الجزء 25

فجأة فاتن ضحكت بصوت عالي و بدون سبب ، بس

عايزاهم يتلفتو ، الناس القاعدين في المطعم كلهم قبلو

عليهم دايرين يشوفو البضحك دا منو،،، و من ضمنهم

مصعب و رانية ، اتفاجأو لمن شافو سمر ، مصعب عدل

قعدتو و قال بصوت عالي و مسموع : إنتي عارفة ؟؟ أمس

في زول زعل زعل من عمو عشان عمو خرب ليهو أحلام

اليقظة بتاعتو 💔🏻✋🏻✋

سمر عملت رايحة كأنو ما سمعت كلامو ، بس إستغربت دا

عرف من وين؟؟؟ . أصلا سمر حكت لى فاتن الحصل معاها

أمس .

فاتن قالت لى سمر بصوت عالي عشان تسمعهم : أها ما

قلتي لي فهودي لسة بحبك ؟؟ يعني ما بخليك؟؟؟

سمر برضو بنفس الصوت : بحبك دي شنو؟؟ هو بعشقني و

أنا نفس الشي، و أمس ما خلا لي شي ما جابو لي عطور و

هدايا و شكولاتات أنواع و أشكال و اكسسورات ما عرفت

أوديهم وين ، الله يخليهو لي ♡♡♡

فاتن ردت عليها بصوت عالي : عارفة ؟؟ انتي و فهودي

جااايين مع بعض شديد ما زي زاس كدة 🏻✋🏻✋

💜

سمر ضحكت ليها . بعديها قاموا و طلعوا من المطعم .

فاتن : دا منو القال ليهو إنو فهد جاهم و كدة و هو بعرف

عمك من وين؟؟؟؟ !

سمر : والله أنا مستغربة شديد .

فاتن : يا زولة ما تشغلي مخك بكلام زي دا 🏻✋

ركبوا العربية و مشوا على بيوتهم ، سمر وصلت قريب

للمغرب .

لقت أمها و خالتها قاعدين برة في الحوش و يتونسوا .

مشت قعدت معاهم

سمر : أحمد و مروة وين؟؟؟

نهى : قاعدين جوة بيحضرو في التلفزيون .

سمر قامت و دخلت جوة

سمر : أحمد و مروة تعالوا شوفوا جبت ليكم شنو .

جو جاريبن عليها ، أي واحد أدتو كيس فيهو حلويات و

كدة💜

دخلت غرفتها ، بس فجأة باب البيت دق ، بعد شوية كدة

سمر سمعت ليها صرخة .

جات مارقة عليهم برة في الحوش ، لقت في تلاتة رجال و

معاهم مصعب ، راجل ماسك سلمى و واحد تاني ماسك

نهى ، و أي واحد ماسك سكينو ......... و في اللحظة دي

سمر ما قدرت تستوعب حاجة .

سمر : في في شنو؟؟؟؟ و إنتو منو؟؟؟؟؟

مصعب : يا إما تجي معانا بسكوت ....... يا إما أمك و

المعاها يكونو في خبر كان .......... أها إختاري ..

سمر : إنت متخلف و لا شنو؟ فكوهم فكوهم يا كلاب

مصعب : جاية معانا و لااااااااا يموتوا؟؟؟

هنا في اللحظة دي سمر إستسلمت و حست بضعف 💔

سمر : خلاص جاية 💔💔💔💔

صلحت طرحتها كويس أصلا ما لحقت تغير عبايتها المشت

بيها المطعم .

مصعب : يلا تعالي ..

مشت خطوتين و هي بتحمر ليهو 💔😡

سلمى : لا ، لا يا سمر ، ما تمشي ما تمشي معاهم

لااااااااااا .

الراجل الماسك سلمى سكتها بيدو و طااااااخ و قعها في

الأرض بكل قوتو، هنا سمر صرخت : أمي ما تعملو ليها

حاجة .

في اللحظة دي مصعب مسك سمر من يدها

فكت يدها منو و حمرت ليهو 💔 ، المهم طلعت من

البيت و هم متجهين على العربية ، فجأة هي جات واقعة

في الأرض . الراجل المع مصعب رفعها و ركبها العربية بي

ورا و هو ركب مع مصعب قدام ...

مصعب كان سايق بكل هدوء ، بعد نص ساعة وقف عشان

يعبي بنزين ، و دا كلو و سمر غمرانة ..

و في نفس المحطة كان في زول مراقب عربية مصعب

بإستغراب و قال في نفسو : سمر؟؟؟؟ أكيد في شي غلط

🏻✋

ركب عربيتو السودا و إتحرك بى وراهم ... و الزول هو

فهد ..

كان سايق بى وراهم عايز يعرف ماشين وين ، مصعب

لاحظ لى إنو العربية السوداء دي من قبيل بى وراهو و

لاحظ لى إنو الزول السايقها كان مغطي خشمو و أنفو بى

شال عشان كدة ما قدر يتعرف على ملامح وشو ، عرف إنو

الزول دا لاحقهم و الوقت داك كانت الساعة 8 مسا .

مصعب زاد السرعة شديد و إتحرك مرة يمشي يمين و مرة

شمال ، بعداك فات فهد و لف شمال .. فهد لمن لف زيو

شمال لقى عربية مصعب واقفة قدام بيت .

طوالي نزل و باب البيت كان مفتوح دخل على طول و بقى

يفتش و ينادي .💔

و في الوقت داك مصعب كان شايل سمر و ركبوا ليهم

عربية تانية ، و سواقها كان أشرف عم سمر ....

يتبع ....