الجزء 8

بعدها دخلوا القاعة كان عندهم محاضرة واحدة بس .. و

بعدها طلعوا ، فاتن ركبت مع سمر .. وأما ليمياء انتظرت

أخوها♥

سمر : أنا خايفة💔

فاتن : من شنو؟؟؟

سمر : من الامتحانات القربت دي 🏻✋

فاتن : me too , الحمدلله آخر إمتحانات و نخلص

سمر : إن شاء الله ..

فاتن نزلت من العربية و دخلت بيتهم ، في اللحظة دي

سلمى إتصلت على سمر

سلمى : سمر جيبي معاك كيلو بتاع لحمة 🥩 و كيس

مكرونة .

سمر : حاضر ، تاني عاوزة حاجة؟؟

سلمى : سلامتك ..

سمر : باي💗

سمر مشت لى سوبر ماركت و نزلت من العربية و دخلت ..

سمر : لو سمحت عايزة كيلو لحمة و مكرونة ..

مشى جاب ليها لحمة من التلاجة و جاب كيس المكرونة و

ختاهم قدامها ..

لمن سمر كانت بتشيل القروش من شنطتها، في واحد جا و

قال : علبة سيجارة يا معلم🚬

سمر طلعت القروش و أدت سيد السوبر ماركت ..

الولد القال داير سيجارة : سمر؟؟؟

طبعا دا كان مصعب ، سمر اتلفتت عليهو وشافتو وأتخلعت

😨 شالت الحاجات و مشت سرعة سرعة عشان تتفاداهو

🏻✋

جا عليها و مسكها من يدها بقوة ..

مصعب : مستعجلة ليه؟؟

قبلت عليهو و حمرت ليهو ..

سمر : فكني يا زفت انت😠

مصعب : no no . ما تعصبي 🏻✋

سمر : عايز شنو انت ما بتفهم ؟؟ ما بتفهم؟ فك يدي عشان

ما ألم فيك خلق الله ديل كلهم، و بعدين قول لى أبوك

المرة دا إنو وين ما مشى و وين ما كان مصيرو يتلقي و

يتحاكم ..

فكت يدها منو بقوة و مشت على عربيتها و ركبت ومشت

البيت .

سمر سلمت على امها ومشت غرفتها . استحمت ولبست

بجامة ومرقت .

لقت امها بتبخر في البيت والريحة كانت حلوة شديد 🖤.

سلمى : عليك الله ياسمر بعد ما ترتاحي شوية ،ادخلي

المطبخ واعملي ليك بطاطس واعملي مكرونة .

سمر : حاسة كأنو في زول جايينا صاح؟؟

سلمى : الليلة جاية خالتك " نهى"

سمر : احلفي يا امي 😍

سلمى : والله 🙂

سمر مشت عملت الغدا زي ما قالت ليها امها . والساعة ستة

كدا ،الجرس رن ،سمر لبست ليها طرحة ومشت فتحت

الباب .

وفجأ جا ولد جاري عليها بي لهفة كدا،واتشعلق فيها

وحضنتو وقالت ليهو : اوووووووووووو ميدو ،مشتاااقين

.😘😘 نزلتو وجات بت قدرو كدا برضو حضنتها ،سمر

قالت : ميمي مشتاقييين شديد .♥

طبعا ديل احمد ومروة ‏( توأم ♥♥(

بعديها جات خالتو نهى داخلة سلمت على سمر بالأحضان

💕

المهم دخلوا جوة و اتونسوا و بعديها اتغدوا . سمر دي

بتحب خالتها نهى دي حب شديد ..

بعد إسبوع كدا كان يوم جمعة و لمى اتصلت على سمر و

قالت ليها إنو هي جاياها ..

سمر و أمها و خالتها ما قصروا عملو أحلى أكل و جهزو

البيت و كدا ..

الساعة 4 بالعصر لمى جات، سمر سلمت عليها بي شوق

💕

المهم قعدوا واتونسوا و كدا و بعديها اتغدوا ، كان يوم

حلو بالنسبة لى سمر ..

جات أيام الامتحانات ، سمر قرت قراية لمن زيتها طلع

💔، و خالتها كانت بتعمل ليها العصاير و كدا، اعتنت بيها

شديد ..

المهم امتحنوا و أجزوا ..

يتبع ....