري فيها ..

علاقه عبير وناجي اتوترت شديد وبقي ناجي ينوم في غرفه الضيوف عشان يتكلم مع عزاز بي راحتو ومره عبير سافرت البلد تشوف ابوها عيان ناجي طلب من عزاز تجي تقضي يومين مع رزان وتكون قريبه منو وفعلا جات وبعد المغرب حاجه مني نامت وناجي ورزان وعزاز كانو في الهول بشربو في شاي المغرب وبعد شويه عزاز قالت لي رزان عايزه رويال رمان من السوبر ماركت .. رزان قالت ليها : عندي رمان في التلاجه انتظري اخلطو ليك فرش احسن ليك من حق الدكان دا كلو غازات ،،

عزاز : لا لا عايزه من الدكان م بحبو فريش .

رزان عاينت ليها وقالت وهي واقفه : شكلها توزيعه دي .. اوك انا ماشه ،،

اول م رزان طلعت ناجي طلب من عزاز تمشي معاه شقه عبير فوق وبسرعه طلعو وهناك ناجي بدا يحضن عزاز ويتحسس في جسدا وهي بتتمنع ورفضت يقبلها وقالت ليه : اسمع انا الحاجات دي م سكتي ي ود الناس ،،

ناجي ولسه بقرب منها : طيب سكتك شنو ي عبير ؟

عزاز لزتو منها وصلحت الطرحه وشعرها وقالت : عبير ؟ لما انت بتحبها وبتهضرب بي اسمها عامل فيها بتحبني ليه؟ وجاري وراي وخليتني اتعلق بيك ناجي : والله بحبك واحساسي معاك م بشبه احساسي بي عبير .. لكن انا بس اتعودا علي اسم عبير .

عزاز : انا سكتي حلال وم بقبل بي شريكه يعني لو جادي معاي عارف تعمل شنو !!!

عبير رجعت من البلد ونفسياتا في الواطه حتي حاجه مني لاحظت وقالت ليها : مالك ي بتي شكلك وصوتك م عاجبني في شنو ؟ موش اطمنتي علي ابوك تاني في شنو؟

عبير عاينت لي رزان وقالت : علاقتي بي ناجي بتلفظ في انفاسا الاخيره ،، اولاد الحلال دخلو بينا

رزان جاطت فيها : قصدك شنو ؟ انا مالي ومال علاقتك بي ناجي .. بعدين احسدك علي شنو عندي راجل لو قعد ينشاف ولو وقف ينخاف دايره بي ناجي حقك دا شنو 😡 ومشت شقتا فوق واتصلت بي عزاز وقالت ليها : اها موضوعك لسه م خلص مع ناجي ؟ الزوله دي متزايده شديد بعد دا تاني م بنقدر عليها ..

عزاز : بعد اسبوع جايي بيتنا وقال اذا طلقا م بعقد علي اطمني نهايتا قربت خلاص ..

🔹🔹🔹🔹🔹🐽񞔹🔹🔹🔹🔹🔹

حاجه مني : مالك ي عبير انتي دايما عاقله ليي بتتعاملي مع رزان كدا دي برضو اختك ،،

عبير : اختي بتخرب بيتي ؟ تتذكري موضوع البت الاسمها لينا بتاعت الواتس .. هي المرسلاها عشان تخرب بيني وبين ناجي وقدر حصل وبي فضلها اسي ناجي بقي سلام الله م بديني ليهو ،، دي خوه شنو ي امي ،،

حاجه مني : لا حول ولا قوه الا بالله ،، يلا لو دا صحيح ليي تخلي راجلك تلهفو واحده تانيه بكره امشي ليه في البيت حقكم وصالحيهو وامسكي فيه بي يدينك واسنانك ..

عبير حضنت حاجه مني وقالت : انتي فعلا امي الدايره لي السمح بكره بمشي ليه في البيت لاني بحبه واذا خلينا بعض بموت 😔