الجزء 15
و بعد كدة مشو نامو ..
جا الصباح و هم صحو بدري بدري ، منى و سمر بدو
ينضفو البيت و إنتهو من النضافة الضهر كدا ..
منى : سمر استحمي سريع سريع عشان نمشي السوق
سمر : طيب
بعدها لبسو عباياتهم و ركبوا العربية و إتوجهوا على السوق
سمر : عايزة تشتري شنو بالتحديد كدة؟؟
منى : يعني ، فستان يكون لونو هادئ و حلو و عايزة
أشتري اسبورتيين و عباية و قميصين و اسكيرت و شوية
ميكاب وبس♥
سمر : لا أحسن تزيديهم🏻✋
المهم وصلوا السوق و بدوا يلفو و يلفو ..
سمر : أها اشتريتي كل حاجة بس باقي الفستان بس
منى : أيوة .
و بعد لف و دوران لقوا فستان حلو 🌸 بعديها سمر
دخلت محل مجوهرات واكسسوارات
منى : يا بت داخلة وين انتي؟؟
سمر : بس تعالي ..
سمر إختارت سلسل فضي بسيط لكن روعة و هدتو لى منى
💗
منى : شكرا يا عسل ياخ أنا بحبك يا قلب بحبك ( و بقت
تكورك ) و حضنت سمر
سمر : خلاص فكيني 🀽
سيد المحل بقا يضحك على عوارتهم 😁 بعديها ركبوا
العربية و إتحركوا على البيت ..
و في الطريق كدة منى لمحت زينب بتتكلم مع ولد كبييير
، و تتبسم و تتكشم و تتعاور و تتهابل ..
منى : أجي يا بت أمي؟؟ قدام خلق الله كدة؟
سمر : خليها في حالها و خلينا في حالنا 🀽
منى : أحسن .
في مكان تاني :
الطاهر : يا زول المرة الجاية كون نفسك ما كل مرة على
حسابي أنا ما بقدر🏻✋
أشرف : ياخ خلاص ما تزعل قلنا ياخ . ح أدبر حالي ..
الطاهر : هاك . انت لى أسي ما شفت لينا حل لى بت
أخوك دي؟؟
أشرف : منو دي؟؟
الطاهر : سمر يعني حيكون منو؟؟ 😒
أشرف : اااااا ، ياخ البت عنيدة ، وبعدين إنت قتلت
أبوها 🀽
الطاهر : إنت لازم تشوف ليك طريقة للبت دي ولدي دا
دايرها بأقرب وقت ..
أشرف : طيب طيب
فجأة في شاب طلع من غرفة كدة ، كان لابس قميص لونو
كبدي مع بنطلون بيجي واسبورت أسود .... و الولد وجيه
و سمح شديد . ودا كان مصعب ..
بعد مسافة أشرف قام ..
أشرف : يلا أنا ماشي .
الطاهر : المرة الجاية ما تنسى تجيب معاك القروش
🀽
أشرف : طيب ...
في اليوم التاني عند ناس الخرطوم :
فهد خت كباية الشاي و قام ..
فهد : يلا كدة أنا ح أتاخر ، مع السلامة 🀽
هديل و ليمياء : مع السلامة ..
ركب عربيتو و اتوجه على المستشفى ... دخل مكتبو و
قعد في الكرسي ..
وفجأة ....
دخلو بيها المستشفى ، كانت غايبة عن الوعي ، كانت
غرقانة في بركة من الدم .... وأمها كانت بتصرخ بصوت
عالي ..
طوالي دخلوها غرفة العمليات و عملو ليها العملية و من
ضمن الدكاترة العملو العملية فهد ...
البت كانت مطعونة في بطنها و حالتها كانت صعبة بين
الحياة و الموت ... بعديها من غرفة العمليات و رقدوها في
غرفة عناية مركزة ...
يتبع ...