الجزء 20

سماح : افتكر السؤال واضح يا حامد ، هل كان في بينك و بين جميلة علاقة !؟

حامد : ايوا كان في ، و ما اتفقنا ، عشان كدة سبنا بعض

رامي اتفاجاة : 😳

سماح : بالله !!! ، يعني ما عشان انت قلت ليها انو امك رافضة تتزوج من غريبة !!

حامد بقى يتمتم : اااااناااا ااااا ، انتي الوراكي منو !!

رامي : 😳😳 دا كلام شنو دا

سماح : جميلة لمن عرفت انو خطوبتك بكرة ، انهارت من البكاء و خاصة لمن عرفت انو البت الحتعرسها غريبة ، و كلمتني بكل حاجة 😠

سماح حكت ليهم الكلام القالتو جميلة

رامي : 😳لا حول و لا قوة الا بالله ، مسكينة يا جميلة

حامد : الزواج ما بالغصب يا سماح !

رامي : انت الغلطان يا حامد ، انت من الاول لو ما واثق من نفسك ليه تقول عايزها

حامد : 😡 انت بالذات ما تتكلم في الموضوع دا ، لانك سبب اساسي في اني اسيبها

رامي : 😳 اناااااا !؟

حامد : ايوا انت ، نسيت لمن جميلة جات الشغل هنا لاول مرة و انت جيتني في المكتب و قعدت تضحك في شكلها و تقول لي شينة

رامي : انت لو كنت بتحبها بالجد ، كلامي ما باثر فيك و لا بغير رائك منها ، عارف اني غلطت لمن ضحكت فيها ، لكن بعد عرفتها و اتعاملت منها لقيتها اجمل بكتييير من البنات التانيات و جمال روحها غطى على شكلها الخارجي

حامد : بطل كلام الحكم دا 😒 ، هسي لو قلت ليك اتزوجها بتعرسها بي شكلها دا !!؟😒😒

سماح بقت تكورك : اسكتوووو مافي داعي للنقاش ، انت غلطان و اتاكد يا حامد انو لو لفيت الدنيا دي ما حتلقى ضفر جميلة لانها جميلة من جواها و بتحبك بصدق

حامد : كويس انو هي عرفت ، عشان تنساني ، و انا ما عندي ليها حاجة 😏

سماح : حسبي الله و نعم الوكيل ،، خايفة تندم يوم انك فرطت فيها

حامد : ههههههه اندم قال ، انا مستحيل اندم لانو لقيت الاجمل منها بكتير

سماح : سبحان الله !!! ، انا ما حأرد ليك يا حامد ،، ربنا شاهد و هو الحينصف المظلوم

حامد : هههههههه سلام انا ماشي

سماح : اقيف لو سمحت لان جميلة عايزة اجازة يا حامد و رامي

حامد : انا شايف انو نرفدها احسن ، لانو يمكن تعمل لي مشاكل مع مرام 😒

رامي : نعم نعم 😳، جميلة ما حتخلي الشغل يا حامد و ما تنسى اني شريك معاك في المكتب دا 😠

حامد : انت عايز تخسر صحبك عشان بت !!!

رامي : انا ندمان انو عندي صاحب زيك ، بلعب بمشاعر البنات و خاصة واحدة زي جمييلة

حامد : ههههههه من متين الكلام دا ،، انا لمن سالتك لو عرفت واحدة في الفيس و لقيتها شينة ، حتعمل شنو ،، مش انت قلت انك حتقفل تلفونك منها ، انا احسن منك لاني ما عملت كدة 😒

رامي : ايوا انا قلت كدة ، لكن انا اتغيرت بعد عرفت جميلة و بقيت انسان افضل ، لانها بتجبر اي زول يحترمها و ما كنت حالعب بمشاعرها

حامد : انا ما لعبت بمشاعرها ، انا كنت بحبها والله ، لكن بعد شفتها

رامي قاطعو : بعد شفتها لقيتها شينة و الحب طار مش !!!

حامد : الجمال مهم يا رامي

رامي : جميلة اجمل بكتييير من جواها

حامد : عايز تخليها خليها في الشغل ، لكن لو هي عملت لي مشكلة ، ما بحصل طيب و خت الكلام دا في راسك يا رامي 😡

حامد طلع طوالي مشى على بيتهم

رامي : هسي جميلة كيف !!؟

سماح : اتصلت عليها ، تلفونها مقفول 😔

رامي : رايك شنو ، بكرة الصباح نمشي نزورها

سماح : كويس ، فكرة كويسة ، هي اكييد بتكون محتاجة لينا نخفف عنها 😔

رامي : كويس ، انا الصباح بمر عليك ، بسووق عربية ابوي و بغشاك

سماح : كويس في انتظارك

حامد وصل البيت معصب من الحصل و زعلان من رامي لانو فكر يخسرو عشان جميلة : كويس يا رامي ، عايز تخسرني انا عشان البت دي 😡

جميلة طول الليل بتبكي و بتستغفر و بتدعي ربنا يخفف عنها

اصبح الصباح حامد و اسرتو بجهزو للخطوبة ،، مرام و اسرتها كمان بجهزو لاستقبال اهل حامد ، مرام طلعت الصباح مشت الكوفير و رسمت

اما جميلة ما كانت بتاكل خالص

خديجة : يا بتي مالك عايزة تقلقيني عليك ، اكلي حاجة ، انتي بالليل ما اتعشيتي و نمتي من دون عشاء ، حتى شاي الصباح ما عايزة تشربيهو 😥

جميلة : و الله ما قادرة اكل يا امي ، ما عندي نفس 😔

خديجة : لا حول و لا قوة الا بالله ، خلاص البسي عشان اوديك الدكتور ، يمكن عندك ملاريا

جميلة : انا كويسة يا امي

خديجة : طيب اشربي العصير دا

جميلة شربت العصيير غصب عشان ما تقلق امها

في الجانب الاخر رامي قابل سماح و مشو اشترو فواكه و اتجهو على بيت جميلة ، وصلو البيت و دقو الباب ، خديجة فتحت ليهم الباب

سماح : السلام عليكم خالتو

خديجة : و عليكم السلام

سماح : جميلة موجودة

خديجة : اي اتفضلي اتفضلي

سماح : معاي زول اتفضل ،، نحن زملاء جميلة في الشغل ، جينا نطمن عليها

خديجة : البت من امس ما اكلت حاجة ،، بس نائمة و بتبكي و تقول صداع 😥😥 ، حتى رافضة تمشي الدكتور

رامي : ما تخافي عليها ، هسي حنخليها تاكل 😊

سماح و رامي مدو لي ام جميلة كيس الفواكه و دخلو ، خديجة دخلتهم في البرندة و مشت تنادي جميلة

خديجة : جميلة زملاءك في الشغل جوو

جميلة : منو !؟

خديجة : ما سألتهم من اساميهم لكن بت وولد ،،شكلو الولد حامد 😁

جميلة : حامد 😍 ، بقت تقول في نفسها : شكلو عامل فيني مقلب هو و سماح و جايي يخطبني انا 😍 و نفسياتها اتصلحت 180 درجة

جميلة لبست توبها و غسلت وشها و عملت بدرة و كحل و جرت على البرندة عشان تشوف حامد 😍و دخلت لقتهم رامي و سماح و نفسياتها تاني رجعت اسوا بي 360 درجة 😔

جميلة : رامي 😥😥