الجزء 4

-‏( لمن سألتو السؤال دا كانت متأكدة إنو مصعب و لدو لأنو

كان بيشبهو شديد ‏)

سمر : يلا أنا أستأذنك بعد دا ..

دكتور حسين : اتفضلي ..

و هي ماشة في الممر كانت بتبكي بدون صوت 😔😭 ،

فجأة طلع دكتور فهد من غرفة كدا ، جا سلم عليها و شاف

عيونها كان واضح إنو هي كانت بتبكي ..

فهد : عندك زول مريض هنا ولا حاجة ؟؟ !

سمر : لا💔

فهد : طيب ممكن تتفضلي معاي؟؟

دخلت مكتبو و قعدت فيالكرسي و قعد قصادها ..

فهد : في حاجة !! لى بتبكي ؟؟؟

سمر مسحت دموعها : كل الحصل إنو دكتور حسين .... ‏( و

حكت ليهو الحصل ‏)

فهد : لاا حول ولا قوة إلا بالله . ‏( و سمر بقت تبكي زيادة ‏)

شال منديل و أداها .

فهد : ما تبكي . بس معقولة الطاهر يعمل كدا؟؟ الموضوع

دا كبير ..

سمر : و لى يعمل كدا أساسا !!!؟ أنا بكرهو و بكره ولدو

زاتو ..

فهد : ولدو ؟؟

سمر : تتذكر الولد الهرشتو يوم داك بس دا ياهو ولدو 💔

فهد : ايوااا دا بالله ولدو؟؟ تشربي حاجة؟

سمر : لا شكرا يلا مع السلامة أمي بعد دا ح تقلق ..

طلعت منالمكتب و قفلت الباب بوراها اتلفتت كدا لقت

دكتور الطاهر في وشها .

دكتور الطاهر : اووووو عروسنا سمر أخبارك؟؟ ‏(طبعا هي

جمدت مكانا ‏)

سمر : ع ع عروس كيف يعني؟؟

الطاهر : هو بيتك قرب يجهز و ما عارفة روحك عروس؟؟ .

‏(بخباثة ‏)

سمر : أنا ما عايزة أعرس ولدك دا شوف ليهو بت غيري ✋

💔🏻✋🏻

الطاهر : أبوك الله يرحمه قبل ما يموت و صاني عليك و

قال لي بتي دي ما حتلاقي أحسنمن ولدك و عمك موافق

تاني في شنو ؟؟

سمر : في انا ، انا ما موافقة . و انت كذاااااب أبوي ما

قال كدة بالعكس كان بحذرني من ولدك 🏻✋😒.

‏( مسكها من حنكها بقوة ‏)

الطاهر : أنا كذااب ؟؟ تقولي علي كذاب؟

‏( فهد كان سامع كل شي و طوالي مرق عليهم ‏)

فكا سمر من الطاهر ..

سمر : أيوة كذاب ، و قول لى ولدك أحلم إنك تعرسني و ما

بالغصب و على كيفي 😑💔🏻✋

الطاهر : انشوف ..

سمر ركبت عربيتها و مشت البيت و كلمت أمها ..

سلمى : مقتول؟؟ 😭😔😱

سمر : أيوة و ‏( حكت ليها ‏)

وبقو يبكو لمسافة كدا ، و بعدها دخلوا المطبخ و عملوا

غدا و بدوا يتغدوا ..

سمر : أمي انت صحي عمي أشرف وافق اني اتزوج

مصعب؟؟

‏( سلمى عاينت ليها باستغراب (🤨

سلمى : أشرف ؟ زواج؟ مصعب ؟ دا شنو دا فهميني .

سمر حكت ليها إنو لاقت الطاهر و كدا

سلمى : أبوك قبل ما يموت كان بقول لي انو مصعب دا

جنو سكر و ما نصيح و قليل أدب 🏻✋

سمر : أصلا .

سلمى : بس متين يجي تعيس الحظ زي ما بقول أبوك ..

سمر ابتسمت ابتسامة مكسورة 🥺😔

* قبل ما يموت خالد باسبوع :

دكتور الطاهر : والله يا خالد ولدي مصعب قال داير بتك ،

و غير بتك قال ما عايز نهائي ، ما شايف غيرها 😅

خالد : معليش 🏻✋ ما بشرفني أزوج بتي لى ولد جنو

سكر و صياع و قلة أدب .

الطاهر : شنو؟؟

خالد : على ما أعتقد كلامي واااضح .

الطاهر : ح تندم يا خالد ح تندم 😠😠

خالد : ما ح أندم 🏻✋🏻✋

الطاهر مشا و هو غضبان شديد ...

‏( الطاهر و خالد دايما بكونو على خلاف ‏)

* نرجع لى واقعنا :

فهد : اتفضلي ..

رانية : يزيد فضلك 🖤💜 ، عاين انا دايرة لي 4

مليون عشان أجهز لعرس بت خالة أمي .

فهد : دايرة حاجة تانية ؟؟

رانية : حبيبي انت لى بقيت ما بتطلعني و كدا😩؟؟

فهد : مشغول 💔.

رانية : مشغول بى غيري؟؟ 💔🥺

فهد : يااااااااالله ، رانية ممكن طلب؟؟؟

رانية : اطلب😕

فهد : ما تمعطيني ..🏻✋🏻✋

يتبع ....