الجزء 28

أشرف مشى على باب الشقة و فتح الباب ، و هنا كانت

الصدمة ... الصدمة إنو كان في كمية من رجال الشرطة

هجموا عليهم ... بعد شوية كدة دخل فهد . لمن شاف رانية

ما إتصدم ، لكن هي الإتصدمت ، عاين ليها بكل برود ، و

هو طوالي إتوجه على مصعب و مسكو من ياقة قميصو

بقوة و قال ليهو : وين سمر؟؟؟

مصعب سكت

فهد : قلت ليك وين سمر؟؟

مصعب أشر ليهو على غرفة سمر ، فهد فكاهو و إتوجه على

الغرفة ، فتح الباب و دخل ، لقى الغرفة فاااضية ، مشى

على الشباك المفتوح .... عاين لى تحت و قال : أخخخ

💔

مرق من الغرفة و مشى على أشرف و قال ليهو : وين بت

أخوك ؟؟؟ سمر وين؟

أشرف : أنا ما عارف هي مافيشة؟ !

فهد ما رد عليهو و مرق من الشقة و رانية كانت بتكورك

ليهو و بتترجاهو ..

المهم إعتقلوهم و ساقوهم و عقوبتهم إنهم يتسجنو .....

نرجع لى سمر : سمر دخلوها المستشفى و عالجوها خلاص

و دا كان الساعة 3 صباحا ، المهم مرت الساعات و جات

الساعة 10 صباحا ..

المرة الجابت سمر المستشفى إسمها " منال "

منال : فقدت ذاكرتها؟؟؟

الدكتور : أي فقدت ذاكرتها ، لكن مع مرور الزمن يمكن

ترجع ليها ، إنت أمها؟

منال : لا أنا بس لقيتها واقعة في الأرض الساعة 2 صباحا .

الدكتور : يعني ما بتعرفي إسمها؟؟

منال : لا والله ما بعرف .

و في نفس اليوم سمر خرجوها و منال ساقتها معاها

بيتها ..

نرجع لى ناس سلمى :

نهى : أشرف كان من ضمنهم؟؟؟

فهد : أيوة .

نهى : ما لقيتوها نهائي؟؟ و لا في أي أثر؟؟؟

فهد : إن شاء الله حنصل ليها ،بس إنتو أدعوا ليها كتير

💜

نهى : يا رب ترجعها لينا سالمة يا رب 🀾􏄲

فهد : وين خالتو سلمى ؟؟؟

نهى : راقدة جوة في غرفتها و بتبكي .

فهد : ممكن أدخل ليها؟؟

نهى : أيوة إتفضل ..

نرجع لى سمر :

الساعة 4 مسا ، سم فتحت عيونها ، لقت روحها في غرفة

راقية كدة ، و راقدة في سرير واسع ..

ما قادرة تتذكر شي و لا هي منو أصلا ..

فجأة جات منال داخلة شايلة أكل في صينية ..

منال : و أخيرا صحيتي ، يلا دا أكلك و لازم تاكلي و لو

بتخجلي أنا ح أكل معاك ♡♡

سمر قعدت عديل في السرير و قالت ليها : أنا وين؟؟ و

إنت منو؟؟

منال : أنا منال و إنتي في بيتي ، أنا لقيتك واقعة جمب

الظلط و رفعتك و وديتك المستشفى ، و الحمد لله إنتي

بخير 💜

المهم خلصوا أكلهم ، منال مرقت و بعد مسافة جات راجعة

شايلة بجامة ..

منال : أمشي إستحمي و غيري هدومك ، يلا .

سمر قامت على حيلها و مشت إستحمت و لبست البجامة ،

و جات دخلت غرفتها . منال جاتها داخلة

منال : يا بتي تعالي أمرقي من الغرفة ما تحبسي روحك

فيها تعالي ..

سمر قامت و مشت معاها ، و بقو يلفو لحدي ما وصلو

لحديقة كدا و قعدوا فيها ..

سمر : قاعدة براك في البيت؟؟

سلمى : أي والله ، لكن راجلي جاي من الإمارات بعد إسبوع

كدة ..

منال بقت تونس في سمر و كدا ، لكن سمر كلامها قليل

شديد و ممكن نقول منعدم ، أغلب الوقت بتكون سرحانة و

بتفكر .. أما منال بدت تتعلق بى سمر أكتر و أكتر ، و حبتها

و أجلت موضوع أهل سمر لمن يجي راجلها ...

يتبع ....