الجزء 29

المهم مر الاسبوع و سمر قاعدة مع منال . و بقوا يجهزوا

في البيت عشان بكرة راجل منال جاي من الإمارات .

في اليوم البعديهو :

منال و سمر بالضهر كدة كانوا قاعدين و مستنين راجل

منال ..

منال : مسافة دا قومي سوي العصير 💋

سمر قامت و إتوجهت على المطبخ . فجأة جرس الباب رن

، سمر مرقت عشان تفتحو ..

منال : لا لا خليك أنا بفتحو .

سمر رجعت للمطبخ و بدت تسوي العصير . سمعت صوت

راجل و معاهو زول تاني ..

بعد مسافة من السلام و الإستقبال ، فجأة منال نادت سمر

: يا بت تعالي جيبي العصير ..

بعد شوية كدة شالت الصينية و مرقت من المطبخ وصلت

للهول ، فجأة كدة وقفت لمن عاينت لى راجل منال، و

الزول المعاهو قام على حيلو و هو مصدوم و دا كان فهد

🖤 بقى يعاين ليها و هو مصدوم ، و سمر بقت تعاين لى

راجل منال بإستغراب و هو إسمو " عابد " ، هو زاتو إتخلع

منها ..

منال : تعالي قدمي ليهم العصير .

فهد : سمر؟؟؟؟؟؟

الصينية و سمر جو واقعين في الأرض ...

* * * * * * *

بعد ساعات و ساعات سمر فتحت عيونها لقت روحها راقدة

في السرير و أمها قاعدة جمبها ، أمها عاينت ليها و طوالي

دموعها نزلت ، سمر إترمت في حضن أمها و بقت تبكي

😭💔

سلمى : و أخيرا يا سمر رجعتي لي سالمة ، و الله ماااااا

مصدقة 💔💔

سمر رفعت راسها و قالت ليها : أمي أنا إشتقت لي شوفتك

و صوتك و الله يا أمي أنا عشت أيام سودة بدونك، الحمد

لله بس الحمدلله .

‏( طبعا سمر رجعت ليها زاكرتها ‏)

بعد شوية كدة نهى وصلت المستشفى و دخلت ليهم في

الغرفة ، سمر حضنتها و نهى كانت بتبكي .

بعد شوية سمر سألتهم : أمي ، أشرف حصل ليهو شنو؟؟

سلمى : التافه الملعون عمك دا سجنوهو و الحمدلله معاهو

مثعب و بت تانية .

و في اللحظة دي فهد و معاهو عابد دخلوا ليهم في

الغرفة .

عابد : السلااااام عليكم 🏻✋

سلمى : و عليكم السلام😊

سمر إتخلعت دا منو الزول البيشبه أبوها دا؟؟

عابد : كيفك يا سمر؟؟

سلمى : يا بت سلمي على عمك .

سمر قبلت على سلمى : عمي؟؟؟ كيف يعني عمي؟؟

-*

عابد و خالد توأم . لمن كان عمرهم 5 سنوات كانوا

عايشين مع أمهم نجوى و أبوهم محمد أحلى حياة .

كان في مرة إسمها فاطمة بتجي تكوي لى نجوى و تفوت ،

مرة في الأسبوع .

فاطمة كانت من النوع الحقود و البزعل أقل شي و النوع

الما بدور الناس نهائي ، في يوم من الأيام فاطمة كانت

بتكوي ليها في توب ظاهر عليهو جديد ، نجوى ما لبستو

مرة ، فاطمة كانت بتحسد نجوى في كل شي ، المهم شالت

التوب بالمكوة جات نجوى هرجت فيها إنتي ما كان تنتبهي

و إنتي لو إنتبهتي ما كان حصل .........

المهم فاطمة إتغاظت منها زيادة ، في الإسبوع البعديهو

لمن جات ، لقت نجوى مافيشة ، و خالد و عابد كانوا

بيلعبوا مع بعض جوة البيت . فاطمة قعدت في سرير في

الحوش و بقت تنادي في عابد ، يا عابد يا عابد . بعد

شوية عابد جا طالع

فاطمة : أرح أوديك الدكان أشتري ليك حلاوة 🍬🍬

مسكتو من يدو و مشت بيهو محل مشت ، و مرت شهور و

سنوات ما لقوهو و بعد 10 سنوات من الحصل نجوى

جابت أشرف ..

* نرجع للأمر الواقع :

سمر بقت تعاين لى عابد مسافة ، ملامحو ياها زاتها ملامح

أبوها ، ضماها عليهو و هي بقت تبكي و هو زاتو بكى

معاها زي الزول الصغير 💔💔

لمن خلصوا كلهم بكا ، فهد قال ليهم : خلاص يا جماعة ،

أنا ما بسلموا علي و لا شنو؟؟ و غمز ليها ، سمر

ضحكت ...♥

يتبع ....