الجزء 11

نهى وسمر بقو يلفو السوق كلو ، سمر كرعينها لمن

وجعتها ..

سمر : إنتي يا خالتو قروشك حارقاك للدرجة دي؟؟ !

نهى : خشمك عندك ، الحارقك شمو إنتي ؟

سمر : لينا أكتر من ساعتين لافين في السوق ، و إنتي ما

شاء الله خميتي السوق كلو ..

نهى : خلاص قربت أنتهي ..

بعدها رجعوا البيت ، سمر دخلت غرفتها جربت العباية و

بقت تعاين في المرايا 💕

نهى : عجبتك؟؟

سمر : شديد ، شكرا يا خالتو ♥

سلمى : ما بتقصري يا نهى ..

سلمى و نهى مشوا المطبخ ..

سمر رقدت في السرير ، نامت ليها نص ساعة و قامت ،

مشت غسلت وشها ، اتزكرت إنو اليوم يوم ميلادها .♥

طلعت كانت ماشة المطبخ قالت بصوت عالي : أمي الليلة

يوم ..

فجأة تشوف ليمياء و فاتن و لمى قاعدين في الهول

عاينت ليهم كلهم و كملت جملتها : ميلادي 💕

البنات : سبراااايز 💗

فاتن : من قبيل منتظرنك تصحي

سمر : كنتو تصحوني

مشت سلمت عليهم وقعدت جمبهم ..

لمى : كل سنة وإنتي طيبة 💕

سمر : و إنتي طيبة يا قلب ..

نهى جات مارقة من المطبخ و شايلة ليخا كيكة في صحن

كبير ..

نهى : في زول بينسى يوم ميلادو؟؟

سمر : ههههه أيوة أنا .

سلمى جات مارقة و شايلة الشاي ، المهم بقوا يتونسوا و

يضحكوا 💗

فاتن : أنا جبت ليك هدية وإن شاء الله تعجبك♥

فاتن مدت ليها علبة الهدية ..

سمر : تسلمي يا قلبي ..

لمى : و أنا برضو جبت ليك هدية 🖤

ليمياء : و أنا كمان ..

سمر : ما كان في داعي للتعب دا كلو ..

فاتن : انت ما بيغلا عليك شي ♥

لمى : أفتحيهم بعد ما نمشي

سمر : طيب حاضر ، شكرا يا حبيباتي الحلوات💕

سمر قبلت على ليمياء و سألتها : دكتور فهد لى ما جا ؟؟

ليمياء إبتسمت ليها و غمزت ليها 🌸😉😉 وقالت :

فهودي ما جا ،ههههه

سمر : هي ، مالك ؟؟ بتلمحي لشنو إنتي؟؟ سؤالي كان عادي

إستغربت يعني جيتو بى شنو وكدا ..

ليمياء : يا بت أنا عارفة كوووول حاجة هههه ، و فهد ما

نسى حبو ♥ جاب ليك هدية منو ليك ..

ليمياء مدت لى سمر كيس متوسط في حجمو ، و غمزت

ليها تاني😉

سمر ضربتها في كتغها و قالت ليها : كلبة

فاتن : يلا أنا زعلانة منكم كلكم ، كلكم إرتبطوا وخليتوني

برااااي سنجل 😭😭😭 ما راضية 🀽􏆐

كلهم بقوا يضحكوة عليها ..

المغرب هم قالوا ماشيين ، و سمر قالت ليهم أنا ح أوديكم

بيوتكم ..

أثناء ما هي سايقة العربية اتزكرت إنو هي بكرة مسافرة

💔

سمر : أنا بكرة مسافرة، مع أمي و خالتي ..

لمى : حظظظظك ، مسافرة كسلا؟؟

سمر : أيوة💕

ليمياء : توصلي بالسلامة إن شاء الله ، حنفقدك

بالجد 🀽􏆐

فاتن : استمتعي بوقتك 💜

سمر : حسستوني اني ما حأجي تاني ، كم يوم و أرجع ..

المهم سمر رجعت البيت لقتهم بجهزوا في شنطهم

سمر : من أسي؟؟؟

سلمى : أي يا بتي امشي جهزي شنطتك ، إحنا مارقين

بدري🏼🐼񴏼🖐

سمر دخلت غرفتها فتحت دولابها شالت تلاتة عبايات و كم

بجامة و كدا يعني ، قفلت شنطتها و نزلتها من السرير ،

بدت تفتح في الهدايا كانو حلوين شديد و عجبوها . كان

باقي هدية فهد اترددت إنها تفتحها في النهاية شالتها و

فتحتها لقت فيها شكولاتات أشكال و أنواع 🍪🍫

🍫و جمبهم عطر راقي كدا و جمبهم سلسل كن فضة

حلو شديد ...

يتبع .....